正斗粥麵專家 (國際金融中心商場)

营业中

休息中

在此店吃lunch, 當然不可不試雲吞麵啦, 點知一吃好失望, 除了沒有"簡"水味外, 真的超普通, 沒有蝦籽味, 沒有湯味, 雲吞像是公仔點心但味道差一點, 點可能賣二十幾蚊碗!!!! 好扼錢!!!

o係IFC唔想食貴o野, 所以食正斗...三個人叫左:乾抄牛河: 好食! 有一段時間冇食過好食兼唔油o既乾抄牛河喇! 牛肉texture亦好, Good!皮蛋瘦肉粥: ok to good. 瘦肉係手撕o個種. 味道good.魚片牛肉粥加皮蛋: ok good.炸雲吞: ok. 個皮可以炸好d. 稍嫌唔脆. 個醬好. 裹蒸粽: 一d都唔好食!!! 裝修方面好靚. 好欣賞吊o係度o個d大裝飾, boon 牆仲用筷子鋪滿! 不過air-con唔得, 可能又太多射燈..好熱.服務ok la. 我地本來想叫柚皮, 個經理話: 而家d柚皮唔好食wor. 唔係時候~~

D食物普通之極, 服務差, 伙計收餐牌收唔切, 驚死人叫得多

中學時期已有幫襯跑馬地正斗，但食物始終不甚突出。時隔多年，IFC開設了分店，便和男友&爸媽來吃個late lunch。到達時已2:30pm，仍有人在等位，我們等了約15分鐘方能入座。古色古鄉的裝修，加上空間感十足的table setting，比樓下的翡翠拉麵舒服很多，最欣賞那stain glass外牆，非常有特色。Service很好，侍應非常友善，我們一口氣點了以下食物：- 鮮蝦雲吞，鮮蝦梅身，肉餡毫無彈性，頗沒水準- 淨麵，夠彈牙，唯一滿意之作，但太細碗- 帶子蠔豉粥($60)，貴，勝在蠔豉夠多，帶子鮮味- 鮮蝦腸($38)，鮮蝦大隻彈牙，但腸粉皮痴立立- 炆牛筋腩(小：$48)，牛煵鞋，頗差- 芝麻糊保留了芝蔴粉的口感，媽媽喜歡- 燉原隻津梨，清甜滋潤，甜道適中，推介- 桑記生蛋茶($18)，得個甜字雖然在IFC中，正斗已算經濟，但若以食物論食物，這裡掠水什深。但勝在環境service都好，偶爾幫襯吓都唔錯。

Went there for a quick lunch during the weekend. Ordered some noodles, congee and dim sum. They were all average, and I can name many other noodle/congee eateries which serve much better food at lower prices.

忙完大半日，同同事粒米都無落肚，餓得反白眼時，幸好中段有時間「Hea」半小時，就拉他來試試。一鍋好的蝦籽湯底，其香，隔條街都會嗅到，想感受儂郁蝦籽湯味的話，朝早走到威靈頓街一定嗅到，頓足在正斗的廚窗前，卻什麼也臭不到。同同事分別叫了細蓉、豬腰撈及南乳炆豬手。細蓉沉底，湯底無麻油，韭菜亦欠奉，識食的自然知道此品唔合規格。麵質方面唔錯，爽口但就不夠幼細軟熟細緻，還是麥奀的最出色、湯底幾清的，就連身邊的同事都話無蝦籽味，問題真的幾嚴重，論湯底，池記的也不差，起碼飲到香濃的蝦籽湯、雲吞是不過不失，豬、蝦各半，無特別。反而豬手色水對版，入味，但炆的火候麻麻，雖然肉連皮，但就不夠結實而富膠質感。數勻IFC，其實都好似無乜港式平民小吃，偶爾來一次，也不錯。

喜萬年之前最後召集,在IFC會合之前,上一上正斗打底.只要細蓉,上桌雲吞在底,銀絲麵在面.湯底油光滿面,加上蝦子的湯底味濃而清.麵身柔軔有致,質感彈牙,而且沒有鹼水味."樹"幾下,麵條吃光,雲吞細細粒,豬肉同蝦肉一半一半,餡料夠鮮.蝦肉豬肉皆爽口.連埋加一$29碗,身在IFC,這個價錢,絕對合理.畢竟單是舖租,人手,計落差不多是天文數字.如果要在麥奀同正斗去作出取捨,我會選擇正斗.

和男友仔叫了以下食品: 雲吞麵(大)--那不表示這雲吞麵真的很大,只是比小雲吞麵多了兩粒雲吞麵罷了,雲吞味道不錯,麵也有咬口豬膶粥--豬膶可以,但粥底是略為淡了一點咸肉棕--棕的味道幾好,很可惜拿來的時間已經涼了,大打折扣炸兩--算幾大碟,油條已經唔熱但依然好脆我覺得呢間野既食物都幾貴,而且要收加一服務費,不過坐落於ifc,都預左ga la....味道唔及靠得住或者羅富記,算係不過不失啦

細雲吞麵一碗已經$26....加埋豬手要$48...好貴姐...不過新野就叫左雲吞豬手麵試下...外賣返去先知竟然得碗雲吞麵...無豬手...唔係化....好在打番去都追得番...$26碗雲吞麵得3粒雲吞...好唔抵姐...又唔係特別好食....d麵都ok...不過整體黎講都係太貴lor...第二日去擺番碗豬手麵...嘩...超肥同油淋淋...唔掂當~~~服務ok..不過以咁價錢唔會再幫襯lor