影片
水晶晶泰国餐厅 -今日去了荃湾约了妈妈食饭, 她带了我去水晶晶泰国餐厅食晚饭, 因为呢间餐厅听闻不错, 而且当时想试下泰国菜.呢间水晶晶泰国餐厅环境唔错, 空间都大, 座位阔, 所以都好坐.但食物就一般, 我们叫了三样东西, 包括串烧, 鱼及猪脾饭. 埋单就250蚊, 2个人食, 都几贵, 因为荃湾呢个地方好多平野食下次都会考虑再食
继续阅读
在热闹的荃湾，选择多到唔知点选。最后行过唔洗排队就入左去。阿姐话散点七折，或者2人餐就多d野食。因为唔饿所以散点就算。先来个肉碎生菜包，都几惹味。跟住点左个中伏鱼肚羹，有少量蟹肉在上面，果d都唔系鱼肚，似油炸豆腐多d,味道就是碗仔翅的味道了。明明我们点虾炒河，黎左个猪颈肉炒，阿姐话怕我地食物敏感。没有期待的一餐。有7折才试，冇7折就性价比低到中大伏了。
继续阅读
买左优惠券，谂住$60蚊一位点都食翻本，点知佢个自助餐餐牌list出黎既食物，现场只系出现左4份1，大部份都系菜，蒜容包，炒饭咁，什么炸虾饼，柚子沙律，春卷等等泰式美食全部不翼而飞……味道方面，除左个冬阴功汤同青咖哩较为可取之外，其他食物实在平平无奇，最奇系个黄咖哩佢配豆腐……黄咖哩豆腐，可能系泰国正宗，系我孤陋寡闻…环境…座位太迫，个地下又有D黐立立既感觉，无好感。总括而然，$60一个自助餐我都觉得唔值，永不录用
继续阅读
呢日同男朋友去水晶晶泰国餐厅食下午茶原价$58团购优惠$48$48任食真系好抵食物种类唔多有去骨海南鸡 猪手有咕噜肉有几碟炒菜 菜心 通菜 西兰花 茄子不过味道好似一样咁而且啲菜麻麻地靓冷盘有泰式凤爪去咗骨食得好方便不过味道再浓啲就好有炒饭 炒金边粉 炒粉丝炒金边粉好好食另外两个普通最吸引嘅系冬荫公汤我地一人饮咗三碗见到佢地有用大量鱿鱼 青口去煲唔怪得咁好味甜品有泰式西米露料方面有芋头同埋南瓜食落去好香好浓但唔会太甜有啲似中环玉叶甜品嘅椰汁西米露整体上食物质素对得住价钱
继续阅读
见到团购几抵, 就嚟试下个LUNCH BUFFET (团购价 $60.00, 任饮任食2小时. WALK IN $68.00)我哋11:50去到, 职员叫我哋先入座等, 要12:00先开始. 初头得我哋同另一枱, 心谂会唔会中伏, 好在差不多1:00就开始多人. 食物种类都几多, 冬荫公汤 紫菜汤 泰式凤爪 卤水鸡翼 卤水猪手 炸春卷 咖哩角 海南鸡 黄咖哩鱼柳 酸甜排骨 泰式猪颈肉 泰式炒杂菜 火车头炒饭 炒河粉.....而且一路都会REFILL, 务求一定会食得饱.食物味道OK啦! 海南鸡偏淡 卤水鸡翼唔够入味 但卤水猪手又好好味㖞.炸春卷咖哩角入口松脆 炒饭炒粉都几好味最正都系芋头西米露 好浓好香嘅椰汁味, 又唔算太甜, 我都食咗两碗任饮方面有西洋菜蜜/冻咖啡/洛神花茶以60.00嚟讲, (就算WALK IN$68.00)都算超值 性价比高 一定食得饱而家系咁而食个饭 饮杯嘢 闲闲地都要五十蚊啦
继续阅读