沙嗲王 (已結業)

咁多年來, 我耐不耐都會去食沙嗲王, 而必食的就係沙嗲豬扒粉絲, 不過近來發覺佢的湯底變得差了, 非常"結", 同埋粉絲的質感都變得粗了, 我最愛是越南式的粉面, 希望佢地會改善一下啦.

去旺角唱完K後，又要開飯啦!雞軟骨- 成日叫的，即叫即炸，幾好味. 避風塘軟殼蟹- 比想像的好味，濃味香口，軟殼蟹算新鮮. 沙嗲牛肉粉絲- 沙嗲湯底夠濃，牛肉OK. 蛋包飯- 賣相OK但味道一般.

today I go to this place with my boy friend, we order various food.It seems that everything is verygood, but the service was so bad and the place is very narrowl.overall, it is a good place for eating but not for dating.

補完習，ｌｕｎｃｈ冇著落，黎買個外賣返去食算。要左招牌白咖喱豬扒飯：一打開已經聞到好香，食落更加冇得頂，白咖喱好滑，冇咩椰汁味，唔膩，幾好，而豬扒好香香茅味，仲有肉汁，同白咖喱好夾，飯係硬飯，岩我口味，食到唔停口。服務要扣分，ｏｒｄｅｒ後等左近廿分鐘都冇得攞，見住遲過我黎既人都食緊，坐左咁耐都冇侍應主動問過，最後要催單先有。

上星期日同女朋友去旺角行街, 到咗下午, 諗住是但搵d嘢食, 之後趕住睇戲, 所以就去咗沙嗲皇食嘢. 一入到去, 餐廳無咩人, 但都無待應理我地, 我只好行去叫其中一個待應, 之後佢帶咗我地坐低. 到我地叫嘢食時, 都係叫咗好耐先有人幫我地低order. 等咗10mins, 我個飯嚟咗, 我開始食, 但我個女朋友嘅牛肉河仲未嚟. 等到我差不多食完我份餐, 我女朋友嘅牛肉河都仲係未嚟, 我再問待應, 佢好無禮貌咁講等多陣啦!)但前後我地已經等咗大約半個鐘. 等多五分鐘, 我女朋友話唔等, 要走, 因為要趕住睇戲, 佢地先攞碗麵嚟. 我地一見到碗麵, 嚇咗一跳, 成碗麵都係油, 一層好厚嚟油起面, 我叫我女朋友唔好食, 想問吓d待應, 我地要牛肉河, 唔係油浸牛肉河, 我女朋友話算. 之後我地無食到碗"油浸牛肉河". 埋單時, 我地一蚊tips都無俾, 因為服務同食物都太差勁, 真係俾錢都唔再嚟食.

不時去食觀塘+旺角呢間去食其實可能大家都可能知道,基本上大部分食物都係用微波爐番熱,所以間間都差不多,所以大部分有好多好多微波爐,不過食物,又係幾好食今次見有幾張卷成$24,於是一個人去食,不好浪費上去時,無咩人0既,咁見有晚餐\都係$62,就叫了芒果抄海鮮飯,一上枱,好食,好入味,芒果甜得來又好夾,份量都多,d飯入味,蝦又大隻,不過因我唔食得蝦,浪費了小食係釀螺,得2件,好少,原來有豬肉......不過都好食如果要不滿,咁個甜品真係好有問題,完全係街邊士多d平價印尼,糖精味極濃,豪無誠意,不如唔好加!我覺得小吃真係分量太少啦,根本唔飽同埋越來越貴,已經唔係以前一種好抵食的感覺不過我都係推薦$12個小龍蝦湯,好creamy,甜甜地,又好飲,雖然加左$3,但都係好平,不過我後來上大陸發現,.呢d小龍蝦其實一d都唔貴,係小販賣食物同芝士茄汁dumping$24,抵食+好食+飽肚,食晚有呢d餸最好~d阿姐係廚房要叫口號,好搞笑~

早兩個星期我同兩個ｆｄ去呢到食野啦．我地一路都好鐘意去ｓａｔａｙ　ｋｉｎｇ到食飯既．今次唔知係咪因為係晚上９點到啦．定唔知係咪真係唔夠人啦．我地入到去見到好多位啦．問個個女人佢話無曬卡位ｗｏ．都唔緊要咁我地見到有一卡位埋緊單啦咁我就話我等呢張丫．我地即刻行埋一邊咪左住人啦．個個女人（好似係個樓面最大個個掛）勁大聲叫我地要等位就出去等．咁咪行囉．點知一行就比我個朋友見到入邊有張卡位ｗｏ．咁緊係即坐啦．一坐低叫野啦叫左好多好多咁一路食一路吹水．唔覺唔覺好似就食完咁．原來我個ｆｄ杯野飲都未黎ｗｏ．仲有個冰蝦同埋芝士焗一口貝仲未到．但係呢兩個野係我地一坐低就叫架啦．追左兩次啦都未黎．但係問佢地既時候佢地題會答你一句：哦．．黎緊架啦．等多一陣啦．咁樣囉係．但係係無人問我地仲有咩未黎囉．到佢地ｌａｓｔ　ｃａｌｌ個陣有個女人個黎話ｌａｓｔ　ｃａｌｌ啦仲有無野叫啦．我就同佢講話無架啦不過．．．．．．佢就話我知架啦．跟緊架啦咁你仲有無野加呢．．再等多一陣都係未黎我就叫個女仔叫佢地個主任過黎啦．等佢行過黎都要５分鐘ｗｏ．都無黎到．我地按木台上邊個個結帳佢先拎住我個ｆｄ叫個杯青ｏ梳打行過黎囉．問佢點解仲未黎

尋晚差不多九點半先o黎到,竟然還要等位,我們選擇搭檯,所以即刻有位,點了個套餐($42),選擇了白咖哩豬扒飯,小食選了越南豬肉粉卷,這個套餐還包括$13以下飲品一杯&甜品。白咖哩豬扒飯~ 白咖哩汁好香滑配飯一齊食,正正正! 豬扒有香茅又係好好味!越南豬肉粉卷~ 粉卷上面d豬肉鬆好好味!但件粉卷很油!甜品~ 除了夠凍之外,見不到有好味o既存在,因為只有芒果藥水味&過甜!令外點了一個芝士焗什菌~ 上面層芝士好好味!裡面有新鮮冬菇&蘑菇

每一次o黎呢度食，都一定叫白咖哩豬扖飯同埋香芒海鮮炒飯，今次都唔例外，依然覺得好好食！小食要左脆豆腐同埋脆蟹拑，一般啦！另外再要左半打燒多春魚，都幾好．．．飲品（茱香珍珠）都係一般啦（一向都覺得沙嗲王ｏ既飲品麻麻地）．餐跟埋甜品，呢個可以不吃．不過總括來講，都係食得開心ｏ既一餐！

為食日子:9月14日~ 晚上約7時為食人數:2隻為食價目:約100 蚊為食餐單:沙嗲雞扒飯$33 (照舊, 但加哂價)香草白汁龍俐焗飯$4X今次去呢間沙嗲王, 沙嗲雞扒飯有平日一向的水準, 不過D野已經加哂價~~因為早去, 所以唔洗等即有位, 但食完走果時見D人已經要等位..今日服務非常麻麻, 因為按左機都冇人黎服務...

星期日去既我....同家人, 總共3人多人到要企係出面等,但出面真係好熱上面重要裝修緊,等重要等左勁耐下...熱到丫...當時好想去第二間沙嗲王不過見個number 就到所以就冇走到但都大約等左45分鐘至一個鐘!入到去..重要搭檯! 問我地介唔介意有得介意咩? 介意就要再等過!我黎食飯嫁,唔係黎焗到成身汗!坐低左後, 發覺真係好煩因為搭檯, 隔黎果個人我唔識當佢想出去去toilet 果d,我要成個人起身俾佢出又出又入, 確實係影響到我跟住後面,同埋隔黎檯,兩檯都成十個人兩邊都嘈喧巴閉,好似係度慶祝生日搞到我隻耳仔鬼死咁痛,環境係幾靚ge,但係咁嘈,扣到0分囉!講d野食又真係幾多款同幾好食ge,同屋企人叫左5 - 7 個菜式,圍返每人$70 , 都ok抵ge ~但係咁既環境,我唔會再去囉~另外,佢個餐牌果度有得禁制叫服務,幾先進但可惜,員工不足,做野唔夠快

今日黎呢度食tea因為有coupon,就黎deadline要用左佢喇!本身諗住食個白咖哩豬排米線<$17>,但係都係試下佢個算容包<$18>包一杯13蚊既野飲~個包都幾香幾好食,熱熱地^^叫左珍珠奶茶加左差價<$5>,叫左少甜不過仍然好甜>.<d珠都幾好趙!!!!!overall,佢個tea都係一般抵,好彩有coupon,不過都係自己計清楚個amount,因為比左張10蚊coupon佢,佢forget左扣呀~~~~~

雖然去到等左陣位，都係抵架!!^^我地食左1. 白咖喱豬排飯2. 炸豆腐3. 雞軟骨4. 冬陰公湯白咖喱豬排飯真係好好食呀～個豬排又有香芧味，又煮到岩岩好....very good!唸起都好想食多次呀!豆腐好滑，又唔會覺得好淡!正!雞軟骨都差少少，食左覺得有ｄ”濟”，好似油左少少!冬陰公湯酸酸辣辣,好開胃．入面仲有大蝦，青口，都幾抵食!!ｄ人既service幾好,而且亦好方便~按下台上面ｄ制就會有人過黎!想傾下計都ｏｋ!

之前同男朋友去試沙嗲王..因為佢一直比我既錯覺係只係食沙嗲..所以冇黎過..因為果日落雨..門口個姨姨好好..拎左個膠袋比我地裝全d 濕既umbrella..2個人就可以坐木船..架木船好得意..好似去左自己既小天地咁..原來有好多野食..但我地去果陣岩岩有下午茶..下午茶好抵tim, $ 19 左右就可以要個面.. 仲可以用半價飲佢d 特飲tim..我地叫左一個白咖哩豬排金邊粉..同埋沙嗲炸魚檬粉.另外再叫多個炸蝦棒同埋荔枝玉露..嘩..白咖哩個湯真係好正..好燶,好香,我好鍾意..沙嗲果個都好好,不過太燶了..如果要食哂成碗都係呢d湯...蝦棒相比d 面唔係好抵,可能全部都係肉...個蝦棒就顯得唔係好吸引lu ...個野飲幾好呀..好多果肉又有d ｊelly o係度..唔錯唔錯...總括黎講...呢餐幾滿意!

o岩o岩同老公&朋友們打完馬吊~又有小小肚餓~所以就黎左食啦=]4個人~本身想叫個小食~但係食完都飽哂@o@4個分別叫左....白咖哩肥牛檬粉白咖哩豬扒檬粉白咖哩豬扒金邊粉白咖哩烤魚柳金邊粉個湯底幾特別,幾香椰汁同埋香茅味不過傑傑地咁多個我覺得肥牛同埋魚柳最好食~叫左4杯飲品~lei道d飲品幾特別~底部係有d o者喱比你用飲管吸黎食幾好味~幅圖係白咖哩肥牛檬粉