正潮樓 (富通大廈)

营业中

休息中

中菜之中我幾鍾意食潮州菜，因為比較接近我哋成日食嘅粵菜口味，多款菜式都有海鮮，而且煮法多變有冷盤又有熱葷，好有特式。今日就去咗灣仔嘅【正潮樓】，門口掛住幾串大紅燈籠，燈火通明，喺假日夜晚比較僻靜嘅灣仔謝斐道中顯得鮮明出眾。入到餐廳，方型格局好寬敞，以木質裝潢為主，風扇、壁畫、燈飾充滿中國風。加上整體乾淨整潔，帶俾人舒適嘅感覺。食潮菜菜一定要食鹵味，【鹵水鵝肉】先試吓鹵水汁，鹹香中淡淡鮮甜味。鵝肉份量都幾多，我哋呢隻相當肥美，大半碟都係肥肉。不過我都忍唔到口食埋鵝皮，油香同肉香加上肉質相當嫩滑，食得出係靚鵝肉，令我停唔到口。另一必點嘅係潮州凍魚，潮州人叫「魚飯」，意思係魚同飯一樣咁重要，係每餐必食。我哋點咗【馬友魚】，魚肉味鮮濃，點豆醬食有另一番風味。另外魚身上面嘅奶白色啫喱狀魚脂，入口即溶好特別，都幾好味～最後就到兩道蠔嘅熱葷。【汕頭煎蠔烙】蛋香十足，一定要趁熱上枱即刻食，口感會更鬆脆；【肉碎蠔仔粥】潮州粥食落比廣東粥感覺輕盈，飲得出蠔嘅鮮味。兩道菜蠔嘅份量都幾多，而且鮮甜大隻，抵食。

我收到消費券最佳消費方式是吃、喝、玩、樂的＜吃＞。在OpenRice搜尋到潮州菜館「正潮樓」，於是訂位和家人吃頓豐富晚飯。在餐牌裏看見三年以上老鵝頭菜餚很感興趣，於是向菜館經理請教：「正潮樓的食材大部分來自潮州，澄海猴頭鵝養足3年，還有逾30年滷水膽和醃足30年以上老菜脯....味道都是用時間釀的，一份老鵝頭足夠六位客人享用，但需要早半天時間預定。」娓娓道來老鵝頭，聽也重涎！幸好此刻第一道菜餚上桌，我們可以立刻大快朶頤！油泡南澳鮮魷~來自潮汕市轄下南澳縣的鮮魷，肉質爽脆香滑，香味濃郁，伴碟的珍珠葉卜卜脆的，除了口感得好，珍珠葉也有平肝清熱，利水解毒的功效。香煎蕃薯烙~我第一次嘗味，除了帶給我新鮮感，口感也蠻好，酥香不油膩，整體看像薄餅却沒有薄餅般肥膩，入口像薯條，蕃薯的香甜更勝薯條。薯仔炆牛筋~薯仔鬆化，與香濃炆汁融合，濃香不鹹很美味，牛筋炆得合宜，軟綿中又略帶爽滑，薯仔、炆汁、牛筋色調很配合，幾根香芹帶來口齒回香。糖醋煎伊麵~我的至愛糖醋煎伊麵，每次到潮州菜館必吃，煎伊麵重點香、脆、乾爽不油膩，聰明的大廚將碎韭黃舖底，把丁點的油份都吸收。芝麻落湯前~原來是潮州經典過年甜品，我見識少，

同朋友食生日飯～佢地推介呢間潮州廳餐廳翅湯好好飲咸蟹最中意食呢d ～因為生既～冇乜朋友食～得我同一個朋友食呢碟～本身叫大～但佢冇曬大蟹～叫我地叫細先～覺得好食先叫多隻～我覺得好食～好食過韓國醬油蟹～爆膏魚本身叫姐姐介紹冇骨既魚～不過黎到都好多骨～不過個味都好好食～甜品見到人地食 我地又叫～就算勁飽 都要食出面係糖 入面又好熱辣辣既芋頭～好特別唯一有d失望係魚露花甲有d 淡 冇魚露味

上一次黎完 都知道I will be back架啦～ 個心總係掛住個鵝六寶 家人唔想煮飯，就帶佢黎食好西啦～今次第二次黎，揀啲同上次唔一樣嘅菜式試下：花鵰花甲、蠔餅、爸媽要食黃花魚、椒鹽九肚魚，一樣係呢到食到出色嘅味道我指定要食嘅滷水鵝肝、滷水鴕鳥蛋、反沙芋 繼續出場 所以話，唔好貪平，比多少少錢其實已經食到好野，差果1，2百蚊，何必食到勞氣，要向果啲以為平少少比cheap野人食呃錢餐廳說不！（上次去登龍街食燒牛肉果間呢～）試過咁多款菜式，我覺得呢間係有一定水準嘅餐廳，襯疫情無咁多人嘅時候黎食多幾次，唔洗排隊嘛（今次有去洗手間，乾淨企理）

講起潮州野，淨係諗起以前同朋友去打冷，環境麻麻，所以抗拒食潮州野，朋友話灣仔開左間正野，話環境絕對同以前果啲唔同！好啦…去試下啦。。。去到睇個門面就知唔同啦，入面舒服寬敞，仲有好靚畫佈置，入面有2間房，同家人朋友黎都會增加私人空間感完全打破我對潮州野嘅印象，仲要係灣仔咁近又方便，不錯之選食物方面係有質素嘅潮式菜，超好味滷水併盤，好耐未食過脆脆兩麵王，第一次食潮式嘅醬油蟹，我最愛甜品反沙芋店員都好有禮貌，會介紹一下菜式同比意見，高質潮州菜一定會再黎食，一定要帶爸爸黎價錢其實唔算貴，如果無叫翅就同一般出去食晚飯價錢差不多了。

呢度既主廚陳澤屬於國家級潮菜烹飪大師，曾經擔任粵東地區高級技師（相等於全國最高級廚師級別）廚師長職位，食物質素有保證～揀左呢度食潮州菜主要係貪佢人唔多坐得casual又舒服啲。同埋睇相魚露浸花甲好吸引。煮熟既花甲以潮式生醃方式加入魚露、蒜頭、辣椒等配料浸泡至入味，咸鮮爽口，花甲乾淨無沙。無揀錯係值得食既～另外要咗個鵝肝、鵝掌同鵝翼三併，鵝肝質感嫩又滑，味道濃郁而唔騷。掌翼膠質豐富，食落好香滷水味～川椒雞頸肉有嚼勁又唔老配上椒麻醬汁惹味得嚟唔辣，惹味又下飯。同埋好少食到雞頸肉，感覺都幾特別～不過甜品叫咗綠豆爽清心丸就有啲不滿，勁少清心丸得4～5粒，好慘完全唔夠喉！

聽朋友講灣仔有間潮汕菜唔錯就決定約朋友去試下😋餐廳係灣仔地鐵站附近，都幾易搵👍🏻餐廳環境唔錯，枱櫈唔會太迫，坐得幾舒服。一共叫左四碟餸。沙茶炒牛肉（$168）牛肉夠嫩，沙茶醬味道濃郁，夠杰身可以掛係牛肉上面，夠晒邪惡😆😆魚露浸花甲（$188）見到網上食評個個都推介，就叫黎試下，佢係用蒜頭、辣椒、白酒、芫荽、鹽、豉油等直接「生餣」，係潮汕既獨特食法，花甲好鮮甜爽口，凍凍地都幾啱夏天食。汕頭煎蠔烙（$108）粉漿同蛋既比例好好，唔會食到成口粉，蠔仔肉既分量都好多，啖啖肉🤪鵝六寶（$428）鵝六寶包括鵝肉、鵝腸、鵝蛋、鵝肝、鵝掌同鵝翼，平時食開都係三寶四寶咁，好少可一次食到六款唔到既部位，鵝肉唔肥夠入味，叫個拼盤三四個朋友都唔錯

同事們各散東西, 要攪反個Farewell Gathering, 於是選左正潮樓。地點方便,在灣仔A1出口, 過第一條馬路, 直行再過第二條馬路,在左手邊的斜對面, 門外掛上紅燈籠, 餐廳古色古香, 又有山水壁畫作背景, 令人有種恬靜的詩境。一行五人,包左榕江房, 服務人員態度非常好.

就像外行人去经营潮州菜！去過你会後悔！点潮州粥竞然白飯加滾水送到餐桌前，叫經理過嚟問…佢竟然話係用礦泉水煮出來！真係不知所謂。最後叫甜品…等咗半小時！结果原来經理無落單！咁都得🥲

是夜吃得很爽, 因是脂肪及膽固醇爆錶之夜, 再有澱粉質, 吃完真的要乖乖做運動. 見識到傳統潮汕美食, 原汁原味, 鮮而不腥, 肥而不膩.點菜後, 環顧四周, 大廳這幅巨大的「五嶽獨尊」泰山風景畫為餐廳營造舒適及古色古香的氛圍.鵝粉肝($128/半份) – 肝很滑, 略嫌有少少筋; 鵝肉鬆軟不痴牙, 記得要吃墊底的豆腐.魚露浸花甲($188), 第一次凍吃花甲, 以潮洲魚露、蒜頭、醬油、鹽、辣椒及芫茜去浸, 如此鮮甜爽滑, 一試難忘.兩款湯水各有特色, 而且也頗特別. 老菜脯燉豬肚$68(每位), 老菜脯能消滯化痰, 湯頭濃郁帶餘韻, 要讚加入芹菜粒添清新爽口感. 清湯燉牛腩很足料, 師傅加了鮮檸及咸檸檬一同燉製, 難怪味道如此潮式.香煎蕃薯烙是香口小食, 吃是要撒白砂糖在面.豆醬焗嫩雞$198(半隻), 以豆醬、薑葱及酒10個月大的母雞, 肉質嫩滑, 豆醬夠香, 這醬汁讓我們想來個白飯.筍亁炆鴨肉, 有菜有肉, 比例不錯, 鴨肉炆得夠腍但不會一夾即散, 筍的份量也夠多.  進入澱粉質系列! 芋頭炒香飯($128)令我吃多了, 芋頭有些壓蓉, 有些則是粒狀, 口感不錯, 又混入薑粒、菇

🎉🎉🎉召喚 #潮州菜愛好者 🥰 #復興傳統潮州菜💠鵝粉肝鵝肉厚切嘅鵝粉肝軟滑甘潤香醇，伴以清雅嘅滷水香，好少食到咁正😍😍💠魚露浸花甲加入多款配料，味道豐盈，鮮甜爽脆，好有潮州菜獨特風味😋💠老菜脯燉豬肚用上30年老菜脯配豬骨豬肚燉煮，咸香清潤又暖胃🥰💠川椒雞頸肉豬頸肉就食得多，雞頸肉都係第一次食，肉質極有彈性，配以川椒及香脆炸紫蘇葉，口感超正又惹味🤩💠豆醬焗嫩雞用上嫩雞，肉質軟滑。豆醬的香味濃郁和雞的鮮甜味。💠筍亁炆鴨肉炆鴨肉軟腍嫩滑，筍乾吸收了鴨肉嘅香，食落特別滋味。💠五谷糭糭子餡料滿滿，甜味適宜，清香軟糯👍🏻💠芋頭炒香飯飯粒乾身，有淡淡香芋味，材料豐富，食到唔停口🤤💠香煎玉米烙💠香煎蕃薯烙金黃色玉米及蕃薯烙，香脆可口，加埋砂糖仲正🤩💠芝麻落湯錢 糯米球外撒上芝麻、花生、砂糖，煙韌香甜

 是日天氣就似老頑童，帶遮出街就出太陽，一放低就落過不亦樂乎，就算有遮都無補於事，點都會濕身。好彩今次同朋友約係正潮樓食飯，最正係餐廳位於灣仔地鐵站附近，出入超方便。先來的是魚露浸花甲，花甲毫無碎砂，令人食得安心，魚露令花甲肉味更鮮。再來粉肝拼鵝片，鵝肝雖然邪惡，但真的很粉嫩又入味，反而鵝片感覺比下去了。湯品是老菜脯燉豬肚及清湯燉牛腩，兩者都火喉十足，陣陣醇香，豬肚湯加入少許胡椒，有些少胡椒豬肚湯的感覺，但辛勁較輕柔；清湯牛腩炆得夠稔，而且蘿蔔吸收了肉味，又係必食。主食是香煎蕃薯烙以及香煎玉米烙兩款，當中選擇了後者，滿滿又澎湃的原粒玉米，甜美中有嚼口，下點砂糖更美味。很喜歡筍乾炆鴨肉是早已褪骨，啖啖肉好啱在下此等懶人，玻璃芡又只是薄薄的一層，不錯。炸功一流的脆皮九肚魚，外層色澤金黃，咬落脆卜卜，而內裡軟綿幼滑，正。而川椒雞頸肉絕對邪惡的一道菜，相信是川椒雞球的變奏，用上更有嚼口的雞頸肉爆炒，惹味到不得了，送啤酒一流。單尾是芋頭炒香飯，炒得好乾身，飯粒分明，見功夫，尤其加入芋頭，有種粉嫩的口感，好味。甜品是芝麻落湯錢，食起來你當是糯米糍吧！芝麻下得幾重手，所以好香。整體菜色有心做，地點就

相信日常中食過既潮汕菜都唔少 （特別作為潮洲人既我) ，但係得知有間潮汕菜餐館，聘請國家級潮菜烹飪大師主理，師承傳統名廚既古法技藝，特地慕名而來。✅魚露浸花甲($188)花甲係先煮熟，再放進魚露湯浸泡既— 所用既係潮州魚露、蒜頭、醬油、鹽、辣椒、芫茜，凍食更見鮮甜可口。✅脆皮九肚魚($168)可能係食過最好既脆皮九肚魚，脹卜卜既脆皮，九肚魚無骨而嫰滑無比，太好食了。✅香煎蕃薯烙切成幼條既蕃薯，煎成金黃色，確係平時唔容易食到既菜式～✅川椒雞頸肉($148)雖說雞頸肉聽起黎未必人人適合，但係所用既傳統烹調做法，確係令雞頸肉肉質爽口無比，入味而好吃。✅豆醬焗嫩雞($198/半隻)肉質鮮甜嫩滑，據知用左用左豆醬、薑蔥、酒所醃製，再加上湯用慢火炆焗約30分鐘。保存左豆醬既香味同埋雞既鮮甜味道。✅芝麻落湯錢($128)呢款甜品係每逢過年過節潮州人都會做既傳統甜品。搓成一粒一粒既糯米，貌似古錢幣，放入滾水中直至浮上水面即熟，拎出後再撒上芝麻、花生同埋砂糖，質感煙韌香甜～假如曾經認為潮汕菜不過係鵝片、蠔餅、凍蟹、綠豆爽等等，正潮樓既出品定必能夠令你對「潮汕菜」重新定義，回味無窮，價錢上選很親民呢，bo

每次喺灣仔駱克道盧押道呢頭食嘢，自然就同演藝學院有關。我相信你一定會喺過呢頭搵食，然後急急腳走過去睇show因此，逢呢個有新餐廳我都會好興奮，至少多幾個選擇，唔好食黎食去個幾間。正潮樓，剛剛係個呢面新開，之前見報導介紹過正潮樓主廚陳澤嘉的父親和爺爺都是潮菜的知名廚師，佢地希望可以帶到正統傳統潮州菜俾大家，呢個係正潮樓嘅宗旨。當晚四個朋友食，好處係可以試到好多野。前菜點了鵝粉肝鵝肉同魚露浸花甲，各有可愛之處。鵝粉肝那個香醇，絕對少見，膽固醇之友真心要萬歲。魚露浸花甲，加上蒜片同魚露香，花甲唯一要投訴嘅就係佢唔算太大隻太肥美，但味道新鮮而少見，係真正的潮州味道。同朋友一人選一個湯，再交換飲，清湯燉牛腩同老菜脯燉豬肚，菜脯燉豬肚係重點，那個濃度好高，菜脯吃下去好特別，有點藥材香，豬肚彈牙。清湯燉牛腩相對簡單，但加左檸檬後，味道更特別。阿媽一定會喜歡呢個脆皮九肚魚，外脆內軟，那九肚魚真心滑到一個點，我平時唔特別好此道，但吃過經驗話我知，佢真心做得好好。接著的豆醬焗嫩雞，送飯真心一流，豆醬唔會太濃，但個種豆醬香真係好少見，雞肉都好滑。筍亁炆鴨肉，最出色要數筍亁，仲要係個數量真係好多，基本上有成盤

同朋友太耐冇見終於可以出來聚聚魚露浸花甲潮州凍盤出名好好食，見到花甲肉肥美飽滿，食落仲非常鮮甜，唔會有沙，夏天熱辣辣先食凍花甲好舒爽！粉肝拼鵝片第一次食厚切粉肝，入口軟滑，鵝片好嫩，加埋滷汁好好味，豆腐都好味！老菜脯燉豬肚話說是用三十年老菜脯，外觀黑色，食落咸香味重又有些似黑蒜,感覺營養十分高！湯品香濃，所以豬肚非常入味而且夠晒淋。燉湯配飯，用湯飯形式食應該一流！清湯燉牛腩牛腩好淋夠入口，加左少少檸檬汁令牛腩更嫩滑，好有心思豆醬焗嫩雞個人十分喜歡豆醬，一來就聞到好香豆醬味，雞肉肉質好嫩滑。豆醬酒香帶出晒雞既鮮味😍蕃薯/玉米烙個人比較喜歡玉米烙🍠，加上白糖，好香玉米香！蕃薯烙就男士比較喜歡😉筍乾炆鴨肉 鴨肉見到已經去咗骨，而且炆得火喉十足，鴨肉鬆軟配上筍乾爽口，最啱就係用嚟送飯川椒雞頸肉 雞頸肉第一次食，少少肥中帶滑，送酒一流！脆皮九肚魚九肚魚唔覺有骨，炸得乾身而外脆內軟！芋頭炒飯炒得好乾身，炒飯要睇鑊氣，完全見到廚房功力，加埋芋香，米氣十足！沙茶牛肉粿條邪惡十足，但十分惹味，出面好少食到這種風味五谷雜糧糉糯米入面有啲花生、白果、紅豆及薏米，好煙韌！芝麻落湯錢似芝麻花生糖不甩，超好味！