沖繩二段料理 (愉景新城)

营业中

休息中

早前已經係長沙灣店食過。。。對佢哋嘅「上蒸下煮」二段鍋真係好懷念😋而且食物質素+性價比高～值得一試再試！呢日我哋剛好在附近完咗活動經過見到原來荃灣呢度都有分店餐廳嘅人氣「海鹽冬甩」係我哋是次再訪嘅原因因為接近晚市眼見都真係陸續有好多食客幸好我哋早少少入內下單。。。如果唔係再遲多少少就開始要排隊了今次見到餐牌有新款「蜜糖芥末醬黑椒雞鍋芝士番茄炊飯鍋定食」$97 （主食+主菜+冬甩甜品+飲品）拉絲芝士配搭蕃茄呢個飯真係無得輸！尤其係小朋友嘅最愛，濃濃的芝士蕃茄滲透入每粒飯裡，配上蜜糖芥末醬黑椒雞，又香口又juicy, 層次分明！最主要都係個「海鹽冬甩」今次要額外叫多兩個，冬甩口感好似軟棉棉嘅麫包，好值得去試；試完之後就會好自然試埋其他，因為呢個冬甩甜品真係好出色😋👍推介！

呢間鋪我成日去D PARK都會經過，但成日都好多人，而且位置亦唔算好多，所以一直無試。終於有一日，只係帶細佬出街，可以試下啦！店鋪坐位老實講唔算太舒服，有啲迫同有啲窄，而且有限時🫣。佢吸引我嘅地方就係豐富喇！有飯/鳥冬+炸雞/鍋物+甜品+飲品，成個組合非常吸引😋。 需要我覺得，飯配烏冬嘅配搭係有點奇怪（澱粉質+澱粉質），但睇下個食法其實又幾有趣，有人share又或者食量比較大的朋友應該會幾開心😆。 沖繩海鹽焦糖布甸雞（$59）+蕃茄湯烏冬+雪糕奶茶焦糖布甸質感好creamy,唔太甜，奶香味濃😋，我真係好欣賞。至於炸雞亦十分香口，絕對係細路仔最愛。蕃茄湯烏冬呢，雖然無好大驚喜，但亦算水準之中，烏冬都幾彈牙。最後係杯雪糕奶茶，雪糕算係幾滑，重點係杯奶茶，茶味好濃（好有茶餐廳感覺）。暈茶嘅我都有啲暈😆。 壽喜燒牛肉烏冬+凍檸茶呢個爸爸就覺得好一般，賣相味道都係好一般，而我都覺得感覺唔豐富，下次，可以試下其他😆。 今次無試到出名的冬甩，同重澱粉質嘅二段料理，下次有機會可以試埋😋。 📍沖繩二段料理 Antoshimo Cafe & Bakery愉景新城荃灣青山公路荃灣段398號1樓1066號鋪

今天吃了一個抵食好味的午餐，沖繩海鹽焦糖布甸雞（$59）這個名字有點複雜，雞中有布甸、焦糖有海鹽，原來味道一流，雞塊熱辣辣、脆卜卜，外脆內軟滑不油膩，好入味，配上那凍凍哋的焦糖布甸，有凍有熱，原來好夾。跟一個沖繩原味蒸飯，好清新的蒸飯有少少雞肉，菇等。用完正餐，可以將預先印發的收條給服務員，上甜品時間由自己掌握。我的套餐加配了一個沖繩海鹽焦糖雪糕冬甩（$20）個冬甩質感好特別，好似煙煙韌韌的麵包，加入雪糕味道不錯。

朋友帶我試下新菜式，我說日本料理我常吃，今次原來係吃沖繩料理，莫非吃苦瓜蛋。餐牌上見到沖繩蒸飯 日式炸雞，上蒸下煮 二段鍋燒，幾特別。朋友叫了「沖繩海鹽焦糖布甸雞」配「沖繩原味蒸飯」，一想起布甸雞夾唔夾，我將兩者一齊放入口，雞外脆內嫩加上布甸的焦糖味，好配合好好味，「沖繩原味蒸鈑飯」淡淡的清香，有香菇、雞肉等，原來好滋味。「大阪燒醬吉列豬扒」加「明太子櫻花蝦蒸飯」 個飯有明太子的咸香好惹味，豬扒外脆內軟嫩，肉質鬆軟入味，口感非常好加上大阪燒醬汁，好好味。大家也加配了一份冬乜，「沖繩海鹽焦糖雪糕冬甩」冬乜甩好煙靱，有點吃麻薯的感覺，加上雪糕餐後最佳甜品而且價錢相宜。

每次都是為了吃冬甩才吃看了有新品 柚子火鍋炊飯選了豚肉火鍋 $149肉類可以選：豚肉／ 牛肉／ 豚肉+牛肉湯底可選:蕃茄湯／柚子湯因為想清新點選了柚子先吃了火鍋再麻煩店員給炊飯料肉的份量挺多我胃口不太分了給朋友才吃的完不過這個我不太喜歡，最主要要原因一方面柚子湯跟飯是有點不搭另一方面是煮完肉的湯其實非常油！變相吃炊飯就把全部油都吃下去了！所以下次我不會再點這個但朋友點的烏冬湯頭可以跟天婦羅也炸得很脆，值得吃以前吃冬甩好像沒有這麼多選擇所以我一直都吃原味，但這次因為加$9可以升級阿華田口味就加了結論是：下次還是點原味就好醬太多而且味道很香精味所以不推但平時吃原味我覺得好好吃總括而言這次體驗還好但根據之前吃的幾次質素還是可以得！遇然想吃甜品還是會再去🤣

之前成日都會食 兩年前七八十蚊就有正餐野食同甜品 性價比好高 但依家加到百2蚊1set 就好似性價比低好多🥲蕃茄魚柳同蕃茄濃湯烏冬熱辣辣好正最好食當然係海鹽焦糖冬甩又咸又甜 冰火兩重奏喺口度融合 一試就愛上！但最近一年冇左蕃茄魚 對於除了海鮮不吃其他肉既人黎講 唯有揀靖魚 但始終冇魚柳咁match咁好食 希望遲吓可以有返呢個選擇！

第一次午膳有時間限定，在愉景新城內，可能店舖地方唔大，所以希望客人流動快些，落單都是用QR CODE，上餐速度正常，食物質素唔錯，飲品方面個人認為略為偏甜，而且又有飯後甜品。非常滿足。

每次經過愉景新城囡囡都會被冬甩🍩吸引🤩今次就試下堂食晚餐🍲單點定食set- 大阪燒吉列豬扒壽喜燒湯烏冬定食✨4.5星大阪燒醬汁同豬扒好配合吉列豬扒炸粉唔會好厚👍🏻壽喜燒湯底好甜 好好味🤭烏冬仲好滑 份量足夠-蜜糖芥末黑椒炸雞🍗配芝士蕃茄鍋燒炊飯定食 ✨5星蜜糖🍯芥末醬甜甜地 同炸雞好夾炸雞好脆口 肉質細嫩👍🏻外脆內嫩 完全會覺得油膩另外，芝士鍋燒炊飯既芝士🧀️拉絲好出色🤭同蕃茄混合埋食真係好正😌兩款都加左餐飲 -無糖烏龍茶 -凍黑糖檸檬🍋茶最正係兩個定食套餐每個set都包一份甜品🤭沖繩海鹽焦糖冬甩雪糕🍦🍩😍冬甩好彈牙 口感煙韌配合海鹽焦糖醬嚟食 非常配合唔會好咸/好甜 味道👅剛剛好🤭令人回味💕冬甩🍩簡直5星滿分除左堂食之外 仲可以外賣翻屋企食添啊😋

今日與小朋友經過愉景新城這間店， 原本不是揀這間， 時間尚早， 沒有人。 於是入去就座， 食物味道一半， 食物款式唔太適合小朋友食。還有店內員工服務態度差。 冬甩雪糕後上， 見到我哋揮張冬甩雪糕紙， 店員睇到扮睇唔到。

相信好多朋友都似我咁好鍾意食冬甩呢間唔係平時食開大牌子個間係日本冲繩嘅冬甩🍩有8種唔同味道選擇我揀咗抹茶味海鹽焦糖味上面放咗冲蠅獅莎朱古力咬口都係煙煙韌韌味道唔太甜Size 比較細 可能適合日本人口味

Lunch hour時段嚟到愉景新城，食呢間餐廳主要因為有冬甩雪糕🍩佢有午市套餐有幾樣嘢要揀：主食、主菜、甜品、餐飲🍱二段料理分別要揀蒸飯味道同埋料理，最後有甜品。佢哋個芝士蕃茄炊飯味道唔錯，酸酸甜甜😛沖繩原味蒸飯都唔錯🙂料理方面我比較推薦大阪燒醬吉列豬扒🐽甜品如果唔加錢嘅口味有沖繩海鹽焦糖雪糕冬甩😋如果加錢有朱古力、士多啤梨、阿華田、抹茶好多唔同嘅口味🍫套餐飲品本身有凍或熱烏龍茶🥤一個餐其實咁多嘢食一定夠飽🤘🏻

今日約左朋友去荃灣食飯慶祝搵到新工， 揀左間朋友推薦既日式料理餐廳，見佢個二人餐都係$309咁抵，就諗唔諗落order la 先黎左個炸物天婦羅拼盤前菜，有蝦餅春卷炸雞同埋素炸物，麵糊唔厚，口感酥脆，外酥內嫩，亦唔算太油膩。不錯👍🏻 之後，黎左既主食分別係大蝦明太子烏冬，牛肉柚子壽喜燒雜炊鍋，味道佳👍🏻👍🏻👍🏻👍🏻而我最鍾意既係三色炊飯，係我哋食晒牛肉之後，職員會上一個炊飯同埋配料俾我哋，超好食😋最後當然要試試佢好出名嘅甜品沖繩海鹽焦糖朱古力冬甩🍩 冬甩好煙靭配上海鹽醬加雪糕，口感一流，大堆呢間性價比高既極高日式料理餐廳👍🏻👍🏻👍🏻🤣🤣

平日7點入座，唔洗排隊。一坐底就話QR code落單，冇問題既，但落單都自己黎仲好意思收加一。雖然唔洗排隊，但晚飯時間幾乎滿座，樓面只有2位侍應招呼客人。自己撳完QR code，侍應隨即擺低兩張飛仔係枱面，就咁講咗聲「甜品卷」就走咗去，心諗姐係點呢。之後另一個侍應過黎，問一問先知張「甜品卷」用黎換跟餐既甜品。連上甜品都要我自己主動拎張卷去換，比服務費黎做咩？你見客人食完主食，咪過黎問一句上得甜品未，有幾難？主食就有個炊飯既，係將白飯加落你個壽喜燒湯底，煲熱黎食。本身湯底已經淨番好少，加完白飯好快乾水，但你想熄火都唔得，因為係用白蠟點火既，呢個時候想叫侍應過黎整熄個火，好喇成個樓面得2個侍應，等成2分鐘都冇人幫到你，呢個時候煲飯已經燶咁制。其實呢個情況應該好常見架啦，侍應係咪可以係上茶個時提一提客人如果乾水，早啲嗌侍應熄火？完全唔明點服務水平惡劣都好意思收加一。至於食物質素：一般。壽喜燒牛肉好鞋，柚子湯底稍有特色。唯獨甜品冬甩質素不錯。

同老人家食飯，叫咗個芝士蕃茄鍋燒雞配沖繩蒸飯，店員話每個人都要最低消費，於是叫多個天婦羅拼盤，啲嘢嚟齊之後，叫多隻細碗分飯，個店員咀臉已經有啲唔鍾意，之後上甜品嘅時候，一個甜品兩個人食，佢只係比咗一隻匙羹，於是我再叫佢比多隻匙羹，佢個咀臉更加黑，我再問老人家食物質素如何，佢話一啲都唔啱老人家食，啲飯好乾，啲雞好硬好乾，唔會再去食午餐。

門面光猛，多人食又多人排隊，吸引人目光。仲有一個甜品角落，專賣特色冬甩。從未試過獅莎冬甩，使人好奇。觀乎二人餐抵食（其實一人餐性價比都唔低），決定一試 B 餐。一坐低時，餐具已用熱水浸住，顯出餐廳服務貼心。凍"黑糖"檸檬茶& 熱烏龍茶：餐牌寫「凍"黑糖"檸檬茶」，仲滿腦懸念究竟用"黑糖"沖出嚟嘅凍茶會唔會啱口味、值唔值得試。 結果一試「凍黑糖檸檬茶」同試面上茶餐廳凍茶並冇分別。天婦羅拼盤：蕃薯條很甜，一次過未必接受到吃太多。說是「"雞軟骨"餃子」，吃起來像一般豬肉餃子。勝在全部食物熱騰騰。野菜天婦羅同炸雞出色。魚蝦蟹火鍋雜炊飯：料足。湯必定要拌料/飯食，否則太甜。差不多食光食材，店員送上炊飯食材。客人可按個人喜好，調整鍋中湯份量去煮出合適口味/濕潤度炊飯。先落飯。再落豆、粟米粒、茹。最後落芝士。炊飯 ready。壽喜燒牛肉烏冬：暖胃，合符性價比之質素。甜品沖繩海鹽焦糖朱古力冬甩外型好可愛。獅莎冬甩質感 chewy，可以形容為脆皮麻糬。獅莎冬甩熱、雪糕凍，衝擊口感。焦糖醬加上雪糕造就邪惡嘅甜味。一啖一啖，好快食晒。服務好，食物質素符合性價比，部分食物出色。可以 encore。