正宗鳳城餅家

之前买过一次，五大包的牛/猪肉干大概六百几，价钱合理，味道唔系话最好，不过因为试食过，觉得间间铺头都差不多，所以谂住做返头客。今次第二次帮衬，买一磅野山猪肉干，一磅沙爹牛肉干加一盒细杏仁饼，共收$441。当时无为意，返屋企先再秤，三样野加埋唔系老板加既总数。杏仁饼$30野山猪$168/磅，共636g，$234沙爹牛肉$138/磅，只有350g,$107发现三样野加埋只系$371，但系老板收441。可惜无拎返收据。以后一定唔会再有下次…查看更多

今次去澳门，跟著一位youtuber 行程去饮饮食食。去到澳门咁啱又落雨，虽然天公不造美，但落雨令到本身要排长龙的铺头都冇咁多人来🥰，计划好的行程都加速进行得好好🥳🥳，见行程进度良好，临时加插返个狂电派睇🤩。成个行程美中不足地方就系我地系新马路凤城老手信被人呃左，买猪肉干$98一磅，我地买一块，老板走过来同我地讲果块有半磅多d 但未到一磅，收我地$80。比完钱拎上手觉得很轻，去左另一间叫职员帮手磅一磅，磅到得半磅多少少。走返去理论，佢地个磅我地睇到系磅到差不多接近一磅😰。怀疑佢地个磅加左野。返到屋企磅返真系得半磅多少少，果间野真系呃秤来，下次唔好买呢间。🤬🤬🤬…查看更多

亲友去完澳门买了盒炭烧杏仁饼给我们做手信，平时多吃巨记或者咀香园，今次就第一次食正宗鳯城饼家的杏仁饼~这是迷李形的杏仁饼，细细粒方便食，不过杏仁饼没有炭烧的味道，连杏仁味都欠奉，内里亦没有杏仁粒，一D都唔好食，细小饼店都唔及巨记的杏仁饼来得好~…查看更多

第2次去澳门，今次去门两日，两日都经过尼间铺。因为尼间野系大三巴有好多分店。第一日去个阵，我见到佢有杏仁饼试食，就系门口食左一件，同行友人都无食，我食完之后，觉得都麻麻地，谂住走，点知个d店员就啤住我地，仲大叫：洗唔洗咁大啖呀，入黎睇啦！之后仲有几个人拦住我两个朋友，又塞肉干，又塞饼俾佢食，我个朋友唔食，佢地又唔俾佢走，搞到我朋友要退后逃走，真系吓死。我行左大三巴几次，都唔见其他饼家会逼人试食，或者因为人地试完唔买而啤住人第二日去，本身谂系大三巴饼家买鸡仔饼俾屋企人食，但已经卖晒，但又唔想去巨记/咀香园买，因为真系贵，就谂住试下依间凤城，一行到去门口，个d店员就搭住我膊头，扮晒熟咁拉左我入去，我同我d朋友都吓左一跳，之后又话俾折我，又话要我买多几盒最后，我罗左盒鸡仔饼就算，见佢d店员咁既样，好似d野好难食咁。因为我自己本身唔食鸡仔饼，所以唔知鸡仔饼点知系靓，但我d朋友就话d饼好多油，唔知好唔好食。但我谂住算啦，好多中式糕饼都好多油架啦！点算之后番到屋企，d屋企人食完话d饼唔单只油，而且仲好"淋"，好系霉霉地。但明明都未过食用期，但都咁既样，依间好食极有限。…查看更多