民豐粉麵行

营业中

休息中

昨晚, 乖乖咁坐喺電腦前study咗OR嘅荃灣區食肆嘅食評, 好幾粒鐘呀呢間係其中一個心水想試嘅地點, 記錄下來,今天起程。原來之前幫襯過佢嘅煎韮菜餅, 唔......唔啱熊媽心水。今次就買了各食友都讚嘅糯米糍, 可惜只有花生餡$3.50一件好墜手嘩~ 皮好薄, 口感滑嘟嘟兼煙煙韌韌, 細細啖咬開就爆餡出來。 花生餡裏的花生及砂糖都磨到好微碎, 用手指捽捽都感覺到柔軟的粉感, 把一堆仔花生餡放入口都覺得有超濃郁花生味, 就好似花生糕咁味(細個時喺大陸公司買過), 如果有食過花生糕就明我講乜最初熊媽見熊爸食糯米糍嗰樣就諗應該會好漿口, 大鑊無買飲品添~ 原來唔漿口嫁, 可能因為皮薄, 而花生餡好微碎所以有入口即溶, 食完都唔洗飲水多謝各食友嘅好介紹 ^3^

我十分鐘意食糯米滋，但只吃花生餡的。以前在未改型前的屯門華都商場，有一檔小店專賣小食類，魚旦又有﹑格餅又有﹑煎釀N寶又有，總之立立雜雜乜都有，很受街坊和學生們的歡迎。我特別鐘情他們自制的大大棵軟綿綿又多餡的糯米滋，愛的程度是由十幾歲吃到廿幾歲這習慣依舊沒變過﹗可惜直到幾年前商場逐漸改格，令它結業了。之後的日子每當經過這兒，就會回望昨日在異鄉那門前，唏噓的感慨一年年T^T一路以來都找不到合心意的糯米滋，直到在網站中得知荃灣有一間鋪有賣超正糯米滋，令我重新震作起來。(哇~很誇耶XD)地點非常易找，正正在荃灣街市對面，每次經過都見到店內迫滿人。主打的湯丸和水餃放滿店，看到店內有條大隊不知是否需要往內排隊購買﹖問問阿姐後，原來現成的茶果﹑砵仔糕等，可以在門口付現便成。糯米滋並不太棵，但重量夠，握在手中軟淋淋的，尤如"華都糯米滋"，滿心歡喜待到隔天才吃。隔了一天糯米滋仍是軟淋淋，完全無硬過急不及代吃，白雪雪的糯米皮又滑又QQ，而且薄得好厲害﹗哇，中間的花生餡多到爆呀~~~~邊吃邊跌出來花生蓉之外還有很多花生粒，大粒粒的增加口感，吃著時濃厚花生香氣隨隨飄出，很快地兩三口就KO一個﹗對我來說唯一是甜

地盤雪櫃突然多了兩盒水餃，是從荃灣民豐買回來的﹗當中是白菜豬肉餃及韭菜豬肉餃﹗排得齊齊的，根據盒上說明於滾水淥五分鐘食得﹗煮起後的水餃相當飽滿，餡料像要爆出來似的。餃皮厚，煙韌，有麵粉香，是我喜愛的質感，現在不少即食水餃都以皮薄為傲，但我偏愛兒時正宗的厚皮水餃﹗菜肉比例各半，肉鮮多汁，即製與雪藏的在肉味上確有分別，好吃﹗韭菜餃味道很重，比較下白菜豬肉的比韭菜更鮮、肉更甜更好吃，下次自己去買多兩盒先﹗

常常留意荃灣地區有什麼道地飲食民豐的傳統小食一直列入我的清單中這一日,和honey來到荃灣,終於來到此店看看一來到,就是滿滿的人擠在門口買韮菜盒及茶果.糯米糍店面裡還有另外排隊買湯圓.雲吞等店裡不少店員努力的現包湯圓過年過節...誰不愛這種傳統美食呢!我也懷念著台灣麻糬.黏黏的麻糬沾上黑糖.黃豆粉或是花生粉,就讓人一口接一口麻糬就是港的糯米糍~台式的饀屬於濕式的,豆沙,芋泥.連花生芝麻也會做的有黏性而港式的~饀料是少量的花生及芝麻粉等以外皮來說,台式的較有咬勁,港式的較軟黏花生.芝麻我們二人買了各半打6個一盒裝一打開盒裝,就是充滿"哇"聲知名的老店就是不一樣啊~滿滿的饀料,軟Q且薄的外皮店家下手豪不手軟啊一口絕對吃不完!缺點是內饀很容易邊吃邊掉落下來饀料香而不甜膩和台式的各有所長anyway,仍是值得推薦給外人的港式誠意小食比較起來,花生口味甜一些各人中意花生多D

(6-1-2012 Fri)放工返到屋企,又見到爸爸o係o度買o既糯米糍,食完飯就食啦,一路食一路食,點解層皮咁厚食極都食唔到餡食o左起碼3啖,終於食到,係花生餡,唔太甜,但真係得好少,佔成個糯米糍o既四份一.爸爸對上一次買畀我食都係27/12,o個次食都依然皮薄餡多,所以冇寫;但只係一星期啫,點解會差o左咁多o架

今日是公眾假期, 店內很是熱鬧, 顧客排隊買食物, 店員忙著包雲吞水餃, 連韭菜餅亦無閒煎, 本來一心想買韭菜餅的我, 註定沒有口福了. 原先想買鮮蝦冬菇餃, 點知又話要較後時間才有, 為免空手而回, 買了韭菜雲吞. 細盒有15隻, 皮厚度適中, 有很香的韭菜味. 不過可能這款饀料始終較為普通, 我始終較為喜愛這裡的冬菇菜肉雲吞.

很久沒有吃民豐的餃子。很久沒有去荃灣。一次偶然的機會，我經過民豐。我買了2大盒菜肉水餃和冬菇菜肉水餃。但經過這些年來，餃子不再是美味。菜肉水餃。您可以品嚐到只有很少肥豬肉。無肉，大部分是蔬菜。裡面真的是乾的，因為沒有肉汁。沒有味道。95%蔬菜，5%肥豬肉。冬菇菜肉水餃。幸運的是仍然有很少量的冬菇，但你不能看到它，因為它們是切成很小很小塊。可怕的是也沒有任何肉汁。如果您在5年前，甚至10年以前，嘗試過他們的餃子，你知道這是完全不同的。你知道這是完全不同的。經過這些年來，結果是一個完整的失望。

前日22-10-2011(Sat)朝同男男友食完早餐去為晚飯買餸,因9日o個日o係流浮山買o左包大地魚粉,咁不如o係o度買雲吞或水餃返屋企煮.o黎到,睇吓價錢表先,分大細兩種,細o既$21.00一盒,我決定要韭菜豬肉餃.亞姐幫我出去o係包o緊餃子o既亞姐位o度,叫佢幫我入一盒細o既,亦好好禮貌地叫我等一陣.好快就攪掂畀我.而原來佢係食o緊飯,真係唔好意思阻住佢.返到屋企打開睇,原來細o既有15隻,好彩我買盒細咋,因為爸爸應該唔食,只有我同男友食.好,我自己先煮7隻,剩返o既等男友放工後至幫佢煮.煮好喇,全部浮晒上o黎重好飽滿添,而且佢唔會散開,包工幾好.開餐喇!韭菜味好濃,因為佢菜多肉少,而鹹淡亦適中,皮又滑滑,唔錯.

今次係第二次幫親，第一次係因為睇雜誌介紹既！佢地有水餃同雲吞，雲吞皮都有兩種，白皮同廣東黃色雲吞皮！個人prefer水較，買左菜肉水餃，細盒15隻，大盒30隻。味道比Supermarket既灣仔碼頭水餃好食n倍，皮簿，餡多，食完唔會感覺口渴！只會想食完一隻再一隻！正！

前日(1-10-2011Sat)朝,爸爸去睇中醫後,順便o係o度買兩個糯米糍返o黎送藥,佢畀一個我食,我問佢係咩味?佢答芝麻,我又問佢幾錢一個?佢答$3.00,啊,以前買開$2.50一個,o衣o家加o左$0.50價.打開睇睇,依然大大個,影好相,咬一啖放低影相,嘩!芝麻餡多到跌出o黎,糯米皮好軟熟同好薄,餡料唔太甜但真係好多.雖然加o左價都依然抵食o架.上次食評: http://www.openrice.com/restaurant/commentdetail.htm?commentid=2137749

坐個多小時車程走入荃灣探親，當然不少得把該區美食打包回家。記得之前朋友提過民豐，說這店經常大排長龍，那就必定要試試。貪心的我要了鴛鴦湯圓：花生及芝麻，一次過品嚐兩種口味。值得一讚的是，兩款湯圓都能做到皮薄餡多。奈何自己廚藝實在太差了，有好幾粒出現爆料情況。第一夥試到花生味，即時的感覺是甜了些少，而花生味亦不夠香惹。之後再嚐芝麻味，這款很是對辦，芝麻香濃而油份足，正！外皮因自己問題煮得過糊，就此評論便不公平了。

好幾年無去過荃灣, 今日去之前特登上黎Openrice睇下見到民豐有我想買既新鮮水餃賣, 加上睇到之前"pigone"形容既豆沙茶粿同"Shougor"形容既花生糯米滋自己都想試就決定去幫襯下買左紅豆茶果($3) --->3分, 幾好食, 皮確實煙un, 紅豆餡如果再多DD就perfect芝麻糯米滋($3) --->3.5分, 芝麻餡夠香, 不過花生餡更出色花生糯米滋($3) --->4分, 好好食, 下次番黎會再買三個甜點都有個共通點--->唔太甜, 好啱我口味韭菜豬肉水餃(細, $2X)--->3分, 有15隻, 味道都ok不過百佳都買到差唔多質素既水餃, 所以有DD失望, 下次會試下其他餡p.s. 原來令一間老店"悅和醬園"就係隔離, 順便去買左D醬料番屋企, 奇怪Openrice無悅和既資料

在等老媽子買東西的時候，看見阿姐在煎的韭菜餅香噴噴，好新鮮咁，貪食既我忍不住又買個來吃。熱燙得不能馬上吃，要放一會才行。咬一啖，皮是香口又煙韌，不會很油，裡頭的韭菜餡可以用澎湃去形容，香氣撲鼻，很快便被我清掉。大家行街經過，不妨買個來試試。這裡的其他食品如湯丸、雲吞等的水準也不俗的，尤其是湯丸，過時過節一定是大排長龍。下次來，要吃茶果！

可能平日之原故, 一心諗住新鮮蒸起的豆沙茶粿..誰知去到..冷冷清清...人龍不見了...茶粿亦預先包好...冷冷地堆滿在門口的箱子裡..跟其他蘿蔔糕, 粽子, 粉麵..靜待客人垂青...不是之前曾經邂逅, 真係引不起食慾..尤其是32度高溫之下..可幸回到家, 蒸熱後, 仍然皮薄餡多不油膩...$3...真係人間極品...另外買了一盒細的冬菇菜肉雲吞 $24 (15隻)紅色的紙盒列明成份:麵粉, 豬肉, 水, 蔬菜, 醬油, 熟油, 鹽上海雲吞, 皮很厚但亦很大隻..冬菇碎比例較多, 白菜與肉碎的份量則很平均...滿口都是冬菇的濃香...又夾雜著豬肉的油香..白菜仔的味道相對較遜..味道天然, 不過咸..唯獨是淥完雲吞的水泛起一層油..真係懶人首選, 唔想煮飯時, 買一包加個粉麵, 兩個人已夠吃有餘...好吃程度跟灣仔有記不相伯仲!

自小食民豐的麵粉製食品，她們好像是來自台灣的??!!! 但搬到香港好多年也沒有再吃，上星期剛行過荃灣，買了幾隻咸甜粽，真的很好味，又超值! 咸肉粽又不太咸，味道剛剛好! 甜粽又多蓮蓉。 我每年都買鴻星的粽的，但民豐的都很好吃!