水車屋日本料理 (已結業)

前陣子考試，已有2 weeks 無寫食評，現在要一一補回呢！母親節，同我ge母親，我母親的母親，仲有其他表姊弟的母親，好多個母親一齊celebrate mother's day~選了之前食過、我俾所有o野都滿分的水車屋~可是正所謂"今時唔同往日"，食物質素無以前咁好唔在講，服務也變得不好了~點解攪成咁呀？食物有些是轉變了的~頭輪刺身唔新鮮，一點鮮味也沒有，向服務員反映，她的態度...好像是不願理，扮到佢好似咩都唔知咁，只係草草地說"無理由架，刺身朝早先開箱"。聽罷真有點令人O咀！但中段再叫ge刺身就似樣好多，新鮮、鮮甜好多。好明顯頭輪gor d 係隔夜gar lar~赤貝好味；不過tuna好似有好多水銀，個面見到"彩虹"炸物保持水準，炸醬不厚，也不會太肥膩！蟹粥、蠔粥不過不失，at least 夠熱啦。燒粟米嘅粟米無甜味。燒雞翼，雞翼完全無醃過，無味。煎秋刀同鯖魚就好好味。新鮮，燒得夠乾身。薄燒牛肉上碟時很oily~蔥吞拿魚腩手卷：依然係my favourite，好味，紫菜新鮮脆口；吞拿魚腩新鮮，爽埋飯一齊食好正！我都認同漏單情況真係幾嚴重，有d野叫咗好多次始終都無黎。今次同上次ge

我好懶寫食評,但原來差嘅野(服務)係一個懶嘅人嘅推動力黎架......上個星期,朋友為我補祝生日,揀左呢間未食過嘅,以前都聽過呢間好出名同幾貴,而家佢有放題,咁就一齊試下啦,點知...落左order一陣,佢就上左d送嘅海膽手卷,佢地放低時無出聲,唔留意張order紙話第二件要收錢,都唔知係送,以為係人地D野比錯左我地添呀~~不過d海膽幾鮮甜,連唔鍾意食海膽嘅朋友都食左少少呀~跟住係刺身:帶子雖然幾細粒,但好鮮甜,八爪魚,赤貝好爽脆,三文魚,吞拿魚ok,油甘魚有點腥,海老無試呀因我敏感,朋友又唔食生蝦啊~天婦羅:蝦ok,略厚粉,蕃薯好薄好甜,餃子乾身唔油,帶子炸左都好食呀~ 芝士帶子壽司,係紅飯,幾得意,牛肉鍋d汁好甜,辣汁蜆真係幾辣同好少,炸雞翼又瘦又乾,好似營養不良咁~寫到呢到,係咪好似仲差D野呢...係呀,我地第一張order嘅燒物係一件都無黎過呀...ok...我地再落第二張單,等左半個鍾頭,隔離枱遲過我地黎,人地第二轉都食完,我地d野都未黎,問個侍應,佢係咁搵果d order都搵唔到我地d record(唔通丟左無入到),跟住個經理俾過張order紙我地又填過......(玩咩

路經尖沙咀想找個好地方吃午餐,走著走著來到水車屋.記得上次路過想吃晚飯已經很想一試,奈何看看餐牌又覺得太貴(那時不知道有放題,只看門口那個散叫的餐牌),於是去了別的地方.但今次午市光顧,竟是想不到的平宜!!四五十元已經有一個套餐.我和朋友二人一人一個餐,打算多點一些刺身壽司. 但計落還是套餐比較化算.於是又追加一個刺身餐.他們的三文魚很夠肥美,帶子刺身則附有蟹子,賣相吸引.我點了牛肉火鍋套餐. 餐前除了麵豉湯還有一小個蒸蛋,杯子小小,但內有冬菇和日本魚蛋,味道很不錯.牛肉火鍋沒什麼特別,但味精重.朋友點的燒牛肉餐倒是比較吸引!待應不忘告訴我們奶茶檸茶咖啡可隨便任飲,又是一個意外.飯後還有布丁送呢!五十多元,那麼豐富而且不將貨就價,實在值得推介一下.我會再回來會一會他們的放題的,哈哈!!

一行十二人星期日去食日式放題。我的家人已是第二次食，不過上次忙到無時間去食，唯有今次食番多d~睇睇張點菜紙，都幾多種類。一個種類內也有多款choice。由於我地人多，所以我地都叫得幾澎湃，一輪黎完又一輪，無停過。好在坐房，otherwise真係失禮晒！wakaka...刺身：新鮮新鮮& 新鮮。三文魚肥美，無筋；油甘魚同劍魚腩都好鮮，有魚味，甘香。帶子，赤貝，海老也很新鮮，赤貝很爽口；帶子size 雖小，但很甜很可口。狂食都已抵番晒！蔥吞拿魚腩手卷：my favourite，餡都唔少，好新鮮，唔會腥，但如果d蔥更有蔥味會更勝一籌。食咗2個呢！好滿足！海膽手卷(送的) 有好多海膽，bi 晒黎，幾鮮甜蟹粥、鍋物:全都很燙口，作為打頭陣最好不過呢！串燒也不俗；燒所有魚都好得，夠乾身，有魚味，不會腥！正！燒牛舌，呢個反而有少少失望，因為係雪牛脷而唔係新鮮，所以差了點。鐵板燒帆立貝：好大粒，也夠味天婦羅：蝦鮮味，爽口; 帆立貝也大大粒；不太oil, 讚！烤鮮菠蘿: encore jor 勁多次，超甜多汁辣味炒蜆、雞翼etc. ...都係有讚無彈！服務很good, efficient~

上次見到有網友勁讚, 今晚與三五知己諗住到此歡聚一下啦!先叫o左d刺身, 得o個幾款, 實在太少款喇!! 新鮮程度都還可以啦~ 不過唔知點解d味道好淡, 冇鮮味可言.海膽手卷, 海膽量少, 而且鮮度一般啦, d飯太濕太實.各款天婦羅, 好勁多油, 但係夠熱夠脆!牛肉火鍋, 暖囉, 唔夠熱..吞拿魚南瓜沙律, 幾特別, 味道不俗~鹽燒鯖魚, 皮脆肉鮮!! 好!!燒三文魚扒, 乾.蟹粥, 微暖, 完全同熱沾不上邊, 味道--好失望.辣味炒蜆, 味道很好, 也夠熱!! 燒五花肉, 面的一層鹽超勁咸!! XC==薄燒牛肉&牛舌, OK喎! 不過油o左d.炸香蕉, 燒菠蘿, ok啦~芝麻布甸, 成場最好食呢個!酒的選擇太少, order完食物來得快, 不過成日漏單, 唔叫佢唔識加茶. 臨尾我想追佢落o左單未來的食物時又成日扮見我唔到, 要我走埋去叫佢. 追完佢都要等好耐, 埋o左單先到. 食物質素同環境服務都好一般啦, 不過好處係時間夠長可以一班朋友坐低傾下偈, 唔駛食得好趕咁囉!!

昨晚鼓起勇氣去這間昔日名店吃一餐勁嘅，因為我怕會人多，所以早一點便到達，客人不多，心想，都唔可以抱太大期望了．後來，陸陸續續都有客人不斷殺到，放題座位都唔係太多咖咋，應該都坐滿哂喇啩．因我訂位遲（一小時前），所以只坐一張細二人檯，其他二人一組的都坐四人檯，所以，要去食就早Ｄ訂檯先喇．閒話無多，開波，先來一份免費的海膽手卷，極之鮮味，無令人失望，開始點菜，揀一點熱食暖下肚先，蟹粥，蒸蛋，西式濃湯，完全以〔好味〕來形容．再點刺身，三文魚，劍魚，油甘魚，帶子，赤貝，海老，八爪魚等等，食了兩輪，似乎以值回票價了，新鮮程度〔好得〕，結果，重點番兜了幾次．串燒則不夠火候，太多醬汁了，鹽燒青花魚仍好好味．牛肋骨肉質好，味道足，又唔靱，番兜一次．牛肉鍋都算ＯＫ啦．甜品有黑芝麻布甸，抺茶紅豆，以前者最好．最後，都再食多碗蟹粥，Ｍｅｓｏ，肚滿腸肥地埋單，＠１９８加一收費，ＯＫ咖，好過去食一Ｄ放題，食完仲有好多氣谷住果Ｄ啦．如果一班人飲得的話，仲可以以＠７２蚊任飲，有啤酒，清酒，燒酒，紅／白酒任揀，全數加埋一，每人都係三舊水有找贖身，三粒鐘，都好ＯＫ啦．記住，飲酒後就唔好揸車喇．下次有機會，我都會再去食過，

尋晚去左呢間水車屋食晚巿放題，訂左六點半，入到去冇乜人，拿拿聲叫野食。刺身：三文魚好肥好厚；劍魚腩同珍珠八爪魚好鮮味；魷魚同赤貝就麻麻地；最好係帶子，超新鮮！火焰赤米壽司：牛柳同三文魚普通啦；順帶一題，火炙壽司不是熱食來的，所以暖暖凍凍很正常...壽司：三文魚普通啦；韓風赤貝很怪，不論不類；辛辣油甘魚幾好，配搭唔錯。卷物：海膽手卷有好多海膽，送的，幾鮮甜；吞拿魚腩手卷就差ｄ，舊魚好細。鐵板燒：帆立貝好大粒，不過冇乜味；薄燒牛肉原來係金菇牛肉卷，這個不好，凍左先送黎。天婦羅：海中蝦很細隻，普通；多春魚ｏｋ；南瓜最好食。爐端燒：雞腎串，我覺得唔好食。和食：炸餃子十分好食！野菌蒸蛋老左少少；味噌湯ｏｋ；洋風濃湯即係煙肉忌廉湯，很滑。服務好好呀，自動自覺黎酙茶，上菜亦算快。環境就... 後面枱有個細路係度嘔囉，角落頭有班女仔好嘈，破壞哂...總括來講幾好丫！

nai: 食物OK好味，神戶牛柳及帶子有少少淡，果然健康。鐵板燒果然好貴，二人吃要＄９００－１０００緊足，＞＄１０００才飽MK:神戶牛柳好味，帶子及虎蝦超正

曾經係名店....估唔到攪成咁...行得放題式...睇黎都等死...生意又不算太好最慘係食物水準下降....好久才送上來...前後叫的食物水準差蠻多.....也沒有身特別食物.....海膽不算太甜..唯一值得係刺身有油甘魚...

上菜慢,又漏單.得成十幾分鐘先有一碟食物.三文魚唔多新鮮,仲加送魚鱗.燒物上菜時有煙,但出奇地凍.麻醬豆腐沙律等一個鐘都冇得食.可以的話我會俾服務0分我一個仙貼士都唔會俾.

由於早一排黎過呢間食店食野, 覺得幾好, 於是乎早幾日黎呢度食飯, 順便歡送親戚! 仍記得上一次一坐底就已經即刻送上一客吞拿魚腩蔥花手卷, 師傅以為今次都一樣啦, 點知今次係送海膽手卷, 呢份海膽手卷散叫都要九十蚊, 不過海膽就好新鮮, 一d都唔苦, 而且份量好多, 由上面食到落下面都係海膽, 而紫菜又夠鬆脆, 真係食到停唔到口, 好好味; 其他野食都好好味, 師傅推介呢幾樣野必食同上次差唔多, 珍珠八爪魚刺身, 鐵板燒帆立貝, 天婦羅日本蕃薯, 仲有辣汁花蜆, 炸餃子, 同埋甜品烤鮮菠蘿!先講珍珠八爪魚刺身, 珍珠八爪魚刺身非常新鮮, 而且好爽口, 真係食完一件再一件, 好味; 鐵板燒帆立貝燒得好味, 帶子新鮮又唔會燒得乾身, 好正; 天婦羅日本蕃薯又炸得好好, 油而不膩, 唔錯; 辣汁花蜆個汁係非常辣, 好惹味, 而花蜆都幾新鮮; 炸餃子炸得好脆但一d都唔乾身, 好味; 甜品烤鮮菠蘿又係特別, 菠蘿鮮甜, 烤左少少有d香脆感覺, 加埋朱古力醬, 好正呀!總括黎講呢度食物質素出色, 環境舒服, 服務態度又好, 二百二十蚊一個, 仲可以由晚上六點半食到十點, 絕對係超值放題, 下次一

尋晚兩口子黎左呢度食晚, 由於兩個都未試過, 所以都幾期待, 去到決定食放題!一坐底已經即刻送上一客吞拿魚腩蔥花手卷, 呢份吞拿魚腩蔥花手卷散叫都要一舊水, 不過吞拿魚入口即溶, 好新鮮, 不過師傅我就唔係咁鍾意d蔥花喇; 呢其實呢度d野食都幾新鮮幾好味, 師傅推介呢幾樣野必食, 珍珠八爪魚刺身, 芝士帶子火焰壽司, 鐵板燒帆立貝, 牛肋骨, 仲有酒煮花蜆湯, 四川紅油餃子同埋甜品烤鮮菠蘿!先講珍珠八爪魚刺身, 珍珠八爪魚刺身非常新鮮, 而且仲好爽口, 真係食完一件再一件, 好好味; 芝士帶子火焰壽司, 帶子非常新鮮甜美, 而芝士超香, 入口感覺好正; 鐵板燒帆立貝同牛肋骨就燒得好味, 帶子唔會燒得乾身, 而牛肋骨就好鬆好入味, 好正; 酒煮花蜆湯有好多蜆, 蜆肉好鮮而湯底又清, 真係可以飲完一碗再一碗; 四川紅油餃子又得喎, 上海野食不過都整得唔差, 餃子餡料好味, 而d辣汁又係正, 冇得頂; 甜品烤鮮菠蘿又係特別, 菠蘿鮮甜唔在講, 烤左少少有d香同脆感覺, 正呀!總括黎講, 呢度d野食出色, 環境舒服, 不過d蝦就麻麻地喇, 師傅覺得呢度所有蝦食物都好一般囉! 不過下次有機會都會

太座話加左人工,請食番餐,由於事出突然,本想到另一間日本料理,可惜已full booking,多人到連waiting list都唔比留,結果訂了這兒,又有位喎.之前都同太座食過,不過不失,不過今次d帶子差左,原本細細粒果d幾好味,點知再點就轉左一粒大帶子切開4份,d大帶子大腍,唔好食.service算係甘,侍應都不停加茶,不過個個都無咩笑容,唔知坐上層散叫果d係咪笑容會好d呢?好彩太座醒目,冷氣太凍了,坐得耐都真係要著多件衫

今晚原本冇諗住去呢間食, 所以成7:30 pm 先訂枱, 但返而抽到枝好籤, 唔洗坐係平時水車屋的下一層, 即是任點任食的地方, 而係上兩層, 即係有人表演鐵板燒的再上一層, 但又可望到下一層的"表演"而不受油煙. 加上這裡氣氛寧靜, 又坐得舒適, 不像下一層比較擠迫和多人.坐下來便會送上, 吞拿魚手卷, 散叫要$100 一客, 真是入口即溶, 十分美味. 其他食物如刺身都十分新鮮, 天婦羅油而不膩, 炸得很乾身, 甜品也甚有水準.其實如果今次是要坐下一層的話, 評語可能又不同了

晚飯時段想食日本野，又唔想局限食壽司或者拉面，所以選擇左呢間。$198係晚飯任食價，22:00後宵夜時段係$128，要加一。入到去，其實環境唔太差，只係服務唔太熱情，但又未至於差。有得叫壽司，但可選種類不多，只有8-10款。另外有燒物同沙律類，但選擇都只係5-10類左右。最推介係點佢既天婦羅，海老天婦羅任食超抵！其他例如矮瓜、南瓜都好好味。甜品選擇得3款，味道就……過得去啦……如果唔知食乜又貪心，呢間味道都唔差架……等係比其他放題任食好好多架啦……^^