沖繩二段料理 (曉悅) (已結業)

舉手示意店員.. 佢淨係對眼齋望住.. 就行走左.. 唔會理你嫁.. wtf?! 特別灰色衫個兩個我地7個人 坐係3張6人台 … 到隔離二人台走左 諗住叫佢拼台 坐得舒服啲… 佢都唔理你！ 明明另外地方隔離有台！佢都照比兩個客坐埋隔離… 好唔識做！ 叫佢就齋望行走 懶得理你… 依家係8人限聚.. 已經坐緊6人台.. 我地蚊走左中間個間板.. 放埋一邊.. 灰色細眼個個嫁..乜都唔會解釋.. 又會講野.. 直接拎走再插返落去.. 已經有一個要坐中間位 點l食野？ 係咪有腦霧？位又唔識分配.. 又啞又冇禮貌.. 布甸炸雞.. 唔夾 南蠻炸雞.. 啲醬正宗嘅南蠻醬… 失望..炸雞係炸得幾好.. 脆皮肉唔鞋嘅.. 不過幾好食 店員態度差都會趕客 而且唔係好食！ 所以唔會再嚟都唔使嚟試

之前去沖繩旅行已經瘋狂食依個冬甩，宜家屋企樓下都有得食啦，趁tea time同媽咪去回味返沖繩嘅味道先🥰🍩🍩🍩冬甩乳酪布甸》一嚟就叫咗3個炸冬甩，疊高哂好搞笑😆冬甩全部啱啱炸起，外皮香脆內裡軟糯，溶化嘅雪糕加埋熱辣辣嘅冬甩真係天堂嘅享受😍🍤🍤🍤 🍤天婦羅定食》揀咗柚子炸雞、雞翼、黑糖蜜番薯條同茄子天婦羅，4款天婦羅份量都幾多，炸漿夠薄鬆脆，食完碟底都唔會有好多油😌🧊🧊🧊凍海鹽焦糖雪糕咖啡》大大杯雪糕咖啡，食完油炸天婦羅飲返啖清爽哂🌀最後我哋仲外賣左幾個炸冬甩返屋企，依家可以日日都食到沖繩嘅炸冬甩，真係好幸福好幸福💖💖

近排天氣真係好熱🌞🌞係街到行咗一陣已經頂唔順，衝咗入餐廳叫返杯凍飲休息吓🥵撞正下午茶時間，餐廳都幾多人客～睇嚟我誤打誤撞嚟到一間區內幾受歡迎嘅鋪頭😙即刻睇吓有咩嘢飲先🍹🧊凍海鹽焦糖雪糕咖啡🍦係牛奶味嘅雪糕呀😍凍冰冰嘅咖啡飲落透心涼，加咗海鹽焦糖漿咸甜咸甜無咁膩口，咁熱咁天氣飲一啖即刻降溫🌡🎌大阪燒醬吉列豬扒配黑糖蜜蕃薯條🍟係大阪燒味嘅吉烈豬扒，有創意又好食🧡黑糖漿由日本直送，微苦中帶甜，鐘意黑糖嘅人一定要食🤎餐廳環境適合坐低飲杯咖啡抖吓，行到累或者好熱可以嚟😊

番茄三色野菜雞卷🍅🥕🐓雞卷入面包住豆角紅蘿蔔等野菜，雞肉好嫩滑，食起來有種好健康的感覺。壽喜燒豚肉烏冬🐖🍲壽喜燒湯底有帶甜的濃醬油味，豚肉份量適中吼咁爽口有咬口，烏冬好滑。濃蕃茄湯烏冬🍅🍲平時都好鍾意食蕃茄🍅湯底，佢哋嘅烏冬本身就好彈牙，配埋酸酸甜甜嘅蕃茄湯，成件事變到好正！💜沖繩海鹽焦糖布甸雞🍮🐓海鹽焦糖布甸超級滑，原本以為甜品配炸雞有啲奇怪，但係佢嗰個醬中和左炸雞嘅鹹！🤩沖繩海鹽焦糖冬甩雪糕🍩🍨冇令我失望嘅甜品，造型有創意，將雪糕🍦放喺冬甩🍩中間，兩樣嘢每一啖都食到，絕配！

今日放lunch終於可以一嚐講咗好耐嘅餐廳。🚶🏻‍♂️⭐️壽喜燒豚肉烏冬⭐️薄切豚肉一啲都唔鞋口，同個湯底好夾，烏冬份量岩岩好。⭐️番茄三色野菜雞卷⭐️健康首選，用多款蔬菜做饀，外面用雞肉卷住，味道好fresh。⭐️濃蕃茄湯烏冬⭐️蕃茄湯超濃郁，每條烏冬都食到蕃茄嘅甜酸味。⭐️沖繩海鹽焦糖布甸雞⭐️第一次見炸雞上面放甜品，但出奇地夾同好食😯，雞肉同布甸質地相當嫩滑。⭐️沖繩海鹽焦糖冬甩雪糕⭐️雪糕甜中帶微咸味，咸味在甜味中變得突出，係煙韌的冬甩上放上雪糕，一齊食好滋味。🌹總括而言餐廳食品賣相出色，美道亦迎合大眾口味，經過長沙灣都可以去試吓。🔖

於是上網search下附近有咩食，見到呢間日本菜食既野幾特別，重點係被個波提冬甩吸引住😍😍招牌logo好易認，紅噹噹而且卡通人物好趣致 。🛑鰹魚壽喜燒牛肉壽喜燒牛肉已經好好食，再加上鰹魚🐟，味道咸中帶甜，牛肉偏瘦無乜肥膏。櫻花蝦蕃茄烏冬 小辣香濃的蕃茄湯中帶有微辣🌶，而且散發著櫻花蝦的味道，口感豐富。👀沖繩蒸飯蒸飯加入紫菜，芝麻等飯素，令平平無奇的白飯變得相當吸引。👅南蠻雞雞炸得香脆而內裡肉汁溢瀉🐓，雞肉滑嫩。沖繩海鹽焦糖冬甩雪糕海鹽雪糕已經夠晒邪惡，再加上焦糖配冬甩，絕配。😈

每一次去長沙灣都會心思思去食既lunch套餐♥️，真係一試難忘，特別係冬甩雪糕，成個套餐嘅亮。✨今次試吓之前未食過嘅沖繩蒸飯，雖然睇落好似普通簡單，但加上配料令到蒸飯香口💫，蒸飯時間控制得啱啱好唔會太軟熟又唔會太硬，食到停唔到口。🌝小食就揀咗南蠻雞，雞件厚實炸的時間控制很精準，配上特製醬汁，口感豐富。💪🏻期待而久的沖繩海鹽焦糖冬甩雪糕，冬甩炸到好鬆軟，仲有d熱度再加上冰凍的海鹽焦糖雪糕☃️，口感特別及甜中帶咸。😋下一次會叫埋朋友一齊嚟食😁

呢間係 沖繩名物咁話説呢間出名冬甩不過黎到香港就改一改賣飯加冬甩二食咁不過我今次只食冬甩話説要QR code order但入到去無得只揀甜品個餐牌係有🤨😅冬甩一餐有黑白冬甩，布旬，cream，雪糕一黎就講主角冬甩個size算細係正常既3份2食落就多係正常冬甩既脆，入面就像麻糬係咪好好食？🤔正常(如果正餐$85包飯，飲，冬甩，可以接受)cream就有奶香，ok個布旬無咩味，上面2粒都係朱古力(硬…無味)結: $59吳包飲品，重要加一(一共$65)如果外賣$22個，可以試下既#沖繩獅莎冬甩#antoshimo

上次去長沙灣睇戲嘅時候發現附近都有好多餐廳，所以今日做完Facial就諗住去試吓😛見到呢間antoshimo cafe有午市三吃，都唔使$100，一於就試吓啦🙌🏻餐牌主要都係一個肉加一個烏冬或者飯最後就會送一個冬甩雪糕，包飲品👌🏻我就試咗柚子脆雞，配壽喜燒烏冬，跟凍烏龍茶😎其實就係有一個鐵板燒住啲炸雞塊，加柚子醬😅烏冬正常，冇特別朋友就試咗蜜糖芥末煮豚肉，配三色蒸飯🙈完全唔知道個蜜糖芥末去咗邊🤣🤣好普通既豬肉片👌🏻三色姐係南瓜、綠豆同埋黑豆⋯放喺一大碗飯上面🙈反而最後嘅甜品出乎意料地好食😋🤩係沖繩海鹽焦糖冬甩雪糕👍🏻👍🏻熱既冬甩🍩煙煙韌🙌🏻黑糖檸檬茶有啲奇怪😳飲多幾啖似係普通檸檬茶🤣🤣

其實疫情後這幾年，好多食肆都好注重衛生，好耐未見過咁令我作嘔既店。第一次黎，叫左個柚子雞烏冬，味道不錯，但食食下見到條頭髮，諗住都唔出奇既，而且我唔肯定係自己既定係廚師跌落既，冇出聲就咁拎走條頭髮，將附近既雞撥開一邊繼續食剩下的。再食左兩啖，發現食緊果舊雞同堆柚子醬中間纏住好幾條頭髮，我再冇辦法覺得頭髮好少事出街食唔出奇，因為佢堆纏髮太令我嘔心，加上咁纏住既肯定唔係我既，而係煮食時纏上的。🤮我話俾店員聽，佢問：咁要唔要換過盤俾你？我話唔駛佢就走左去。我心諗唔好意思都唔使講聲？雖然我唔會因此多/少緊塊肉，但會覺得：1. 店員係咪成日遇到呢種情況所以習以為常？2. 店員係咪以為我想呃過盤雞食？而且堆髮雞咁核突我嘔雞張紙巾都掉埋落去，唔收左佢唔通俾我繼續食？之後我見佢帶住執盤同清潔抹枱既手套去將一堆檸檬切片由大盆手拎去細盆，其實用夾會唔會衛生d？時間都唔差兩秒。反正我見呢間野衛生意識低但好多人去食，我俾劣評大概都冇影響，就決定將件事寫出黎。人生第一次寫食評，唔係講笑，唔發生係我身上我都冇諗到食野見頭髮（堆）會反胃左成日而家晚餐都唔想食。

🍱沖繩二段炊飯 柚子雞+野菜竹籠蒸飯+海鹽焦糖冬甩雪糕脆炸雞塊，脆而不油，加上甜甜柚子，開胃入口；多豆飯感覺健康，而且日本飯係好食啲😂；冬甩煙韌感十足、配上鹹鹹甜甜雪糕，食落無咁膩整體大份，食完都好飽，同埋味道唔錯，又有少少健康嘅感覺⋯⋯都可以一試

點咗嗰壽喜燒烏冬配壽喜燒烏冬煱，味道方面就偏鹹，同埋以壽喜燒黎講可以再甜啲，都無咩好品評。最另外朋友點嘅蕃茄8度烏冬煱，作為一個蕃茄愛好者，食落係有酸味但就唔係好濃郁嘅蕃茄感覺。最後個甜品真係有啲令我驚艷嘅係個海鹽冬甩雪糕，個冬甩外脆內軟，配雪糕一啲都唔膩唔太甜，仲要個冬甩係熱嘅，夾住雪糕一齊食真心正可以叫多兩三碟。有個小建議不如都係專攻甜品做招牌會比較好，一來甜品真心係有品質保證二兩主食方面味道要做真係要落多啲心機。

最近疫情下晚市禁堂食，當已吃厭其他快餐廳的外賣幾餸後，發現這餐廳可以用他們的二維碼上網外購，還可以選擇指定時間去取，真的方便，第一次買回家作晚餐餸有些驚喜，需不是有種驚為天人感覺，但是有一種新鮮感，是用日本菜回家自行煮飯食，可以再一試！

一直都好鍾意波提冬甩🍩，見到新開張緊係黎試下，可以係佢地網站提前落單，之後直接去店度攞！依點幾方便👍買左4個冬甩，共$70分別係：阿華田、士多啤梨、焦糖海鹽、特濃朱古力。冬甩本身好煙韌，非常有咬口，好啱我口味！4款冬甩的底都一樣，係上面個醬有所唔同，比較推薦焦糖海鹽同阿華田！朱古力同士多啤梨反而冇乜味，但整體都好好味！值得一試。食到最後先發現原來佢有個朱古力牌😂，係自己傻左，完全冇留意到😂😂

但我個人認為，人係食一餐少一餐。飯就一定要食嘅，所以我每日都會花少少心思去PLAN 自己食乜。見呢間嘢新開，又多分店，又沖繩乜乜乜，一時睇唔開走咗入去嚐新。本來都覺得佢個勢就係日式版嘅紅螞X結果食落都真係紅螞X佢嘅serving 就係餸還餸，飯還飯，兩者任選。開頭我仲FF，以為係先食晒餸, 然後有人會用個汁做番個斧飯，結果證明係我諗多咗。我已經叫咗佢推介嘅三色雞卷，結果我如果唔用對眼，係好難知自己食緊D 乜。可幸D 餸汁仍係有味，餸汁撈飯都可以叫食飽個人。飯選咗野菜飯，結果只有幾方丁南瓜同幾粒豆。其他係白飯(OK 又係我諗多咗) 係唔會有海鮮窩食到最後哥種雜菜飯俾到你。可幸係個冬甩係對辨嘅。夠熱，香乾唔油，配雪榚夠份量 caramel 唔 hea so far 食咗個肚冇投訴反正食飯，放得入口飽到，唔劣評佢啦，做人都係唔好太高要求。