汀汀烤活魚 (已結業)

我媽聽朋友講有間汀汀烤活魚好好食，於是我見就黎開學，就而家陪佢出去食，但見呢排成日都落雨，所以就近近地出黎荃灣嘅分店食(而且我每次行過旺角嘅分店都好多人)。每一枱都會有一碟花生做前菜，好有舊式茶樓嘅感覺烤魚上枱啦！我地簡嘅魚係沙巴龍躉 (除左沙巴龍躉，仲有桂花魚同埋魽魚)店員話比我地知條魚大致已經烤到8成熟，只要再等佢滾多五分鐘左右就食得等候期間，我地喺度研究緊佢有咩材料，目測有嘅係芫茜、大蔥、蘿蔔片、芽菜，而魚身上面就有孜然粉，淨係聞到都令人垂涎欲滴呀眨眼之間成條魚就比我地食晒，得返D 湯食完魚當然唔少得加返D 配料打邊爐啦，呢個時候店員就會加返D魚湯方便一陣可以打邊爐除左烤魚同打邊爐，呢度仲有小菜可以點，我呢就點左個呢個蒜蓉粉絲蒸魷魚，粉絲好好食，不過魷魚就差左少少味。整體黎講，呢間餐廳絕對再一次黎食

原來店主跟公主係好朋友，有朋自遠方來不亦樂乎，梗係飲返兩杯水酒先啦 ﹗冷冷清清只得兩檯食客，可能閒日掛。細心研究一下餐牌，好多錯字喎。雞髀，不是雞脾；蘿蔔，不是蘿白；粟米，不是栗米；花蛤，不是花甲之年；冬蔭功，不是冬陰公，極具娛樂性，哈哈。其實好多小炒、海鮮都好想食，但每次都主打烤魚鍋，唯有緣份到先食啦。都唔知由何時開始每次食飯都要叫支啤酒飲，我一向食飯都拒絕飲酒架喎，飲到成肚水食唔得多野麻，食野最緊要。麻辣豬耳，微麻微辣，輕輕的味道搭上滷豬耳都蠻不錯，皮膠黏帶彈，軟骨卜卜脆，好食又過癮。麻辣鴨舌，其實跟豬耳一樣味道的，同樣微麻微辣，只是滷水味較為清爽。鴨舌飽滿脹卜卜，質地爽彈爆汁，Good 喎。辣子田雞，魚鍋有排先食得，是但叫碟小炒送下酒。炸得透徹，連骨頭都脆卜卜，部份可以連肉齊齊趙，特別香口多汁。猛火快炸，肉質外乾內軟，汁液微滲。大量花椒辣椒，食到興奮莫明，辣強麻弱不嗆，辣味溫和。發現辣椒堆裡藏著蒜子，外爽內粉，好好味呢。香辣桂花魚鍋，嬸嬸推介桂花，經常食來食去都係魽魚鯇魚，悶死我喇，試試無妨也。好巨形的桂花魚，眼測有成斤幾重，魚鍋一向火喉都不平均，必須耐心等候，還要不時淋淋湯及將

一行8人聚腳食飯當然要搵間空間大兼食物選擇夠多既餐廳啦，雖然已經春天，但呢幾日又涼番，打邊邊都係唔錯既。我地叫左一雞一魚，其實雞既份量都唔少架，但無因為甘而令食物質素降烤魽魚都唔差，魚肉滑滑的唔鞋又少骨。另外仲叫左一堆火鍋配料，當中有D比較特別既如海膽丸，不過個人覺得無咩特別，牛丸仲好食過佢。班男人係要爭食呢D高蛋白質既野，我自己無食，佢地話要雙數甘食喎⋯⋯9吋鵝腸亦係當晚爭食之一。另一必食不得不提的是店員的貼心，話說我地當晚自備左兩枝酒，打住邊邊當然想凍飲啦。雖然就無食用冰提供，但有冰桶喎

行街去開荃灣， 突然間好想食魚， search OpenRice， 就見到這間汀汀魚， 那樣就不妨試下， 這條魚 好惹味 ，食完條魚晤夠喉，同朋友叫多幾樣嘢，有牛肉，有炸魚皮，菜仲可以繼續打邊爐。好食。

荃灣區美食多籮籮，試足幾年都仲未品嚐晒所有全區的美食，而且美食餐廳仲越開越多，所以今日特意來到二坡坊試試這間汀汀烤活魚人生第一次食烤魚，選擇魚肉比較多的多寶魚，製作過程他先將魚炸熟再配上特製的調味香粉最後再加酸菜汁作湯底，味道可口令你想有一食再食的感覺，我敢肯定這間餐廳我一定覆桌，值得一試

喺荃灣三坡坊食嚟食去都係最大間嗰間潮興 其他原因 今日見到朝興爆曬 就喺街度行一圈睇下有乜嘢食竟然見到喺旺角食海 嘅汀汀烤活魚一直都知道佢荃灣有分店 但係唔知原來係自己食開嘅三坡坊導 同平時食開叮叮一樣 梗係咁多個食啦 估唔到 荃灣呢間 原來台台都係咁樣 結果 叫 咗一雞一魚 星級海鮮雞煲 比起 旺角整得更正 可能因為啲海鮮咁啱好大隻 魚鍋叫咗桂花魚夠曬 甜 整體嚟講荃灣整體感覺最好因為食物好少少 地方有大少少重點係好多人都鍾意飲啤酒 變咗 飲多過食喺度一啲都唔奇怪

講左個雞煲先 叫左個羔蟹雞煲 見住個廚房大佬行出黎魚缸攞隻蟹時隻蟹起勢咁郁黎郁去 要讚下個老闆set位set得好😂 台台客都睇到d海鮮咁生歐歐 未食都覺得新鮮 評下味道 隻蟹的確新鮮夠多羔 不過平時就咁食雞煲覺得好有味 加埋蟹後個焦點俾佢搶左好多 食落隻雞就覺得無咁惹味 到條魚 今日食桂花 試個新嘅海鮮冬陰公湯底 加唔知20定30蚊 個味教得好好 真系好似泰國菜個啲咁酸+辣+甜👍 海鮮個part都好大方 蝦 八爪魚仔 青口 蜆... 咩都有幾隻 我覺得呢個新款正過以前成日食嘅幾個辣湯底

去親都係飲多過食嫁喇 係Facebook 見到咩嘢牌子嘅啤酒都買三送一 立即拉大隊去馬 放工一齊去7點幾8點到 個場都幾爆 結果我地訂左位都係要等幾分鐘入 係門口點定野 一入去就黎番幾個小食 兩桶哈e賓先 最常落嘅送酒小食都係黃金蝦餅 墨魚餅 麻辣雞腎 鴨舌 成日食唔知點評價好😂 只可以話送酒好fit今次試左個新野 喇沙雞煲 個湯底味好開胃 幾正 但係唔夠辣 加左兩次辣先頂得住平時食開個啲煲嘅中辣 但係食落又幾特別 下次可以再叫 都係最緊要送到酒啫

有一日去左荃灣 諗黎諗去都唔知食咩最後去左汀汀烤活魚問左店員介紹左招牌烤魽魚可能我唔識食魚 覺得麻麻地不過呢 條魚冇咩骨 都多肉食嘅另外仲可以order其他野架普通肥牛都幾好啊😬_________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)價錢：$248(魚煲)________________________唔信我嘅可以自己去試試😂地址：荃灣三坡坊22號地下

一直以來都冇諗過食呢一間餐廳，因為以為只係食單一燒魚既餐廳。朋友帶我去食先發覺原來佢嘅烤魚係用打邊爐形式，覺得都幾特別，香港好少有呢類型嘅餐廳。我地點左酸菜烤魚，於可以揀唔同嘅種類既魚價錢亦都會唔同，呢一條係新鮮游水既多寶魚，上面鋪滿左孜然粉，再加配料芫荽蔥同酸菜，配合魚湯。烤過嘅魚再加魚湯配搭原來十分野味而且魚肉亦十分嫩滑，值得推介！其實兩個人食完一條魚已經飽飽地，另外再叫d火鍋配料就已經足夠，牛柳粒冰鮮的有d鞋，反而叫一d 吸味吸湯嘅火鍋配料例如牛柏葉會更加好。

聽講荃灣三陂坊晚飯幾出名 果然一去到間間都爆 間間都要等位😕 行左個圈之後 都係決定食魚 揀左汀汀呢間唯一未食過嘅分店今次又係一大班人食 叫左兩隻雞兩條魚 同一堆火鍋料火焰雞煲其實即係招牌雞煲😛不過加左個花臣 淋酒再燒一嘢 幾得意 反正價錢一樣 食落有少少酒味另一隻雞襯羔蟹 個個死野都夾走哂啲蟹 我只係食到有蟹味嘅雞...... 都幾好味嘅😓 如果食到蟹重正💩魚就一桂花一龍等 兩條都正 不過龍等食落無桂花咁滑 同埋厚肉到要上台十分鐘先食得 食得嗰時條桂花都無緊一半 開始落緊火鍋料喇😂

第一次食呢間汀汀 係旺角經過過幾次都見排隊無心機等位 原來荃灣都有一間 咁近公司一於去食下 見門口個牌話旺角分店今年攞左獎😂 不過分店應該差距唔大 食呢間試下佢先差唔多枱枱都有叫烤魚 叫左個招牌烤魽魚 麻辣中辣 結果... 比預期中辣😂 不過個味同條魚嘅肉質都幾好 又幾大條多肉食完加湯打邊lo 特登叫佢減走啲辣汁先加湯 啲火鍋料新鮮 份量普通唔可以話特別抵食值得一提嘅係經理見我地生面口 講呢度好多熟客第一次黎嘅一望就知 跟手送左份冰菠蘿 哈哈幾好彩

三陂坊一向係我地成班同事嘅聚餐位 今晚又黎開餐 好難得收工前就達成到共識😂 個個都想食魚 一於去汀汀今年成班人都食過十次八次 一埋位唔駛餐牌喇師傅 兩雞一魚唔該！雙雞煲我最鐘意 個個女同事都話唔食田雞 啱哂喇 我食哂佢 lol 另一個雞煲係醉雞煲 唔知邊次試過攞用啲湯黎送飯之後 每次去都要叫呢個 因為個湯飯真系好好好正 啲雞叫半隻就夠 因為湯先係重點👍 魚食條龍躉 因為見佢今日魚"光"條條都夠厚肉 食落都幾鮮味 唔錯! 最後試左個新嘢叫汀汀豬骨煲 估唔到啲骨夠哂香 個個都攞條飲管係咁吸骨"水" 正 (😴唔好意思中文好差)

烤魚都流行左好一段時間，但係我唔係成日都會食，主要原因係出名嘅鋪頭唔多，就算好味嘅鋪頭，分店都唔會好多，比較難約朋友。我仲記得以前食過嘅烤魚係好脆，食落索索聲， 就算佢有啲湯底係底，都唔會變冧。之後都試過幾間唔同嘅鋪頭，但係做唔到呢一個效果出嚟，條魚一掂到個湯底就唔脆...於是，我又去返以前食過嘅第一間烤魚，依然係可以食返回憶既味道。條魚仲要勁大條，同其他一般嘅烤魚真係唔同。仍然係脆卜卜，魚肉滑，唔腥加埋d羅白食，索曬魚既鮮味同湯底...

今晚突然好想食魚就去荃灣間汀汀烤魚我地去到都吾係話好多人所以一入去就有位位置唔係好方便，荃灣西站近d但都要行一段頗長嘅路叫左個招牌烤桂花魚條魚都幾大條，上面有好多胡椒粉籽然，仲有好多芫茜芹菜，我至愛滾多陣就可以食，魚肉好滑，加埋d湯同配菜食係一流，皆因我地揀左小小辣，辣味配埋d湯就非常好🙆🏻都好多酸菜好好食啊條魚都非常入味唔會話有好多骨價錢方面我覺得岩岩好，都值得食飲品方面就偏貴嘅，食物就可以接受