民華餐廳

营业中

休息中

噚晚來到旺角行金魚街，剛剛肚打鼓，打比地膽朋友，佢推介我去金華或這間民華，原本去金華，但好多人排隊，即刻轉投朋友介紹的另一間--民華，結果一樣，都係排哂隊，見佢新開很光猛新淨，不如就等等佢，取飛後，等了足足15分鐘入位，原來佢哋d位都唔比金華弱，都幾迫下。都好即刻有仕應招呼，坐底叫咗個常餐，問佢有咩選擇，佢都幾有禮貌，我叫了多士炒蛋，另外加了個叉燒意粉，再整杯茶走。不到3分鐘杯茶已到，茶味幾夠。多士都算香脆，幾大份下，炒蛋幾香口，有點牛奶味，幾滑口。我幾鐘意個叉燒意粉湯底，有濃濃的雞湯味，叉燒亦很香口。

安排坐係張二人卡位 , 好迫好迫坐得唔舒服 厚多士炒蛋午餐肉多士唔脆 , 炒蛋一般 , 餐肉無咩特别 蕃茄豬膶公仔麵蕃茄味都算幾濃 , 但湯太少而且好咸 , 好彩豬膶幾爽口講蕃茄湯和多士味道遠遠不及勝香園

其實好多日都被同事拉住要來這裡吃lunch，初來感覺很迫，但的確被佢食物吸引，頭幾曰都係食同事推介的蕃茄牛常餐，幾有水準，但食得多我已有點厭！不過，死硬派同事今日仲係叫同一樣嘢。我轉了叫咗個雪菜肉絲米，雪菜肉絲很香口，爽身，不似一般茶餐廳，大堆淥熟，很水滴滴，算係幾有誠意。米粉點煮都好食，一般貨色不提，湯底尚可。另外，我比多$8轉個紅豆冰，帶少許有椰子香味，d豆都幾大粒、幾有豆味，不淋不硬，不太甜，奶味亦似維記那款，幾合我的口味！

其實都食過幾次，之前有試過拒嘅蕃茄牛肉通同豬膶常餐，可能一向唔太喜歡蕃茄陣味，但又見枱枱客都食，所以試過都係麻麻地，所以都冇念住寫食評。今天朋友提議來試下，又不防比多次機會拒啦，我點了常餐有薑絲牛肉通及餐肉炒蛋多士，炒蛋多士是穩定好味道的，餐肉食得出係梅林牌及煎得脆口的，不是用雜牌軍，而薑絲牛肉通就幾好，微辣的薑絲帶點米酒的香味混合牛肉本身肉汁，令人幾開胃，係落足材料的。餐廳裝修給人高級間潔的感覺，而當天下午茶時間人不多，座位雖窄但亦可以接受，在這寸金尺土的旺角，30元一位的收費，係值得比一個笑臉的。

今日去左太子附近做野，tea time 就去左近期網上人氣爆燈的民華，可能是下午三點幾我一去到就有位了 我見到menu有好多野揀，想食盅頭反但又想食米線，不過我一個人唯有揀左個常餐試，叫左蕃茄牛肉通，火腿抄蛋多士同一杯凍OT! 個蕃茄湯不錯，抄蛋都好大份而個多士超水準，好吃啊！最後杯凍OT都好好飲！食完成個餐都好飽囉！只需$32 物超所值！最後要贊贊d員工好nice! 下次一定要嘗試其他野食：）

上黎見到佢人氣咁爆, 我都第一時間去試, 首先唔好講佢d 野食好冇味, 連雞翼果 d 咁普通既野都要朝早至食到. 覺得十分奇怪~選擇好鬼少~ 跟住同朋友叫左個米線食~ 仲有點心燒賣, 鳳抓~ 個米線好普通囉, 同譚x冇得比= =", d 點心亦都好普通, 剩係覺得坐得好迫肥少少都坐唔落~ 想快d 食完走人, (果時即刻諗起, 食神套戲, o的位同我排到有咁迫得咁迫) 等o的人坐得勁唔舒服快d 人, 同埋眼見有o的情侶因為頂唔順o的坐位安排. 食完走人= = .. 總之冇下次~hahaha

放佐工同同事去佐行花園街終於有機會試傳說中既呢間餐廳好多人排隊拿完籌等了15分鐘先入到去D野食好抵食我同同事一人叫了一個常餐我揀了蕃茄牛通粉炒蛋、午餐肉加多士個茄牛通湯底都不錯炒強同午餐肉正常個多士好翠呀好好食有衝動想叫多份西多食但真係好飽下次要試下先得推介，完全係平靚正惟一係等位耐D

人氣餐廳了一段時間，能繼續成為openrice榜首，總係有成功道理，終於有機會去朝聖。自問並非嘴叼之人，只要夠熱夠香夠味，為的只是美食一頓，老實講太細緻我亦分不出，70~100分的食物我就當美食了，但入不了口的我實分得出來。到了現場，裝飾與裝修都過得去。坐了個卡位，望望旁邊的枱大都放了這類食物，看看餐牌叫了一個常餐，如openrice的推介多士炒蛋+火腿，再叫茄豬肝通，加杯奶茶。多士炒蛋真的做到出色的境介，而個茄豬肝通亦不俗，有人喜歡用食粉醃到d豬肝很滑冇唒咬口，但我個較喜歡自然點住家feel,加d生粉加d鹽加d糖去醃嗰種feel，這裡係比到我。豬肝並沒有鞋口及un以致食不落的情況，幾好。通粉及湯底都可以，不過我較喜歡酸多點。奶茶不屬很有個人特色，但算不錯之選，有進步空間！P

成日聽人講呢間茶餐廳，今日終於有機會試下一條友入到去，好快搵到位坐低好，即刻嗌野食先點知搞左好耐先有人黎寫單　叫左個常餐加多客雞札熱奶茶唔...雞札到先..味道用料都ok但個芋頭就好生，咬唔到，無heart多士炒蛋午餐肉無難度野兼且抄人，無heart番茄牛肉通全日最精彩個湯罐頭開，鮮茄味少，牛肉係分子料理牛肉有朱潤味，口感好＂鞋＂有筋，好彩，唔係都feel唔到自己食既係牛肉味道一般，創意全無，只憑抄襲，有其形無其實，無heart，頂，此風不可長！飲食界大倒退！

見到好快噤多笑笑, 就想試下有幾好, 果然係一間唔錯既食店去到門口都有幾多人, 都係一貫既食店做法拎飛等位我同女友係lunch 時間去(weekend), 不過都好快有位, 當然佢地係位盡其用啦, 入到去都幾迫下, 卡位其實四個人肥d既都未必坐得落, 而長台都係又幾張2人台合成既, 不過都係幾窄下....台都幾細下, 勉強放到全部order 既食物個人認為坐得唔舒服唔緊要, 佢始終都係一間茶餐廳+茶餐廳價錢, 我都唔會要求太多既....最緊要係d食物既水準!!!呢方面就冇令到我同女友失望常餐+ COT厚多士好正, 佢成個面都搽勻牛油! 好surprise!!! 炒蛋都夠滑!!! 餐肉就正正常常啦, 不過唔係我喜愛果種!!茄牛面, 個湯底好好夠蕃茄味呀!! 唔係齋用茄茸果隻!!COT 甜度茶味夠!! 有我樓下COT既水準!!奄春蛋燒賣都係基本水準啦, 冇特別奶油多厚多士+均勻牛油同煉奶, 不過用多說吧, 下次會再試其他多士的!!!

當天我同男友去民華餐廳吃食物,我們叫了兩杯涷檸茶,一個茄牛通粉,牛肉飯,燒賣等食物,可是這三樣食物一點也不新鮮,好像放了很久,不是立即整(因為感覺那些食物很涷)之後有一位阿姐是知我同男友是在吃食物,但她仍不停拿掃把掃我的腳,還對住我笑,一句對不起也沒有,好像感覺她沒有錯,我們下次一定不會再去.............

見係openrice 出名餐廳所以專登去試一試都知呢d出名鋪頭，一定座得逼、一張卡位座足4人但真你估唔到咁對客囉我倆一入去起初伙計以為我地3個人就叫我地入來..入來有位後來知道我地兩個人就即刻話無位跟住呀伙計見到2個原本卡位打對座的客人，就立刻好無禮貌咁叫他們坐埋一邊，我倆見狀即走.....講真幾出名都無用，對客人服務態度差所以唔幫襯

呢間隨手手機版都搵到..就早幾日去試左...30$常餐 大家有心理準備 為求應付繁忙時段多客 真係做到足 4人台唔比兩人霸哂..兩人坐一邊只可以..講返野食...鮮茄牛通-係幾鮮牛下...湯同粉就咪又係咁..而餐肉個度得隻餐係好的...做到類似澳順水準..但感覺就係爭dd...但埋單要30$..呀..仲有杯熱央...都唔錯既...整體真係唔怕講句..睇黎覺值唔值3字頭...如果係25~26仲有得笑..個水準值唔值呢個價見觀點與角度...仲有12$試左 x春蛋燒賣..幾軟口算係唔錯..反而呢個比預期中好...總括而言 唔會特登去食...經過個條街無選擇下或者會~~

去年年底才開業的民華餐廳, 在Openrice 的風頭之勁.一時無兩!早已聽聞民華餐廳是多間名牌茶餐廳的縮影, 集中了各名牌品種! 有說他沒有自已的特色, 也有說他懂得溶合各名牌品種,一間就可滿足各人不同口味! 接受與否???則見仁見智了!這裡有維記的豬潤/牛肉通粉,有澳洲牛奶公司和華星的炒蛋/多士, 有星座的蕃茄湯底通粉等…!全店只設有卡座, 很有60/70年代風格, 環境光猛, 位于旺角吋金呎土的地方, 比起金華冰廳等一般茶餐廳舒服多了!這晚是我和男友剛食完池記, 沒有感覺飽肚而來的! 所以我只點炒蛋三文治: 炒蛋相當嫩滑,有蛋味! 麵包鬆化脆口! 不比澳洲牛奶遜色, 有時環境也很影響食慾, 澳洲牛奶的服務節奏…多年長居外地的我,就很難接受! 反而有點食而不知其味?男友則點了蕃茄豬潤/牛肉通粉: 湯底一般, 明顯有放蕃茄糕 ( Tomato Paste) 來增加色素和蕃茄味, 湯底略杰身, 溫溫的不夠熱, 豬潤/牛肉則沒有維記嫩滑! 但整體來說,位于旺角鬧市有如此水準和舒適的茶餐廳已是很難得了! 值得推介!

一直都是澳牛粉絲, 鍾愛他們的炒蛋還有他們的服務態度 最近這兩三個月看見openrice的排行榜第一名都是這家新茶餐廳常餐還真的很像澳牛的常餐, 找了一晚下班來試先給我凍檸茶, 我要的少甜他們都有做到, 檸檬也給得算多再來是通粉跟炒蛋火腿多士, 我點了番茄牛肉通粉湯頭的番茄味道蠻天然的, 肉味比較欠奉, 但是有點太酸通粉沒有過軟還好, 牛肉沒有加任何鬆肉粉去醃過, 但有點韌愛喝番茄湯的我也不太愛吃這碗通粉他們炒蛋的功力不錯, 炒得很滑嫩, 蛋香味也有但是比起澳牛跟華星的總欠了一些東西, 那就是雞湯的味道這是我在家弄過澳牛式炒蛋得出來的小經驗, 就是欠了雞湯的鮮味導致他們的炒蛋有點死鹹, 味道上跟好吃的炒蛋真的有差一些火腿稍煎過不油不錯吃, 多士是厚身的, 塗了牛油香脆不錯吃完真的不太夠飽, 多叫了一個鵪鶉蛋燒賣上這個點心沒有用蒸籠而是膠碟, 燒賣不夠熱耶...應該是他們在外面訂的現成貨吧, 下面的燒賣肉鬆軟得有點過分是我愛吃又很少吃到鵪鶉蛋, 挽回一點分數吧坦白說這家茶餐廳我覺得蠻失望的, 食物其實沒有做得很好吃不會再來了, 最後還得去附近的crumbs溝貨