沙嗲王 (MPM文華商場) (已搬遷) 新店位置

沙嗲王係幾年前其實都仲幾common，聽到佢個名就會諗起白咖喱豬排飯，沙嗲粉絲乜乜乜。 好耐無食所以就搵左呢日去回味一下。二人行：1. 白咖喱豬排飯2. 沙嗲粉絲牛肉1. 一如既往個味都係好好食，只係塊豬排漿好似唔同左同埋細塊左2.沙嗲先係最吸引既，因為可以自選湯 粉 餸，就變為最適合既野食，由於太好食，所以無影到。沙嗲王另一特色係會送優惠券同XO醬，優惠卷仲要無限用幾多張。

系旺角整完野，又系時間諗去邊到食同食啲咩啦簡簡單單甘食個白咖哩豬扒飯都呀仲有加左個炸小饅頭同奶油石鍋娃娃菜5粒炸小饅頭，仲有煉奶嫁香口的表面，而裡面就軟軟嘅，再配上甜甜的好味熱辣辣，滋滋聲嘅石鍋，仲有煙肉嫁淡淡奶油味，幾香白咖哩呀，次次都覺得豬扒唔算好大舊而且味道真系幾特别

蟹粉豆腐鍋係沙嗲王名物，70蚊左右食到熱辣辣jaja聲嘅蟹粉鍋仲想點，山水滑豆腐上面舖咗兩匙羹蟹肉，淋上一堆蟹黃，應該仲有蛋黃喇，個汁就幾有蟹味，但堆蟹肉我個人覺得麻麻地有啲梅頭幾啖會覺得好正，食多陣就會覺得有啲鹹，送飯就最啱，不過我鐘意薄餅多啲🥰石鍋奶油娃娃菜($51) 發現沙嗲王好多嘢食都用石頭鍋上，唔知咁係咪香港人特別鐘意呢種新鮮滾熱辣，之前幾次食到辣親個嘴，今次小心咗但都差啲瀨嘢🙃食咗3,4個字，佢仲係有煙出😦😮😮😦不過呢個菜真係幾油，咁無辦法架喎，奶油娃娃菜嘛我又駁佢唔到，再加上有煙肉係入面，呢個係一個好肥嘅蔬菜，減肥要食喔😘食滿每$20就回贈$2，即係免翻個加一，都係聰明嘅，客人會因為呢樣嘢回頭去食，幾蚊幾蚊唔用又嘥，但唔會諗吓呢間嘢本身嘅服務就唔應收加一，羊毛出自羊身上啊親🤗

咖喱王嘅主色大家食得多，可能次次都係叫自己食開果d。我就鍾意白咖喱豬扒飯同鹹蛋蟹黃豆腐煲。叫二人套餐仲有雪糕送。不過今次想介紹下個雞翼：每隻都炸得好脆，入面雞肉好嫩滑。上面嘅蜜糖芥末汁好不錯！同雞翼好夾，好好味！

沙嗲王啲野食基本上樣樣都好食今次一行四人，叫咗四個主菜，三個小食。今日夜晚7點幾去都唔洗等位，好鬆動。首先，一定要食白咖哩豬排飯！啲白咖哩汁係好香好鮮，豬排都煮得啱啱好，份量一定唔會少！今次叫咗兩個豬排飯！另外，肥牛沙嗲拉麵都好好食，個重點又係個沙嗲湯，同肥牛係絕配。雖然好多油，但食一次半次都得既仲有蟹籽豆腐石頭鍋飯，正常發揮，口味獨特，擺入口熱辣辣小食方面，好似有個蜜糖芥末雞翼，可惜個醬一般，酸酸甜甜，但唔夠惹味，可以skip。有個椒鹽炸豆腐，正常。越式炸春卷，正常，夠新鮮埋單食咗440蚊左右總結: 白咖哩豬排飯完勝！

間唔中想食平價晚餐，沙爹王都算係性價比中嘅選擇👍🏻記得以前成日食白咖哩豚肉飯，好好味！但自從轉左menu少食左今次選擇左1. 黃咖哩香茅豬扒粒撈烏冬佢係成個menu唯一嘅撈烏冬，所以就叫左黎食，汁好夠，豬扒粒又多2. 蟹炒豆腐鍋飯呢個飯真係好好送飯同埋蟹肉好多好足料3. 黃金鹹蛋黃軟殼蟹無諗到炸完都可以啖啖肉，唔會得鹹蛋黃粉4. 芒果西米最後飲埋杯芒果西米就真係好match！好解渴同消暑！👍🏻👍🏻👍🏻👍🏻

小時候這家餐廳好流行但近幾年比較小人吃，經過試試它有沒有進步。中午時間不是太多人，多了很多款式的美食，看到白咖哩香矛豬扒飯是皇牌所以點了這款，再加配青蘋果啫哩紅茶一上菜已看到豬扒炸得剛剛好，而且散發出很出的香矛味！白咖哩汁是甜咖哩，很適合小朋友吃。

［白咖哩豬扒飯］$62又再一次食沙嗲王，唔少得就係呢到嘅皇牌之選 — 白咖哩豬扒飯啦！呢個飯嘅重點唔係豬扒，而係個汁！個汁真係好香，又好惹味，而且又夠多，送曬成碗飯都仲有剩👍🏻豬扒就正正常常啦，比較淋身，但係就太炸了，食完真係要飲返約杯水

呢間分店，係我去過幾間沙嗲王之中最舒服，人雖然多，但唔算嘈，坐得舒服，裝修比較新淨，如果約人去沙嗲王我多數約呢間😋除左白咖哩豬扒飯之外，我最鍾意就係蟹粉豆腐鍋，拎出黎果陣仲係滾住出黎，未試過嘅朋友不妨試下😋

7月10日我正日牛一！呢餐係我SoHa仔請我食既生日飯，但因佢都未正式出黎社會賺錢，身為12孝媽媽，我邊捨得大大刀【劏死牛】呀？唯有食番平靚正既沙嗲王啦！大家食得開心，呀仔又唔會肉赤。唔好以為生日大晒就唔洗返工呀！發夢無咁早！特別係我做果行，生日更加要返工番去逗生日利是添……近5-6次我同呀仔鐘意食呢間沙嗲王，因為餐館位置比女人街果間更就腳，既然兩間食物品質都一樣，當然要選擇方便自己架啦！兩個人例牌一人點一個餐，撞岩呢期有新主題推出，一於試吓有咩唔同先……我幫呀仔點左Jacky款【菠菜白咖喱豬扒飯】配【朱古力沙冰】，我自己點小醜【肉醬雞扒飯】配【荔枝特飲】，另外再點【煙肉沙律】【雞軟骨】【軟殼蟹】呢幾款例牌小食，咁樣就夠食了！個小醜係我自己貼上去既🤪今餐生日飯，原本呀仔請食我點敢彈3彈4丫？大部分既食物都保持一貫好水準，唯獨今次我飲果杯荔枝特飲真係超級難飲，荔枝唔夠荔枝味，明明有梳打成份，都覺得梳打走晒氣，食咁多次，我未試過一杯飲品係我飲左一啖就放棄……其他野食就無得彈👍我自己好欣賞個溫泉蛋沙律，宜家食親沙嗲王都必定會點，呀仔就永遠要食軟殼蟹同雞軟骨，呢餐三佰零數埋單擺明錫住呀仔啦🤣🤣

出開旺角，唔知食乜好又唔想排隊，決定黎食好耐冇食過嘅沙嗲王首先黎度嘅係沙嗲肥牛粉絲，但係我同朋友搵哂成碗野都冇肥牛，同侍應講佢就成碗拎返入去加返d肥牛俾我地，粉絲索哂個沙嗲湯底，好入味跟住就有炸雞翼，但係我覺得粉漿太厚，薄d會好味d，然後仲有白咖哩豬扒飯，白咖哩汁唔辣，好香，豬扒有三大塊，煮得啱啱好，我地仲加左個脆蝦棒，但係入面唔係好多蝦，皮多過餡見到menu發現原來沙嗲王都有炸饅頭，咁就叫左一碟，有五個，份量好多，平時去茶樓都係得三個，炸饅頭配煉奶，d童年回憶返哂黎，以後去沙嗲王又多樣必嗌之選

是日放假，老公例牌要出朗豪坊做gym，問我食乜好喎，近近地不如就沙嗲王啦!我地都成日去沙嗲王嫁，好懷念佢以前仲好似海盜船咁既裝修，宜家就係動漫主題咁，宜家沙嗲王就好似一間特式茶餐廳咁。但係食物好食價錢又扺，所以我地長期捧場。環境，呢間係大間，座位都寛鬆唔會好逼。服務，侍應都係呀姨，見格離枱又落錯野又催好多次單，不過我地就冇咁既問題，一般啦。招牌白咖哩，熱辣辣加15蚊小食，脆蝦捧，蝦係熱，不過個皮就唔脆 ，唔推介，今日係口痕先想食老公至愛雞扒飯，擺試枱果陣出晒煙熱辣辣加15蚊雞翼我本人就冇試啦，老公評價係ok la，每次比錢都會有cash coupon比番下次用，限期好似大約係個半月至兩個月，今次今166蚊就有16蚊cash coupon，如果食150蚊就有15蚊 cash coupon咁計，等於次次打9折咁啦。

琴晚食左呢個二人餐 份量好多 真係要三個人先食得晒😂是日餐湯係周打蜆湯 不過就冇咩味 又稀 麻麻地主菜揀左芝士焗牛柳粒飯 芝士拉到絲！牛柳粒又淋 好食！另外食左白咖哩香茅豬排飯 豬排脆 個汁撈飯一流！蒜蓉牛油雞翼 又香又脆 每人兩隻真係唔夠喉！呢間分店夠大坐得舒服 可以再去!

行完街街就要醫肚啦，都成八點了，但呢間沙嗲王都仲要排隊我和男友都好專一咁點了兩個鐵款白咖哩豬扒飯及咖喱牛肩粉不過味道不像以前的好味，重要等左好耐都未來下次要試下其他分店先得

今晚出旺角 食沙爹王 平時都係食開白咖哩香茅豬扒飯今次食下新推出 咖哩豬扒撈烏冬豬扒粒好林咖哩好味 另外，叫左個炸蝦卷 同雞粒 新鮮炸起 唔錯唔錯！唯一就係 咖哩有啲濃 不過鐘意食嘅朋友 可以試下