影片
食家推介
从来无谂过拉面汤底可以清如水淡而无味，令到从来唔写食评嘅我，都要用上10分钟为佢写上劣食食评！服务态度系我遇过嘅侍应最差，自问自己都算有礼貌唔该前唔该后，点解会换黎老套嘅回应！唯一优点无乜人唔洗等位！都算系店铺竞争优势今日系食左(开水)九洲拉面？(海水味)海鲜拉面？炸（骨）鸡？淡如清水既九洲拉面，带出面条嘅面粉味！海水味海鲜拉面，用盐去带出海洋味道，令你置身于荒岛中嘅体验！全骨炸鸡，唔多讲，就系食炸粉同骨头啦！
继续阅读
睇完戏去女人街谂住揾d轻便野食下，因为都饱饱地，见到门口有蕃茄汤乌冬，就直接入左去lu. 果时都近8点几九点，奇怪入边一枱客都无🤔。叫左个蕃茄汤乌冬（$6x)。个汤第一下饮落去无咩味，其实都几清。上面有啲芝士粉咁😓个几块豚肉都几硬下，肥油又多，见到都饱。最好食应该系果半只蛋，乌冬都几烟un.其实都ok 既唔算好难食。不过睇番menu, 原来系叫蕃茄"浓汤".....哗。。。呢一下感觉唔良好，摆明系清汤扮上菜😱之后系东京酱油拉面（$7x)，个汤又系劲淡，唔太like 个酱油味，好难食，块肉又劲多肥膏😵。。唔值呢个价，唯一赞系个面质几爽口汤底系拉面既灵魂，佢个汤已经系唔合格。另外唔太喜欢佢用木筷子果下，感觉唔多舒服。
继续阅读
平时放lunch 一个钟都系贪方便是但楼下食, 昨日误打误撞入去呢间食左个午餐拉面，真的很惊喜。$48、连冻饮、连小食，可以食到似一兰那款硬身的拉面，汤底有4 种，试了两次「赤」都几乎饮清汤。流心蛋好食。小食都是即整热辣辣上的，上次食炸鸡很正，今次叫了饺子，因为太吸引所以忘了「相机食先」。而且上菜快，以后lunch time 想食拉面都可以去呢度啦招呼环境好好，真的感觉像在日本。
继续阅读
昨天出开旺角买衫, 因为晚饭时段, 旺角好多食店都排满人了, 所以就系附近乱找家店来食. 另外, 又因为同行朋友超爱食拉面, 而冇意中行过呢间江户拉面就入去试下啦~ 等左大约5分钟就有位啦, 入面都几有日本餐厅既感觉...我地叫左一个黑江户, 一个白江户拉面. 但见到厨房得一位厨师忙碌咁整紧野食, 所以在坐座客人都要等耐少少先有得食~不过呢点唔紧要如果个拉面系好味既话...但系, 我同朋友都看觉得呢碗拉面好一般... 又唔系话唔好食, 其实碗拉面既味系OK既. 首先讲下个汤底, 会比一般拉面淡味一点, 较清, 唔会话好浓厚既汤底. 另外, 佢既面质唔够弹牙, 略为煮得熟左过左少少火...而面既分份量又比一般食开既拉面都要少, 男仔食一定唔够~ 另一方面, 拉面既配料都唔讲得上好, 只可以讲有点HEA底, 如果真系要比. 一来拉面黎讲, 块肉既质素都几重要, 但呢碗拉面比唔到的拉面应有配料-肉质系有点'鞋', 另外, 只蛋唔算好入到味, 比较淡味, 而木耳就好似完全没味咁... 所以, 整体黎讲就真心冇咩特别, 我宁愿比番贵少少, 食间好点既拉面店
继续阅读
收工揾野食，见到有团购就买黎试试！唔知系咪已经九点，所以无咩人叫左两个拉面餐，有拉面，小食同饮品，超抵！野食质素方面都唔错，入味，唔大味精，食完唔太口渴！好食过某某大型拉面店成百元一碗，坐得舒服，可以慢慢倾计。个汤唔系好浓，但个人觉得可以，菜份量多而且好味，糖心蛋有一只，唔会半只甘小家！小食拣左猪颈肉，烧得好香，淋，汽水系罐装，值得再去！
继续阅读