民豐粉麵行

营业中

休息中

前日2-6-2016 ( Thur)晏晝去完銀行就o黎呢o度買韭菜餅食,點知睇見個爐未開,就問亞姐有韭菜餅未?佢答未,1點半後啦.重有半粒鐘,叫我去邊o度等?都怪我早o左.咁我望吓有咩賣,見到有糭,糉呀!我落荃灣其中要買o既就係佢,依家見到就唔使周圍搵啦.佢都有幾種糉,有鹹有甜,我唔好甜糉同鹼水糉,見佢有$65.00o既瑤柱黃肉糉,$18.00o既迷你黃肉糉,$24.00o既上海五香肉糉,唔…買迷你黃肉糉啦,o岩我依家要小食多餐,而好奇o既我,又想試吓上海五香肉糉,咁就買三個迷你黃肉糉同一個上海五香肉糉同老公share.咁o岩諗好,另一個包餈飯o既亞姐就問我要咩o野?我就咁樣答o左喇.返到屋企,食o左東海堂o既一個包後,就忍唔住要食迷你黃肉糉,於是蒸熱食.話就話迷你,其實都唔算好迷你,只係細少少.cut開一半睇,豬肉係全瘦,食落幾o鞋同硬硬地,而佢係唔鹹,係一啲都唔鹹;而糥米呢?夠腍同仍有少少煙韌,不過味道都係唔夠;至於蛋黃,係有o既,咁當然,糉細啲,蛋黃唔會俾成隻.不過蛋黃唔乾,已經好好.總括而言,呢隻糉係唔夠鹹味o既,或者因為人o地都冇話呢個係鹹肉糭..味道: 2.8分而尋日又去銀

《 民豐粉麵行 》係荃灣，相信都無咩人會唔識呢間鋪😊我好鐘意食呢間鋪既糯米滋，$4大大件又料多正，今次，終於食到呢間老鋪既有名$11韭菜餡餅啦！😆（次次經過都賣晒，好受歡迎，結果一直都無緣一試😅)乖乖地跟住條隊排隊買，岩岩煎起嘅韭菜餡餅都幾大個，拎上手勁熱騰騰，出晒煙咁香噴噴，但同時都好鬼死油😂😂有紙袋都成手油😅咬左一啖～～韭菜香四溢，韭菜充足，再配合埋少少香口豬肉碎～正喎😌😌但燶燶地嘅餅皮略乾身，而且真係好油😂食完口/喉嚨好乾😂雖然我都明，無返咁上下油去煎，邊煎得咁香口好食😬😬

民豐湯丸，糯米糍，餡餅確實係我“飛佛”每次都一定會買，成日都會心思思個糯米糍出面嘅都係差一點，韭菜餡餅又香但相比以前係少咗汁同肉味道都減輕了可能係隨著而家個個都話健康嘅理由啩! 今次心血來潮買咗包米通嚟食點知發現到有曱甴卵黐住真嘔心，唔該班呀姨睇清楚衛生D啦，筆竟食落肚㗎嘛有乜事咁點呢!!!!

民豐韭菜餡餅係豬小姐去開荃灣嘅必食小吃！次次尼親都要排隊架 人頭湧湧 店鋪賣嘅食品種類好多 例如有即煎熟食 粉麵 茶粿 湯圓 仲有出名好食嘅水餃同糯米滋 而即煎韭菜餡餅直頭係神級小吃煎起嘅韭菜餡餅大大個 拎上手勁熱呀 即時變左食得又用得嘅暖手蛋 咬左一啖 香氣逼哂出尼 燶燶地嘅餅皮煙韌充滿油香 完全做到外脆內軟嘅效果 韭菜充足 切得唔算碎 好爽脆 加上香口豬肉 餡已爆 口感豐富有層次 好滿足呀 yummy不過豬先生覺得餡餅油左啲 好肥 不過豬小姐就覺得咁先煎得出咁香脆咁美味嘅韭菜餡餅 要食就係要付出代價正所謂一分錢一分貨 係民豐用咁嘅價錢絕對買到食物質素 但唔好期望買到服務態度

係荃灣，相信此店無人不識，位處荃灣街市旁，不設堂食！以餃子、雲吞、糯米糍等見稱，長期排隊…門口韭菜煎餅煎得金黃，油香四溢…已多次幫襯，香港賣餃子、雲吞的，合胃口的實在不多，一係味精多，一係肉多…今次又專程坐45分鐘車過黎幫襯，緃然每次都希望佢條隊無咁長…但係次次都事與願違！又有約25人在前，得一個人執貨收錢，每人1分鐘起錶，半粒鐘都走唔甩…買左30粒冬菇菜肉水餃買左15粒雲吞買左30粒韮菜肉水餃水餃較大粒，雲吞較細。回家滾水煮熟…外表脹卜卜，美味依然，尤其，實在好難食菇香咁濃既餃子，韮菜極多韮菜，對食肉獸黎講，可能要投訴，但係正合我意…正！唯獨有兩樣野要投訴，餡料份量己不如前，以前咬開都係滿滿的，現在係皮肉明顯分離。仲有就係有砂石異物，牙都差少少比佢咬碎…希望多年大排長龍既佢，要賣量之餘，亦都要保持質素呢…

店名：民豐粉麵行地址：荃灣街市街35號好味指數：8／10價錢：$4／一件（上）芝麻糕（下）花生糕這個芝麻／花生糕其實是糯米糍。外皮鬆軟煙靭，每吃一啖，陣陣糯米糍外的麵粉撲在口中。芝麻／花生餡是比較乾身，不會舔在糯米糍內，一咬開餡料就會跌出來，所以吃時要小心一點盛穩，否則就會吃不到美味的餡料。 

中午十二点幾去到，仲話未包好，得冬菇餃，冇得擇。特登去買，開九点，到十二点幾仲未包，是否不太勤力皮厚，肉  ok,香冬菇味痴飯不好吃，但油條脆。包夠大，但冇 com蓋，好多 toys

昨日經荃灣，便到民豐行買我最愛的花生糯米糍。可惜如今的餡料已不如以往滿滿的。一拿上手已覺比以前的細，咬開一口都是厚厚的外皮，佔了一半，相比以前，餡料亦少了很多，但價錢仍為$4。花生味的內餡亦較甜，多粗的糖粒和花生粒。不知是否換了師傅？比之前吃的差太遠了。

朋友在荃灣買來我最喜歡食的冬菇菜肉雲吞(大盒30隻$51)，今天晚上一個人開餐，簡單煮雲吞食，味道依舊....正，多菜少肉，好香冬菇味，雲吞皮又薄又滑，百吃不厭。還有20隻放入冰箱，可隨時食。

聽同事講荃灣街市街有檔賣水餃好出名既店舖，我本身中意食水餃，趁今日早放工就專登行過去買。嘩！夜晚6點幾都要排隊！一路排，一路睇openrice,我諗冬菇豬肉係出名d既，上網多d人講，我前面2個都係買冬菇豬肉，不過係雲吞，我就揀左水餃😁😁見好多人上網講芝麻和花生糯米糍，臨走前各買一隻，真係好香皮又軟滑，不過花生料就側左一邊，美中不足其實我仲想買韮菜餅和燒賣，但要返屋企食晚飯，下次先啦🤗

八點幾去，得茶粿，似唔係新鮮整(因為佢話師傅未反，所以未有糯米糍)，不過個皮都好"軟熟"，煙韌(個人認為好過深記嗰間)!到九點幾有糯米糍賣，都係$4隻，個糯米皮真係無得輸！芝麻餡類似湯圓餡咁，唔算甜到漏，好味！入面係排隊買湯圓等等，可以在外面比錢買粉麵，小吃的。一試就決定翻頭。

今日行荃灣，特別過來買餃子for今晚打邊爐每次去都好多人，今次都吾例外，排隊排至附近小食店，等左差不多30分鐘，才可以購買。特別提一提，如果你系買麵或其他小吃，不用排隊的，只系買湯圆水餃雲吞才需要排隊。我買了香菇菜肉水餃及九菜豬肉雲吞。香菇菜肉餃的表偏厚，內裡多汁，好香好滑，真系好食！另外九菜豬肉雲吞反而表又比一般的薄，用同一時間去煮2隻不同的食物，發覺九菜雲吞的皮似乎真的特別薄，它不太能抵受熱湯翻滚的壓力，煮了不太耐就皮躝 所以食落去可能味道走曬，真系好一般。反则香菇菜肉水餃表皮較厚身，建議大家分开去煮，如果用煮雲吞的慢火去煮(因為皮薄如用大火会易散开)，好耐都未熟 總結來講，香菇菜肉我覺得几香几濃，真心不錯，但雲吞那邊就一般。但若果需要每次也排甘耐去買，就要視乎你想吃味道還是那份懷舊情懷。

衣間賣糯米糍好似好出名咁,有同事住附近,方便係番工前買番公司比我地食~~粒糯米糍好大個嫁,好似長洲大大粒芒果糯米糍咁.不過吾係粒粒都咁大,有D好似縮左水咁,我選左粒最大GE HAHA~~我拎左花生味,另外仲有紅豆同芝麻,都係傳統口味,懷舊!不過每人只可以食一個,所以我拎左我估最好味GE.花生味原來係花生碎,我開頭有擔心過係會有一粒粒花生,佢係D糖砂同花生碎,好碎,搞埋一埋堆咁.甜度岩岩好~我鐘意衣個!!不過佢地係放埋同一盒,其實睇樣都吾知究竟係咩味...姐姐就話衣舊黑D應該係花生...咁,好彩冇食錯.如果可以好似D蒸包咁會係上面點D色分辨口味會好D.食個時成口都係粉,成個嘴唇都白曬...同埋佢好大舊食好耐(我食得慢),KEEP住個口都係白色.真係好多粉,吾知係咪入盒之後再加粉...我發現我都係鐘意食冇咁多粉GE糯米糍多D,芒果糯米糍個D好D.塊皮好薄,吾會有怪怪GE面粉味,咬口很好,都幾正.

今日諗住去民豐買糯米糍比同事食！原來唔記得，今日係中秋節勁多人，好彩我買糯米糍唔洗排隊，(之前試過中秋節買，菜肉雲吞排成粒鐘！)，今次推介糯米糍！芝麻味勁香！皮薄，新鮮！正！餡多又大粒！ 價錢平！$4一粒！六粒有盒！

荃灣民豐大家一d都唔陌生^_^平時經過會買黑芝麻糯米糍～今日買咗好幾年未買過嘅～眉豆鹹茶棵，皮依然軟糯，但點解而家係（甜味）嘅？？係幾年無食唔同咗定我記錯了～～～～～～～～～～～～～～～～