影片
港铁铜锣湾站 C 出口, 步行约4分钟
继续阅读
电话号码
28840838
营业时间
今日营业
11:00 - 23:15
星期一
全日休息
星期二至日
11:00 - 23:15
以上资料只供参考，请与餐厅确认详情
**牛腩水饺捞面**永豪面家主打竹升面，但系呢次嘅体验真系令人失望。首先，竹升面唔爽口弹牙，完全无面香味。煮出嚟嘅面条仲有好多条系黐埋一齐，明显系煮面嘅时候无松开面条，面质亦唔系传统云吞面嘅质感。牛腩方面，炆到好柴，腩汁同一般豉油冇分别，完全唔推荐。至于水饺，主打韭黄水饺，但系馅料入面嘅韭黄同木耳非常少，完全唔饱满，细细只食咗两只，只系食咗个空虚感。汤底方面，有轻微大地鱼味道，但系味精感好强烈，饮完即刻有口渴嘅感觉。整体嚟讲，呢次嘅体验真系非常失望，唔会再推荐呢间店，完全明白点解会咁少人帮衬！强烈建议老板，去试下其他传统云吞面老字号，人地都系收同你差不多价钱，你就会明你既出品收里个价钱同人差别有几远！
继续阅读
十几年前佢哋嘅舖位系铜锣湾而家搬咗去铜锣湾同湾仔中间味道如一云吞面嘅汤好正 虽然云吞细粒啲 蛋其实都几好食上星期帮衬咗两次一次系净云吞 一次系牛筋面两次其实都我觉得系几好间舖头唔多人？ 但其实我几钟意𠮶度嘅环境够宁静不过炮台山铜锣湾其他舖头我觉得还好 价钱经济同事上次食埋个咸肉糭都几好食 好似其实都系佢哋自己亲手包嘅整体嚟讲我觉得六70分都OK嘅如果话要弹嘅地方主要系人手唔系咁多啰要等咗一阵先有得食或者可能因为佢新鲜同埋即刻做我觉得还可以接受，因为之后就去咗返铜锣湾
继续阅读
事头婆同女伙记， 洗碗、煮面、清洁、抹枱、倾计，一脚踢全部佢哋两个。 话教识个仔学整面……唉。汤可以够味够料够色煲出来可以。云吞内虾爽型态金鱼尾好食👍🏻。面 : 非常之差喇，一上枱眼见到已经发胀晒碗面，煮得耐，咬落硬，又唔爽，面冇面粉香冇蛋香味。 家庭式有心做要家人互相配合齐心缺一不可，独力支撑，难以长久。质数是要坚持，广告推荐只是一时三刻。
继续阅读
下午茶时段客人唔算多。外卖一碗云吞面、一碗鱼蛋面，竟然等左廿分钟！两个阿婶系度嘈紧D家事。唉。面系弹牙，但冇蛋香。云吞扁身非常细粒，唔觉有猪肉，皮已经渌到淋晒。个汤都冇虾子香。鱼蛋鱼片叫做正常少少。只系当下午茶，我系细食女人都食唔饱！两碗野加埋外卖碗钱要成$97，一条菜都冇。作为街坊，已经比左两次机会。够喇！
继续阅读
放工后突然间好想食碗云吞面，于是沿着骆克道行落铜锣湾，途中见到「永豪面家」主打是手打面再望吓里面嘅情况，当时客人不多我就随便揾位坐。水饺河$45本来想加紫菜，店员话冇紫菜😅瞬间水饺河送上，我一眼望落去感觉到份量好少，河粉得几注；水饺都系扁踢踢，甚不讨好。先喝汤底，味道OK放咗韭黄，有大地鱼鲜味。可惜如头先所讲水饺好似营养不良，其中一只里面冇虾，只有猪肉、笋、木耳等，感觉好单薄，味道正常。河粉真系食几啖已经见底。性价比低。
继续阅读