影片
招牌菜
抗疫疲劳，同朋友去长洲行吓。走咗去冬菇亭揾嘢食。咁早起身，梗系要对自己好啲，食件牛扒当做早餐。薄牛扒唔靭，黑椒汁唔太咸，合格。多士蘸蛋黄，小弟最爱！朋友就嗌左个餐肉双蛋火腿通，通心粉软硬适中，加少少胡椒粉，俾我包底食晒！茶记阿姐都吹得吓，倾落先知原来老板兼大厨喺度开档已经20年，仲对自己嘅出品好有信心。老实讲，茶档啲茶唔得，一定冇回头！呢度嘅冻奶茶同冻柠茶都掂，茶味浓郁。完全系港式大排档风味，值得推介。(唔记得影杯奶茶 )
继续阅读
今日仲系离岛游，今次呢我哋去咗长洲玩，咁见到隔离𠮶间陈通记咁多人，我哋就唔等啦，去咗隔离𠮶间永佳大排档。禁我哋就叫咗两个嘢食啦同埋两杯嘢饮，第一个就叫咗咖喱牛腩饭，咁咖喱同饭系分开上嘅唔似一般碟头饭，直接淋上面。咁佢嘅味道呢都几浓牛味，少少辣d牛腩系爽口的，咁洋葱味都融合咗喺个咖喱度，不过就有少少咸，钟意食浓味的人可以一试，佢个咖喱汁嘅份量系足够食晒成个饭都有剩嘅。咁仲叫左个星洲炒米，咁就系店家推介嘅不过食落去就冇乜咁特别仲有啲辣，所以下次黎可以试下d咖哩系列。
继续阅读
三个女人学D后生去长洲camp，好耐都无入过黎呢个小岛，我哋星期四入，一上船已经觉得赖嘢，一只船已经咁多人，去到长洲米仲多？落左船真系比想像多，除左多人仲好多车（仔），揾好嘢食都唔容易，俾你揾到，D服务麻麻，瞓左一晚等第二朝去揾早餐食，去到街市大排挡，见永佳有位又唔系无人帮衬，米坐低试下，佢哋餐唔多，得ABC餐，价钱$32-$35，向旅游区嚟讲已经系平，佢份双蛋方包唔特别，奶茶不过不失，我想讲嘅系佢碗火腿米粉，D火腿切得好幼，米粉好滑，有儿时味道，伙记亦记一功，有善之余，佢等我哋食完哂嘢，主动俾温水我哋饮，实在暖在心头。
继续阅读
带埋屋企只毛孩入去长洲玩，长洲好多间都可以俾狗入，所以可以任去边一间都OK。毛孩黎呢度，又可以随便玩，好开心。入咗黎呢一间，问佢有乜嘢出名，就由店员拣俾我哋。呢度既冻啡都唔错，咖啡够晒浓，就算加上冰，都唔会沟淡咗味。老婆点咗个油酱多，都话唔错。牛油同酱都俾得几多。面包唔会烘得太㶶，还不错。毛孩见到都流晒口水想要食。当然唔俾食啦～话说呢度话海鲜米好食，咁就叫咗个海鲜猪扒米。炸猪扒好大块，都好稣炸。而所谓的海鲜，是指鲜鱿、墨丸等等。不是说有什么贵海鲜，但还Ok的。最重要系唔算好贵。所以都算不错的。
继续阅读