沖繩二段料理 (荷里活廣場)

营业中

休息中

先講等位，我個籌係41號，30秒前部機顯示緊紅色28，咁我就去睇下menu先，點知轉過頭個黑衫男店長就叫號叫到紅色42.... 大佬你叫號叫到禁細聲，你當你去左圖書館? 咁我聽到42到拿拿林沖過去，個店長用不屑嘅眼神睥住我仲要勁無禮貌咁拍部探熱機。之後入到去點餐仲離譜，我第一次食依間其實真係唔係好知D野食咩樣，正常野食到左又似嘅咁梗係照食。我叫左2個$88餐，一個牛肉配烏冬，一個黑椒牛配芝士蝦飯。一開始黎左一個牛肉烏冬，跟住一個芝士蝦飯，咁我就奇怪唔係應該仲有個黑椒牛未黎咩? 咁我梗係唔食住問番個店員先，女店員A黎到就話:佢講完就走左。我R曬頭，你依加係少左個餸喎。跟住，另一位女店員B就走過黎又西面又悔氣咁話: 佢係一D歉意都無去同我地講幫我地換餐。阿大佬，你地公司有train過你地點樣去serve客人? 定係佢教你地做錯野嘅時要將個責任推落個客到之餘仲要西佢面兇9佢? 完全唔明，你地好自為之啦。

同朋友唔知食咩，見到門面既 餐牌實物照覺得幾足料就傷去一試。點知原來咁伏叫左個蕃茄焗煮之士漢堡侍應拎到你唔見有蕃茄後來職員拎左入去廚房經理行出來話煮濃左一食無番茄味而且個湯亦都冇色個麵更為難食，仲聽到 隔離枱點咗一款嘢與圖文不符要求退換退錢。我都想咁做，不過見佢生意咁差，為 有無下次

Diamond Hill 鑽石山 • Antoshimo Cafe & Bakery 👨🏼‍🍳💛📍鑽石山龍蟠街3號荷里活廣場1樓182號舖🔍鑽石山、新蒲崗、九龍灣、油塘、荃灣➰超級無敵抵食又好味的午市日式料理，性價比極高😻冬甩控注意🍩❗️➰鍋燒餸🥘+鍋燒飯麵🍜+甜品+餐飲 $58A1 柚子鍋燒咕嚕雞🍊A2 牛油蜜糖芥末鍋燒黑椒炸雞🍯B1 芝士蕃茄鍋燒炊飯🧀B4 超蕃茄濃度8湯烏冬鍋🍅C 焦糖醬牛乳麻糬冬甩🍩D黑糖菊花茶🌼D 黑糖檸檬茶🍋➰鍋燒餸的炸雞件嫩滑，伴有洋蔥和粟米😌 柚子咕嚕雞，酸味中帶着柚子的清新香甜，有別於中式咕嚕雞☺️ 黑椒炸雞的黑椒味蓋過牛油蜜糖的甜味，如果牛油蜜糖味重些就好🧐蕃茄炊飯加入芝士，有拉絲的效果😛蕃茄烏冬大推，蕃茄味濃郁，必點👅熱飲送上黑糖粉，可自行調較甜度😍•重點推介招牌冬甩 🍩😻牛乳麻糬冬甩好煙韌，平時配有沖繩海鹽雪糕，冷熱甜鹹的口感好夾，但是次用餐比以往平了$20，故只有送上冬甩和焦糖醬，單食冬甩略嫌過甜單調🧐不過依然是超抵食👍🏼 臨走前還可以單賣冬甩，有多款口味可供選擇🥰➰👅 味道：🌟🌟🌟🌟👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟🌟🌟🌟——

因為我要見客戶都需要周圍走，鑽石山荷里活商場這間日式餐廳我食過好幾次了：Antoshimo Café & Bakery！ 佢哋的日式豚肉壽嘉燒和黑糖菊花茶都係我喜歡啊，好想去日本但未去到，便這裡過口癮啦！Antoshimo Café & Bakery

假日和女友去荷里活行街街,行行下又到左晚飯時間,又想食日本野, 最後去左一間來自日本沖繩既Antoshimo Cafe & Bakery。由於食肆限聚令關係,規定了六成入座率,所以等左成半粒鐘先入到去。叫左2個88蚊既套餐, 分別有（1)主菜鍋 （2)飯/麵鍋(3)飲品(4)免費甜點（1a）食左黑椒牛油蜜糖芥末鍋燒炸雞,炸得卜卜脆又唔太油膩,雞肉好鮮嫩,同牛油蜜糖芥茉好夾呀,好有驚喜（1b）食左壽喜燒鍋煮美國牛肉,個汁煮得啱啱, 唔會太咸太淡,入面又加左d爽口椰菜,幾健康,肥牛就正正常常啦！（2）食左蕃茄芝士飯同蕃茄芝士烏冬個蕃茄湯好濃，好開胃，鍾意食蕃茄既朋友仔唔可以錯過！（2）呢度既凍檸茶就真係sell黑糖（黑糖另上）,個人都係中意普通糖漿多d,對於加左黑糖既檸茶,唔係我杯茶,反而茶記果d我like多d（3）免費甜點係海鹽焦糖冬甩雪糕,呢個好有驚喜, 無諗過隨餐附送既甜品都咁好味同咁有驚喜有一球凍冰冰但口感幼滑既海鹽牛乳雪糕放在煙韌又暖暖地既麻薯冬甩上面,冰火交融,口感一流, 冬甩下面仲有黑糖糖漿,3樣食物/配料加埋一齊係出奇地夾, 女友表示十分滿意呢個作為正餐之後既甜品,為整個晚

一直都覺得鑽石山冇乜好食，咁啱嚟到都唔知食乜好，行行吓見到呢間有壽嘉燒食，仲有二人餐又幾抵就試吓嗌咗兩個二人餐，包壽喜燒，仲有小食、烏冬/飯 同嘢飲，又幾豐富壽喜燒都幾多料，食到好飽，味道都唔錯最驚喜反而係小食，柚子炸雞真係幾好味，炸得juicy 肉質又鮮嫩，配埋柚子醬真係好fresh，下次嚟會再嗌呢個！服務都好好，我哋搞錯咗少少嘢，佢哋都好耐心同我哋解釋返💕餐廳座位都幾多，環境都舒服，但多人時會有少少嘈等位時見到佢啲冬甩都好靚好可愛，下次經過都想買嚟試吓💛

Antoshimo Cafe & Bakery鑽石山荷里活廣場1樓182號舖沖繩二段料理自由配定食($68起)壽喜燒鍋煮美國牛肉($48)味道不錯,牛肉分量充足, 單吃會有點濃味。好味指數:🌟🌟🌟打卡指數:🌟🌟🌟大份指數:🌟🌟🌟🌟性價比:🌟🌟🌟🌟(5🌟為最高分)胡麻花鍋燒撈麵($28)麵有好多調味, 少少辣, 麵軟度適中和份量好多, 推薦👍好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟牛油蜜糖鍋燒炸雞($46)味道不錯, 多醬, 炸雞普通, 唔太熱。好味指數:🌟🌟🌟打卡指數:🌟🌟🌟🌟大份指數:🌟🌟🌟性價比:🌟🌟🌟芝士蕃茄炊飯($28) 芝士另上, 超多, 飯好creamy, 少少膩, 份量ok好味指數:🌟🌟🌟打卡指數:🌟🌟🌟大份指數:🌟🌟🌟性價比:🌟🌟🌟海鹽焦糖冬甩甜品($19) 2人有2份好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟

行下街～經過門口聞到勁香，雖然等位等左好耐，但都好值！無論係二人套餐、一人鍋，全都好吸引，簡左勁耐先簡到👅.▪️黑椒牛油蜜糖芥茉鍋燒炸雞$46勁香既牛油味，食到最後陣有少少黑椒味，唔會太單調，雞皮都唔會太厚，外脆內軟▫️壽喜燒湯烏冬$32個湯略略地偏淡，不過好在其他野都好夠味，可以緩衝一下▪️黑椒鍋煮雞扒 $46雞扒煮得好林，醬汁甜得來又有少少辣，配上粟米、椰菜同粉絲，好似打邊爐咁▫️龍蝦鍋燒撈麵 $38出奇地龍蝦味超重，呢個價錢本身都冇好大期望，點知又唔會覺得似罐頭龍蝦湯▪️凍黑糖菊花茶/凍黑糖檸檬茶 黑糖既關係，兩杯都超甜🙈 ▫️海鹽焦糖冬甩雪糕 $19其實食完4個鍋，都已經好飽，好擔心食唔落個甜品，本身仲諗住外賣走算～ 不過上左之後，其實都係細細份，而且焦糖冬甩同雲呢拿雪糕個係超夾，最後都係一啖都冇剩

Antoshimo cafe既定食特別在用鍋燒上 叫一個主食+主菜就會有兩個鍋 好似好大食咁🤣今日同老豆一齊去食 因為佢本身食左少少野 所以諗住望住我食就算 我地淨係嗌左一個set💁🏽‍♀️A2. 柚子鍋燒咕嚕雞 ($38)order個陣想像佢會好似中式既咕嚕肉咁表皮沾滿汁醬 但呢個就睇落同咬落比較乾身~~鍋底既洋蔥🧅吸收哂柚子味 好甜!咕嚕雞份量都幾多 一個人會食唔哂 $38單點當小食既話幾抵食👍🏽 不過一定要同朋友share啊!B8. 濃蝦鍋燒撈麵 ($38)怕辣既人唔需要因為menu上有條辣椒🌶️既圖示就唔揀佢😛 因為佢係「微辛」唔算好食得辣既我就覺得唔辣~~蝦味未達到我想像中既濃度呢~~ 不過麵既份量又幾多 所以我最後都係叫老豆幫手KO🤣餐飲👉🏼 (少冰)凍黑糖檸檬茶🍋 (+$3)有三塊厚切檸檬咁多👍🏽落黑糖漿比落普通糖水健康得多!叫定食set就會送一客👉🏼 海鹽焦糖冬甩雪糕 (🌟Free!)細個勁鍾意冬甩🍩 因為個外型!大個就淨係會望 唔會買唔會食 因為怕肥🤭今次可以喺冬甩專門店免費食到 唔係唔食嘛🤣 又係同老豆一人半個~~冬甩係麻糬冬甩 所以咬落煙煙韌韌😍加埋伴碟既少少紫薯 更

每次去都係叫兩人套餐 都會有一個蒸籠 一個飯 咁樣 會有小食 同埋甜品 小價錢多餐點 性價比好高 同埋感覺好特別好新鮮 有唔同口味嘅烏冬同飯 配各類嘅配菜 我自己最鍾意吃番茄飯 拌好之後 淡淡拉絲 雖然味道唔會太濃 不過都會吃到好清爽嘅番茄甜酸味 蒸籠上面係係 豬肉 牛雞 或者係餃子 好多唔同小食 唔會有過多調味 吃完成個二人餐會好飽 好滿足 之餘 身體都唔會有負擔 最鍾意就係甜品 雪糕加上 炸麻糬冬甩 🍩好煙韌 加埋雪糕吃好雪糕

二人套餐抵食日本菜😋難得大商場入面有間日本茶唔太貴，二人套餐又非常吸引！😍商場角落頭都算靜靜地，所以就簡左一試～😚柚子雞甜得黎脆脆地，係出奇地夾！👌🏻柚子醬撈面/雞都非常好食，清新得黎唔熱氣🥘麵就略嫌小左啲龍蝦湯，但係坎麵都非常特別！非常美味～👅蜜糖芥末配豚肉，肉煮得入晒味～蜜糖汁撈飯食都係一流！🐷坎飯就好木似淡味左小小，但配埋汁一齊食都唔錯～😻每人都係約80蚊就有一鍋餸+一鍋飯/麵+野飲！🥤絕對係非常經濟實惠且美味！🥢環境：★ ★ ★ ★ ☆食物：★ ★ ★ ★ ☆服務：★ ★ ★ ★ ☆性價比：★ ★ ★ ★ ☆

沖繩料理外賣！第一次叫這間餐廳的外賣，我前面都有幾個人在排隊付款，聽到他們也是叫三色胡麻花撈麵便當，看來這個便當的人氣也相當高。現在餐廳做優惠，58元就有齊拌麵、炸雞和冬甩，抵食！三色胡麻花撈麵- 三色分別是白芝麻醬油、花椒油、甜醬油，可以按照自己的口味調配醬油比例，芝麻味好重，我加了幾滴花椒油，都有麻辣香味。麵的分量幾多，麵上鋪滿蔬菜，有秋葵和我最愛的芋絲。柚子/黑椒炸雞- 便當裹的炸雞有兩種口味選擇，我們兩款都嘗嘗，結果黑椒和柚子都好好味！雞肉炸得十分香脆，脆到好像吃薯片一樣的口感，真的沒有誇張！點上柚子蜜，減低熱氣的感覺。黑椒汁比較重口味，惹味可口。海鹽焦糖牛乳/紅芋忌廉牛乳冬甩- 這間餐廳重點推介冬甩！冬甩外脆內軟，沾上海鹽焦糖醬，令麵團染上淡淡的鹹味，鹹甜做到平衡。另外一款是芋頭忌廉，味道較清新較甜，芋頭味頗突出。推介冬甩！

嗌左個a1 黑椒牛油蜜糖芥末鍋燒炸雞 同埋b9 麻花鍋燒撈麵仲會送個海鹽焦糖冬甩雪糕本人十分鍾意蜜糖芥末 佢呢個我覺得唔夠芥末味 美中不足炸雞d雞都好嫩滑個撈麵唔夠濃味 我都係用炸雞d汁撈埋個麵食至於個冬甩呢 我真係唔係咁識欣賞海鹽味既雪糕啦如果佢轉其他口味 我諗我會開心d不過咁既價錢可以食到咁飽都已經算係好好架啦！

如果有睇開小編既post 都知, 小編係一個煙韌控 🤤睇到同煙韌扯得上關係既食物, 小編都會有衝動去試一下 😂😂今次行過荷里活廣場, 睇到大大塊banner 寫住『麻糬』冬甩小編點會放過呢 😤😤😤😤.佢地既麻糬冬甩都有好多隻味簡, 有雪糕跟既就有以下口味:海鹽焦糖 🌊 朱古力 🍫 士多啤梨 🍓小編最愛係海鹽焦糖, 所以就叫左佢喇 😍.1) 獅莎牛乳冬甩新地 ℍ𝕂𝔻 𝟛𝟚擺碟真係好可愛😍仲有個獅莎巴既朱古力做裝飾, KᗩᗯᗩII~冬甩中間有牛乳雪糕 🥛雪糕質感幼滑, 奶味香濃同連埋冬甩一齊食, 簡直係完美配合 😍冬甩因為有麻糬既關係, 口感煙煙韌韌冬甩面上淋有海鹽焦糖醬, 配埋雪糕一齊食就會咸咸甜甜, 諗起都流口水呀🤤🤤

剛剛中午同男朋友經過呢間餐廳，聞到超香既味道>< 所以我地選擇喺呢度食午餐! 佢午餐係定食，現時做緊活動，仲會free個甜品比我地食。叫餐都幾特別，係A主菜加B主食加C免費飲品，而家再free指定既甜品！老實講，佢午餐都要60幾70既價錢都幾貴，不過唔知佢係咪全日都係用同一個menu，晚餐食呢個價同份量就抵。佢份量真係幾多，我叫左一個38蚊既主菜(蜜糖芥末豚肉)，配20幾蚊既蕃茄芝士risotto。講左個主菜先！佢係好食，好好撈飯食嘅。佢既蜜糖芥末味我覺得就不太重，佢唔係好似menu張相咁吱曬啲醬喺面。佢反而係一啲豚肉湯汁咁浸住啲豚肉同椰菜，索曬啲汁黎食好味。反而佢個risotto就普普通通啦，我覺得佢太濕啦比起平時既意大利飯。佢上碟時仲有啲蕃茄湯汁喺上面咁，之後我再倒啲芝士碎落去撈，撈完就無曬啲汁啦。味道方面，就還好啦，我覺得佢個主菜配白飯已經夠，唔需要個蕃茄芝士risotto。飲品方面，佢根本上得黑糖檸檬茶或者水比你簡hahaha，我揀左黑糖檸檬茶，大家可以叫少冰，佢少左冰都仲好多冰xd。佢檸檬茶同黑糖汁係分開上既，佢個檸檬茶底係完全無落糖，所以係靠自己調節黑糖汁落