江川手打烏冬 (已結業)

睇倒tv賣得咁行....終於可以試下所謂既手打烏冬!叫左鴨胸手打烏冬(豬骨湯底)&金菇豚肉卷手打烏冬(麵豉湯底)鴨胸似煙肉(乾&鹹) , 豬骨湯底ok幾濃~金菇豚肉卷good入口即溶, 麵豉湯底似出前一丁味精湯...一d麵豉味都冇!烏冬冇特別唔係太彈牙!

係MK食野，尤其是要試新野，排隊係預左!今次黎到呢間野，地板有投影魚缸，D餐具係透明既~~~ 幾有特色。坐底左，就當然係叫D野食~~~ 叫左個黑豕肉金菇卷(蕃茄湯)烏冬同CURRY豬扒烏冬!食後感: 蕃茄湯似"V8".... CURRY湯D味入唔到烏冬度! 吉列豬扒麻麻地... 黑豕肉金菇卷D豕肉薄過燈影牛肉....簡單黎講，味道一般而且份量少...40幾蚊一碗烏冬...唔太值 P.S. 間野似乎全部都係2座位...MATCH情侶 !

2009-05-14 10:39202.128.x.x有晚行過勁多人係門口等位 , 果陣岩岩開張冇耐手打烏冬 , 緊係要試試於是, lunch有日就去左呢度食 , 我點左個咖喱豬扒烏冬 , 黎到咖喱湯烏冬 + 碟豬扒, 好似有d奇怪咁, 因為成碗烏冬都係咖喱色 , 上面有pat咖喱汁咁 ...... 我同朋友 我地一齊食第一啖有同一感覺 , {一口咬定都唔係手打烏冬} , 我自己煮係一田買的讚岐烏冬都好食過佢 .... 至少有煙 un 彈牙o既口感, 唔會一啖咬斷....... 而呢間野D烏冬就似係普通貨色 , 如果個名叫做江X手打烏冬而唔係用 手打烏冬就真係笑大人個口...... 不過講真 , 我覺得呢間野頂唔到好耐.....唔係話咁好食 , 摺埋只係時間問題多謝

我係無睇食評去的,經過好多次都見到有好多人等位,所以都有de 期望~叫了炭燒鰻魚烏冬,豬骨湯底。份量不多,但女仔食都應該夠~烏冬真係好滑,雖然只係得四塊鰻魚,但其實剩食烏冬已經覺得好好味~~鰻魚雖然量少,但都燒得幾好味,水準之作~睇食評見到話唔係手打,有de 驚訝,雖然唔肯定係唔係,但希望真係手打吧,否則有被騙的感覺.....

我最愛食烏冬, 見到電視廣告手打烏冬專門店, 就同Daddy, 家姐去試一試, 湯底有十款遻, 我食比目魚烏冬豬較骨湯底(魚燒得好香,好滑), 我Daddy重食咗兩碗連湯都喝埋, 我家姐最鍾恴食燒魷魚筒, 我下次會約埋老公同埋D朋友去食, 試下其他嘢食.

平時行街見到依間野好似好多人排隊。於是趁下午冇乜人去試下。點知真係強差人意。唔會食第二次我地先叫會天婦羅烏冬，粟米湯底...點知佢話冇...就連甘荀都冇..得返蕃茄同d豬骨湯。我男友叫金菇牛肉..佢又話冇..轉要金菇黑豚肉..落單之後又話冇.....於是轉要左鰻魚。佢個menud相影出黎係超靚的，又有三個小碗載住d葱、蒜片。其中一碗我好肯定係海哲黎既。當然佢寫住圖片只供參考，但係都冇理由會少咁樣架。份量同賣相唔同都明白，但係佢最後係變左冇海哲。同埋所有野勁少。所以千奇唔好再去。

當佢未開張見到佢裝修緊既時侯已經好想去食....點知試左之後非常想失望我女友仔叫左黑松露冷烏冬, 而我就叫左個金菇肥牛烏冬.個冷烏冬細得可憐...黑松露得幾片仔.....連女仔食都話太少最慘係個湯底係牛奶, D 烏冬完全冇味......我個金菇肥牛烏冬揀左個冬陰功湯底, D個金菇肥牛幾好食, 仲要係另上架, D金菇唔知點解非常爽, 完全冇黐牙, 好味!!但係個D烏冬都係一樣, 湯還湯既味, 烏冬還烏冬, 個冬陰功底都OK, D烏冬老實講我真係唔覺得好食, 我係日本雜貨鋪買個D日本烏冬仲好食過佢同尖咀間豚肉烏冬比真係差九條街

見佢開左一排,開宗名義係手打烏冬先特登去試(仲要排左半小時先有位)結果係去左一間港式餐廳食烏冬.......餐牌上面既配菜全都冇....豆角,南瓜換來的是 一條條灰色很硬的不知明東東..本人要了鰻魚烏冬...但好像整塊鰻魚切開五塊而中間少了一塊 (有人偷食左 ?????)友人試的甘荀咪湯底因淡而無味而要求取鹽....點知都只有豉油提供回來見有食家指原來並非真的用手打烏冬....真係連一次的理由也沒有了....

見未試過，一於同朋友去試，8pm去到要排隊，排左近40mins，終於有得入去，入面全部得2人座位，想多人去食一齊坐唔駛唸叫左吉列豬扒咖哩烏冬、比目魚豬骨湯烏冬(各$46)，吉列豬扒比較乾、咖哩好重黃薑味，唔似預期中既咖哩比目魚細件，不過肉質尚算滑溜總括而言，$46得烏冬同主食，但冇飲品，仲有加一，以佢既質素，我就覺得偏貴，食一次都未必返去再食

之前行過見好多人等, 以為好好食, 所以跟亞B今晚來試試看. 等了半個鐘才有位,其實門口是大街來的, 真的不應該讓客人在那兒久等.我們叫了天婦羅烏冬, 比目魚烏冬和汁燒尤魚筒. 但我食烏冬時已發現不對勁, 很普通, 不大像是手打的! 看見其他食評才確定他們真的是用即食烏冬來代替! 真真太可惡啦! 如果只是即食烏冬便不值得四十幾蚊個餐了! 還有那個比目魚,應該只是普通雪魚來的. 亞B立即問侍應為什麼跟菜單差咁遠,個侍應還答圖片只是參考, 立時為之氣結! 他們真的太無恥了! 一定唔會再幫襯.

見佢新開 係尖沙咀見過幾次都無試過今次係旺角見到就試下叫左滑蛋蟹肉烏冬蕃茄湯 同 咖哩雞扒定食烏冬一睇就知唔係手打 食落同平時supermarket買的一樣咖哩雞扒定食 d飯痴埋一舊 糊仔咁 咖哩汁好大陣味 以為好野la 點知得d香味 食落兩回事 雞扒又太dry d肉好鞋好耐無試過係mk用$40食d咁無水準既野一定唔會再去呼籲大家做個精明消費者

四個人食晚飯，我同另一個女朋友都鐘意食烏冬，咁啱見旺中對面開左間新的「手打烏冬」店，便決定試下。門口成村人，攞飛時問4人枱要等幾耐，個女侍應話我地係第5張，以為唔使好耐啦~ 點知...原來間舖得兩張4人枱 跟住咪同個派飛講，會唔會搵兩張坐隔離嘅2人枱俾我地，點知佢兩眼空洞咁望住我，繼續叫啲2人飛入去坐 最嬲係跟住有家外籍人士，一家5口，排我系後面嘅，同門口個女仔講左一陣，就安排左兩張2人枱俾佢地...係咪視香港人，係咪講英文有特權？等左成粒鐘，終於有位...點知坐低仲驚，我個位對正廚房個窗口，上面竟然放左兩盒噹X日式烏冬麵(即係超市賣嗰啲)，乜原來噹X係讚岐手打烏冬？咁大個品牌，唔係咁樣呃人卦。我地4個人叫左︰汁燒牛肉烏冬 麵豉湯底比目魚烏冬 豬骨湯底豚肉金菇卷烏冬 麵豉湯底雞扒烏冬 冬陰公湯底全部都唔好食 麵豉湯冇味，冬陰公明顯係沖粉，豬骨湯冇特別。而噹X日式烏冬當然冇驚喜啦，喺屋企煮都好食過佢，仲要收成$40-50一碗，真係咪使旨意我會再幫襯。

有晚放工同朋友係旺角搵野食無意行過呢間江川, 鋪面幾特別, 睇過menu, 價錢合理, 所以一試! 因為店裡面得兩張四人抬, 等四人抬既時間可能會耐D!SOSAMLAM

上次因為時間安排不了而白白錯失了OpenRice的那個銅鑼灣江川試食會，認真可惜。說過要找個機會嚐一嚐此品牌的出品。剛巧要到旺角辦點公事，便約了一位在附近返工的朋友一同前來吃lunch。如店名，旺角這間分店係主打烏冬，並沒有壽司和刺身等供應。若大家想食壽司的話,就要去江川壽司，不要找錯地方。環境幾特別，不論是裝修或是餐具，均是以透明為主。試了其推介的汁燒牛柳粒烏冬，選蕃茄湯底。，而朋友就叫蝦天婦羅烏冬，另再加一客炸蠔。先來的竟然是天婦羅，我也急不及待搶食了一件茄子的。是剛炸起，熱呼呼的，粉漿亦不厚，但就一點味道都沒有，其實是幾難食的。其後來的又是炸物，而這個炸蠔就好吃得多。燙口又脆口的外層，相當吸引；蠔既口感幼滑，還有汁的，再點上醬汁，是意想不到的美味。久等之下，我的牛柳粒烏冬終於送到。不過野菜太多，牛柳粒過少了，只有幾粒牛，似乎有點取巧。再講，味道也不是好，沒有牛味，質感又韌，都唔知道點解可以係推介菜色。烏冬則相對好一點，蕃茄湯幾濃，卻稍嫌蕃茄的鮮甜味不足，而烏冬煙煙韌韌，口感甚佳。食物一般，透明的餐具更令我印象深刻，這也是個賣點吧！

今晚試了旺角新開張的江川手打烏冬專門店，6:00pm到達，食客只有一枱，不用等位 裝橫設計上有一種令人“冷冰冰”的感覺，像去了冰天雪地！這裡多是二人枱，不會有人“搭枱”，我鍾意！但如果一大班人就不太理想了！燒雞泡魚乾西柚沙律，燒雞泡魚乾不錯，而西柚肉就真的少了些！如果份量多少少會好睇些啦！比目魚烏冬，揀選了粟米湯底，透明的食具，清楚看到大大碗的烏冬，烏冬好...煙靱配清甜粟米湯底 好有粟米罐頭feel, 還以為粟米湯會無味，原來好夠味！全場食客多叫咖喱湯和蕃茄湯，各位下次可以試試粟米湯底！至於件魚就"油"了少少!Overall ~ 整體OK，烏冬好味！煙煙靱靱的麵條! 一個人食一碗真的好飽呀！！！