影片
以上资料只供参考，请与餐厅确认详情
今日一班人行完山，行完山要食得够饱，一班人又要可以一齐坐，最岩就系去叫𩠌食饭既地方。呢间正记一向多人食，野食应该唔错，我地就拣左呢间。一班人可以叫多啲𩠌，试唔同既𩠌菜。我地叫左9个𩠌。椒盐鲜鱿好惹味，唔算多粉。脆炸咸猪手几入味，唔会柴。士多啤梨牛柳酸酸地，但无士多啤梨，又无士多啤梨酱，唔知点解叫士多啤梨牛柳。蚝仔饼正常发挥，几好。豆苗略为油左啲，但都可以接受。沙嗲肥牛金菇煲比平时食既无咁重沙嗲，清啲啲，我觉得都好食。肉碎茄子煲几惹味，好食。薯仔蜜汁牛柳粒好惹味，好好食。正记小炒皇有韭菜，腰果，同虾，味道ok。份量正常，一人叫一碟，够哂饱，整体味道都唔错。
继续阅读
见天气冻冻地一行几人谂住去食羊腩煲，点知大中伏兼一肚气！😡 一个细嘅羊腩煲居然收我$278都算，得𠮶几旧肉，仲要又韧又难食，系我哋食过最差嘅羊腩煲 👎🏻 跟住叫左个鱼肚浸胜瓜，胜瓜又系得几旧，味道仲要淡而无味👎🏻啲野唔好食都算，去餐厅食野仲要受气😡𠮶几个员工态度极差，啲野食未问完就大声用呼喝嘅语气话冇，跟住就用极恶劣嘅态度话「你返大陆食啰」，完全系赶客，所以香港食肆市道差执笠唔系冇原因😠呢间正记都唔系第一次，我啲朋友都话中过伏，地板又多垃圾，唔会再有下一次👎🏻
继续阅读
讲起想一班人喺元朗食大排档/打冷，首选一定系简呢间喺大西北无人不晓嘅正记菜馆啦，最啱叫多几款小菜同朋友一齐开心share呢份港式地道风味～啫啫滑鸡煲💰HK$110滑鸡一啲都唔滑，肉质比较干身，鸡件份量唔多，有少少失望～豉椒炒蚬💰HK$98蚬肉都算多而且冇沙，豉椒好惹味～椒盐九肚鱼💰HK$135椒盐味浓郁，九肚鱼炸粉好薄，而家炸到新鲜热辣辣，口感外脆内嫩，冇得输～腐乳炒通菜💰HK$70叫咗咁多碟肉，梗系要叫返碟菜中和下，炒通菜唔老又有镬气～
继续阅读
两个麻甩佬又系时候去揾食，今日又系啤酒日，有乜同啤酒最夹，梗系潮式打冷啦！正记系元朗打滚咁多年，质素有哂保证，决定今晚食佢！打冷当然唔少得潮洲卤水，一个卤水拼盘包罗万有，有豆腐，鹅肠，猪头肉，大肠，大鱿，应有尽有，全部都系相当下酒。之后来多个炸蚝饼，香脆可口，咸香味引到我哋两个一杯又一杯。最后整多个冻乌头，采用元朗杨氏乌头，肥美多油，沾上普宁豆酱食，鱼油香配上豆香，双得益彰。两个人食三碟小菜，不经不觉就饮左几枝啤酒，倾左几个小时，男人就系咁简单。
继续阅读
朋友介绍我去试元朗呢间打冷店，好耐冇食过大牌档既风味，多款菜式选择，小炒好有镬气，卤水好入味，芝士海虾伊面好浓芝士香味，椒盐鱿鱼须，同蚝饼好香口，系宵夜既好去处
继续阅读