殿·大喜屋

营业中

休息中

超級贊！！！👍👍👍食材靚 ！位置闊 ！！環境好 ！！會再來 ！！！見到食評 來試吓 ，11:30到達 等了一陣入場 ，手機掃QR碼點餐 簡單快捷 殿 ．放題界 認准這個字 級數的代表！

佢賣點有魚子醬，點知嚟到，我落三盒，淨係上兩盒，而且十分鐘先上。 之後我落十盒，又淨係比兩盒我。 因為魚子醬真係得好薄一層，半啖都唔使，就冇左。 之後明明未夠鐘仲有十分鐘就開始叫人食完就走，每兩分鐘嚟一次，我隔離兩枱客好嬲咁走左。仲有啲蟹腳末解涷好，上面仲有冰渣就攞出嚟，超級咸，同埋係咁滴水。同埋有個椰子甜品，唔知係咪壞左，個椰肉係酸的，或者可能紫椰本身就酸。啲宣傳圖海膽金黃色好靚，實際就啡黃色的水狀物體。

❣️聽過呢間放題好耐，估唔到真係超高性價比，專功幾款野食，可以極速回本！❣️有 #海膽 食嘅放題都好少，仲要係日本海膽，真心正▪️回本之選▪️✨鱘魚子醬（盒）- 真係一盒魚子醬咁上，口感幾好又唔鹹，好耹貴🍣海膽壽司- 任食，用上日本海膽，幾鮮香 creamy，真係無諗過任食都咁有水準✨酒香鮑魚- 好厚身，口感幾好，酒香入味✨吞拿魚蓉海膽脆片卷- 賣相超吸引，重點係吞拿魚蓉加海膽，配上脆片魚子，層次豐富，唔錯！✨刺身水準都幾好，最推介以下款式：🍣大拖羅真係幾癲，超級有水準，入口即溶無筋，食落去滿滿油脂香，完全out of expectation咁高質🍣帶子厚切鮮甜🍣池魚鮮甜滑身，都有油脂香鮮香🍣北寄貝鮮甜，口感幾好▪️其他高質之選▪️🍣左口魚燒香過，入口即溶，燒過夠香口🐑羊架 - 燒到脆口軟嫩 juicy，以黑椒調味夠香口，有水準✨鵝肝多士- 外層香脆，入面creamy香口，夾上麵包好滋味🔸自助區有啊小龍蝦、大大粒魚子、榴蓮蓉、點心（小籠包、蝦餃）任食！榴槤蓉好濃香，幾甜。仲有大大隻青口，肥美鮮甜呢間真係難得地幾高質嘅放題，一定會再去

最近終於去咗呢間超受歡迎嘅高質Buffet，真係要早啲訂位，唔係好難有位。最吸引我去嘅原因，梗係佢出名嘅魚子醬任食啦！三百幾蚊就可以不停夾魚子醬，真係回本之選！✅魚子醬魚子醬果然係呢間Buffet嘅亮點，質素唔輸比高級餐廳。入口有一陣濃郁嘅海洋鮮味，唔會過鹹，帶出魚卵本身嘅原始風味，最正係有淡淡嘅奶油香同堅果後韻，咸香中帶絲絲油潤，配埋香脆嘅牛油多士或者拖羅刺身，層次感即刻爆滿。刺身款式非常多樣，食落新鮮，無咩雪味😆✅松葉蟹腳：肉質細嫩，帶有天然嘅海水鹹香，食落有少少甜味，蟹肉仲好Juicy！✅三文魚：油脂分布均勻，入口即溶，係標準高級嘅質素。✅拖羅： 肥美滑溜，油香濃郁✅北寄貝刺身：爽口彈牙，帶有微微嘅海味，咬落仲有少少甜韻✅北海道帶子： 鮮甜，滑到好似喺口腔融化咁✅赤貝：鮮嫩得嚟仲有少少脆口感✅海赤蝦：蝦肉鮮甜滑溜，蝦頭內仲有超濃郁嘅蝦膏，必試！✅甜蝦刺身： 肉質黏滑，甜味非常突出手卷系列：✅海膽拖羅鱈魚干手卷海膽夠多同鮮甜，拖羅油香濃郁，鱈魚干鹹香帶輕微煙燻味，三者結合得天衣無縫，呢個真係值得一食再食，後尾睇返原來舖頭所有海膽菜式都用左日本海膽🤩🤩 ✅黑松露油甘魚油甘魚本身已經滑

一直放題鍾意食大喜屋，殿大喜屋貴D，今次第一次嚟仲滿心期待諗住D食物會好D，同埋多款D，點知會係咁差同咁令人失望。食物質素：差- 唔新鮮，泰式生蝦刺身好腥，其他海鮮都唔甜、無味，一上檯D冰底已經溶溶地，好似上場剩低嘅食物。- 唔熱：食物唔熱，種類同其他普通大喜屋一樣無唔同，自助區拎嘅蜆全都係霉，死蜆！最好食係牛肉鍋。飲品及雪糕種類都比其他大喜屋嘅少，水果仲要無乜refill。服務：差- 落單app有問題，第一次落完食物想隔10分鐘想加一兩樣野食，點知話因為前單未被接單，所以唔比落單。因為同朋友係分開落單，經常都遇到唔比落單嘅情況，基本上我地全晚唔係落得好多次單，依個情況係其他大喜屋係未試過！- 出餐速度都有D慢- 收碟速度仲慢，成檯吉碟見到都唔收整體表現：真係好差，每人埋單連加一$440，一定唔會可去！好失望！

久違冇食放題，今日心思思想食番餐buffet😆知道旺角東MOKO呢間殿大喜屋食物質素唔錯，環境寬敞又乾淨，於是同媽媽嚟食hehe $300幾有魚籽醬任食，正到癲😁叫咗好多刺身同壽司，刺身好新鮮，勁鍾意佢啲蝦大隻又夠鮮甜，三文魚都夠肥美；另外海膽軍艦同海膽壽好鮮啊，所有海膽菜式都使用日本海膽，入口好鮮好甜，係舌尖嘅享受🥰另外串燒都有好多選擇，尤其是係鹽燒牛舌同埋雞軟骨超級好食，各自都嗌咗兩次食，牛舌juicy唔會燒到老晒，雞軟骨燒到好酥脆，鹹鹹香香，真係好上癮🧡另外自助區嘅食物選擇都好多，尤其是佢嘅冷盤凍蝦，真心好高質，懷疑自己一個人都食咗12隻，肉質鮮嫩‎，食落很香甜，搭埋Wasabi豉油一流，簡直食到欲罷不能😍水果、飲品、雪糕、甜品等等選擇都多不勝數，我個人最鍾意佢自家製嘅白桃烏龍，清香得來有解膩😆另外各自食咗個Movenpick嘅士多啤梨味雪糕牛同埋Haagen Dazs嘅朱古力雪糕，滿足到100分 ❤️

而家放題嘅花款已經越來越多，款式多得誇張🤣好似去咗自助餐咁🥳但係價錢都只係三百幾蚊，比起自助餐平得多，但係食物質素就無將貨就價👍🏻講緊嘅係位於旺角東嘅殿大喜屋，晚市放題按時段由$338-$398不等，可以食到比自助餐甚至更奢華嘅鮑蔘翅肚、拖羅、任畢三文魚子、藍青口、烤榴槤等🤩仲有高質日本海膽，完全顛覆一般放題嘅做法，而且好多質素都好好，整體性價比甚高🤑🤑🖤鱘魚子醬好誇張！點估到超級奢華嘅魚子醬，竟然喺放題都可以任點任食😍呢款有海水味但唔會太鹹，就咁食好爽😎🐟刺身刺身選擇豐富，每款都夠新鮮。估唔到有拖羅叫，夠晒肥美，必食😋赤貝、帶子、池魚王、油甘魚、三文魚等質素都幾高🥳🍣壽司、卷物壽司款式多到好似去咗壽司店🤪叫咗海膽拖羅鱈魚乾手卷、花之戀、鵝肝芝士鰻魚卷、海膽軍艦等。海膽拖羅鱈魚乾手卷一定要試吓😏有滿滿嘅拖羅蓉以及海膽，一啖一個好滿足🥰鍾意就咁食海膽嘅亦一定要點海膽軍艦，上菜時紫菜夠脆，海膽鋪得滿滿的，食落好甘香😋🦐冷盤叫咗花雕醉鮑魚、泰式虎蝦、冰鎮花海蜇，鮑魚賣相砌得幾靚，食落爽彈，帶點甜甜地嘅酒香👏🏻花海蜇都幾厚身爽脆。💛金湯燴花膠矜貴啲嘅鮑魚撈飯、燴花膠呢度都食到，而且好足料😻花膠

終於完成公司既project 啦，今日黎到殿大喜屋慶祝下。呢度酒店級數既裝潢，坐得舒服，周圍都好寛敞，出出入入好輕鬆😂。覺得呢個放題物有所值，三百幾蚊有魚子醬任叫任食，呢度既選擇又比其他放題多，質素又高啲。呢度又有煙三文魚、橡木香腸、西班牙辣肉腸、煙鴨胸，仲有我好鐘意既杏仁條同蝴蝶酥😍太正啦。魚刺身特別多，唔止三文魚同希靈魚，仲有金槍魚腩、油甘魚、池魚王、樟紅魚，啱哂我。呢度推所有海膽都係用日本海膽架。必試海膽拖羅鱈魚干手卷同海膽軍艦。熟食一樣出色，避風塘炒蟹，新鮮野味。 花膠海參瑤柱匙羹、乳鴿、脆鱔、鵝肝厚多士、燒生蠔同扇貝，都食到我舐舐脷。😋野飲櫃飲品又多啲款，有樽仔珍珠奶茶、青檸柑吉等等。甜品櫃個楊枝甘露，飲落停唔到口。椰皇燕窩燉蛋白，勁大pat 燕窩呀。太多好味野，得閒再去食先，要試勻哂所有野。

網上好評一片，服務真的差👎👎見在帝京原花月庭的位置就試一下啦坐低一個鐘未夠就擺張單上來，一係就入場收錢，一係就結單收錢，未見過有放題店會咁嘅。第二轉D嘢就開始亂，漏單漏到等整粒鐘都未見上，最後10分鐘total五轉嘅單落D嘢pongpong聲double上。邊個10分鐘可以食晒兩碗粥，兩兜飯，四個椰皇蛋白，兩窩牛肉，刺身若干？全單5-7pm，5點50打後order嘅嘢冇上，6點20追追個單都正常啦，好聲氣同個侍應哥哥話我地落單有三轉都冇上到，麻煩跟進下廚房。點知個侍應哥哥上來黑口黑面，話咁有咩冇上，沒人有時間聽我話有咩冇上。落order漏單唔係我錯，咁差態度係咪過分啊？6:30開始催住D客人走，兜住個廳係咁「走就唔好漏D嘢」廁所真的什麼經過人類代謝的產物都有，完全不搞衛生。鄉下茅廁都乾淨過佢！真心勸大家望下差評！

間中都會和家人及朋友食日式放題，知道位於旺角帝京酒店的「殿・大喜屋」三百幾蚊除左魚子醬任食之餘，連所有海膽菜式都使用日本海膽‼️今晚忍不住約了朋友一齊去朝聖💃這間「殿・大喜屋」特設豪華裝修，環境闊落，座位寛趟，空間感滿滿，坐得好舒服🥰店員帶位時途經的自助區，食物及飲品款式選擇眾多，見到已經好興奮😂我們預訂了晚上20:30後入座的優惠時段，到達餐廳門口時已經好多客人在門外等候入座，十分旺場🤪放題唔同時段唔同價錢的🥰🔸️午市 $338起 (任飲任食3小時)🔸️晚市 $348起 (任飲任食2小時)20:30後入座的優惠時段晚市放題 $348/人入座後，scan QR code落單，好方便👍🏻當中可以任食超過100款日式料理，包括刺身、創作刺身、壽司、創作壽司、火炙壽司🍣、手卷、卷物、一品料理、炸物、天婦羅🍤、燒物、串燒🍢及煮物等。除此之外，近門口位置有自助區，提供沙律🥗、前菜、冷盤、熱食、生果🍉🍈、甜品、雪糕🍨、雪條、冷熱飲品🍹☕️等，仲有清酒🍶紅酒🍷任飲。🔹️創作刺身、刺身 回本之選的刺身有11款之多，包括松葉蟹腳🦀、金槍魚腩、池魚王🐟、油甘魚、三文魚、海赤蝦🦐等，全部厚切又新鮮，真係不斷encor

最近慶祝紀念日，揀左 MOKO新世紀廣場 帝京酒店 既 ＂殿·大喜屋＂～呢度最吸引既係$3XX 魚子醬 任食，而且所有海膽都係用日本海膽，一定回到本~～我地揀左晚市，成人$348/位起 (視乎入座時間), 而小童就$218/位先點前菜/小食~ 魚子醬任食，味道濃郁，正～出面自助區有好多款式， 芝麻八爪魚、中華沙律、螺肉等。海鮮冷盤有海蝦、青口、翡翠螺，仲有三文魚籽刺身種類都好多, 吞拿魚腩、赤貝、池魚、北海道帶子、北寄貝、仲有熟松葉蟹腳。壽司超過廿款，包括炙燒、軍艦、卷物~~ 有我最中意既魚籽醬拖羅、日本北海道海膽軍艦、左口裙邊、樣樣都非常新鮮！串燒/燒物，鐵板鵝肝厚多士，即叫即煎，食落香口～另外，避風塘炒蟹、金蒜粉絲蒸扇貝都好入味，唔錯唔錯。我仲點左好多雞軟骨，連我最愛既乳鴿、西京燒、鯖魚都有，食落停唔到。呢度仲有中菜，花雕醉鮑魚、鮑魚皇帝蟹皇粥、花膠海蔘瑤柱翅羹等，大人同老人家都應該會中意，感覺好抵食。飲品選擇亦好多，自家製冷泡茶、包裝飲品、汽水等，酒類就有日本梅酒、啤酒。不過我只飲熱茶，清清個胃。甜品方面都冇令人失望，有椰皇燕窩燉蛋白，Mövenpick ，Häagen-Dazs

殿大喜屋今日老婆生日🎂，緊係要揀間高質餐廳同佢食，之前知道旺角開左間高質放題，叫殿·大喜屋，依間大喜屋特別之處，$300幾蚊有魚醬食，又有日本海膽食，邊度搵，簡直係超值。今次同老婆揀食早午，原因就係可以3小時任食，12點可以食到3點，仲有超過過百款食物任均選擇，其實放題食得多，普通野我就唔介紹，要介紹緊係要介紹依度先有或特別優質既食物🥘。燒榴槤：咩品種我就唔清楚，但食落口好香好滑，細核，仲要係無限供應，任食唔嬲。龍蝦仔：佢地d龍蝦仔d汁好野味，龍蝦🦞仔好新鮮，唔係周圍食到。蝴蝶🦋酥/杏仁條：依2款甜品，真心超級好食，又香又脆，一d都唔求其。魚子醬：講真，魚子醬係我知識範圍係超貴，但竟然可以係放題度任食，你話都米話唔正😍食落口好香油脂味，一d都唔腥。海膽軍艦：竟然用高成本整既日本海膽，都米話唔重本，入口好滑好creamy，好甜唔死咸。三文魚刺身：雖然好普通，周圍都食到，但放題黎講佢d品質算係上等，又肥又新鮮，幾rd都係咁高質。甜品🍮方邊有哈根大/movemick，要食回本有幾難。飲品方面仲有幾10款選擇，仲有清酒飲。但真係太多好野介紹唔到咁多🫣自己睇🥰總結：依個價錢食到咁優質既放題，真係

好少咁嫐一間鋪，優點：食物質素尚可缺點：好多！ 廁所好污糟，去左無辦法食到嘢 服務好差。啲嘢漏上錯上好多，過左成個鐘先上都有，追問waiter個態度勁差，好心你我係來食飯，漏野check清楚係你哋嘅責任，唔係我要同你哋report ok？waiter惡過茶餐廳阿姊，好心你哋唔好開係帝京啦 坐下一個鐘唔到已經俾要求買單。不如入門就買啦好打擾個興致。無人會差你個幾百蚊啦。 快夠鐘全場waiter大喊快夠鐘拿齊嘢，唔知道以為入左街市，搞到氛圍好差，同場食客亦都好唔舒服。總之完全中伏！之後唔會幫襯！

The restaurant was encouragingly busy for a Thursday evening. With the tables spaced at a reasonable distance, there was a pleasant atmosphere when I sat down to look at the menu. Two signature dishes of the restaurant are uni gunkan and caviar, which are freely available despite the price for the buffet being only $348 plus the usual 10% service charge. I decided to start with these, along with assorted sashimi and sushi. The food arrived promptly and was beautifully presented, the sashimi over

本身book左枱 想改遲啲啲入坐話唔得 諗住拎飛當walkin客等位晏小小入座又話唔得 問佢有冇客等位又話冇 明明有枱 問佢接唔接受walk in 客 前枱話唔接受 咁門口部機係裝飾？仲要啲態度差到爆 嬲到唔食 廢事貼錢買難受