毓民私房牛肉麵 (已結業)

傻鬼成日都話要帶我去此店試下. 不過我試過佢舊店既食物覺得麻麻, 所以都無咩信心. 昨晚睇完戲又係旺角就去試下啦. 叫左個牛肉麵, 鹽酥雞及涼拌青瓜.飲左一啖牛肉麵湯已經覺得同以前既唔同咁, 好清甜. d麵質都唔錯, 牛肉又淋, 白/紅蘿白都好入味..正正.最精密係碟鹽酥雞, 係香港真係難搵一碟最得出色既鹽酥雞....我覺得好食過大婆既鹽酥雞.青瓜就無咩特別.不過衛生要留意下...有係條面發現小小小強

我係比佢個名(毓民開o既bor) 吸引左, 而入去食o既.我地點左都算招牌菜o既太后雞(例牌). 侍應話雞脾$50, 其他部位就$40. 咁我地梗係要雞脾啦…點知呢個太后雞無特別味道, 只係豉油雞. 個碟仲有好多豉油比你點. 其實就算豉油雞都可以好食, 但豉油要入味落隻雞, 而唔係搵豉油浸住D雞上碟. 唔掂!當然仲有招牌牛肉麵. 有牛展/紅蘿蔔x3大件/白蘿蔔x3大件. 份量絕對係呃錢. 牛展夠稔但欠味道. 紅蘿蔔無乜特別, 個白蘿蔔煮得好入味. 麵就真係好差下.總括黎講, 個牛肉麵完全無香味, 食味千拉麵好過.香酥排骨–完全唔及格.反而全場最正係個燉湯. 我地要左個川貝枇杷葉燉豬展. 只有此湯入得口, 唉…我地坐o係近門口處. o係開餐期間, 突然BANG一聲, 食客望向門口位置. 有個後生仔打爛一個唔知係膠o既乜野, 好似玻璃咁碎裂晒. 距離我地個位只有三呎, 赫得我地丫…之後個男仔怒氣沖沖咁走出去. 我地以為係咪有人找悔氣. 隔離o個檯即刻走人. 無耐個男仔又走番入黎, 拿番支煙(乜唔係全店禁煙o既咩?), 口中細聲唸道什麼唔郁佢我就唔係乜乜咁(

約左大學同學食飯，由佢帶路我先識得o黎依間名嘴黃毓民開o既牛肉麵店。原來店唔大，裝修係同區中算唔錯，又冇想像中多人，即入。　睇睇餐牌，價錢唔貴；不過，依度阿姐一定要逼客人坐滿一張長檯，先肯開另一張檯入客，唔太鍾意囉!我試招牌牛肉麵($28)，朋友食招牌牛肉飯($28)，又叫左一份鹽酥雞($22)同飲品x2。招牌牛肉麵o既牛肉唔錯，麵本身就無乜特別，冇想像中好。食物份量唔太大，男仔會唔夠。鹽酥雞炸得香脆係唔錯，我o既飲品水蜜桃汁不過不失。　最後，真係見到黃毓民。有少少想同佢講：依度出品麻麻喎...不過諗一諗，咁o既價錢唔應該要求太高o既~

20060404 20:30同老婆相約旺角行街,行到邊食到邊,咁o岩見到毓民牛肉麵,老婆話有興趣,咁就入左去.食物的種類不算多,以台式為主,點的當然少不了牛肉麵($28),而我就要台南擔仔麵($25),再加一碟油菜($10)及一杯凍飲($12,但有半價優惠).大概五分鐘後食物上來,牛肉麵好大....隻碗,但麵的份量也不算少,湯的肉味濃郁,牛肉有嚼頭但不韌,蘿蔔吸收了牛肉精華好甜.但擔仔麵相對之下就失色得多了,首先是肉燥的份量,大概只有一匙羮,實在太少了,麵質本身亦比較硬.這裡的服務算是不錯,老闆娘也落手落腳招呼客人,唯獨座位實在太擠迫了,通道亦狹窄,侍應們捧著熱湯麵實有存在的危險.埋單$69,會再黎,但不會是繁忙時間.

阿J一向都幾好台灣野,係香港食左好多台式既餐廳都食唔番係台灣食既味道,見之前各位都覺得呢間野不錯,於是搵埋阿A去試下,餐廳地方不太大,又幾乾淨,加上全間都是非吸煙,感覺不錯,我地叫左:招牌牛肉麵- 頗大碗,牛肉好琳,碗湯有好多蘿蔔,不錯鹽酥雞- 我食左咁多間,呢間味道最似台灣既味道,幾好味魯肉飯- 味道不俗但有少許肥膩下次有機會會再去試其他野。

呢間台灣牛肉麵0係旺角算不錯啦.之前聽絕情谷,大joe 都有提過.我覺得野食總類吾算好多,但大部分食物另外一D台灣麵館都冇.例如,擔仔麵,炒米粉.我今日試牛肉麵同魯肉豆付. 個麵的確吾錯.個味好好,麵底好,又大碗$28. 講到環境,算清潔.感覺幾好,吾會有一陣煙味.仲有,我4點幾去吃都坐了7成,可能都幾多人鍾意架.總之,未食過的,不如去試下la.

無唸過會見到老闆, 佢仲有招呼客人同埋拾檯, 真係親力親為呀~ 黎到就梗係試下招牌牛肉麵–湯底味濃帶甜但略鹹, 而牛展同配料蘿蔔都炆到好淋好入味, 但麵質比較硬左D, 另外要左碟時菜, 無選擇得白菜仔(伙記話叫其他菜貴好多) –呢個菜煮得好生呀, 食到爽爽聲又無乜汁喎, 唔掂…

1.牛肉麵就湯底太鹹,個碗大,麵不多!2.鹵味三寶,又係好鹹,好難食,不值$22.3.排骨麵,排骨一般,個碗大,麵很少,又不夠淋,好似未熟得晒!SORRY 呀,黃生!冇意欲再去!

大年初二既時候，見到毓民剪彩，差不多隔左一星期先去試下。入到舖，唔算太多人，男友叫左例牌牛肉麵，我就為求試新野，叫左d都唔知係乜東東既蛋花肉焿麵。再加2碟小食，糖醋青椒同蒜香豬青。我地心目中既台灣牛肉麵，係濃湯惹味，但呢度既牛肉麵令我地失望囉，用左紅蘿白做湯底，係就係清甜，但味道實在很普通，亦唔見到牛腩出到味。反而個蛋花肉焿麵幾特別，肉焿唔知放左乜，似係藥材咁既味道，幾得意囉!2碟小食，蒜香豬青出色d，可以一試，但糖醋青椒就明顯係俾menu既圖片呃左，menu幅相d青椒肥肥大大青青綠綠，但真實既又黑又扁份量又少，味道嘛，甜甜地都ok既，但咁既賣相，價就略嫌唔抵食喇

坦白講,我係慕名而去為先,加上我好掛住係台灣食既牛肉麵,所以去左試只係食左一碗牛肉麵,一試個湯底,同台灣既差唔多,可能只係缺少左個風味啦...牛輾好軟,配料都好入味,麵又有咬口,不過我嫌d湯鹹左d

晚上十時,第一次...店內依然多人,坐低無耐, 仲見到明星呢...自己叫個菜肉餛飩麵一試湯底, 雖然味精味重少少, 但味道調得好, 好有風味, 的確令碗麵生色不少...二是麵, 夾起幾硬下, 但食落又淋又有口感...好味呀三就到餛飩, size好, 又有少少湯係裡面, 甘甘地湯, 令到d肉味鮮d無咁膩朋友叫了牛肉飯呢度牛肉其實係牛...朋友話味道不錯呢可惜人手好似好唔夠...想落單叫好耐都無人得閒坐好耐都未俾茶我地食物都等好耐先到仲見到落錯單情況tim

昨晚去了毓民私房牛肉麵吃飯。一入進去就看到毓民招呼客人，然後坐下來。老實講，那裡頗擠擁。吃了以下相片的東西，味道還可以啦。牛肉飯的牛輾夠味夠軟，不過飯太軟。但朋友說牛肉麵就湯底太鹹。順帶一提，鹵味三寶即是鹵昆布，鹵豆腐乾和鹵蛋，我個人不推介這個。離開餐卓時，毓民說：『不好意思，地方淺窄。』總算，看到名咀的風采。值回了...http://photos1.blogger.com/blogger/6319/2043/1600/DSC04046.jpg牛肉麵($28)http://photos1.blogger.com/blogger/6319/2043/1600/DSC04045.jpg牛肉飯($28) 和鹵味三寶($22)http://photos1.blogger.com/blogger/6319/2043/1600/DSC04047.jpg罐裝台灣飲品($12x2) 可是有一罐是凹的。

鹽酥雞真係好好味...同我去台灣時在廟口夜市既有得比..不過真係貴左少少囉...

發現該店搬到旺角, 當然不能錯過啦~一個人幫襯, 當然點返印象最深刻既招牌牛肉麵~一大碗麵, 麵底唔識講, 黃色近似油麵既麵條, 但冇油麵果陣異味, 有麵粉香, 爽滑彈牙, 不俗呀~三大塊牛展, 一舊紅蘿蔔, 一舊白蘿蔔, 湯底依然極之鮮甜, 連湯都飲晒~ 事後完全冇口乾感覺~如此好店, 必要多多捧場!

知道名嘴在旺角開店已多時，但因為時間唔夾次次都食唔成，於是今次終於提早出門，總算可以試到乜野私房牛肉麵：兩點中，店很多人，要同人搭....招呼......算了吧價錢，牛肉麵...廿八元，冇野飲，冇餐價，一杯凍檸茶十三元......身痕，叫了個卥味三寶...又多廿二元埋單六十三...一餐午飯...算牛肉麵：其實即係牛展麵...麵質真係麻麻，所謂私房，大概是個湯用上蘿蔔及花椒八角煮出來，湯是很甜，但味道太重...我估應該是加了太多味精而成，因為失咬其中幾舊蘿蔔，仍是甜的...即是蘿蔔只是新加入湯而矣。鹵味三寶：即係鹵豆腐乾，鹵蛋，同鹵木耳....廿二蚊食咁「好味」小食，不提也罷。檸檬茶：有「極之好」o既價錢同水平。總結：來呢間店，多少都係因為想見名嘴o既風采，可惜食左成個鐘，名嘴就見唔到...乜野都變得唔抵囉！