沖繩漁民食堂

营业中

休息中

前排因為拗柴，可以周圍走嘅地方唔多… 今日覆完診，就係附近搵間餐廳食未到午餐時間，一人搵位都唔易…午餐時間都幾full 親民小店位置不多，只能坐6-8枱4人位無幾耐已經見有人放飯出動搵位但老闆娘都好好安排 環境方面都好舒服同乾淨叫左堂食 照燒雞扒溫泉蛋飯，連汽水 ($50)味道不會太濃，雞扒也不會太油和份量剛剛好只是飯有點硬但希望醬汁多D, 同埋菜嘅款式可以有熱菜… 因為整體的飯餐已經偏冷，有一點熱菜或湯會更好

係新填地街依個位置開，平時夜晚都比較少人經過，都預左係做街坊生意多，所以經過見到價錢都好合理。今日幫襯，雖然唔多選擇，但係present都幾好，唔似茶記咁。我揀左吉列豬扒溫泉蛋烏冬（$50-->轉烏冬另加$10，所以係$60）包一罐飲品加$10烏冬係日本製讚岐烏冬，入口都煙韌彈牙嘅，唔係噹噹個Ｄ。不過湯底冇乜味，加左好多七味粉都改變唔到佢嘅啖味。吉列豬扒就咁睇好似份量多，但炸得太乾啦，食到個上顎有d痛。加上塊豬扒拍得太薄，所以肉其實好少。溫泉蛋係唯一可以讚嘅～先生叫嘅照燒雞扒烏冬（$50-->轉烏冬另加$10，所以係$60）佢都話燒雞扒好乾，所以佢最後都食淨左。欣賞佢環境算乾淨，夠光猛同價錢合理，但係如果食品質素提高返少少會更好。

呢度專門食日本丼飯同定食類 選擇都幾多 幾有水準 大家試下都唔錯唐揚炸雞溫泉蛋飯 慢煮牛扒飯 唐揚雞丼飯 選用無骨雞肉 先醃後炸香脆可口 咬開有肉汁 雞皮超級脆 肉嫩滑 送多隻溫泉蛋比你食添呀!蛋汁撈飯或者沾雞肉食都一流!慢煮牛帶少少粉紅色之餘，仲應該用火槍燒過 好香,再淋燒肉汁 肉色粉嫩 口感嫩滑 牛肉下面仲有一隻溫泉蛋 牛肉配埋蛋汁拌勻食更加香滑 肉味濃郁~油麻地新填地街143-151號俊逸豪園地舖平均消費$150評分8/10

去完油麻地果欄之後諗住搵嘢食，誤打誤撞見到呢間日式小店，平平哋就試吓。間鋪細細間，人流唔多，上野食速度都好快。叫咗個唐揚炸雞溫泉蛋飯。炸雞大大件，好足料，一個人都食唔晒。跟餐仲送咗個可樂，整體來講都幾抵食。

媽咪之前已經話過想行油麻地嘅新埴地街，話戈度有好多廚具買🔪🥄🍴一路都好少突登行去戈邊，今日終於有多啲時間同媽咪出去行吓。行咗一個中左右，媽咪當然都有啲收穫啦，都可以話系滿載而歸😆附近原來有間日式小店，價錢十分經濟實惠。裡面條🐟好吸睛！各式各樣嘅丼飯都好平，50幾60蚊就食到和風飯類，真不錯。首先試吓一款吉列池魚溫泉蛋飯，多數喺出面都系食池魚刺身，真系未食過吉列池魚，勁稀有🤩比我想像中仲好食好多！成大塊池魚啖啖肉，同平時食嘅吉列魚柳截然不同，平時食好多間餐廳嘅炸魚柳都系炸粉偏多，佢嘅表面炸得勁脆，裡面啲魚肉都夠實在。跟住叫咗份照燒雞扒溫泉蛋飯，雞扒配照燒汁向來系吾錯嘅組合，照燒汁好香甜，雞扒就每件都夠曬大件，口感仲好嫩滑🤤肯用埋溫泉蛋真心dum本，撈飯一流，蛋香味同啲飯融為一體。

去開油麻地買野，買完之後就周圍行下望下有咩野食，遠望見到有沖繩依2個字好似幾吸引咁，餐廳內有好多款唔同既set食😆由於我地咩都想試下，所以我同朋友一人各叫一款魚同雞。我地要左帝皇𩶘魚飯同埋炸雞溫泉蛋飯😀帝皇𩶘魚飯個𩶘魚煎得好靚，外脆內滑，條魚食落好滑好新鮮😃配埋個溫泉蛋食真係一流炸雞溫泉蛋飯同樣滑滑既溫泉蛋配埋一齊食，個炸雞好香口好好味，炸得岩岩好，唔會濃左😃佢個雞肉仲好滑好好味😋餐廳係食套餐多，都可以叫係快餐，但以快餐黎計服務員態度好好，好nice ，美味新鮮高質，環境仲坐得好舒服

餐廳：沖繩漁民食堂 (油麻地)地址：油麻地新填地街143-151號俊逸豪園地舖今次去咗油麻地新填地街一間日式黃店平民食堂食飯💛，入到餐廳最大嘅感覺就喺店員好親民佢哋主打丼飯、讚歧烏冬同咖哩飯🍛，價錢最平$50，最貴都喺$70，仲送汽水或紙包飲品一包，相當抵食👍日式三重芝士卡邦尼湯讚岐烏冬 $60平時如果講起卡邦尼，好多人都會覺得好膩或者好heavy，呢到嘅三重芝士卡邦尼湯包括Mozzarella cheese、Cheddar cheese 同Parmesan cheese，除咗有香濃嘅芝士味之外🧀，仲將卡邦尼整成汁減少咗黏口油膩嘅感覺，拮穿溫泉蛋撈勻一齊食，令彈牙嘅讚岐烏冬增添蛋香，另外有啲煙肉碎做點綴🥓唐揚炸雞溫泉蛋飯 $50「唐揚」嘅炸法即喺將雞肉蘸上醬油同其他調味料，再沾滿麵粉拎去油炸。呢到嘅唐揚炸雞溫泉蛋飯有6件左右炸雞🍗，即叫即炸脆卜卜熱辣辣🔥，皮唔會好厚，不過就有少少唔均勻🤏，咬落雞肉都算嫩，惹味得嚟唔洗再蘸其他醬汁都好好食，飯淋上醬汁、灑上黑椒粉同有一隻溫泉蛋喺上面，睇落更加吸引好食🤩

-🔸慢煮日式牛扒飯 $60🔸照燒雞扒溫泉蛋飯 $50-最近忙緊搬屋冇乜時間自己煮嘢食，今日同男朋友食咗依間平靚正嘅日式飯堂，性價比都幾高㗎！慢煮日式牛扒飯🐮上枱非常驚喜，薄切嘅牛扒鋪滿成個飯，而牛扒下面仲有隻半熟嘅溫泉蛋，加埋日式嘅甜豉油，正！照燒雞扒飯🐥雞扒切件上都有成半隻碟咁大塊，而且雞扒煎得金黃，皮脆而咬落有肉汁，亦都有隻流人嘅溫泉蛋，同埋撈飯一流嘅照燒汁。仲有跟餐送嘅mini版汽水，性價比都幾唔錯！

一講到沖繩，除咗陽光與海灘，除咗各式各樣嘅水產美食，當然都要食佢嘅鄉土料理。最近油麻地開咗一間混合港式快餐同埋日本沖繩鄉土料理嘅小館，位置稍為偏離油麻地站，但係行8分鐘左右就去到，附近有駿發花園嘅百老匯戲院，啱晒打工一族放工後去食個便飯之後去睇戲。吉列池魚溫泉蛋飯$50，賣相精緻，用上日本珍珠米飯，配合港式快餐必有元素-豉油汁。配上日式豉油，為蓋飯(上色)，加入半熟溫泉蛋，仲有健康嘅沙律菜。照燒雞扒溫泉蛋飯$50，原塊雞扒香煎兩邊，加入日式照燒汁，顏色與其他配菜相映成趣，色彩繽紛，賣相非常討好。跟餐可樂，迷你版分量剛剛好。彷似日式和紙嘅花紋牆紙。座位間隔寬闊，採用日式淺木系裝修風格，配合暖和燈光，暖意洋洋。除咗珍珠丼飯，也可選擇日本製讚岐烏冬。

叫左個雞翼溫泉旦飯，賣相ok, 但食落味道唔太掂。 先講雞翼，聞落係香的，但食落明顯醃得唔夠味，而且煮之前無幫雞翼出水，入面仲有血，食到最後一隻仲有少少未熟。。 溫泉旦正正常常，合格。 白飯就真係唔太得，佢做到日本沖繩格局咁，點知唔係用日本米，都唔緊要，但明顯係用茶記最平嘅米嚟煮，無米香無飯味。 失望。 跟餐一罐可樂仔，ok, 呢個size啱晒我，因為350ml一定飲唔晒。 最後要讚下服務，落單待應（可能係老闆娘），態度好好。 但應該吸引唔到我再幫襯了。

行完果欄喺附近搵食，見到呢間沖繩漁民食堂有唔同款式嘅丼物同烏冬好似都幾吸引，就決定要試吓。我同朋友分別叫咗吉列豬扒溫泉蛋飯同埋咖哩吉列池魚飯，送汽水或紙包飲品。吉列豬扒大大塊，外脆內嫩，豬扒肉唔會炸得太乾身，點溫泉蛋同沙律醬食都唔錯。至於吉列池魚坊間比較少有得試，原條去骨魚尾炸，外皮炸得香脆，內裡魚肉仍然非常軟熟，配埋日式咖哩汁一齊食，非常有特色。。。沖繩漁民食堂油麻地新填地街143-151號俊逸豪園地舖。。

先從外觀來看，門面尚算整理，好鐘意招牌上嘅木板，配藍色字，好有日本味道！至於食物方面，我地分別叫吉列豬扒溫泉蛋飯，同埋唐揚炸雞溫泉蛋飯。兩樣都係炸物，一放入口啱啱炸起嘅新鮮味，好脆，又唔太油膩，炸到啱啱好。炸物配溫泉蛋就最合適啦！中和左炸嘢嘅熱氣，而且加埋豉油撈飯食，大大碗飯都食得落呀！溫泉蛋仲夠晒流心～餃子方面，佢又唔似其他日式餐廳啲餃子咁油膩，但又同時保留到脆皮感。總括而言食物都算係大份，一個成年男人食一個餐都夠飽！

今日同阿媽去油麻地附近買野到左午飯時間，經過見到呢間餐廳有人排隊好奇上前望下，發現係食日式料理阿媽話有興趣就排隊試下等左一陣就有位，店內裝修簡潔乾淨燈光柔和，感覺好舒服餐牌好多選擇，好吸引日本蒲燒鰻魚溫泉蛋飯鰻魚燒得好香，醬汁都好香濃肉質軟淋，係我喜歡既口感同埋完全無骨，餐廳處理得好好將飯同溫泉蛋撈均食好正每啖都有蛋黃香好美味吉列豬扒溫泉蛋飯豬扒炸到金黃色好香脆，外皮唔會過厚剛剛好做到外脆內軟肉味好濃，食得出肉係有質素

A small Japanese restaurant at the corner of yaumatei with great value! We had the grilled chicken and deep fried pork cutlet rice that came with drinks (soft drinks or packet sugar cane). The dishes were served with a soft boiled egg served on the top of the rice for that satisfying feeling when you break the egg. There was plenty of sauce for the grilled chicken and the pork cutlet was served with mayonnaise. The pork cutlet was moderately thick and it was good as it was so crispy! The chicken

百老匯電影中心附近有一間主打丼物或日本製讚岐烏冬嘅餐廳餐廳環境亦好舒服 都幾適合同朋友傾偈價錢好親民 跟餐仲配埋飲品🧃 每人一個套餐已經夠飽日本蒲燒鰻魚溫泉蛋飯 $60呢個價錢都有好大條原條鰻魚 幾抵食👍🏻珍珠米上有隻溫泉蛋 仲係流心蛋嚟🤤🤤蛋黃加鰻魚汁撈埋落珍珠米到 好正吉列炸蝦溫泉蛋飯 $50 炸蝦香脆又爽口 又熱辣辣🤤炸粉唔會太厚 仲拌上沙律菜 同樣撈埋流心嘅溫泉蛋配飯一齊食就好似喺日本食緊定食一樣🙆🏻‍♀️飲品係套餐包埋嘅 可以選擇可樂 雪碧 或者竹蔗茅根❤️