沙嗲王 (錦薈坊)

营业中

休息中

同屋企人去開屯門，係大型商場想普通食個晚飯，決定試試有唔少分店既沙嗲王。🔴白咖哩香茅豬扒飯 $64招牌飯款，白咖哩濃郁椰香唔辣，送飯一流。豬扒好香香茅味，質地都處理得唔錯。🔴 沙嗲肩胛肥牛粉絲 $65叫得沙嗲王自然想試佢沙嗲，湯底飲落濃厚唔死咸。牛肉唔會太肥厚薄程度適中口感唔錯。粉絲索哂味，係令人幾回味既配搭。🔴沙嗲牛more王通菜 $54雖然都係沙嗲，但今次唔係湯而係經典沙嗲牛肉既掛汁，比沙嗲湯更濃郁，送通菜的確唔錯。🔴椒鹽脆豆腐 $34同酒樓質素差唔多，炸皮又脆又薄熱辣辣食好香口。🏠 沙嗲王📍 屯門屯隆街1號錦薈坊2樓201A號舖

好耐冇去食沙嗲王、見佢有乜嘢會員制度有coupon又掛住白咖喱汁再試下啦！首先我要講嘅係佢哋嘅員工應該好多都係新人、都唔緊要嘅每個人都有新入職嘅時候、但係其實個環境比較嘈同埋掛住傾偈有啲亂咁、都唔緊要～但係一個餐真係等咗好耐好耐有半個鐘先至有囉、唔止我一台其他璀出餐嘅聲音都有。希望出餐速度真係要認真改善啦。但係總括嚟講下午茶輕量白咖喱魚柳飯。真係超乎我嘅驚喜、白咖喱汁一如以往好食再配炸魚柳、好食好食😋！加上而家呢一排推行什麼消費券優惠、減$8、我個餐都只係40頭、所以最後我都係懷着一種美味滿足嘅心情而買單離開嘅。

今日食午餐經過沙嗲王，見佢餐牌有個鮮嫩魚片鍋推介。剛坐下，上Wi-Fi，然後網上點餐，我點了個午餐B一個主菜配一款飲品（$78）。我選了泰式鮮嫩魚片鍋配凍紅茶寒天飲品。 紅茶寒天凍飲🥤，我選擇少甜，紅茶寒天幾好飲，甜度適中，一粒粒寒天好像啫喱好好味。 可惜的是，泰式酸辣魚片鍋配白飯，湯底太酸又咸又濃味，喝了一啖已經不想喝下去，鈉質肯定嚴重超標。其次，魚片不彈牙，肉質較梅，沒有爽口彈牙的感覺，不太新鮮！而且，魚片的數量只不過十片左右，物無所值！下次就算幫襯，也不會再選擇這個魚片鍋，另外一款冬陰功魚片鍋我也不會嘗試！

打算來吃下午茶，入左去坐低找不到下午茶menu,原因係星期日沒有下午茶，我看漏了。既然坐下，都照叫食物醫肚。叫左個白咖喱豬扒湯烏冬，滑蛋沙牛飯。白咖啡是一直的味道，好香，但一定是好肥。個沙牛個汁好麻麻，我不太喜愛，餐飲配熱檸水同熱檸茶

招牌動作 白咖哩豬扒飯 加薄餅之後再叫左小食同一個面佢有2人餐 我同友人2個人本身想食個2人餐 不過諗諗吓散叫仲正份量好多 價錢又合理 好可惜佢尖沙咀間沙爹王汁左 希望佢之後會開返

認真唔好去，食材唔新鮮，食完第二日肚痛。個小食唔知想點，炸野一d都唔香，雞軟骨有一唓味，炸魷魚炸到硬哂。 黑椒焗牛肉飯黑椒汁辣到苦，d 飯比d汁淹住哂，所有野d味都同d汁一樣，仲要勁細份。個海鮮烏冬超淋，海鮮又雪到霉哂，餐牌寫冬蔭公湯，落單無冬蔭公湯底選擇，沙嗲湯底基本上無味。又貴又唔好食，同以前沙嗲王一d都唔似，食物選擇少。最後每樣都食唔哂，基本上浪費。大家樂都好食過佢。大家小心d唔好去。我以後都唔去，特別屯門呢間

晏左起身直接搵下午茶食，發現間間都排長龍，唔知係咪個個都訓得好晏，哈哈最後係沙嗲王食，叫左勁多野食當正餐，水準keep到，春卷炸得好脆，手抓餅又夠鬆，炸軟殼蟹好瘦無咩野食又乾左少少，整體OK

同媽咪慶祝母親節諗住屯門近近地費事落返荃灣沙嗲王，點知超級難食，從未食過如此難食嘅冬陰功米線。。都算！諗住頂多以後唔幫襯！叫左兩個二人餐叫佢哋上甜品先我哋講話唔好意思二人餐雪糕冇晒，你同收銀講攞返張單下次再嚟攞返個雪糕！難食到嘔已經唔會再嚟幫襯，點樣嚟攞返個雪糕？！著著地！一係就我落單之前同我講話冇雪糕咁我就唔order二人餐啦！我有個小朋友個小朋友好渴望食個雪糕我先叫個二人餐，一句聲都冇就擰轉頭走咗去！什麼服務態度！？一定一定以後唔會再幫襯呢度！屯門沙嗲王正垃圾，嘢食難食態度勁差！

一間舖係繁忙時間得三個人，坐左三十分鐘都未有食物上枱，向侍應查詢換來八字「無咁多人手，無辦法」，態度非常惡劣，大失所望。其實唔夠人手可以係一個原因，但係可唔可以唔好理所當然，講聲唔好意思都得掛？係而家呢個時勢，飲食業市道咁差，希望沙嗲王係首當其衝。

04.02.2022 年初四 星期五沙嗲王年初四開工，同事話午餐要好啲，都唔係間間餐廳開店，後來同事話好想食沙嗲王，又真係好耐冇食過。上網睇餐單，發覺選擇不少，「期間限定套裝」抵食，我同事叫嘅冬蔭功海鮮米線溏心蛋、白咖喱豬扒飯，還加杯特飲，如凍茘枝紅茶配寒冰，蘋果綠茶配寒天波波。網上外賣平台 做緊八折，所以好抵食。台灣櫻花蝦上湯娃娃菜 娃娃菜不同平時上湯，沒有湯浸著，反而似清炒，但加了樱花蝦味道不錯。蟹粉豆腐鍋配印度薄餅同事說堂食試過好食，所以我也外賣試試，本身有飯或薄餅，因為好想食薄餅，所以就試吓。個蟹粉豆腐鍋一打開好香，好多咸蛋，唔係好食到蟹味，偏鹹，所以送飯應該好好多。我揀薄餅，個薄餅來到仍然好好味，唔會淋哂，下次會試吓咖喱汁配薄餅，應該夾好多！還有好多選擇，下次再試其他！

屯門好多時都好多人, 難得🔸沙嗲王🔸人少少, 等咗一陣就有位可以入去喇。呢間沙嗲王比其他分店擠迫, 即使卡位都係XS size, 所以都坐得唔係太舒服, 有壓迫嘅感覺。🥢 白咖哩香矛豬扒飯白咖哩豬扒飯真係必叫嘅item, order 嘅時候揀咗白咖哩汁另上, 就可以自己慢慢撈勻嚟餸飯食。豬扒好大塊, 外皮炸得酥脆, 肉質整得好軟腍, 好好食。🥢 沙嗲珍寶吉列魚柳粉絲珍寶吉列魚柳真係好大塊呀, 上枱時比個size 嚇親。魚柳炸得好香脆, 魚肉好嫩滑, 真係有少少喜出望外。沙嗲粉絲絕對可以滿足沙嗲控, 香濃嘅沙嗲汁配軟綿綿嘅粉絲, 真係停唔到口。🥢 香脆蝦多士蝦多士炸得好鬆脆, 蝦肉好彈牙。🥢 椒鹽脆豆腐成餐飯都好熱氣🙈 豆腐外層炸得好酥脆, 裡面滑捋捋, 好好食, 大力推薦!🥢 奶油娃娃菜無乜奶油味, 反而有大量櫻花蝦喺面層, 令到個娃娃菜有蝦嘅鮮味。整體食物都好好食, 真係好難怪咁多人食沙嗲王架。

白咖喱豬扒飯出哂名真係 係人都知食咁多次都仲係咁好食！！！小食拼盤新出個蝦多士好好食 炸得好好 唔油魷魚鬚好大舊 啖啖肉薯條脆卜卜炸雞軟骨都好大夠嫩髀真係一定要食佢勁多汁 好juicy !!!!! 個皮超薄脆！

等左半個鐘先話漏左單；再等多15分鐘；終於有了。佢好確實咁話一定無錯。但拿返家打開仲要無左隻蛋；有滑lulu蛋；同無滑lulu蛋係吳同價錢的。廚房都係求其整俾你就算。有點傷心；一向都覺得沙爹王所有野都做得好的。希望是個別例子吧。以往都是很好的。

沙嗲王的分店不是每個區域都有， 對於我來說很不就腳！ 冇記錯應該有二十多年沒吃過沙嗲王， 小時候是和我 契哥在觀塘沙嗲王吃的， 那時候我們每次見面都係食沙嗲王， 記憶中我每次都是食白咖哩豬扒飯屯門現在有沙嗲王我真的很開心！ 久違了的白咖哩豬扒飯依然美味！ 重拾兒時的美味與回憶！ 午市套餐白咖哩豬扒飯$61有三塊充滿香茅的豬扒， 豬扒淋淋的， 不會又乾又鞋！ 配上微辣的白咖哩汁， 而汁內有洋蔥的甜味， 真是一絕！ 整碟飯我們吃光光呢！我的餐飲配上熱檸茶 ，不過不失！ 而我男朋友飲凍奶茶（ 凍飲加$3） ，他就覺得麻麻地！原來用手機掃二維碼點餐，有扣減兩元的折扣啊！ 另外每次結帳， 每食滿20元， 就有兩元回贈券儲存在手機app內, 下次可以扣減。 這種令食客們 長期幫襯消費的手法， 真的好成功呢！

學生時代幫襯過N次的沙嗲王☺️白咖喱豬扒，依然咁好味😋遺憾係以前有湯粉，最鐘意既金邊粉冇左了，只有烏冬☹️整體而言仲係相當唔錯，價錢稍貴，要加一，但品質絕對值呢個價。午餐-滑lulu蛋黃咖喱厚切吉列豬排飯，個名長到呢😅 咖喱味夠濃，真係十分厚切，豬扒夠lum又juicy!仲炸到好鬼脆😋👍🏻👍🏻午餐-白咖喱香茅豬扒飯，呢個都唔洗多講啦！雖然得3塊豬扒，都已經好夠飽～香茅味超香，豬扒又lum身，同以前一樣保持水準❤️重點都係個白咖喱汁，配上炸乾蔥超下飯👍🏻👍🏻👍🏻午餐升級+$8 有粟米湯+烤餅，2樣都唔求其，非常之意外😛2個餐加一$167，絕對有下次❤️