江南瀨粉 (土瓜灣道) (已結業)

雖然佢睇落細細碗，但食落其實都幾多下，起碼我食完成碗麵加個小食係好飽先🤣有時會無啦啦想食薯粉，而佢哋嘅薯粉幾滑溜👍🏻至於餸方面就冇乜邊樣比較Impressive，反而小食都唔錯，尤其係個墨魚餅，新鮮整起熱辣辣幾好食，不過有啲貴，$28先得6粒，好快就食完了🤣

晚上10:40用外賣 app叫左兩碗粉，接左單，餓住肚等佢等等等結果等咗成個鐘都未黎，之後11:38外賣員打黎話佢去到間舖發現關咗 。 如果係唔做生意就唔好接單啦。

今日經過入去試一試，叫左碗牛腩牛筋牛肚瀨粉，好有驚喜，好大碗超級足料，來到先試一口湯底，湯底好濃郁好香，牛腩牛筋牛肚好淋好入味😋，服務員態度很好👍一試難忘😊下次會再試其他小食👍👍

公司附近新開的江南瀨粉。係門口經過見入面裝修幾特別，好有古色古香風味。本來見到有得轉薯粉，但店員推介食自家製瀨粉，好啦，既然個名都叫江南瀨粉，甘就試下啦。見到餐牌下面有一個叫”大大碗手工瀨粉”$49。入面有13款餸，我地二個女仔去食，叫左一碗，黎到見到真係大大碗，瀨粉份量好多下，我地二個食都夠。瀨粉都好粗下，口感唔錯，唔會覺得好淋，不過又未係好煙韌。湯底都夠味唔算太鹹加上佢俾咗啲蔥同花生碎粒，撈埋落去都幾好食。除咗呢碗大大碗奶粉之外我哋仲叫咗個香煎墨魚餅。上枱時熱辣辣，不過個墨魚餅個形狀唔係甘似餅，似丸多啲。不過味道都尚可。而家新開張，買一碗粉面，仲會送一杯豆漿或者熱飲，不過阿姐好好人，見我地兩個人share一碗麵，佢送咗兩杯豆漿俾我哋。

見樓下新開張放假就去幫襯下，點知原來係伏，本身好肚餓落到去叫左個*紫菜鵝腸中麻辣瀨粉*走芝麻、走花生、走青，最終係食唔晒。下午4點零落去人唔多，除左我之外，一個起兩個止，但係落錯單🙈紫菜 變 韭菜，本身無為意張單打錯左，碗野一黎到半碗韭菜，而且紫菜消失了，心諗我知你本身有但唔洗咁多呀嘛😨原來一開始已經搞錯左，其實覺得都算嚴重，人多忙我都原諒你，都無咩人客都落得錯証明完全無心聽人講野🤯我通知返店員，佢就另上返個紫菜比我，由於太多韭菜頂唔緊，都係拎左個碗夾起佢算😅所以就變左圖中咁既境環🤷🏻‍♀️都係因為呢個原因，本身碗野個樣無影到，太亂了😟講返食物，首先個湯底，所謂中辣係咸到不行既清湯加一pat麻辣醬，而咸味已蓋過辣味，係咸到食完拿喉個種。之後，紫菜正常既，但索左湯就....😖鵝腸係去左肥膏既，爽口但唔太香。而手製瀨粉就同我去深水埗本店相差無幾，可接受既質感，但唔係兒時食既果種瀨粉。