影片
港铁荃湾站 B1 出口, 步行约3分钟
继续阅读
电话号码
24089355
营业时间
今日营业
09:30 - 19:30
星期一至日
09:30 - 19:30
*疫情关系 暂停堂食
以上资料只供参考，请与餐厅确认详情
2-2-2025（Sun）年初五朝，同老公去买𩠌，由于谂唔到一个礼拜食咩肉，而呢日天气又暖少少，咁见到呢间有开，不如买卤水鹅？我哋嚟到，研究买卤水鹅定鸭，决定半只卤水鹅，但见到有$95.00一只嘅元蹄，够应节。于是就要一只元蹄加卤水鹅下庄，师傅斩好卤水鹅下庄后称，话$200.00，收银话用两个外卖盒，加$2.00，咁TTL$297.00。喺等斩好嘅时候睇到，卤水鹅片例牌有20片，同样$200.00。等佢斩好晒入好盒走人，返到屋企睇，份量都几多，咁好似要下庄抵过例牌鹅片。由于都饿同要食晏喇，不如净食元蹄先，元蹄连皮嘅部份好爽口唔太腻，满满骨胶原，全瘦嘅部份有啲柴，而成个都好入味，不过唔似上海元蹄咁，腍到入口即融，因为呢喥始终唔系做上海菜。4分而卤水鹅同样入味但冇咁咸，口感又正常。4.5分抵食系2.8分上次食评系2023年11月24日刊登嘅呢篇：https://www.openrice.com/zh/hongkong/review/%E6%96%AC%E5%BE%97%E5%A5%BD%E5%B7%AE-e5144935
继续阅读
寻日放工经过斩料加𩠌叫咗四只小鹅翼三只鹅掌同埋一旧猪肚卤水汁，够晒浓郁行过都比佢哋香味吸引住排晒长龙比完钱仲要攞张牌仔等叫号码配埋啲酸醋同埋豉油更加正最紧要梗系要有啲辣椒油啦
继续阅读
3752 浏览
早阵子细妹同一啲细细个喺西环大嘅朋友倾开计，原来二十几年前喺坚尼地城北街果间卤水鹅店因为旧楼清拆重建结业后，静悄悄山长水远搬到去荃湾重新开业，而且渐渐在荃湾川龙街打出名堂。到了今天，已经成为荃湾街坊的人气斩料加𩠌潮州卤水鹅店。唔清楚底蕴嘅人只会以为小店于荃湾创业20年左右；事实上，小店历史超过40年，只不过前20年一直在坚尼地城旧区开舖。讲起上来有啲惭愧，小店扎根于坚尼地城的那些年，一直没有留意舖头名字；直至小店因为拆楼而结业，也不知道其名字！到了由第二代经营的荃湾店，终于见到大大个招牌「永腾」；心底不禁起了问号，到底坚尼地城老店的年代，名字是否一样？今日系第一次帮衬，碰巧又是母亲节，斩料加𩠌嘅人龙更加长，冇机会同老板吹水。听细妹讲，上次去开荃湾第一次帮衬时，趁唔系太多人同老板倾了一阵计，证实了真系那些年的坚尼地城北街卤水鹅店！今次可以再度回味消失了超过20年的味道。街坊小店当然唔会有装修，不过门口就䀡了三张明星合照。其中一张系同老板同小仪及金刚几年前主持某饮食节目时的合照；另一张就是发哥。好难想像发哥会山长水远走去荃湾买卤水鹅，唔知道系唔系专程入去？卤水鹅价钱一向唔便宜（$146/斤），难得此店有齐鹅翼、鹅掌、鹅肾、鹅肝、鹅肠、鹅红，尤其最后四样美食，特别是鹅红，其他卤水鹅店近年也越来越少有得卖，相信这也是变成长龙店嘅原因之一。卤水猪耳（$16/件）浸卤水够入味，表层软糯、带点胶质；咬下去就是猪耳软骨的爽脆。好味。1/4只卤水鹅要了上庄，因为下庄太多肥膏肥油。鹅皮爽滑，但味道稍为偏淡，一定要蘸卤水鹅汁。卤水及不上记忆中那些年的坚尼地城老店，新店的卤水味道够咸，但就稍嫌卤水胆的香料香气偏淡。鹅肉切成薄件，味道同样偏淡，也要蘸卤水鹅汁。肉质未够软，但这也是正常情况，与其他出名的卤水鹅斩料外卖店比较，质素其实不相伯仲。如果要卤水鹅肉质松软，一系拣较肥腻的下庄；一系将上庄起肉、然后用刀身拍松、之后切成鹅片，只是外卖卤水鹅店一般不会花时间帮客人切鹅片。大鹅翼（$45/只）卖晒，只余下细鹅翼（$14/只）。卤水浸煮时间拿捏准确，鹅翼骨骹关节一咬就脱离。鹅翼皮较鹅身皮更薄更滑，卤水渗入鹅翼内，更入味。虽然肉少，细鹅翼更甚，但鹅翼肉胜在嫰滑。「永腾」可以成为荃湾的人龙卤水鹅外卖店，果然有原因。今日试了三款卤水物，出品质素平均；同市区其他卤水鹅外卖名店比较，不相伯仲，不只是依赖周润发先生曾光顾的合照。
继续阅读
近几年发现屋企附近有间几好味嘅潮州菜餐厅，一食就俾佢嘅卤水香同自制醋汁深深吸引住。上个月经过荃湾，咪帮衬下呢间老字号，话晒由细食到大。都系买大鹅翼，鹅肠，豆腐果D啦！点知一食落口。。。。哗！完全无卤水味，咩花椒八角基本野无晒，得个咸字！个醋汁，就系一个白醋汁。成个卤水并盘加埋一齐，就得咸味同醋酸味。再者，佢个鹅翼同豆腐完全唔入味，好似系咁煮熟咗加D有咸味嘅色水上去，豆腐又干。算，谂住一时失手啦，今日再去买多次鹅翼，肠，肝同豆腐。真心火，又系咁，得个咸字，又干又老。食食下都无胃口，真心唔明点解质素差咗咁多。对唔住喇，以后唯有blacklist 你
继续阅读
今日头头踫着黑，原本预约了的事做不成，搞到要流浪街头几小时，仲得闲到写埋食评😂呢度附近有多间卤水店，见呢间门口最陈旧，又有几个老人家在帮衬，相信可以透过老店享受「怀旧」的味道。成盒鹅我懒得拎，冇订坐就唔想「邻骨」...看见原只鹅肝仔细细，易拎又易吃，但25大元有点不舍，回想平时西式的，一片都同佢一个差唔多大，不过细....系咪即系「人道啲」？冇专登去谷肥谷死只鹅呢？比咗钱之后，鹅肝切件了，看起来比原只时大份咗，又觉得25唔贵，吃得饱㖞。第一次吃中式的，第一啖觉得好咸（可能我冇𩠌饭就咁食）。中式肝质比较西式「结实」，细细啖当零食都系几好食，卤水够老，下次想试吓只鹅。
继续阅读
您可能会有兴趣的...