影片
港铁佐敦站 D 出口, 步行约3分钟
继续阅读
开饭介绍
韩籍老板兼总厨曹先生曾于美国及澳洲的餐厅工作，亦曾在韩国当大厨，经验丰富。餐厅选用水剌作为名字，是因为餐厅的理念是用顶级的食材丶美味的食物及优质的服务，为顾客带来像享用御饍般的餐饮感受。
继续阅读
营业时间
星期一至日
12:00 - 15:00
18:00 - 23:00
以上资料只供参考，请与餐厅确认详情
成班8个女同事一齐出嚟尖沙咀疯狂购物，行到攰已经九点几仲未食饭。唔想周围行就由伪韩国媳妇同事带路行咗入山林道食。安排我地座房，未坐低就已经摆好晒前菜，泡菜（唔过酸够新鲜）、酸萝卜丝（食到尾佢救左我地因为可以消滞再继续食）、腌黑豆（唔系度度有得食）。呢间其实我之前食过不过咁多人一齐食好开心可以乜都叫。见到餐牌梗系话乜都食一出嚟叫咗个$1388四人餐先之后再散叫野。餐包括牛肋骨、肉眼扒、鸡肉、带子、泡菜煎饼、人参鸡汤、石头锅饭、韩式炒粉丝。另外叫咗猪手、炖牛肋骨、炒年糕、海带汤、泡菜豆腐汤同五花肉，openrice bookmark送左我最爱既烧猪皮。芝麻叶、菜、蒜同前菜无得refill伤心死⋯⋯无包菜我食唔到咁多肉🙈以为四人餐份量会好少点知原来份量都够。牛肋骨、肉眼、猪皮有专人帮我地烧，可能怕我哋烧焦啲靓肉挂🙄其他呢我哋就自生自灭。啲靓肉系真系好味，牛肋骨有浓郁牛肉味但唔老（姐姐烧得真系好），肉眼甜肉质软。猪皮系我最爱梗系好重骨胶原好有弹性超级胶质。五花肉烧到脆卜卜不过同事烧到有啲干。点提供既酱救番佢😂鸡肉就麻麻哋，带子都OK大粒嘅但唔鲜味，泡菜煎饼就多够辣，人参鸡汤好大只唔够滑，冇乜人参味，只见到一粒参。海带汤普通。猪手劲大碟😻，皮劲滑好好味，肉又够冧，一啲都唔鞋入口即溶，配埋辣酱生菜同蒜一齐食一流。炒粉丝好大碟有青口鱿鱼圈唔油但无乜麻油味，粉丝质地好弹牙都炒得入味唔咸。韩式炒年糕个味好好味，中间有啲鱼糕，年糕唔韧。个汁就真系辣但系辣得来好好味𠮶个辣住出汗都要食。炖牛肋骨又系好味，泡菜豆腐汤配饭上，虽然好饱但系都系个个争住食。石头锅饭郁都冇郁过⋯⋯太饱啦。眼阔肚窄咁叫实食唔晒要打包左个饭。埋单仲每人俾左杯苹果醋我哋消滞添。
继续阅读
之前去过韩国食过酱油蟹 捞埋d紫菜饭食好好味 一试难忘，自此之后返到香港就一直想试返，但系食左好多间唔同既韩国餐厅都揾唔返正宗既味道，佢地大多都唔系用韩国蟹整。今次就试下呢间，点知一试就食到似曾相识，好似上次韩国酱油蟹既味道，原来佢地真系由韩国引人原料，原只新鲜韩国运黎，连大厨都系韩国人黎，怪唔知得食得返正宗既味道，而且叫酱油蟹仲配有紫菜饭，食返真系回味无穷，想试酱油蟹既朋友呢间真系不容错过！
继续阅读
尖沙咀韩菜多，今日就试呢间山林道既楼上铺，装修都几型格！落单后，侍应送上前菜，五款选择相当多，仲会refill! 个人认为菠菜同牛肉唔错。叫左240蚊既牛肋骨，入味，可以肉质未算腍。下次再黎试下韩烧先！
继续阅读
跟几个朋友新一年第一个饭聚，有人想食韩烧，便去了山林道的一家韩国餐厅。被带子吸引，点了4人餐，另加一个年糕。先来几个韩式小食，水准正常。肉眼出场，肥膏偏多，肉汁及肉味浓，包著生菜食中和了肥腻感，尚算不错。已腌好的鸡肉及牛肋骨肉，鸡肉干了些，两者烧出来都比较咸。万众期待的带子，烧起来都嫩口，不过略欠鲜味。炆牛肋骨，炆得够腍身，但过甜了些。海鲜煎饼，又厚又大件，份量很多。煎得不算油腻，只是里面大多是葱，不太觉有海鲜。另外还有人参鸡汤和石头饭，同样是份量大，味道正常。还有另点的年糕，用了芝士焗，又一饱肚之选。韩国菜很少煮得难食，而韩烧的重点是肉的质素。这个餐以熟食的份量多取胜，肉的调味则稍为逊色。
继续阅读
如果想试韩国地道野食真系要去试下，一入到去就见工个韩国人既经理好有礼貌，坐低叫餐没耐就送上前菜 有5款咁多 到正餐 烧韩烧果阵 一碟一碟既肉拿过黎睇落已经唔错 烧落去更加系肉味香农，食落发现好入味 淡淡肉汁再点埋d酱 真系未食过咁好食既韩国餐厅 想食韩国地道风味既朋友有机会真系去试下
继续阅读