沙嗲之星

乐富装修咗之后都好耐冇黎一嚟就见到沙嗲之星 好似有好多花臣咁就试吓睇吓好唔好食 我来的时段可能系平日兼且夜晚人流唔算好多出菜亦都好快 叫咗几碟𩠌同朋友一齐食 不过就唔记得叫咩名 大家可以附上图片落单我好钟意呢条仓鱼配合埋蒸豉油 味道水准亦都比上酒楼 老少咸宜 口水鸡 真系食到我口水都流埋出嚟 炒芥兰新鲜 爽口 我未食过咁甜嘅芥兰白汁配炸鱼柳外脆内嫩 原全无平时食开既油益味 多汁可口 适缝必点 …查看更多

去亲food court都预咗冇服务嫁啦～但胜在够平呀～经过就试下个下午茶餐啦叫咗香茅猪扒金边粉加热饮～睇落卖相一般但份量十足～汤底太太太淡似煮菜水完全食唔出咩汤底～金边粉浸咗好耐有D过淋烂开～一夹就断晕低啦～香茅猪扒煎得几香但偏咸送粉还好～加上有菜心一条、几条通菜、蒜蓉伴碟叫做有D䊹维质感啰下午茶餐包一杯酸梅汁或者银菊露～唔想饮𠮶2种就加钱转其他饮品～简咗奶茶热饮一杯～饮落都几香～好有茶味～想食下午茶如果冇要求嘅～净系想食饱咁先好嚟…查看更多

操带乡音广东话的那位「沙嗲之星」收单女店员, 服务态度非常傲慢恶劣。 请佢加啲鼓油、辣椒油, 佢起先唔睬人, 扮听唔到, 施施然攞手机出嚟㩒, 跟住仲俾说话你听: 「叫个31蚊餐, 加呢加路, 麻麻烦烦, 剩系服侍你一个呀! 」坐埋位食饭唔理佢, 佢仲继续向住其他客单单打打。态度、品格真系差到冇人有, 食物质素又唔见得好, 以后唔驶旨意会再帮衬。…查看更多

上学的中午最纠结就是中午要吃什么！来来去去都是那几家餐厅真的吃的有点腻，但是，菠萝生炒骨是永远不会腻的菜式啊！！！菠萝生炒骨（$34）因为food court人太多了，完全找不到位置坐下来吃，所以就买了外卖拎回学校吃。生炒骨的份量不少，但是三色椒的份量更多啊，甚至比肉和菠萝还多😂肉不算嫩，但是外皮还是很脆的，吃得出来是即炸的。酸甜度也还好，就是骨头比较多，肉不多😂饭量也是很足的，女孩子绝对够吃，还会有剩。…查看更多

星期日夜晚去开乐富行街，经过UNY所以入左food court睇下有咩食。Food court入面有西餐，上海野，日本野食等等，周围行见到都几多人食小菜，同埋个价钱又真系几抵咁，三十几四十蚊仲包埋野饮添。叫左个梅菜蒸肉饼饭，比完钱去比单果时就黎料喇，中伏既开始。我一行埋去，佢同我讲唔洗行开喇，即刻有，咁姐系整定晒响度啦，都算喇，比果三十几蚊，系咁架啦，肉饼个表面干争争都系咁架啦。肉饼个样已经够衰，食落去果阵真系lur都lur唔切，咸到呀妈都唔认得，好似食梗一匙羹盐咁，佢仲要落左豉油，一开头以为啲豉油出事啦，谂住试下食冇豉油既位置，都唔系得，放唔到入口，好明显佢地冇洗过啲梅菜就拎黎用啦，啖啖梅菜，仲多过啲肉，不如改名叫肉饼蒸梅菜啦。由于真系咸到食唔到，所以拎左去同个呀姐讲可唔可以换过另一个𩠌，呀姐话唔得㖞，净系可以好慷慨咁揾热水帮我地冲下，算啦，冲下好过冇，点知咪一样，碟野由外面咸到入面再咸番去出面呀，冲黎都把鬼。冇呀，结果都系咸到食唔到呀。睇下张相，成杯冻柠水饮晒都食唔到几啖饭呀想响度奉劝大家咪贪平呀，一分钱真系一分货，咸到肾亏呀。…查看更多