影片
招牌菜
食记 (39)
上星期同老公庆祝拍拖记念日.. 原先谂住去半岛露台餐厅.. 但book唔到位.. 咁又谂起呢间意大利野都唔错(之前黎过两次).. 咁就黎左呢度今次我地叫左一碟鹅肝、煎羊架、橄榄油扁意粉同雪糕朱古力蛋糕..我觉得餐前的面包仍然系好似我上次黎咁好食.. 正~~ 之后就到头盘鹅肝.. 一上碟.. 我真系俾佢吓亲.. 只碟好大.. 但𠮶两件鹅肝既size真系细得骇人.. 每块只有比手指公阔少少.. 我同我老公都对望左一眼.. 从未见过细得咁可怜既鹅肝.. 之前食过咁多间都唔系咁架㖞.. ($188.. 都唔太平呀.. 点解咁细架??) 虽然鹅肝煎得ok.. 份量完全唔合格!! 食完鹅肝后.. 我同我老公几担心碟羊架呀~~ 好彩..份量都算多.. 虽则唔系好大件.. 有4件咁多呀.. 仲有都好好味.. 好多汁亦有羊肉味.. 正!!! 挽回不少分数~~不过碟扁意粉就真系好清.. 材料真系得橄榄油同松子.. 但味道算唔错.. 之前两次都系食carbonara..今次特登试下第二d.. 都ok的~~最难食既就系𠮶甜品.. 雪糕系H记雪糕.. 唔错.. 但个蛋糕真系硬过鬼又冇朱古力味.. 超难食.. 差过晒一般唔好食既店.. 点解会咁难食架.. 唉!!!之前试过两次都觉得呢间野唔错.. 服务又好.. 但今次真系有d失望.. 好彩羊架仍然好食.. 如果唔系一定要俾差面~~
继续阅读
之前睇到呢间餐厅既食评几好,仲可以拎埋生日蛋糕出黎,所以我男朋友生日就拣左呢间餐厅同佢庆祝~早几日bk定台,电话中既R经理都好有耐性听我想点安排surprise比我bf~我想早两日摆定份礼物佢都好乐意~~我仲预先order定个tiramisu,叫佢地帮我插定枝蜡烛拎出黎,而当晚佢话佢唔系到,会叫K经理帮我跟~去食前一日,k经理打黎confirm booking,仲问我使唔使加个生日牌比我bf~我梗系好啦~到左当晚,唔算多人,佢地安排我地坐最入既窗口位~放低menu后,我同bf唔太识叫,k经理不厌其烦咁每一道菜去介绍我地听~非常好~order左两个5 course sets, 头盘前菜都几好味,系main course两个意粉麻麻,我地叫左angel hair同一个homemade蛋noodle,两个都只系麻麻...佢地收哂起野就有waiter问要边款甜品,我心谂我地已经好饱了,最初都唔知个set系有埋甜品仲order左个tiramisu都唔知点食...为左唔比bf知都拣左甜品cheese cake~点知K经理拎个cheese cake过黎已经加左块生日牌,仲同我bf讲"生日快乐"~我都好意外,问佢个tiramisu系咪帮我cancel了,佢笑住话梗系啦~~真系好醒目!!之后食到咁上下,k经理行过黎同我bf讲:"系咪好surprise呢~",我bf:"系呀...",k经理:"仲有架~~"之后系后面拎左份礼物出黎比佢...真系好搞笑,好多谢佢,安排得咁好,完全唔使我去提佢地可以上cake拎礼物...仲帮我cancel左个tiramisu,我bf好开心好surprise,仲好感动~~~~services真的好好,每个waiter都好亲切~~虽然食物不是十分好,又可能我同我bf唔岩意大利菜~~但整体上价钱亦合理,一定会再来!!
继续阅读
与好友每月一次的叙会，今次拣选九龙酒店的比萨餐厅。餐厅的位置好奇怪，经过"倚窗阁"后面才到The Pizzeria。地方不大，座位之间较挤迫，当日又好旺场，有9成满，幸好在订位时已要求安排窗口位置，感觉上没有压迫感。与其他食友一样，先上一蓝面包，除了牛油外，还有橄榄及焗制的蒜头，也不需多介绍。其实每次与这位好友饭叙，基本上会点鹅肝、Carbonara、Risotto及每次两款饭后甜品，今次也不例外。煎鹅肝-没有煎得金黄外层，已显明不够香脆；入口亦不融化，质地有点实，没有甘香脂肪口感，有点似食猪润感觉。Carbonara是餐牌上没有的，吃均好多餐厅的Carbonara，这间水准算高。一看卖相已知应该不错，果然没有走漏眼，忌廉蛋汁混合了香浓的芝士烟肉，还洒上点点蕃茜，色香味俱全。Risotto看似较为湿润，入口的软硬度尚可；而Black Truffle看似是木耳，其实菌类应与Risotto好匹配，可借这碟菇味重得来带点点苦涩味。甜品是开心果朱古力饼、Panna Cotta及红豆、云呢拿雪榚。云呢拿雪榚上放了朱古力饼，两者应是好拍挡，但这个饼的朱古力味道不够强烈，带不起一浓一淡效果。好友的Panna Cotta，卖相与平时不同，十分creamy，但好友的评价不错。虽然只是HD的雪榚，每人也叫一球来满足大家口腹之欲。餐厅的招呼及服务不错，但以食物质素来衡量，这间真是较次档的选择。p.s.原来今年compass已无85折，只得恒生有9折。
继续阅读
had dinner last night. had a 5-courses set dinner and one seafood linguine. 3 small pieces toasts with mushroom on the top. quite good. fried eggplant layered with cheese. tasty but very heavy. a minestrone soup. so so. the main course we selected veal shank. so tender and delicious. dessert had traditional chocolate cake and raspberry sorbert. rich choclate and raspberry. delicious. the seafood pasta had many fresh squid, calm, mussels and shrimp. tastes good too.
继续阅读
又再令人如此难以忘怀的生日饭，此餐厅经理也把客人难以忘怀的记起。话说前日食咗餐完全唔掂生日饭，令我越讲越唔开心，不禁想起两年前这里，昨晚同朋友即兴再来回味一番。一入门口见番上次个位经理，态度依然亲切殷勤，讲起小妹生日大日子，事隔两年没有来，特别再来庆祝，请经理推介一下，希望食番餐好嘅。先来好细心问我哋饿吗？唔太饿我哋两个人食得唔多，但我都系特别想食意大利饭，介绍杂锦海鲜意大利饭加本月精选银鳕鱼五道菜晚餐，我要杯白酒，朋友唔太饮酒但想要杯酸酸甜甜少少酒味，经理特别tailor made给她。此时当然食一坐就有嘅一篮面包，款式多特别喜爱成个蒜头配合在包上零舍香，我同朋友都好钟意。烘多士番茄碎/蘑菇碎－好好食(从来唔番茄嘅我，初头以为是烟三文鱼碎所以放心食，食完先知系番茄)意式生牛肉－呢排牛肉贵切得好薄，但都好味，唔错！匈牙利牛肉汤－送埋嚟已经闻到一浸香浓味，饮落味道清香又唔太浓杂锦海鲜意大利饭－真好食，海鲜几新鲜，带子同虾size适中，蚬都几多，饭味好香比鹅肝饭好(这时经理走来问意见，还记得我上次食鹅肝饭，记性超强，厉害！)银鳕鱼配香柠红花汁－鱼纹幼细嫩滑，但配料酱汁较为太淡，感觉无乜味，略为逊色意式奶冻/Tiramisu－奶冻很滑/用杯上Tiramisu得意味精一般Latte－OK最后当然又有惊喜，经理奉上生日蛋糕，今次没有心形蜡烛，款式无咁花巧，果然随同年月成长，今次朋友为人低调，所以没有要求经理唱歌，但有意外收获，真系好开心满意！朋友第一次来，虽觉食物不是顶级，看得出非常重视客人，尤其tailor made杯嘢麻麻，即时话做个杯，效率反应卓越，简直可用现今流行形容系资优经理，朋友签Compass卡有85折，埋单绝对超值叫我唔好写出来，因为唔好意思，又话我又食又拎，点好意思讲呀！这里服务一直令我难以忘怀，期间常常介绍朋友，比上年去海景嘉福酒店海风餐厅好，虽然有两年无来，难得经理竟然还记得我，大日子喜庆节日来庆祝一定无错，绝对令人心情丰满！
继续阅读