影片
今日去开荃湾，上网见到有人介绍呢间小店，就走人去试下。叫左2个小食，一个面。猪胫肉同大肠真系一试难忘，肉咬落仲脆脆地，大肠就超软身。落完单仲可以望住师傅现场削面，即叫即整，配埋佢地个汁真系食唔停口，中意食面嘅朋友一定要试呀。
继续阅读
差唔多一年多无来过呢间刀削面小店了 装修完之后都无食过了今日行经想揾下野食 又想食麻辣 就念起刀削面喇 之前食过都觉得呢间刀削面既面质好蔫蔫韧靭 本B甚为喜爱 就再亲临光顾一下装潢完 而家门面光鲜咗 无左以前个种重口味既国产装潢 感觉贴地啲 因为下午茶时间 所以唔使等位 行入去仲有几张枱俾我选择坐边张内部环境确实整齐咗 干净咗 餐桌既大小以及布局都系差唔多 无咩点变 咁即系代表繁忙时段系依旧必须搭枱 坐无虚席 身型丰满啲嘅人 好有机会背贴背坐 无位置放袋挂褛所以本B咁耐唔来都系因为以上既因素除非碗面好好味到令我不顾一切都要食啦坐底咗一阵 望左一阵餐牌 就有侍应行埋我身边睇下我想点咩 唔使我叫 就过来准备 但中途有个小插曲 系有位客人落单时已经叫左杯豆浆 而三催四请杯豆浆都未到 啲侍应生亦唔系好忙 只系喺度吹吓水 食吓野 最后个客再催 催完之后佢留意住个侍应有无去攞 个侍应一企喺度念住无野做 𠮶位客人即刻 加重语气「唔该！！我杯豆浆⋯」未讲完 个侍应跑住咁走咗去斟了 服务如何就见仁见智了 因为你永远唔会知道侍应生几时跳线点咗个麻辣金钱肚刀削面 卖相干干净净 唔会有咩特别或者惊喜汤头味道不浓不油 无鸡味 无鱼味 无猪骨味 跟以往一样无惊喜 无特别 普普通通 但唔会过咸 味道适中刀削面外层柔滑 面质依然蔫蔫韧靭 粗幼差唔多 挂汤能力还不错依然冇令本B失望用膳途中 听到有客人点刀削面 👨🏻🍳师父就会攞起有手柄既刀削面团 确实系即叫即削 真系同招牌描述既一样 并冇花假金钱肚有咬口 唔会太韧 亦唔会太稔 口感唔错 亦腌得够味 配以生蒜粒一齐食 口感更爽 蒜辛味浓 好蒜人士应该会觉得 而麻辣味唔麻但辣得出色 辣得惹味 加少少落去汤面🍜度一齐食 更添风味 呢个价钱包咗一杯不过不失既豆浆 碗面既份量都对得起呢个价钱既上年个餐系$50 今年开始加两蚊以前无最底消费 而家每位三十蚊叫饮品唔好后加 无优惠要收正价本B推介 麻辣刀削面系唔差既 如果得闲经过 而又想食碗汤面 又钟意有咬口既面质 可以不妨一试
继续阅读
未试过食刀削面 上op search原来全香港唔系好多间有最近都系荃湾 就专程坐车入嚟会一会去到排左阵队就入座 一睇餐牌 都要50蚊个面叫左个牛腩鸡奕面同麻辣牛肚丝面牛腩同入味够香 面身有口感嘅 汤底就似台湾食啲牛肉面咁麻辣牛肚就未至于太辣 但食完成口蒜味未食过都可以一试嘅但系就坐得辛苦左啲要缩埋只手屈住咁食
继续阅读
本身想去食泰菜，奈何时不予我，果间泰国菜餐厅已经爆场，于是就去附近另一间餐厅食嘢去咗食刀削面就算只系一𩠌，都唔算平因为都好耐无食过猪耳，我就点咗一𩠌猪耳刀削面上菜后，都见表面有唔少猪耳猪耳爽口，厚薄适中，不过唔够卤水味刀削面面身有啲咬口，唔会好淋汤底唔太清楚系乜，得个咸字，叫做俾少少味道啲面总体嚟讲，其实好一般，无乜特别应该唔会再嚟
继续阅读
路德围荃湾区食店集中地，铺租贵，无返咁上下实力都难以立足。假日晚上成条街都排满人等候心仪既食店。今次黎呢间山西刀削面皇。写食评之前稍稍看到其他食评，心里很想为它平反。有人说呢间刀削面面质奇怪，一边薄一边粗，唔够弹牙奇怪。但人地山西刀削面全凭刀削得名。用刀削出的面，中厚边薄。面体本身特色就系咁。麻辣猪脷每次食多数都系点呢款，因为佢系少数有卖猪脷既餐厅，而且处理得好好，薄切但有口感，没有内脏味道。叫多蒜真系好多蒜。唯一要弹既系，所谓麻辣根本一点麻味麻香都没有，只有辣。汤底清，一般食法是把蒜和麻辣酱放部分落汤起提味功效。另一特色是套餐加$4就可以转柠乐，大快朵颐！
继续阅读