影片
以上资料只供参考，请与餐厅确认详情
位于京瑞广场二楼角落嘅食店，唔熟路根本找唔到。所以做街坊及附近打工仔生意多。午市多数爆满要等位，晚上就冷清清啦。茶餐厅价钱，特惠午餐最受欢迎，有菜，有汤，有饭兼小菜，仲包埋饮料。最重要是连夜晚都可以叫午餐，我就觉得超值啦。加上味道唔差，尤其蒸鱼，原条上，大大条，一般茶餐厅只得半条。所以当咗食堂，只是款式选择唔多，转变唔大，食得多都有点闷。另外，鸡煲都唔错，唔会俾其外以鸡煲自居嘅店铺输蚀。但光顾嘅人客都系选择午餐多，抵食。
继续阅读
听讲呢一间石门的鸡煲几好食，所以就去帮衬吓，叫咗椰子鸡煲，真系几好食。落单后等咗一阵就已经上菜，汤底、半只鸡，仲有一个椰青分开上，只鸡望落去都几靓，好新鲜，感觉上好有光泽，D鸡肉位唔会瘀瘀黑黑。个伙记会帮我地倒个椰青落去个汤底度，然后开炉滚，滚起之后就可以落D鸡落去，再滚多5分钟左右就食得。个伙记叫我地要先饮个鸡汤，可了椰子水嘅鸡汤真系特别清甜，有一种好滋润嘅感觉。D鸡肉唔会太韧，而且都真系有鸡味嘅，以半只嘅份量黎讲都几足料，同埋因为碟鸡系分开上，所以唔会成煲都系骨多过肉，食到鸡比鸡脚𠮶D。打边炉配料就叫咗3样，分别有韭菜饺、鲜虾云吞同鲜腐竹，3样之中，佢个韭菜饺最好食，最有特色。
继续阅读
呢度嘅鸡质素真系唔错，新鲜、肉质有光泽、鸡嘅皮下脂肪偏少、鸡肉无瘀黑，而且份量都几多，呢间餐厅用嘅鸡系偏向大只。佢呢度应该系一碟有半只鸡，我哋叫咗一只鸡，所以有2碟，鸡同汤底分开上。新鲜椰青亦系分开上，侍应喺我哋面前倒个椰青水落汤底度，你仲提我哋要刮埋啲椰子肉落汤底度，等个汤更加清甜。饮完鸡汤食完鸡之后就打边炉，我哋叫咗鲜虾云吞、韭菜饺同埋炸鱼皮嚟打边炉，呢度个炸鱼皮超级大块，云吞同韭菜饺都好食，不过最好食都系啲鸡，冇谂过鸡煲嘅鸡质素会咁好。佢啲酱料有盖冚住晒好卫生。
继续阅读
呢间餐厅嘅set lunch都有几多选择，不过最正系佢𠮶个冇味精嘅例汤。一坐低就一人一碗例汤，有埋汤渣，睇个样唔似同一煲汤渣然后每日加滚水入去淆，所以唔未到香炉而且加咗粟米之后个汤特别甜。葱霸鸡同煎莲藕饼都有家庭feel，尤其是系个莲藕饼。唔知系唔系同呢间舖头专做鸡煲嘅关系，个葱霸鸡几好食，啲鸡嘅肉质几好，莲藕饼入面食到啲莲藕好爽口。每一份仲跟一点油菜。个set lunch除咗有个汤之外仲包埋餐饮，都算抵。
继续阅读
呢间餐厅可以一路打边炉一路食烧烤，一次过满足到两个愿望。打边炉就拣咗皮蛋芫茜加蕃茄薯仔汤底，其实都叫咗几多野嘅，不过唔记得影相，净系记得影碟牛肉同埋份韭菜饺。呢碟系美国鞍格斯，都几靓，味道唔错，而且都唔细碟，D雪花纹都算几均匀，系顶𠮶度有少少偏肥。蔬菜都新鲜。韭菜饺自家制，都几新鲜，D韭菜好香。至于烧烤方面，又系食咗几样野，都几好食。先来了3只烧蚝，都几肥美，D蒜蓉好惹味。Size都唔细，肉质鲜嫩Juicy。跟住系烧鱿鱼，好爽口，少少辣，够香口。羊肉串都要了2串，无乜膻味，又唔系好肥，D孜然粉好香。
继续阅读