沙嗲王 (+WOO嘉湖二期)

营业中

休息中

青紅黃咖喱🍛我就食得多但係白咖喱都係第一次，估唔到佢咁好食喎， 我覺得有啲香茅檸檬葉喺裏面， 淨係啲汁都可以撈成碗白飯😛🍚佢個香茅豬扒仲要好入味🐽之後我哋仲要多個蔥油雞扒飯鐵板🫶🏻上都唔錯， 只係杯凍咖啡有少少失色😝

火龍果蘋果梳打超好飲！平時似芒果冰係跟餐加十幾蚊呢個跟餐只要加八蚊 自己倒梳打感覺好似抵咗咁🤣次次必食沙嗲牛肩胛烏冬味道夠晒濃 牛肉又嫩滑啲湯汁沾薄餅超好味😍今次試咗皇牌白咖喱豬扒飯估唔到豬扒可以煎得咁鬆軟咁好咬白咖喱撈飯超夾！平時食開青咖喱飯今日先發現白咖喱竟然喺佢之上！另外加咗個小青瓜配菜不過不失最後埋單侍應建議我down個APP入會即時有得減新年又有午餐晚餐券計埋計埋每次都平到20蚊左右大家一定要Down個APP呀！

經常看到沙爹王好像有很多分店我是住在大西北所以選擇了最靠近我的沙爹王剛開始我看到白咖喱有點心動但既然叫沙爹王所以點了沙爹牛肉粉絲試試這裡的沙爹還發現了有官方appapp有很多優惠粉絲味道也不錯😉

沙嗲王每個星期日都會同屋企人出街食飯，今晚我地選左間連鎖店，菜式惹味有質素保證，出餐又快，價錢平民酸辣無骨鳳爪$42 3×濃蝦湯$29.7 激安二人餐$268 1×食極唔停芝士條（10條）+$81×食極唔停芝士條（10條）+$8白咖喱香茅豬扒飯白咖喱汁飯係必叫菜式，香茅豬扒香脆好味，撈飯一流好快就清碟鮮茄芝士焗厚切豬扒飯豬扒厚身，雞蛋炒飯底香口有口感越南脆皮春卷家人至愛，香酥脆口食唔停特濃朱古力沙冰配阿華田脆脆好濃厚既阿華田口感，食家表示滿意凍台式珍珠奶茶［走珍珠，少冰］不過不失，有得解下我既奶茶癮🤣1×火龍果蘋果梳打$18Haagen Dazs 士多啤梨雪糕75mlHaagen Dazs 曲奇雲呢拿雪糕75ml白咖喱厚切吉列豬扒飯$74好大件既豬扒，不過我覺得香茅豬扒好味d

沙嗲王：風味獨特的美食天堂位於嘉湖二期的沙嗲王餐廳，給我帶來了一場令人難忘的美食體驗。菜單上的各種特色菜式引起了我的興趣，我決定一探究竟。首先，我點了他們家的招牌菜白咖喱香茅豬扒飯。這道菜色香味俱佳，咖喱的香氣與豬扒的嫩滑口感完美結合，令人回味無窮。接著，我嘗試了他們的蟹粉豆腐。這道菜以其獨特的蟹粉味道和豆腐的滑嫩口感而聞名。每一口都能感受到豆腐的柔軟和蟹粉的鮮甜，絕對是豆腐愛好者的不二之選。沙嗲牛肩胛粉絲是我在這家餐廳的另一個推薦。牛肩胛的肉質鮮嫩多汁，配上綿密的粉絲和濃郁的沙嗲醬汁，口感豐富且味道獨特。除了主菜，他們的小吃也非常出色。XO醬蘿蔔糕是我最喜歡的一道，糕點本身口感鬆軟，搭配香辣的XO醬，帶來了一種辣味和鮮味的完美結合。最後，我品嚐了他們的避風塘軟殼蟹。蟹肉鮮嫩，外層酥脆，配上避風塘特有的香料和辣椒，味道香辣可口，令人難以忘懷。總的來說，沙嗲王餐廳以其獨特的風味和豐富的菜單，給我留下了深刻的印象。餐廳的環境舒適，服務態度友善。最重要的是，它的性價比非常高，價格合理且食物水準持得很好。如果你想嚐試風味獨特的美食，沙嗲王絕對是一個值得推薦的地方。

同呀女夜晚8點倒去食咗個焗豬扒飯 一杯凍台式奶茶加寒天個飯正正常常 普通野 但杯野飲等到我食完個飯都未黎問咗一個侍應 佢完全冇反應囉 哦一聲都好丫勁冇禮貌囉仲有啲侍應成日掛住執碗 好趕時間收工咁手腳又慢吞吞，唉…………….. 食完就黎九點 決定唔等喇 出去埋單 同個收銀講冇黎到杯野飲 我多口問佢個水吧係咪新手 佢話唔係 佢話唔夠人唔好意思 呢間野已經QR code自己落單 仲要收我加一 零服務 點解仲要收我加一？我以後都唔會再去囉。

在天水圍工作過後，來到這裡吃午餐。以前小時候朋友帶我到旺角吃，記得一定會叫白咖哩。今次再吃沙嗲王，我也再一嚐白咖哩。白咖哩香茅豬扒飯白咖哩果然是王牌，味道香濃，豬扒熱烘烘，香脆可口。沙嗲牛肩胛烏冬同行友人說在沙嗲王應該要吃沙嗲，於是叫了沙嗲牛肩胛配日本製烏冬。首先，實物賣相與照片有很大分別，樣子不太吸引。不過，味道正常，牛肉尚算軟嫩，烏冬彈牙。蒜香牛油烤餅（2件）跟午餐加$4就有2件，價錢吸引，味道也不錯，蒜香味撲鼻，口感鬆脆。煙肉上湯娃娃菜（小）想吃點菜，見跟餐加$15就有，便叫了一客。份量和味道正常，娃娃菜不會很硬，容易入口。沒去過沙嗲王的朋友，記得要吃白咖哩。

16:31以qr code落單 叫左2個餐 餐廳內客唔多 好多吉位 職員眼見並不忙碌 朋友既餐 約10分鐘送上 2個人食野 正常會等埋一齊先開始食 點知等極都未到 到左16:51 另一餐仲未到 問職員係咪走單 佢話跟跟 跟住又話就到 到17:00再問職員有未 又話黎緊 最後17:03送上另一個餐 烏冬涼涼地 個汁暖 唔係熱 隻蛋就完全凍既 用左32分鐘去處理一個平平無奇既烏冬 咁樣做飲食 食過一次既 都肯定唔會食下一次 仲要收加一 認真一絕👏🏻👏🏻

平日黎食早餐叫左個豬扒滑蛋公仔面 8:58分落單，9:25先到餐，仲要比錯，我+左$3轉滑蛋，最後比錯左煎蛋，搞到9:32先黎，足足半個鐘有多，係唔係特別多客既情況下都要等咁耐真係第一次，早餐時段 冇下次

好耐冇行過+WOO呢頭，原來天水圍都開咗沙嗲王。好掛住佢好出名嘅白咖喱～沙嗲牛肩胛粉絲 💰HK$70見到午餐有好多選擇，突然唔係好想食飯，所以就叫咗沙嗲牛肩胛粉絲。粉絲軟硬適中，撈埋啲沙嗲汁幾入味🤣牛肉係普通肥牛，冇乜特別～紅酒牛扒汁芝士焗牛柳粒飯 💰HK$70朋友就叫咗呢個焗飯，賣相非常之吸引，牛柳好大粒，個汁似茄汁溝咗黑椒～泰好味之叉燒豬頸肉配泰式汁(小) 💰HK$52食落去一啲都唔似豬頸肉，似叉燒多啲！但同泰式汁都幾夾～

曾經在這裡吃早餐，覺得還可以，於是找一晚來吃晚餐。人多要等位但都不太久，坐下來才出事。上菜極慢，一個白咖哩豬扒飯等了40分鐘。當人多，算了，加了溏心蛋，竟然是實心蛋黃並且不甜，就收了12元，更要加一。所以我不推薦這餐廳。

見到有$9濃蝦湯，估到唔會大碗，但好抵，我鐘意飲好熱嘅湯，呢碗就唔夠熱，不過好鮮味，好滑，性價比高。蒜香牛油烤餅兩件$4，唔諗即叫，嚟到好夠熱，預左會油啲，但好鬆脆，好香蒜味但又唔太濃，超抵食。蟹粉豆腐鍋配薄餅兩件，佢啲餅真心好心，用手撕開都唔覺油，又鬆又脆。蟹粉豆腐鍋有幾舊蟹肉，食到金沙醬，配清清地嘅豆腐，顯得好鮮味，個汁有啲杰，唔係水流流，好香濃，真係一個人食晒都冇問題😅。食極唔停芝士條，細細條，真係一口接一口，我諗叫客大都食得晒，芝士控唔使諗，必點。己前係出面成日食，但次次都係叫果啲咖哩豬扒，食到悶。估唔到幾年後多左咁多新菜式，天水圍呢間做得幾好，唔怪得咁多人排隊。

見到嘉湖銀座裝修完過去望吓好耐冇食過沙嗲王啦仲有啲舖頭未開咁就試吓佢 以前都係食荃灣嗰間分店記得當時裝修都係比較昏暗我記得以前食係好似好多選擇而家就唔知係咪新開選擇比較少 裝修都比較新潮同以前風格好唔同叫咗佢推介嘅蟹粉豆腐煲！以前冇食過呢個菜！一個人食啱啱好！佢啲蟹粉超級好食係會令人想一食再食成個汁都好入味！好鬼死香！豆腐超級滑 入口即溶！難怪係三大推介之一！另外配埋白飯撈埋啲汁一流真係齒頰留香😚😚

在上年平安夜，我跟兩位好姊妹，去天水圍銀座站的嘉湖海逸酒店 Christmas Staycation！ 當我哋3個女人煩惱食咩聖誕節早餐，經過+WOO 嘉湖商場二期 <沙嗲王> 有早餐供應！這裡都幾大，又好多枱，就算當日公眾假期都不用等位！早餐多選擇價錢又合理！衛生方面，店員推車仔送餐，每杯熱飲也用杯蓋蓋上，保溫又衛生！值得一讚！聖誕節早餐台灣櫻花蝦雪菜肉絲米線 $36櫻花蝦的蝦殼含有鈣質，雪菜肉絲的雪菜好豐足，米線份量滿滿，入口煙韌掛湯，整體惹味！蒜香烤餅 & 滑 Lulu 炒蛋略嫌蒜香烤餅不夠熱，勝在蒜香十足！滑 Lulu 炒蛋富蛋漿，水潤嫩滑！啱我心水呀！熱奶茶口感香滑順喉，茶味與奶味平衡！

我又要鼓勵大家做沙爹王會員😂，生日月有得減$50。母親節一定多人出去食飯，早啲食先係明智嘅選擇😁沙嗲王真係一間質素幾穩定嘅餐廳，佢個二人餐都幾抵食，基本上次次都叫。今次母親節沙嗲王有個優惠加$1有芝士蟹蓋，我初初以為得一舊，雖然佢個圖係有三粒，點知上菜果陣真係同張相一樣喎🤭，蟹蓋入面有啲海鮮蓉加芝士焗，味道就正正常常，不過已經好好了，差唔多送俾你食咁。佢哋嘅王牌白咖喱豬扒飯從未失手，另外Grill大雞髀都好大隻，但我地見到滑lulu黃咖喱魚同豬扒都好鬼大塊😜睇到都覺得正，不過佢嘅黃咖喱係無白咖喱咁好食。前菜嘅蒜蓉牛油雞翼好正👍🏻，芝士條就普通啲，無咩芝士味，唔係拉絲果種。兩個飲品：鮮芒椰汁沙冰配寒天波波同特濃朱古力沙冰配阿華田脆脆都好好飲👍🏻炸饅頭$25/5個都好抵食，食食下先記得影😅，佢炸得好好，外脆內軟。食哂所有野記得問佢拎雪糕🍧，我試過兩次叫二人餐都唔記得叫待應起甜品🫠，大家千祈唔蝕咗兩個Häagen-Dazs雪糕！沙嗲王今日真係冧晒檔，好多人食，又好多人叫外賣，啲外賣要等成個鐘，好多人排隊，不過呢啲特別日子大家真係要互相體諒下，單真係好多，啲員工真係無停手，但出餐真係要時間，我