永利清湯腩 (京瑞廣場1期) (已結業)

冇记错京瑞广场开张冇几耐，永利就开业，不过一直都冇帮衬过，以前多数去丸记，因为除咗牛腩仲有海南鸡食😋😋前排食咗一次，味道正正常常，今日过开嚟买嘢，又再帮衬。上次食咖哩牛腩饭，今次就食牛筋米，同上次感觉一样，普普通通唔太差，精彩就唔算喇！可能午餐时间人多又逼，又食到赶头赶命⋯⋯其实冇人催我，不过有几位靓女等紧我张枱，搞到我唔好意思慢慢叹，影响咗成个感觉。虽然咁鬼旺，不过楼面位姐姐都keep住好好礼貌，「唔该晒」「多谢晒」「麻烦等等」，找钱仲带住笑容讲多谢，呢样香港冇乜几多间餐厅做得到！是日消费：牛筋米$55 配冻柠茶+$5 共$60…查看更多

路过本身行番屋企，咁见有爽腩咪买来试下，打开个盒，面有几旧都叫做系咁上下丫，旦一到下一层同最底果层，真系呃人呃成咁（见图），又痴牙又韧，完全唔掂，佢萝卜煮得太过淋，而且细旧。讲番转头佢果位姐姐好有礼貌🫰🏼👍🏻，单单讲姐姐真系要赞，可惜$148比d咁既野人真系😤😤😤😤😤😡😠🤬，餐具冇问又冇比，想去既试下其他，爽腩就真系👎🏼…查看更多

今日嚟到石门谂住平平哋食个牛腩河 点知原来清汤腩而家都要去到$80🌟清汤坑腩饭+生灼生菜+冻柠茶 🌟咖喱牛腩饭🌟清汤坑腩饭+生灼生菜+冻柠茶 $75～佢个清汤比想像中更加清牛腩普通好食唔系特别腍 反而跟机嘅萝卜好甜冇渣绝对系好食到可以单叫嘅程度！！！个套餐包咗一个菜 可以拣 生菜 菜心 通菜𠮶啲🌟咖喱牛腩饭本身望住餐厅张图以为系马来西亚咖喱，即系上面会有辣油同埋香料味好重𠮶只🤓点知出到嚟系又加椰奶嘅咖喱，仲要食落去甜甜地好似有忌廉粟米味咁样 但系食多两啖，你又会feel到佢有少少辣呢个系普通牛腩 唔系太好食，呢个价钱绝对有其他Option可以拣😇如果石门嚟讲呢个价钱 其实可以食到更加特别或者更加好味嘅嘢食😶‍🌫️所以今次有少少失望…查看更多

几年前食过呢间清汤腩觉得系个人食过既清汤腩中最好食既，之后都间唔时会黎食下。之前食普通腩都已经觉得佢啲肉好腍，今次嗌左坑腩同爽腩更加好味，尤其坑腩啲油脂有入口即溶既感觉。之前食过同一条街隔离果间清汤腩，相比之下呢间既肉真系出色好多。不过有少少失望既系今次个汤好似比平时淡，头几次黎食既时候我系饮哂个汤既，但今次个汤冇咩味要落辣油打救。每次黎见到佢啲咖哩腩同小食都好想试，但清汤腩实在太出色所以都系忍唔住嗌番清汤腩。…查看更多

不想吃饭的中午，首先会想到的替代品，就是吃面。在石门，数下数下，有四间半可以食粉面的店铺，而且有好几间都是主打牛腩面的。那天，又是想起要吃面的一天，而我又有心情想去去试下一些好耐冇食过的店。于是，我来到了《永利清汤腩》，食一碗清汤牛腩面。要的，就是牛腩云吞面，做得好的清汤牛腩，同样是味道浓郁芳香的。这店的牛腩够香，但口感是比较爽的，有挂齿的那一种感觉。亦因为咁，需要用多一点牙力去消灭他。云吞算得上是香口之作。整体的味道，是令人满意的。跟面餐，我选择了奶茶。味道虽然够浓，但欠了几份的香滑。相信一定要同店方说 "多奶"，这奶茶才会好饮。感觉一般啦。肚饿，却不想食饭，又不想排队的话，这儿可以。…查看更多