民華餐廳

营业中

休息中

之前已經喺太子食過幾次民華，價錢平民但食品質素不錯。今日嚟開東涌outlet shopping，但到8點都唔太餓，所以決定去隔離富東邨輕食，見翠華咁多同胞，要輪籌，所以決定去民華，反正質素不相伯仲。有時民華都要排隊，今日係平日，都有8-9成客。兩個人都叫咗【滋味常餐$41】。跟餐係咖啡或茶，特飲只係補差價。熱咖啡/奶茶散叫係$15，而最貴嘅特飲都只不過係$22嘅紅豆冰，即係跟餐補$7就得，其他例如凍檸樂、鹹檸七只係加$5。我地就熱鴛鴦同西洋菜蜜，都唔駛加錢，正。炒蛋極香滑，而且好有蛋香味。多士係鋪滿溶晒嘅牛油，好入味，而且係厚多士。多士係即烘，唔駛加錢。主食沙爹牛肉麵同鮮茄牛肉通粉，都好大碗吓，就算唔輕食都應該夠飽。鮮茄湯酸甜度適中，好開胃，不過個公仔麵就腍咗少少。另外，呢度啲店員都幾有禮貌，勤快。呢度嘅好處係local啲，唔怕食食吓俾啲喼轆親。

星期天出城去東涌逛逛，行到攰攰地要揾野食。之前有朋友提過富東商場有間民華餐廳既鮮牛茄通唔錯，決定試試。穿過整潔的東涌街市，就會見到幾間食肆。餐廳位置當眼，容易搵。店面不大，裝修麾登。星期天下午兩點多，已坐滿了客人，但座位略嫌狹窄。餐牌選擇不多，有蒸飯、點心和常餐。我點了最喜歡的番茄湯鮮牛通，配雙熟蛋、烘牛油厚多士、凍o茶。上餐速度快。襯熱食左件去皮烘厚多士，烘得脆脆的，配上薄薄的煎蛋（條邊係脆的！）不油不膩。之後食主菜鮮牛通，先喝淡湯，嘩！要小心小心，因為真係好熱！嗰湯底好杰好濃，伴左少少番茄碎，好好味道，D通粉亦剛剛好，不會太「淋」。整體唔錯，食完冇口渴的感覺。

民華餐廳（東涌)同屋企人去完昂坪360 ,同埋天壇大佛，到東涌醫肚，去到民華餐廳，呢度嘅環境比太子擠迫好多，座位排得密密麻麻，食物嘅種類比太子略少，記得太子分店仲有麵食，但係呢度就冇啦。食物質素就冇退步，不過最愛嘅豬膶通粉，呢度竟然冇得叫，有啲失望，最後揀咗牛肉通粉，牛肉肉質好鞋口，茄汁湯底都幾濃郁。多士真係非常之值得一試，因為佢個麵包好鬆軟，亦都係厚切，塗上薄薄嘅牛油，烘得香脆，一件多士嘅雖然簡單，但係要做得好味，都係要花啲心思。餐飲叫咗茶走，奶茶好香滑，你那一比例都剛剛好，唔會太甜，值得一讚。

茶餐廳係香港本地文化，但自細都不太喜歡到茶餐食，因為一直都覺得好hea ,唔好食,但與朋友食飯仲會食到 ， 之後都試過有幾間質素都幾好依間係其中之一， 食到回味叫左好出名的茄牛通，加煎雙蛋多士香濃濃的蕃茄味配滑牛，又新鮮又大碗本人最喜歡叫太陽雙蛋，卜卜脆烘多士，點蛋黃汁，一流。不是每間茶記的烘多士烘得脆，真心有烘底feel, 真係唔止相咁簡單，出品與相片對辦不過價錢就省貴左d， 所以相對個份餐份量好足夠有機會再試其他😆👍

同朋友去塘福玩，咁一行十幾人約左先係東涌等，食晏同買野先撘巴士入塘福，咁去到富東諗諗食個快手嘅lunch，咁我地都明白十幾人真係好難搵位，所以我地都同左侍應講我地唔介意分檯坐，但佢地態度都仲係好差好惡，好似我地得罪左佢咁....講返食物，只講我地一家五口食嘅野好了。腸仔炒蛋：蛋算炒得滑嘅，塊包就未夠香脆好似冇烘過咁。腿通：唔知點解呢度嘅通粉好硬身好厚咁，我地一家就唔太鐘意。火腿都算ok多嘅。煎雙蛋：煎得唔錯，又唔會太燶。蕃茄叉燒通：蕃茄湯底都算夠茄味，但㕦木精較重，食完好渴，叉燒偏瘦。沙嗲牛通：牛肉比較少，沙嗲汁都少，所以只食到清湯味，牛肉好硬。如果佢地改善一下服務態度會更好。

東涌有間茶餐廳，好多人，好彩不用等位常餐即是早餐，還有點心，飯等人頭湧湧叫了薑絲牛肉公仔麵常餐，熱辣辣，湯底夠薑的辣味，牛肉也入味夠淋，也不少，公仔麵彈身，好味呀。份量又夠。蕃茄牛肉公仔麵常餐，湯底好濃蕃茄的味道，牛肉也多同入味，好好味，公仔麵爽又彈，最重要係夠晒熱呀。yummy腸仔煎蛋多士也是份量足，一條腸一隻蛋兩片多士，好滿足了人流不斷，服務也好好，好有效率的。坐位較迫，但是可以接受的。食物真的是用心做。

其實東涌係我人生既印象黎講都算係個美食沙洲，講真好多時都係食m記，所以今日就試下新野，食間茶餐廳野食我種類吾算太多，主要係食蒸飯，點心同常餐，我同朋友就叫左個鳳爪排骨飯，鹹魚肉餅飯，一個鮮茄叉燒通既常餐同一份鮮竹卷個2個蒸飯都可以接受，味道不錯不過一定要加上鼓油，否則餸太少，只係食白飯會太淡。而個鮮竹卷就幾好，皮薄料足，係油左少少，不會5油就5會好食！至於個鮮茄叉燒通粉常餐，相對份量幾多，價錢都只係30幾，cp值較高！不過我就麻麻個湯，對我黎講過份甜，不過我見餐廳入面大部分人都叫茄通食，可能人人口果不一，鐘意食較甜既人可能會喜歡。除左個通粉之外，仲有配火腿炒蛋，即烘牛油多士同奶茶火腿炒蛋不要期望太高，而吾洗加錢就有烘過就方面都算係咁，奶茶就未夠香醇，爭少少整體黎講都坐得舒服，野食中等正常~~

差勁的服務，今天叫了個常餐（茄醬叉燒麵加多士双炒蛋）以及另一點心，20分鐘後竟然隔離枱遲來者（都是食常餐）食曬都未到我碟多士双炒蛋到，我唯有禮貌地請店員跟單，發覺等等下再沒下文連翻枱者都吃完的時候，我難忍他們hea做的怒火（再加上要準時返夜班），請他們搵個話到事的人同我談論一下為何要hea對我一個顧客，之後有問那位話得事的店員A：（我現在吃了點心同麵同熱飲）沒吃過多士炒蛋應該收幾多錢，店員A先叫廚房盡快出多士炒蛋給我，很可惜我已經給氣得氣難下，堅持唔吃要佢地計數吃左個d食/飲品埋單走人。之後店員A先面有難色對我說不能取消只能收足全數（仲奉上已被打包的多士炒蛋）。我之後當然有附足全數先走但沒取走那盒多士炒蛋，但我同自己講你們咁樣hea對我一個，好，豪一次給你們，此經歷一定令我今後永沒下次幫趁.最憎人hea對我，你想趕客早出聲啦！！！😡😡😡😡😡😡😡😡😡😡😡😡😡😡😡😡😡😡😡😡😡😡😡

呢到既員工好有問題,1. 落單唔係去你個位到寫,而係佢用背對住你,面向落單既機禁禁禁,你係需要大聲呼叫佢先落到單..........2. 等位問題: 我們一行四人,無位就攞飛係門口等. 但期間不斷有D 一個人既, 兩個人既, 自己行入去攞位坐.  我自己估計,係等既10分鐘入面, 足足入去起碼10個人.問個員工,就話預留左張4人枱走左就比我地.....呢D員工既邏輯係咪好有問題架..........呢張4人枱既人唔走,我地係咪永遠唔洗入去食?? 其實嗰10個人亦都同樣攞飛等位,對其他等緊既係好公平同好公道咯. 真係比呢到D員工激死.

今早要到東涌開工，見呢間餐廳好似唔錯，於是入去吃早餐，一入去同侍應講＂唔該一位＂，點知換來嘅係粗暴的語氣＂有位就坐啦＂！ok，我誤會咗，咁我終於問咗張枱係冇人搭抬嘅，坐下想叫餐，叫幾個侍應冇反應，我對面個食客大叫＂唔該＂，於是有一個侍應來喇，對面寫完，諗住到我啦，點不知佢話＂唔同你寫住＂跟著冇理我，之後又行返來問＂食乜＂！好啦，寫完餐等食。餐到了，但係佢話係我隔離嘅嘅，咁我問＂我個餐未嚟＂，跟著佢好忿怒講＂係佢地寫先家嘛，唔係你㗎＂！我話＂得丶得丶得，我只係想講我個餐未到姐＂！之後佢又重複＂係佢地寫先家嘛，唔係你㗎……＂！其實實情係我寫先，再之後發現隔離係嚟錯單，隔離又唔知點解冇發現，到食時先知來錯餐！之後個侍應仲要聲大夾惡同我講＂個餐你家嘛，冇嚟錯呀＂！跟手在隔離就咁張個餐攞過來比我算數！道歉一聲都冇～ps: 一路食嘢，一路見侍應同一d客人有火花出現！食物係 ok 嘅，但d服務就有待改善，唔需要高級服務，唔好再咁惡話d客人已經好好了！

早2日去昂坪玩所以泥到東涌食個早餐先出發，行左陣覺得呢到餐牌最岩心水，所以決定系到食我地一開始都落單個陣，叫左個阿姨落佢就叫我地等等，等成5分鍾都未有人理我地，之後不斷舉手想搵人落單，有個員工同我望對眼都扮睇我5到，好野阿真系落單既時候個阿姨又系串串地甘，句句頂住曬。食物亦都等左好耐至有，眼見格離枱遲過我地坐低同落單，反而仲快過我地有野食，真系想知咩邏輯泥而且我個通粉一開始仲要出錯左又要再等佢改番我叫左茄牛通，份量算多既，茄味幾濃，不過愈食味精既感覺愈重但牛肉感覺雪藏左好耐甘好靭呢到有樣好就系轉烘底5洗加錢，多士亦都好大份滑蛋夠嫩滑但真系勁咸，食5落去。腸仔就系搵水煮完再是旦煎2下凍檸茶叫佢小冰又真系有小到，不過都系甜得濟呢到好在可以自由配搭個常餐，不過食物質素同埋服務態度令我對呢間野卻步

食物可以，不過服務態度就唔得了，找人落單等十幾分鐘唔理，D姊姊只係會講等等，等等，又成日落錯野，試過食完個麵等左20分鐘個餐炒都未來，咁既價錢，咁既服務，真係唔平衡.

這天到大嶼山行山，事後到了民華吃下午茶。店名：民華餐廳地點：東涌富東街6號富東廣場地下21號舖，電話: 2866 1827(1)    薑絲牛肉通粉；(2) 蕃茄湯叉燒通，各附送飲品。共兩人享用本餐，合共七十六元。食物的色香味如何：(1) 薑絲牛肉通粉：不落俗套，並不如坊間其他餐廳，只提供沙爹牛肉麵.由於薑絲數目多，可僻走牛肉的臊味，但不失牛肉的鮮味。(2) 蕃茄湯叉燒通：湯底具有濃郁的蕃茄味，而且很多片叉燒，材料豐富，而且叉燒厚肉。(3) 熱檸茶味充足，咖啡不是用咖啡粉沖出來，可口。環境：選用有特色的方木椅子，裝修新穎，然而地方不寬闊，叫了兩個餐幾乎沒有空位放置。服 務：服務員人數眾多，所以能夠提供適時的服務。衛生：。不錯抵食：價錢普通。

十月十一號係我同老婆相識7週年，所以放下假陪下老婆行街街，行下東涌東薈城Outlet shopping!行到晚上六點左右，想找地方e肚，去到富東廣場找餐廳，因這裡食肆不多，於是入左"民華餐廳"。老婆叫左常餐蕃茄湯叉燒通，要炒蛋配餐肉，烘牛油多士，凍檸茶，我就食盅頭飯餐，鳯爪排骨飯配凍檸茶。盅頭飯可以的，份量不少，都抵食的！值得一提係蕃茄湯叉燒通，蕃茄湯香甜濃郁，通粉都多，叉燒可以，都有以前冰室水準呢～炒蛋幾香牛奶味，我見到水吧放了很多"保利"牛奶，應該係用保利奶炒的，多士火喉剛好，沒有烘燶。總結整體而言，可以以這樣的價錢有這樣的質素，真係好抵食！可以值得一試！

番茄湯通粉好食，食物夠熱，多士亦夠脆口，炒蛋亦ok，奶荼一般可惜餐廳一位姓曾的女經理勁有問題 基本上每次去食都會聽到佢俾人鬧唔識安排 經常落錯單 排隊等位安排混亂 入面未執好枱係咁亂叫人入去 寫錯單叫佢跟番態度差