歷山餐廳

营业中

休息中

不嬲唔好buffet D 刺身/冰鮮野，追中菜多，平時多去萬豪buffet中式野，呢個第一次試。雖然唔係鮑參翅肚，會貼地D 但小菜好堅Wo個避風塘炒大蝦🍤正！荔茸炸帶子係癲咁脆，以為去左酒樓叫小菜咁🉐（但原來佢地沒中菜廳，唔似得萬豪有中菜😗，可能佢地剩係負責做婚宴😂如果有中菜一定去試試✔️）凍盤個D都係正常發揮，反而係大家都忽略的熱葷有驚喜，食得Buffet飽係必然，但係除左要「圍皮」，都要入到口架，我寧願食貼地好味既，好過食所謂貴既但唔好味既嚕。

假日到有如身在宮殿的酒店，裝修豪華有氣派🤩我哋今次選擇食午餐buffet食物級數普通🤨但勝在多選擇😘有生蠔 🦪長腳蟹🦀️三文魚🍣 pizza🍕等等飲品自助式冇限添飲🥤可提供白酒红酒🍷值得一提甜品出色🧁🍰🍧👍🏻適合家庭或朋友聚會地方❤️

喺男朋友生日當日揀咗呢間自助餐。本身係見到呢間餐廳嘅環境氣氛好好所以先選擇上網睇過呢間餐廳嘅食評，普遍都話唔好本身真係打定輸數諗住食氣氛就算我早咗兩個星期訂位，比預訂食嘅時間早咗半個鐘到，酒店大堂嗰邊都有幾個位坐，係唔錯嘅打卡位。跟住早三個字睇吓有得入去末，見到有啲人已經入咗去等。所以我都入咗去因為未夠鐘食嘢但係都可以喺自助餐嗰度周圍睇吓有咩食18號當日嘅人數唔多，個場唔係full。個環境氣氛的確一流先講下嘢食，生蠔一次拎三隻，有啲大隻有啲細隻。我個人覺得好鹹，但係好衛生都好味嘅。食完冇肚痛！開生蠔嘅男職員態度親切，每次拎佢都會講句多謝晒。刺身區，網上面話最差我試咗覺得正正常常。不過個女職員黑口黑面咁。跟住到燒羊架嗰邊，個姨姨態度好好，我食咗佢嘅燒芝士餅乾，佢係即場用火槍燒溶啲芝士，唔錯跟住就到普通嘅海鮮區，就係普普通通冇乜特別然後沙律區，推介的。幾開胃熟食區，串燒嘅燒菠蘿好開胃，其他正常黑松露薯蓉可以試下湯飲！推介南瓜湯正最後到咗甜品區呢個真係抵鬧的奇奇怪怪咁，好難食。得嗰個用羅拔臣整嘅提子味啫喱食得落肚。蛋糕啊嗰啲全部不能接受。。但係佢有Häagen-Dazs, movenpick

少有情人節折上折🦀鮮甜鱈場蟹腳🦐珍寶紅蝦帶子！歷山酒店以奢華宮廷設計聞名，簡單啲講就係金碧輝煌，一入黎已經處處打卡位，呢種歐式浪漫環境，真係啱哂情人節黎。-🥂情人節自助晚餐兩位 (平台75折再減$200後 $1,022.3)價錢已包加一，而且仲可以再扣埋優惠碼，埋單只係約一千蚊，真係情人節仲抵過平日，但只限2月10日至2月14日！🦪冰鎮海鮮🥢即開新鮮生蠔、鱈場蟹腳、鮑魚、翡翠螺、凍熟蝦、紐西蘭青口、大蜆任食法國生蠔都係500蚊位，非常少有，唔算大隻但質素唔錯，而且仲有大大隻鱈場蟹腳，鮮甜必食。🦐刺身🥢阿根廷紅蝦、原粒帶子、油甘魚、吞拿魚、赤貝、三文魚自助餐黎講刺身出奇地高質，竟然有珍寶級Size嘅紅蝦同帶子，真係非常巨型，而且將紅蝦爆膏蝦頭炸過，非常幸福。🥩烤肉🥢頂級美國西冷牛扒、黑毛豬叉燒🥓現場烹調🥢澳洲M7和牛壽喜燒、香煎鴨肝、瑞士熱熔芝士、西班牙杜洛豬後腿🥘熱盤🥢日式磯燒鮑魚、燒原條比目魚、龍蝦濃汁大蝦千層麵、星洲胡椒蝦、薑葱炒蠔熱盤一向最怕焗太耐，但磯燒鮑魚正好煮得入味，肉質軟腍，而且唔怕擺耐質素有變，超有驚喜。🥞甜品🥢即製窩夫、朱古力火鍋、芒果拿破崙、即焗芝士撻、多款蛋糕、多

除夕男友卜左歷山酒店 Staycation Package包左酒店餐廳下午茶原本念梗買唔買 Package因為男友上網見到食評麻麻 主要係打卡靚最後都卜左 去到果然環境真係好靚金碧輝煌好華麗而窗口位冇幾個相信係預留比買左package既人所以安排左比我地坐由於下午茶時段為3-5點一早2點check in左2點9就到餐廳早到早簡位最後調左去近聖誕樹既位置～2人2set既下午茶由於當時只拍左片所以只有係影片cap出嚟既相原本預左真係打卡 對食物冇期望點知喜出望外！全部鹹點都好好食而且好岩我口味！！鹹點包括：*韃靼吞拿魚伴脆香法包雖然冇特別中意食吞拿魚，但依個吞拿魚一啲都唔腥亦有鮮味，好中意依種配合小法包既食法*脆炸杏仁雞翼釀荔枝本身都中意食荔枝，雞翼外脆內嫩肉汁多，咬開包住一粒荔枝仔感覺幾得意*煙肉帶子伴荷蘭蛋黃醬本身亦中意食帶子， 煙肉內包住既帶子亦好軟熟，一整個放入口有唔同豐富既口感*香辣龍蝦沙律牛角包本身唔中意食牛角包，但佢個牛角包係夾扁左好似格仔餅咁，而包上既沙律有我中意既龍蝦，香辣味亦調配得好好*照燒和牛露笋卷看似簡單既兩卷估唔到入口都咁有驚喜，和牛片唔靭亦好香肉味，包住燒香露笋

餐前包一杯白酒or 紅酒呢道係每一個人都有一個陳架甜點鹹點味道很普通，最基本的scone都焗得不夠香最底的鹹點都是很普通，沒有特別的可以介紹，一定不會再來反而餐後的茶比較好喝一點

又係吾知食咗幾耐先post嘅倉底貨🥹好耐之前小編生日，朋友揀咗去呢間食飯，餐廳裝修幾靚，行歐美古典風😎座位都好寬敞，不過如果有卡位坐而唔係open area，私隱度會高啲坐得再舒服啲🥳職員服務都好好，有求必應，而且好關顧客人嘅需要😙另外生日嘅客人可以要求有舊生日蛋糕添🥰.🍽️維多利亞宮廷式自助餐 $629食物質素整體都唔錯，不過印象中最出色係甜品😂小編超級鍾意食鵝肝，個晚食咗n咁多舊，好滿足🥹另外牛扒同埋生蠔都唔錯，但羊扒就羶到即刻嘔出嚟，依家諗起都想嘔🥶 亦都可能係因為佢唔熟嘅關係，搞到小編同埋朋友都肚痛☹️熱食就普通，無乜心水😂至於甜品最surprise係流心嘅布甸麵包，其他正常發揮，勝在款式夠多🥰.💰人均消費～$650.🍽味道：3/5🏙環境：3/5👨🏼‍🍳服務：4/5💧衛生：3/5💰價錢：3/5

上個月細妹生日,同細妹帶埋老媽子去歷山酒店食自助晚餐。間餐廳維多利亞宮廷式布置好吸引,所以點都要去打下卡,加上網購價都幾吸引,全包每位都只係$5xx。So, let's go！間餐廳維多利亞宮廷式佈置,加上高樓底,感覺好舒服,所有工作人員非常友善同helpful,好主動提醒客人細節嘢,服務的確👍, 絕對五星級酒店水準。自助餐食物枱圍著牆邊擺放,所以攞食物比較舒服。海鮮同salad bar主要有生蠔、長腳蟹腳、小龍蝦、翡翠螺、甜蝦之類,供應好充足,質素合格驚喜欠奉。生蠔比較細隻但係尚算鮮甜😋。日式刺身都係基本嘢,質素普通。幾個熱葷就乏善足陳。有個粉麵檔,要留返胃納,當然放棄啦😅。燒牛柳水準正常,反而燒豬腩有啲驚喜😍,老媽子都食咗幾片😂甜品選擇唔算太多,水準一般,亦都冇乜特別吸引。Haagen dazs雪糕款式味道好多選擇,我係咁意食咗3杯😎食物味道普通,冇乜大驚喜,勝在環境好,枱與枱距離比較遠,座位感覺相當闊落,員工服務質素高,五百幾蚊一位自助晚餐,老媽子都話佢都冇乜投訴。🍽 餐廳: 歷山餐廳🏠 地址: 北角城市花園道32號大堂樓層#foodiehk #hkfoodie #foodie

早排歷山餐廳惡評如潮 不過最近聽聞質素已改善 趁著有時間及生日慶祝 就同朋友去試下semi lunch buffet. 係官網買做緊75折 ，仲可以簡要前菜加甜品 或者加埋主菜。 本身細食既我倆簡左前者，折左連加一都係$236.3 。歷山位置都相當方便 出左炮台山地鐵站 過左條天橋就到 ，午餐時間係12-14:30 。 搭電梯落一層 就到餐廳。 一落到去，歐洲宮廷奢華風即刻映入眼簾， 正因為依個風格 所以都岩哂一啲愛好童話風既女生到場打卡 一扮公主😆😆。 如果去大堂就需要穿過餐廳而過。 當日去到先知 嗰日有一班旅行團 都相當多人 。 職員安排左我地坐係另一邊 真係完全遠離哂人群😅😅，相當靜 岩哂傾偈同慶祝😂。 食物方面， 以semi buffet黎講都算多， 沙律冷盤有4-6款，海鮮方面有2-3款，如青口、蜆等， 刺身方面有三文魚、鯛魚等，仲有兩款湯（cream soup,同中湯） 。 最多人食應該就係焗蠔， 見到分別係刺身檔附近同湯附近都分別擺左2碟， 都好快俾人清哂🤣🤣食物都不過不失。 除此之外， 個人最中意就係甜品 甜品方面都有7-8款，仲有一款糖水 都有即製corner係即製窩

今次staycation包了二人花膠鮑魚海鮮餐，套餐的菜式幾啱我地胃口，有足料的蟲草花螺頭燉雞湯；原隻鮑魚扣花膠（鮑魚有口感、花膠夠淋、汁調味啱啱好）；百花炸蟹鉗熱辣辣、蟹肉爽口兼美味；星洲胡椒蝦蝦皮炸到卜卜脆，也非常惹味；蒜香鴨肝牛柳就最令人失望（鴨肝正常水準，但牛柳無牛味）；魚湯浸杞子上湯娃娃菜就非常出色，魚湯好味，菜軟硬度適中；海皇西施泡飯主要有蝦肉、帶子肉同菜粒，幾開胃；蛋白杏仁茶就普普通通啦！餐廳知我老公生日就送上蛋糕，職員態度服務優良，在舒舒服服冇乜人嘅環境下嘆晚餐都相當不錯👍

古怪的酒店入口再加上金碧輝煌的設計（雖然其實係娘到爆）,不過都唔影響食評，主要都要睇食物質素。魚生：雖然好厚切，但完全係淡而無味。切魚生/煮麵的廚師是同一位阿姐，睇到我眼突就係佢用同一對手套切完魚生再過隔離煮麵，然後再返回魚生岡位。有無攪錯！蟹腳：都係淡而無味，而且都係痴殼的！涷蝦： 細細隻全部附送黑黑的蝦腸！燒牛肉：呢個算係正常，不過裝汁醬嘅煲蓋熱到炳手。基本上我已經無信心去再試佢其他冷盤。無可選擇情況下只好食專兩片燒牛肉。。全場最好食的是movenpick/haagen daxs杯裝雪糕！！！咁嘅質素都收$6xx，完全不合理！

晚上同🤴🏻食咗一個非常滿意嘅晚餐😍😍，今朝試埋佢嘅半自助早餐先😁😁呢個package包括嘅早餐係半自助早餐，起初以為係一份指定早餐，再俾你出去夾一些輕食、飲品為之半自助早餐，但原來又唔係咁樣😄😄我同🤴🏻都覺得跟本就係自助早餐，俾你隨便出去夾食物，中西款式、乳酪生果、奄列煎蛋🍳、麵包、通粉等等，認真款式其實就唔算多，好多酒店早餐都食得到嘅味道，但食物質素都算高質，以下係最有記憶點食物🤣🤣～～～中式炒麵～～～我同🤴🏻都覺得全場最好味就係炒麵，炒得唔油，有香香嘅豉油味😊😊驚喜丫🥰🥰～～～雞絲菇絲粥～～～有好香雞味嘅粥，唔會過鹹😙😙港式有味粥！正👍🏻👍🏻～～～牛肉燒賣～～～中粒size，肉質飽滿🙂🙂但可能蒸太耐比較淋身～～～各色水果～～～第一次食橙唔使自己搣皮😂😂，其他水果都香甜☺️☺️好似中式嘅好食啲😝😝而西式方面就比較普通

今次同🤴🏻嘅staycation係歷山酒店，價錢為$1218當中包括套餐晚餐，半自助早餐及甜品加白酒，套餐晚餐我哋就揀咗 ‘ 花膠鮑魚海鮮餐 ’ 😊😊～～～蟲草花螺頭燉雞🐥湯～～～好香好香嘅螺頭肉，滲出晒喺個湯，飲得出花咗好多時間熬出嘅湯，雞🐥肉同蟲草花Keep住有彈性，但小心雞🐥肉有細骨😗😗～～～原隻鮑魚扣花膠～～～有厚度嘅鮑魚仔，燉得好入味☺️☺️！花膠有半隻手掌大小，可能花膠唔算厚肉，使花膠沒了黏口感覺，清脆嘅口感😚😚～～～百花炸蟹🦀鉗～～～一粒炸蟹🦀鉗，炸衣好薄肉厚，酒樓飲宴嘅質素，要點甜酸醬先好食🙂🙂～～～星洲胡椒蝦🦐～～～本身蝦🦐肉冇乜胡椒味，食嘅時候配埋一兩粒胡椒入口反而有驚喜，肉質略為老咗少少🤏🏻🤏🏻～～～蒜香鴨🦆肝牛🐂柳～～～蒜片極度香脆好似食緊薯片咁😆😆，但唔好一次食咁多會有苦味😅😅牛🐂柳嫩滑有彈性冇根😁😁，鴨🦆肝質地似軟軟地嘅芋頭粒😋😋，配埋青蔥一齊食會冇咁油膩🥰🥰～～～魚湯浸杞子上湯娃娃菜～～～有魚香味娃娃湯菜，解去之前菜式嘅油膩感🥳🥳～～～海王西施泡飯～～～內有蝦🦐肉粒、帶子粒、金華火腿細條、菜心粒同米通，湯味就同娃娃菜嘅湯差不多，每款材料都好新鮮，米通帶脆口😘😘

炮台山工作了好幾天，大家都感覺順利。於是，在星期五，老闆就來一個簡單的 team lunch，送舊兼迎新。開心午餐的地點，是公司附近的新酒店 Hotel Anexandra。新地頭，新的港島東地標之一，一切都令我們一行人覺得很新鮮。我們來到酒店同 service apartment 的大門，再按職員指示再落一層，就是 酒店的自助餐廳 Cafe A《歷山餐廳》的門口。我們一行人，就在這兒享用一個半自助午餐。半自助餐，就是前菜同甜品任食。來到，識唔識食都好，海鮮同刺身都是熱門的食品。大量地供應，吃完總是會添吃多幾份才會滿足的。這兒的 cold seafood 的確是不斷地供應，青口，花螺同蝦都好新鮮。而魚生有三文魚，油甘魚，甜蝦同八爪魚四種。開場，就立即來一份新鮮甜美的魚生。我每樣都要了一份，每樣都只是輕輕地點一點醬油就吃。原因就是每一樣魚生都非常之新鮮，魚肉、蝦肉甚至是八爪魚肉本身已經帶甜美。值得去添吃。之後的一碟，就是 cold seafood 同 cold meat。不同種類的火腿，味道一流，青口同螺都鮮味十足。蝦更是鮮甜可口的。不過，最令我開心的其實是中式的東西，麻辣皮蛋又香又夠辣

早幾日同事話請食飯， 目的地係歷山酒店， 聽咗已經打過突， 好多人或者網上嘅評語都係非常一般， 不過我做人比較均真， 唔食過唔好亂畀評語， 去之前已經 有心理準備冇乜要求， 都係嗰句好食米再食唔好食咪冇下次囉， 酒店本身係做到金碧輝煌不過唔係我鍾意嗰類型， 鍾意嘅話打卡係唔錯嘅選擇。好啦入正題， 首先食凍食， 蟹腳冇味， 跟住攞蠔食， 佢係即開嘅一人三隻唔知點解可以咸得咁緊要， 我以為自己熱氣問其他人佢哋都話好咸， 跟住攞魚生食， 我咁大個仔未試過食魚生 要食到lur返出嚟， 嗰嚿應該係立魚，有啲類似泥腥嘅怪味， 跟住熱盤 ，冇乜特別， 牛仔肉 接近食紙皮嘅狀態， 全部一次過冇返兜， 跟住心諗算啦食多啲甜品就收檔啦， 嘩❗️精彩囉酒店嘅甜品可以處理到咁樣， 全部係放題色嘅甜品， 連一個切餅都冇， 4，5款細細舊長方形放題色嘅蛋糕， 三星級嘅酒店都不如， 雖然五百蚊咁嘅價錢但係所有嘢都唔合格， 係我食咁耐自助餐倒數第1 2位， 係咪真係咁差，見仁見智大家可以自己試一試