沙嗲王 (已結業)

白咖喱豬扒飯--7 d 汁撈飯仲正！沙嗲牛肉粉絲--6 唔夠白咖喱豬扒飯好味船仔位好得意，女仔實鐘意！

父親節出街食飯，處處都貴，見到有沙嗲王就去試下。我點左白咖喱豬扒飯、豬肉粉卷、荔技綠茶，阿媽好飽只要左一個芋頭西米露。白咖喱豬扒飯唔辣，咖喱汁好香椰汁味，加埋洋蔥同青蔥，送飯好正。荔枝綠茶好驚喜，清香荔枝味，茶唔甜，凍凍地，好fresh。豬肉粉卷幾熱，但皮厚，味道唔太出，但阿媽勁鍾意個汁，話酸酸地開胃。芋頭西米露唔得，阿媽話唔夠甜，我就覺得個樣唔開胃。服務都幾好，我地早去可以坐浴盤，浴盤難入，但待應好好都會幫下，後尾我地想搬位，待應都好好人咁幫我地搬位，水斟得幾快，得可能我地好彩遇到好待應。但o的清潔唔得，一大隻指模印在匙羮上，我地要抹幾次才敢用。父親節處處加價，沙爹王亦收埋左個套餐優惠，但有人問時個待應竟然話個餐牌更新唔切所以冇餐食，好搞笑。最後八十蚊埋單，好合理。下次會試沙爹牛肉粉絲、蝦春卷或雞翼。

都好多年無黎食飯早幾晚朋友話想食黎左幫襯叫左沙嗲牛肉金邊粉,越南豬肉粉卷,焗蟹蓋,蟹肉扒西蘭花同紅豆冰沙嗲牛肉金邊粉～沙嗲汁有好香濃既花生醬味，配料有蔥花，牛肉同芽菜，金邊粉份量幾多，兩個人都分到大大碗，不過ｄ牛肉太肥喇，根本係肥牛，結果我全部都無食過，朋友都話應該改餐牌寫為肥牛會好d越南豬肉粉卷～叫左一客細既，有四件，粉皮幾厚身，包住一ｄ冬菇粒o個類雜菜，面頭放左豬肉鬆，味道可以，但如果面頭唔好掃咁多油會更好焗蟹蓋～以前食過記得唔錯，再食，仍然料足味道好，但好似細隻左，不過咁平算係咁啦蟹肉扒西蘭花～西蘭花新鮮，蟹肉份量都幾多，但應該係罐頭貨，不過竟然食到蟹殼碎，唔太鹹味道可以紅豆冰～侍應話飲品有半價，見到呢款突然記起好耐無飲過，以前好鍾意飲家嘛。紅豆淋得黎唔會爛晒，甜度適中，算係咁。但以連鎖快餐店黎講，美心既好味d喎！坐大浴盤都幾得意但出入比較麻煩侍應都算有禮貌又會提醒你出入要小心睇頭（因為佢門口個閘裝修緊）又無之前其他食家所講既問題但佢最大問題係小食選擇唔夠多黎多幾次一定會悶p.s.呢度係收加一架!

話說點完菜之後我同朋友再改,咁叫返之前同我地ORDER O既WAITRESS,當我地同佢講想改第二款菜個陣,佢態度極差話:「入左電腦啦喎, 無得改架喇!」真係好嬲, 咁服務態度?????????????

白咖喱豬扒飯係小弟的至愛, 單單是白咖喱汁也可以撈晒成碗飯, 另外推介芒果蟹肉炒飯, 芒果本身係甜的, 加上略苦的蟹肉就最好, 最初都係內子介紹我食, 點知真係冇介紹錯, 仲有炸蝦卷都幾好.仲有那些兩個人坐的大浴桶, 真係好正, 雖然出入難.價錢不過不失, 算係幾抵食.唯一要改善的, 是洗手間的衛生情況, 真係同茶餐廳的洗手間沒分別.

其實係男友話好食，帶我去的，我自己從未試過。論質素，覺得好普通，只是價錢便宜罷了。當晚點了XO醬炒蘿蔔糕、椒盬魷魚圈、海鮮金磚、咖喱三絲炒檬粉同士焗年糕。除了炒檬較好味，其他已沒其印象，不過千萬不要叫魷魚圈，炸到乾爭爭、又。順帶一提，男友話個焗年糕汁好飲緊茶餐廳的忌廉湯，而且芝士味不夠濃。

同另外三個同事去食lunch.叫了一客白咖哩豬扒飯(只係用汁撈飯都可以一碗)春卷、豬肉粉卷(同平時的差不多)脆豆腐(這個不錯,很脆)鳳爪(超少的,洋蔥還比鳳爪多)柑桔蜜(原全冇柑桔味,同飲檸蜜差不多)

今晚同男友0係度食,我叫個冬陰公牛肉金邊粉,佢要白咖哩豬扒飯,2個都係29蚊,另外叫0左個椒鹽炒蜆,25蚊,同一杯半價0既青蘋果雪香,半價後9蚊.個冬陰公牛好辣,但個味唔似冬陰公,似蕃茄辣湯多d,不過好大碗,29蚊都算抵食.個白咖哩豬扒飯比起以前食,我覺得辣0左d,唔知點解,可能舖頭唔同,師父手勢唔同啦.個椒鹽少蜆0既味道同賣相都唔錯,而杯青蘋果雪香雖然一杯,但9蚊又真係好抵.呢間舖0係旺角人流多又複雜0既地方,上到上面,地方叫大,d位几特別,但好窄,好難坐入去...今日我shopping完買0左几袋,都搵唔到地方放..好很狼狽...

最近食過，D 衞生情況唔惦，坐低時所給的碗內還有三粒飯粒，湯匙有飯粒及有黑色塵埃，湯匙換了第三次先OK, 店內服務員態度惡劣，如果唔想做，就唔好浪費時間，留番個位比有需要的人。

最近去呢間沙嗲王, 入到去... 真係感覺很有趣, 特別係d坐位, 唔再死板板, 竟然整左d2人坐位係坐木製的浴盆, 很有趣... 情侶坐入去... 好有鴛鴦戲水既feel ... 最後我和friend 揀了坐馬車的車轆位, 環境就暗dd... 夜晚都算唔錯, 但下午就......... 無需要囉... 其實它整到甘暗係因為它的牆身裝修實在批擋得太差, 如果太光, d瑕疵出晒黎.好啦... 講到野食... 都和以往差不多, 但d小食價錢就得番很少20.00 以下小食... 有d重貴到成40.00 ...... 真係食落都唔平...沙嗲水準保持, 但出菜實在慢, 可能係漏單....

荃灣近千色店開了新店,內部裝修頗得意.Please add in your database.

呢家轉左做主題餐廳，有戰車椅，用古代裝修，唯一不滿係餐牌無乜大變。

d汁實在令人回味!正到令人難忘!!雖然服務一般~但果d係亞嬸~難免!

今晚去沙爹王, 本來都唔係食火鍋, 但最近在報紙剪到優惠卷, 買一份火鍋就送一份同價, 份量都好足夠, 清湯唔駛加錢, 沙嗲湯底就要加$15.00....."金菰肥牛窩""竹筒墨魚膠窩""竹筒牛肉窩"每個只係$38.00......"海鮮窩"就要$58.00.......由於有優惠卷......2人去食, 就等如買一送一......"竹筒墨魚膠" + "金菰肥牛窩" =$38.00, 要1個沙嗲湯底$15.00...... 啤酒$13.00 ...加埋一= $72.60.......食到飽飽...超抵!!它還有其他散叫火鍋料, 套餐唔夠可以再加....幾蚊起~但其實個份套餐火鍋都幾大份...."金菰肥牛窩"..除基本肥牛和金菰外...還有配上蘿蔔,菜....和粉絲......食完仲送豆腐花做甜品添~^^

到香茅豬扒飯好正！小食都好味道！冇咩唔滿意。幾好！