449
55
12
港铁佐敦站 D 出口, 步行约7分钟
继续阅读
开饭介绍
武士拉面的鱼介汤底由六款不同类型的鱼乾熬制，再加入鸡骨及蔬菜等材料煮十多小时而成。制法依足日本本店，味道够地道。
继续阅读
营业时间
星期一至日
12:00 - 15:00
18:00 - 22:30
以上资料只供参考，请与餐厅确认详情
食家推介
相关文章
濃厚豬骨武士拉麵（1號）$58柯士甸路是學生們lunch的常去地方，同事以前就在那邊讀書，叫我去試一次。本來打算晚一點去吃，直至得知它將會結業，就決定第二日lunch過去吃。午餐價錢比較便宜，小編就叫了常規的豬骨拉麵，份量正常，有幼麵、火炙豬肉、半份溏心蛋、紫菜、木耳。湯底豬骨湯味尚算濃厚，可以再濃一些，麵條保持少硬，豬肉有點少薄但是肉味可以，溏心蛋嫩滑流心。另外，店主有推薦自家製魚介油，會令豬骨湯更加香濃，的確如此，每一口都有微微的鮮味。味道雖然未到一鳴驚人，但是看著老闆跟客人的互動，即使面臨結業，老闆依然樂觀，有時候生活就是這樣，總有起伏不平，但是心態決定一切。既然改不了現實，就改變心態。
继续阅读
最近我同男朋友都鍾意咗食拉麵，所以就上咗OpenRice度搵有啲咩拉麵好食。見到呢間武士拉麵幾多人話好食，所以就同咗男朋友去食。------------------------------入面嘅空間雖然唔算好大，但係都坐得幾舒服。佢仲好貼心咁有酒精搓手液提供。------------------------------老闆好好，見我哋諗唔到食咩，就推介我哋食全舖最好食嘅兩款拉麵。------------------------------德川將軍拉麵$88呢款係醬油豬骨拉麵，感覺湯底好濃，而且飲完都唔會覺得口渴。麵嘅硬度適中，唔會太硬又唔會太軟，而且佢嘅糖心蛋都整得好好。豐臣將軍拉麵$98而我呢碗就係蔥油湯底拉麵，食落唔會好油膩，啱啱好，而且面頭仲有好多蔥，好正。果然老闆冇介紹錯。------------------------------見到好多OpenRice食評都話呢一間拉麵做到七月就唔做，諗到以後都食唔到咁好食嘅拉麵就覺得好可惜。
继续阅读
週四晚食日本拉麵迎接Happy Friday 好耐無黎武士拉麵 小店有日本店既感覺 德川將軍拉麵（醬油魚介豬骨湯底）先飲一啖湯 魚介湯好香濃 拉麵夠爽口 紫菜比平時既大塊 兩塊豚肉大大塊 入口即化 玉子是必加之選豐臣將軍拉麵（四國香蔥油湯底）非常適合愛吃蔥既人 超多蔥 連湯底都有香蔥味 食落有d黑蒜味 好濃烈既味道 配埋拉麵 口感更豐富追加小食-日式煎餃賣相夠晒吸引 一上碟已經好香 煎到外皮夠脆 餡料好juicy 配埋醬汁 一試愛上 食完一隻又一隻
继续阅读
第一次黎係因為見話做到7月，去到門口都重以為係好野，呢啲日本拉麵小店以前銅鑼灣世貿旁邊一樣有間，味道得，可以再食；以為呢間差不多水準，原來自己表錯情，拉麵極普通，可以講屋企公仔麵比佢好味，全程食得非常不安，因為環境真係好惡劣，檯面我冇野敢掂。我自己平心而論，覺得價錢雖然算平，但真心食唔安，坐唔落，想快啲食完快啲走。失望😔嘅體驗，以後個區附近都唔太敢去，因為環境實在太差。裡面得一個哥哥仔，希望佢老闆有錢裝修過再開新店啦！
继续阅读
放工行過見到有間拉麵舖叫武士拉麵一於試下，舖面唔算大一排坐面向店主煮麵，企係門口等等咗大約20分鐘，終於有位入去望住餐牌，我同朋友心思思每樣拉麵都想食，諗唔到食邊樣好老闆好客氣話幫我哋揸主意問我哋要唔要試下豐臣將軍拉麵 (四國香蔥油湯底) 同足利將軍拉麵 (黑蒜油豬骨湯底)一於就試下呢兩碗麵😛有兩片日式叉燒、一隻流心蛋同紫菜聞落去好香，試下個湯底先先講四國香蔥油湯底好香蔥味落咗滿滿嘅蔥，好正呀👍🏻叉燒煮到啱啱好，亦唔會痴牙試埋隻流心蛋，味道正常另外，有一樽魚油放係枱面俾客人加落拉麵到，好香魚油味😋令湯底更加香，諗返起都流口水🤤輪到黑蒜油豬骨湯底湯底真係精華所在，未飲湯底前已經聞到好香濃黑蒜油味仲有少少回甘嘅味道，十分特別😯食過唔同嘅黑蒜油拉麵，呢種回甘都係第一次食到，感覺唔錯而且啲湯底唔會好似味精湯咁越飲越口渴，好好飲。綜合嚟講，呢間武士拉麵真心推介湯底十分好味😋 食完唔會好口渴老闆鍾意同客人交流，人好nice有機會再去幫襯～
继续阅读