永誠冰室

营业中

休息中

在食過貴族茶餐的一個星期後, 在家附近的荔枝角道上其中一間經常經過但無幫襯過的茶餐廳, 由於是近幾年才開業的, 店內裝修亦是近年流行的多色彩系列, 價格企於中位, 每張枱的玻璃枱面都保持乾淨, 地面亦沒有任何垃圾/牙簽之類最常見茶廳的垃圾, 曾經試過在這條荔枝角道的對面其中一間好舊式的茶餐廳本想走進去食個茶餐, 點知一入去除咗舊之外,重滿地垃圾, 雖然那已經是晚上十一點左右可能店方諗住收鋪後才打掃但環境實在太差坐唔落, 唯有轉頭走番出去搵過第二度食, 拖得太遠講番呢間”永誠”嘅食物先, 當日試咗:乾炒牛河茶餐$32 – 炒河是健怡版, 少油炒河但這就會令河粉稍稍鞋口, 豉油也不夠色, 炒河炒得不夠均勻一面淺啡一面白色更加無須講什麼醬油香味了, 牛肉只有面頭兩塊已經是最大塊的了, 牛肉是傳統茶記醃味所以多幾塊也不會美味到哪裡只是填飽肚而已!同炒的料頭有芽菜,椰菜絲,甘筍絲,蛋絲, 落蛋絲比較奇怪囉! 可能茶餐炒河係咁啩!西多士$26 – 呢個西多做得四平八穩, 炸色微黃, 中間夾花生醬夠平均, 面頭那一少堆牛油夠用, 但記得以前的茶餐廳西多面牛油通常是兩片2-3mm厚的半溶牛油片, 而現

星期六無約人老公又要返工一個人好懶甘訓到12點先起身漫無目的唔知食咩好於是去佐永誠食下午茶常餐都幾多人食所以要搭枱但一個人無所謂喇$30到又一個面、一個奄列又有野飲牛肉有d韌，但個麵都正常，奶茶夠多奶!加埋奄列大件夾抵食香港嘅茶餐廳真係好! 

出街食Lunch，新派茶記永遠都喺首選，因為地方夠乾淨企理，價錢又大眾化。新開無耐嘅永誠冰室，環境裝修喺深水埗區內算喺幾好，地方夠乾淨，只喺間舖比較細，環境有啲擠逼。今日想食得清淡啲，叫左港式咸蛋蝦米蒸豬肉加白飯，餐飲凍檸水。開頭以為咸蛋蝦米喺事先切粹混入肉餅一齊蒸，但原來只喺肉餅上放左幾條蝦米乾同咸蛋粹。雖然冇咩好失望，但依種趕時間嘅做法真喺少見。大致上都喺幾好，可以接受。可取喺蝦米乾味道濃郁，頗有蝦乾風味。成碟餸味道適中，唔會太咸。唯一喺挑釁碟餸太多油，唔算咁健康。服務方面，可能午市人多。成碟餸食到一半，杯凍檸水先嚟到。依方便就有待改進。34 蚊，合理！