滙江南/聚匯小廚茶餐廳 (已結業)

好多時都會來鰂魚涌一帶尋食，在路面上，在水巷內，我都有尋過覓過。可是，有一個地方，隱蔽的地方，我係從來冇提起過興趣入去的。而這一個地方，就是海山樓地庫的那一個舊商場。行在地面的一層，行在地底的一層，WOW，我感覺到我生活在三個不同的世界內。欣賞完成個 building complex，又到了吃東西的時間，在商場內點指兵兵地選，我選中了這一間與同集團酒樓連成一體的《聚匯小廚》。簡單的下午茶餐，我要了一個炒伊麵，出來的伊麵，夠晒熱，鑊氣不錯的炒麵，再加上豉味香甜，炒得均勻，沒有說不好的空間。然而，當日的天氣太熱了，我要了一杯凍奶茶。茶味不錯啊，甜味又落得剛好，奶亦帶出了香滑，是富有水準的一杯。整體感覺，不錯。

平時如果有得六七個人一齊放lunch，諗地方食都幾頭痛……好多時大家都會選擇呢間，貪佢多數有枱，飲茶又好，食茶餐都得。今次就食茶餐，各自各點碟頭飯食。呢碟乾牛河呢，夠色水喇。仲有啲咸啫。出奇嘅係啲河粉彈牙喎！ 加啲分。至於啲牛肉呢……我只知道自己食緊塊肉。呢碟炒麵呢……冇咁咸但好油下啲麵有部分都係脆口嘅。排骨就冇咩味喇。可能食咗碟咸牛河影響咗一人一碟野加杯野飲，要$60蚊。喺呢頭食就周圍都咁上下喇……

身為打工仔😆成星期最萬眾期待的Happy friday終於嚟喇阿頭請食lunch成班同事出去食返餐lunch抖抖氣先今次和同事到呢間餐廳食，等候時間唔算太長，可能因為早少少到的關係Menu太多選擇最後簡簡單單order咗個臘腸滑雞飯就算，但竟然有小驚喜出現😆勁足料😍😍😍臘腸不算是特別惹味，肉汁也未有滲得多於飯面，但欣賞飯粒夠乾身之餘，亦夠香口，軟硬適中，再睇返價錢$44咁平真係值得推介一下

今日要去拎D玻璃樽去香港水族廣場回收, 順便響果樹搵埋食... 12:00正, 一枱客都未有...真係估唔到餐廳入面咁大咁靚咁企理, 因為呢個商場基本上99%都係比較UP...原來呢度係上海菜館, 供應菜飯, 麵食, 點心, 甜品... 最後我地點咗2個菜飯...回窩肉--味道都OK, 份量適中, 略嫌D回窩肉太肥, 超過60%係肥膏...糖醋小排骨--嘩... D顏色... 咁超現實嘅... 味道尚可, 份量適中...豆沙窩餅--一時為食, 所以叫埋... 點知佢同D菜飯一齊上... 第一口都仲OK嘅, 個餅皮小小脆... 食完菜飯先食就已經硬晒, 最後仲食剩2件...Honey話咁嘅價錢, 算OK可以食吓...

星期日上午往柴灣掃墓，拜完山後和家人吃了不少燒肉和水果，但回家前老公還是心癮發作，要到附近商場看看有甚麼可吃的。由於這天溫度高達 29℃，實在悶熱得有點可怕，正想喝點凍飲降降溫，見這間茶餐廳門外當眼處掛了張宣傳海報，推廣甚麼孖寶必食，每份餐均包紅荳冰一杯，正合我意，嘆嘆冷氣也不錯嘛。這裡點餐其實同食車仔麵分別不大，檯面有紙有筆，想吃甚麼，啱了自己在點餐紙上寫上數量交給服務員便可，難怪唔見樓面亞姐拿著紙張落單喇。熱狗 + 紅荳冰 ($18) 這兒的熱狗是用上芝麻包作包身，長度不弱，足有六吋左右，除熱狗腸外，內裡還夾雜著蕃茄和生菜絲。塗上牛油的包身，經烘焗過後，入口脆得嚟又夠軟熟，而中間的脆皮腸，腸衣咬落既煙韌又有嚼口，只是略嫌其鹹香味唔夠明顯，不過配上酸酸甜甜的沙律醬汁，味道還是蠻不錯的。公司三文治 + 紅荳冰 ($23) 至於公司三文治，本來望落去賣相不俗，每片麵包都有番咁上下厚度，而且外層烘得色澤金黃，甚為誘人。只可惜內裡饀料放得實在有點過份吝嗇，只有雞蛋、火腿、蕃茄和生菜絲，連一片午餐肉也欠奉，無論層次和味道都唔夠豐富惹味，吃來口感著實有點寡。至於一人一杯的紅荳冰，份量十足，不單

上星期五和同事們一齊去食lunch, 行經聚匯小廚茶餐廳, 大家都未食過, 所以就入去試下啦~~ 點知.... 就係咁食到一肚氣!!!入到去見到張menu, 以茶餐廳黎講都幾貴, 而且仲要收加一!!!!! 點菜又要自己寫紙點!!!! 成班同事都話有冇攪錯!!! 如果佢D野食ok既話都可以免強接受既..... 好可惜佢D野食真係唔係幾掂!!! 我叫左個吉列豬扒飯, 問過waiter 話係配咖哩汁, 點知黎到得少少汁, 而且賣相亦唔討好.... 不過好彩個味就未至於太難食.... 如果唔係真係想反枱!!! 有同事叫左滷水四寶飯, 諗住幾穩陣…. 點知D滷味係凍既… 仲要似係喺雪櫃啱啱攞出黎… 個柱侯牛腩飯個色水都幾好, 但係其實偏淡, 要落D豉油去調下味.... 成餐飯個個都食到 "媽媽" 聲…. 最後埋單又要我地自己出去埋… 佢都好意思收我地加一!!!! 我地個個都話以後唔會再幫襯, 如果唔係真係老襯喇!!!

7月3日（星期六）晚，首次出席完女友的家庭聚會後，便和女友一家在此開飯，不過伯母因工事而要遲些才到，所以世伯、女友和我先到開位，女友的大姐姐亦隨後來到。最初打算點好菜讓伯母一來到便有得吃，可能這夜的人客不算多，上菜速度奇快，結果伯母未曾來到已經幾乎上完菜，有點愧疚。是晚我們點了個四人餐，包兩個冷盤、廣東小炒三款和京滬美點四種，還有一窩例湯。是晚例湯是蓮藕煲鱆魚，雖然算不上老火湯，但總算沒有下“師傅”，已經收貨了；冷盤分別點了寧波勳魚和花雕醉雞，前者肉多骨少且醃得入味，後者雞肉嫩滑，讓雞件浸在花雕酒越久越有酒香；三款廣東小炒分別是沙爹金菇肥牛煲、魚湯雜菌浸時菜和匯江南小炒皇；沙爹金菇肥牛煲份量不少，沙爹汁香而不辣，送飯一流；魚湯雜菌浸時菜亦材料豐富，健康清淡；匯江南小炒皇有蝦乾、豆乾粒、菜甫、腰果等材料，還加了乾辣椒來炒，香辣惹味，不過女友一家並不嗜辣，幾乎由我來掃碟；四種京滬美點包括有灌湯小籠包（四隻）、鮮肉鍋貼（四隻）、黃金大餅（一塊）和香煎南瓜餅（三隻），我沒有吃小籠包，但聽女友說並不差，鮮肉鍋貼皮雖厚，但肉汁豐盈，黃金大餅內裡滿佈韭黃，不過太油膩了，香煎南瓜餅內因有麻蓉，並未能突

今早起床仍下着毛毛細雨，看看床頭的鬧鐘，原來已接近十一時，看來已和快餐店早餐無緣，想起東匯中心內有間茶餐廳的早餐好像可以吃到 11:30am, 急忙喚醒老公齊齊去吃早餐。這間茶餐廳的入口與比鄰的「滙江南」是同一個入口，兩店只是一牆之隔，前者像一般冰室，以吃茶餐、粉麵飯和小菜為主，而後者則主打吃小籠包、拉麵等滬菜。入座後看看餐牌，原來早餐時間供應至中午 12:00，那麼今天的早餐大可慢慢嘆了。這裏的早餐其實也頗多選擇，除了 A-E 五款外，還有特餐、常餐及營養餐，價錢由 $12 至 $23，各適其適。常餐 ($23) -- 老公點的常餐包括牛油麵包、腸仔奄列、叉燒湯意粉及奶茶。根據新西蘭一所大學的一項研究顯示，兒童經常進食適量動物牛油，可減低敏感症的發病率，所以小朋友每日早餐吃一片牛油麵包，或可預防濕疹及哮喘等敏感症發作，當然如果這片白麵包可換上高纖的麥包就更好了。這裏的腸仔奄列煎得非常乾身，甚至半點油水也沒有，當然無可能有甚麼蛋汁流出來，唯一可安慰自己的是油份較少，所以比較健康。從小到大都愛吃湯意多過通粉，因為通粉總會給人一個有病才吃的印象，而弄湯意又確實很難失手的，除非湯底差到不堪，

今天約了朋友仔，我們倆都未食lunch，想去的那間無開，來了水族廣場…走了兩個圈，看這間似樣一點…兩點幾，下午茶時間，本來仲諗住食小籠包…下午茶有廿幾三十蚊的野食，炒飯、粗炒、烏冬、…我叫了炒飯，我的朋友仔就要了粗炒。我見有春卷，朋友仔喜歡食，所以我也叫了。1. 春卷 $10 / 4 pieces 唯一讚的是：脆卜卜，熱辣辣。但春卷很油，也明顯見到炸得過份了，三絲春卷是只有素菜，沒有肉，我們兩個都覺得很淡，無味，很齋/dry~朋友仔熱愛春卷，但這春卷應該令她失望…真失敗。2. 粗炒朋友仔說：乾曾曾…汁在下面…菜絲多過肉，她還以為冬菇是牛肉…這粗炒也不太有味…3. 炒飯都算幾香，份量都OK，但不夠味，飯硬得濟…食到最尾都感覺幾dry...有點失望同埋我地坐張檯好遠，真的叫天不應,叫地不聞…侍應們“忙於”工作，揮手揮到肚餓都未行過黎…搞錯 總括來說，食物是普通到唔普通，可能豆漿最好飲。服務就…不會令人很滿意…有機會就不會來了，來也不會食下午茶。

工人放假,跟外公外婆試新野...點了 2個冷菜: 1. 涼拌茄子(highly recommend) 2. 鎮江淆肉(比較瘦,不錯) 1個小菜: 鎮江骨(甜甜的...很好吃) 1個排骨拉麵(難吃,份量小) 1個茄子燜米(很油,但很好吃)我們3人茶錢連加一$200

行完山，都會經過香港水族廣場（東滙廣場），終於見到装修咗相當時日的滙江南開咗張，當然立即要去試下食。滙江南原來同聚滙小厨茶餐廳同一個門口入，聚滙小厨茶餐廳係出面，而滙江南就係裏面，坐低見裝修得唔錯，唔擠廹，待應招呼勤快，原來午晚市同一餐單，價錢由 $12 - $78，有涼菜、小菜、拉麵、粉麵飯、包點及甜點等，仲有多人的套餐。我和珍珍叫咗灌湯小籠包 $18（4只），鮮肉鍋貼 $ 18（4只），拍青瓜 $18，酸辣湯拉麵 $30。拍青瓜 青瓜鮮甜、蒜茸和芝麻够香，但瓜皮略厚影响口感灌湯小籠包 皮薄肉鮮，湯汁美味但略少，體形也略小鮮肉鍋貼 幾好，算 OK酸辣湯拉麵 麵質嫩滑，有口感，湯略淡而且太少，緊够撈麵整體上是可以一吃的，上述缺點已向店方陳述，期待改善。連加一共 $101 （$100 以上可簽咭）暫時星期一至五晚市免加一