殿糖級 (已搬遷) 新店位置

七點幾已經食飽經過殿糖級既然入面一個人都冇 就包場試下裝修好簡潔 行少女文青風 坐得都算舒服 叫左一個士多啤利梳乎利個漿係即打 好香士多啤利味但質地唔夠厚實 睇下個心 打左好多空氣入去基本上似食緊泡沫冇應有嘅質感又唔香蛋味$42又冇包雪糕價錢貴左啲員工大部份時間匿埋厨房自顧自傾計無咩服務可言 叫距出黎斟水 同埋收钱 又黑口黑面唔算好無禮貌個種 可能距本身個人就係甘但間鋪坐得舒服 比附近嘅范後甜品好響無咩選擇可言嘅情況下 會再幫襯

近年元朗少了供應窩夫的店，有的關門了，有的搬往市區，是晚和老公四出覓食，走到殿糖級發現有窩夫就隨意入坐，反正沒試過，一試無防。老公點了雜果木糠布甸（$45）有四款新鮮雜果粒，包括芒果、蜜瓜、西瓜和火龍果，色彩豐富。木糠布甸是雪硬了的雪條狀態，喜歡吃冰的人會挺喜歡，不過我還是喜歡軟滑忌廉狀的口感。我點了芒果窩夫（$44）成品本身沒有忌廉，是我要求加的，我喜歡窩夫配忌廉，熱辣辣的窩夫既香甜又鬆軟熱，配上冰凍的朱古力雪糕和新鮮香甜的芒果實在非常滋咪，推介。

榴連玉露Menu上'榴連系列'睇到嘅樣 楊枝甘露芒果轉左做榴連，感覺幾足料，所以試下。結果，係好水嘅西米露加一小舊榴連...(?!?!?) ok圖片只供參考？但唔係差咁遠掛？問店員佢話係西米底，我心諗：呢碗'水'西米露先係'主'已經唔叫'底'。(認真唔介意出到黎冇相咁令，但都唔係大變平...真係冇就唔好影出黎)芒果黑糖天使面而我不知天使面是甚麼，以後我去上海舖食上海粗炒我會識得叫個d面做叫天使面黑糖面幾好食，又唔係太甜; 芒果方面......幾欣賞佢夠raw，應該冇加工，但下次真係，黃色嘅芒果唔好加埋落去喇，太酸酸到一入口五官集中埋一齊，勁過酸味糖，酸到食唔到個啖，幾刺激。椰漿底，水。小結：- 性價比極低- 圖片名字只供參考（其實好多糖水舖冇呢個問題，好似元朗有另外兩間差唔多規模嘅都未試話咁）P.S.會建議想去試伏嘅可以點：純黃色芒果加水之西米露絕對係可以聲名大噪之作。

鋪內圖片只供參考。話明黑朱古力 變 大陸味朱古力。糖水,真係好水。生果浸到變水。心太軟穿底。4個人去買,全部負評,無一倖免。價錢不合理,此質素十元比多你。浪費我消化系統的力量。一生人一得一次體會

食完飯就緊係搵甜品,今次想試下新野所以就揀左呢間睇MENU都睇左成10分鐘,因為選擇實在太多。有普通糖水, 雪花冰, 又有千層蛋糕, 椰皇燉牛乳等等仲有好多~好多~~岩哂多人一齊試下今次我地揀左D普通野,諗住試下水溫先, 因為驚伏。芒果千層蛋糕: 賣相吸引, 味道正常。比例上可以再好D, 由於因為有太多CREAM,而芒果唔算多,有D似食緊芒果班戟。雪花冰, 諗緊試下特別少少既豆腐味,不過出現我地驚發生既事---無味我明白通常豆腐味可能會淡D,但真係一點兒豆腐味都食唔到,反而食到牛奶味?可能因為有加煉奶o係面。雖然唔算係好出色,但不過不失,而且幾多選擇, 我會再挑戰下其他~~可能新開唔算好多人,比較好坐。

蜜瓜汁: 基本上大部分是糖水, 得上面少少真是打出來的蜜瓜汁, 甜得滯益力多沙冰: 朋友特登叫益力多溝芒果, 點知變左芒果沙冰, 但老闆娘好人, 幫佢再整多杯, 變左益力多得來, 有少少芒果味, 很貼心啊燉雪梨: 足料, 清甜呢間都幾多款選擇, 第日想証下SOUFFLE

食完晚飯後好自然想食D甜野,就去買左件芒果千層糕返家慢慢享受。千層糕的皮夠薄,好香蛋味,芒果餡極少,但芒果尚算甜,忌廉很滑,但感覺與芒草比例不太好,因忌廉太多,芒果太少,入口忌廉已蓋世芒果味了。 總結,都可以一試。

自從Honey Secret無做之後就一直後繼無人，今天！我！鄭重宣布！殿糖級！正式啟動！健康甜品，全為三至八十歲不同年齡階層著想，一家大細、男女老少咸宜，只要你肯入嚟食，就可以享受健康豐盛嘅人生。

元朗一向少高質糖水鋪， 知道有間新開既糖水近排好多人食， 今日突登去一試，先知有好野！！叫左杯椰汁鮮奶（$25），椰汁味好香好滑，老闆推介朱古力奶凍又係必食，朱古力味香濃口感又彈又滑 推介去元朗食水既必食呢間殿糖級

去開又新街果頭，見到呢間甜品鋪，咁就入去啦！叫左杯椰子沙冰，$25，好好飲，入面都坐得幾舒服，比起附近兩間會舒服好多，而且價錢都唔貴，甜品選擇都幾多。下次都會再黎試下其他款式。如果都係黎開附近既不妨可以試下

有晚口痕痕 落元朗食甜品 去左B仔附近 個頭有唔小甜品 b仔要等位 就去左對面既殿糖級試下我叫左西瓜沙冰 因為行到過去已經好熱 急住要消暑😂 杯沙冰大大杯 重點 唔甜 好解渴朋友食左楊枝甘露豆腐花 個樣幾唔錯 食落夠凍 豆腐花夠滑下次可以食楊枝甘露tim😁🙈總括黎講 舖頭幾舒服 d甜品唔錯算抵食😁😁

呢開系元朗開左唔系好內，見佢成日有個易拉架話千層蛋糕有優惠，因為我自己食開沛X的，但呢間就腳就買黎止下咳先！叫左個榴槤千層蛋糕，裡面真系好難搵到有榴槤，系聞落有味外，食落真系淡到無，佢忌廉算夠滑，皮夠簿，就系欠榴槤，我寧願佢賣貴少少

今天去了元朗探剛生完b既朋友，飯後當然食埋甜品喇！原本諗住食B仔，但看看對面原來開了一間殿糖級甜品店，我說之前食過，味道真不錯😋，但這間未試過，朋友聽到後就很想一試（其實係食厭左B仔）。於是選擇左呢間，坐位ok,不算窄，坐得很舒服！我order了蕉糖燉蛋，燉蛋入面有少許黑點😮，於是問了店員，原來是雲呢拿子，食落更香更滑，比起網上食譜教的，味道好很多很多倍👍🏻，而且本人非常喜歡食蕉糖，這家店的蕉糖略少了點，下次order時講清楚要多d就perfect喇！😁朋友點了西瓜蜜瓜西米露，聽佢講椰汁很香濃，水果很甜配合不太甜既椰汁底剛剛好，Like👍🏻埋單重要買多碗比佢老公添！

今晚食完飯 家人想食糖水 就提議去殿堂級試試啦環境：光猛，被安排坐得好逼，鋪內唔夠冷氣。叫左楊枝甘露-碗野上到枱 我地一行五人確係有點o咀，稀到不得了 淡 西米痴住一舊舊 蘋果脆脆-個面好食 個底有蘋果加提子乾，不是好酸牛乳味奶凍-小朋友食的 我試左一口，牛奶味香濃，幾好食雪糕紅豆黑白涼粉-我無試過 無意見 家人說不過不失合桃糊溝杏仁茶-同楊枝甘露係同一個問題，稀+淡整體黎講 我短期內唔會再黎