永合成餐廳餅店

营业中

休息中

為左趕工，今朝晨早番左公司，剩係飲左杯咖啡做早餐。捱過放飯時間，走泥永合成食個煲仔飯。平時經過都超級多人，可能天氣熱左所以大把位坐。舖頭招牌大大個show左窩蛋牛肉飯，我當然唔執輸照跟。話明煲仔飯緊係要等下架啦！正呀！我重以為係牛肉碎添？！呢款牛肉真係鈎起細細個同屋企人去大排檔食飯嘅回憶。個飯質感好得，粒粒分明又唔會好硬，牛肉入味再加上小小豉油真係胃囗大開。份量都唔細，再北埋啲飯焦真係飽到上心口😂呢餐盛惠$70，久唔久食一次都👌🏻

路過，并唔系專程嚟食嘅，但係見到招牌有老店嘅架勢就入嚟試試。點咗個招牌嘅窩蛋牛肉飯，菠蘿包同埋田雞煲仔飯。環境就係港式茶餐廳，做嘅主要都係街坊生意。窩蛋牛肉飯系砂鍋煲飯配上牛肉碎，上面再打個生雞蛋，食嘅時候我鐘意邊撈勻邊淋豉油，點知其實一啲都唔好食！！！...菠蘿包一句講曬，唔好食！無人地其他鋪頭菠蘿包新鮮出爐嘅香味，而且一啲都唔鬆軟，酥皮又唔夠脆····我都唔可以稱之佢為菠蘿包田雞飯望落去就唔值個加，田雞味道好淡。