永興茶餐廳 (已結業)

今早老公揸車於太子放低我, 自己揀咗呢間嘆下先! 跟金華, 康年一樣, 它有自製新鮮出爐麵包, 於是叫了菠蘿包 + 奶茶, $14! 菠蘿包微暖, 鋪面的一層微脆, 包心不夠凱施的軟熟, 密度也不夠金華的高, 絕對是不過不失那種! 奶茶的茶味不是我所愛的, 也跟奶不太夾, 下次要試試附近的嘉樂了!

今日去補習。。見無咩野做。。呢間d包包一向都平同好味架啦。。甘食個波羅包做早餐先啦。。。~~~個波羅包岩岩出爐架。。暖粒粒~~~~唔係應該話熱辣辣。。~~好味呀~~d波羅包皮脆卜卜。又大個。都係3蚊雞。。另外我好鐘意食呢度ge羅宋湯烏冬餐。下次影俾大家睇先得~^~^~

我之前都去過呢間茶餐廳, 覺得佢的菠蘿飽同奶茶都唔錯.上個星期我又去食下佢地d菠蘿飽啦, 發現左間餐廳裝修左. 依家d位好舒服同乾淨, 連d食物都好食左. d 菠蘿飽 同佢d燒味一定要試呀, 比其他出名既茶餐廳好食.好抵, 兩個人下午茶都係 $46. 裝修左之後都無加價, 正!!. 我決定要多d去先得啦!!!

呢間餐廳係我以前讀中學時會幫襯的一間茶餐廳，可能當時細個，未有為食物品評，所以印象中呢間野應該係中規中舉。好多年後既今日，我朝早九點咁0岩經過呢度，見到好多人買飽，我就又排隊買飽試下。尋日寫完另一篇關於飽既食評，我今日又買番同一樣既麥飽，加一個尋日後悔冇0係檀島買黎試既蛋TART，再加一個雞尾飽。首先，我試左佢既麥飽，都好多提子，質地仲好軟熟，但係又唔會好鬆感覺得空氣。比起我尋日食既麥飽，佢可以話係做得好好，夠料又軟熟。至於味道，佢比我尋日試既檀島麥飽較甜，冇話有咩特別味道，但整體味道加質地好好。至於蛋TART，好好味呀！估唔到咁好味，佢係酥皮蛋TART，佢既酥皮真係一層層既，係偏甜的，但我覺得酥皮同D蛋既味道夾得剛剛好。蛋既質地唔會太林，好有質感！食完好想再食多個。好耐未食過咁好味既蛋TART。至於雞尾飽，都好好味呀！佢有好多椰絲，一點都唔偷工減料，好夠份量！飽又好軟身！唔會覺得唔夠喉，又唔會覺得太濟！真係好好味！我估唔到竟然會咁樣撞中一間好食既面飽鋪！反而有時0係面包鋪連鎖店都買唔到好食既面飽。我好有衝動再試埋佢既其他面包，例如菠蘿飽，因為試食呢D陪我地成長既面飽，最可以分出高下呢

聖誕日之下午, 同老公在此食第一餐.他叫了午餐的涼瓜斑腩炒河+奶茶+例湯($28), 個例湯夠火喉無味精, 我地一人一半好好飲. 個炒河他亦說炒得好味, 好足料.我仍舊鍾愛它的面包, 所以叫了菠蘿油+檸茶的茶餐($16)再加一件蛋撻($3). 菠蘿包同蛋撻都是新鮮出爐(所有包點每隔幾個字就有新出爐, 好好賣的), 所以超美味, 食完好飽好滿足. 聖誕日第一擊已很滿意, 平食亦好滿足快樂的!

Tea time 食了新鮮熱辣的菠蘿油+蛋tart, 真係好美味! 這裡自設有面包工場, 所以時常都有新鮮面包出鑪, 又平又好食.

這裡又是我的飯堂, 無他, 因為近又唔貴。他是套餐已經不貴, 平均一個有湯飯餸的只須卅八。但外賣自取額外有折, 更抵, 唯一不好是被迫不環保。佢的燒味、奶茶都有一定水準，此外小炒亦十分有鑊氣。唯一一次令我失望的是三文魚頭煲, 因為價錢平, 魚頭冇可能大個, 所以我食晒成個頭都唔覺飽。但諗返轉頭, 都唔關佢地事, 乜野價錢係比乜野你咖啦。其他如茄子煲、甜酸斑塊等都好足料。總括而言, 足料、味道不差、價錢幾抵。

星期六，同友人去花墟行個圈買盆盆栽後，岩岩三點三，正是食下午茶的時間，於是兩人就去整番個tea。去到爆晒棚,要等一陣先有位，都算幾犀利。我當時都幾肚餓，就叫個沙嗲牛肉蛋麵同熱奶茶，而友人就要蛋撻奶茶。沙嗲牛肉蛋麵係大路貨，都冇話咩特別好定唔好。原來蛋撻奶茶係一個餐咁，有兩個撻一杯飲品，都係$15，幾抵。友人食唔晒兩個撻，我就吃了一件。蛋撻好鬆化好正，又夠熱，仲好過某ｄ老牌茶記。奶茶佢係用厚厚既奶茶杯，感覺始終係好些，而且這奶茶的而且確係有料，香濃有茶味。

落吧前，跟男友來吃點東西墊肚，因為bar o既小食一定會好貴。由於已接近打烊，所以快靚正叫了常餐(沙爹牛肉丁麵、火腿奄列和凍奶茶)和特餐(羅宋湯配螺絲粉、磨菇雞絲奄和熱檸水)，食物很快上，兩款奄列冇講，即係炒蛋，而且內裡o既餡料都有點凍，真係好懷疑佢地知唔知乜叫奄列，最buy係羅宋湯，熱騰騰，蕃茄味香濃，而且仲有好多舊煲得好腍身o既牛腩，用來送螺絲粉真係飽肚又滿足。

推介依度既o加o里牛腩飯,香港口味,味道好濃,而且牛腩牛根分配平均.而且極腍,不過配料洋蔥青椒同紅椒稍硬.有點美中不足.其他碟頭飯都有稍稍高於一般茶餐廳水準.另設燒味同粉面部.但可以不試.燒味唔係自己燒之餘.水準頗差. 雲吞面只係極普通貨式.

今日同同事去食午飯,我同事叫o左咖喱牛腩飯,不過食唔晒,重剩好多.個伙計埋o黎收o野時見剩o甘多,於是問我同事:"D 咖喱牛腩係唔係唔好食";我同事答佢:"唔係,只不過辣得制".跟住個經理就行埋o黎問要唔要換過另一款飯.嘩!茶餐廳價錢,酒店般待客. Good!!!!!