正宗印度菜館

营业中

休息中

今日去九龍城食左一間小店式既印度菜，我哋試咗餐廳既兩人餐，性價比相對來講都幾高！套餐包括小食、兩個主菜、一個青菜同飲品。咖喱角係超大粒，內餡主打咖喱薯仔同青豆，味道香濃。羊肉咖喱配Naan簡直係完美搭配，咖喱濃郁，羊肉嫩滑，份量充足，絕對飽肚。炒飯係用印度米，幾有口感。整體味道正宗，服務貼心，環境舒適，非常值得推薦，喜歡印度菜嘅朋友可以試吓。正宗印度菜館 (九龍城)九龍城城南道24-28號昌旺樓地下C號舖

每次去九龍城都一定會去印度咖哩王細數都幫襯左15年，之所以繼續黎幫襯係因為人情味就算九龍城、啟德再多嘅變化，我都會繼續支持小店佢地嘅Masala chai 係我飲過最好飲Lentil soup 係最有特色，裏面係會加少量飯粒落去，口感好好餐飲都可以試下mango lassi , 都係好有特色，salt lassi 就唔係人人啱，不過個風味係出面搵唔到咖哩可以隨口味加辣，又唔會所有咖哩都係同一隻味 （因為尖沙咀某大廈嗰啲咖哩全部都同一個味）

⚡印度菜一向係小女子飛佛之一，九龍城呢間想試好耐但一直冇機會，今次終於食到😍結論黎講係非常好食，雖然唔算非常正宗果種印度咖哩，感覺係為香港人口味調過，但都係少有嘅高質印度餐廳，重點價錢唔貴+份量足料，兩個人埋單唔洗4舊水，CP值非常高🙌⚡咖哩角🥘餐廳提供3個version，我哋叫咗羊肉，一切開發現咖喱角入面塞滿羊肉碎，當場覺得超滿足🥰外層夠脆，食落香料味好足，羊肉完全唔臊，配埋薄荷醬食一流👍🏻⚡咖哩牛腩 + nann🫓牛腩炆得勁淋勁入味🤤完全唔會起筋或者痴牙，咖喱醬都唔會過咸，岩晒🐻生呢種鍾意直接食咖喱汁嘅人🤣nann普普通通，主要都係為咗配咖哩一齊食⚡燒雞🍗印度名菜之一，同樣燒得好香🥹肉質軟嫩多汁，香料味都偏重，可以配搭檯面果三隻醬食，可以refresh一下味覺，唔會食到後期味蕾麻木⚡Mango Lessi🥭雖然叫mango lessi但芒果味+甜味都唔重😳只係比plain yogurt多咗少少甜味同芒果味，🐻生係冇乜問題的，但可能大多數人（小女子是也）會覺得甜啲好飲啲～🥰

😋今次嚟到呢間印度餐廳，打開餐牌一睇，咁多款選擇，真係令人心花怒放！頭盤就揀咗個熱辣辣嘅素菜春卷，外皮酥脆得嚟唔漏油，入口即溶嘅內餡反差勁有層次，第一啖已經攞到我好感度！主菜方面，羊肉咖喱點上咗一個。講真，個羊肉夠曬嫩滑，淋上辣到剛剛好嘅咖喱汁，簡直係入口即化，唔沾一絲絲羊膻味，搭配嗰片鬆軟嘅nan（印度薄餅），完美融合咁解饞。咖喱香濃啱晒我口味，邊食邊不禁喊出嚟：「嗱，嗰碟真係勁滿足喎！」👍飲品就點咗杯熱辣辣嘅印度拉茶，睇住侍應即場拉茶真係添咗幾分樂趣。嘆一口，暖笠笠嘅香料味整個舌尖都覺得熱烘烘嘅，飲落去心情都覺得好曬！整體嚟講，呢度嘅午餐真係價廉物美，坐定定食一頓又使到我覺得仿佛遊咗一圈印度啲味道，額外嗰份滿足，真係無得頂🌟！下次會再嚟試其他菜式嘅！

去九龍城食飯除咗泰國菜都有好多選擇其中一個就係印度菜🇮🇳👳🏾‍♀️假日嘅午飯時間都唔多人，但環境唔錯第一次光顧我哋揀咗個兩人餐因為單點主菜都要$100以上二人餐就$258，有小食、兩個主菜可以配薄餅同飯，仲有個菜同飲品其實價錢上都抵前菜有個薄脆餅，可以點啲醬料食好快就有咖喱角同飲品佢嘅咖喱角好足料拳頭噤大😂，裡面都係咖哩薯仔同埋青豆為主印度奶茶就一壺，每人都有一杯半飲😋烤雞都係即叫即烤，加上啲檸檬汁有啲酸酸哋，烤雞烤得恰到好處，有肉汁鮮嫩羊肉咖喱配nann係絕配，份量都好足夠，我哋兩個人因為太飽最後都食唔晒個菜就一般，飯都係配咖喱為主其實呢個餐三個人都夠食，最緊要係好食

Not great. We went there this evening as my girlfriend had walked by a few times before and saw that it was busy so assumed it must be good. So, we tried today as we were at a loss on where to go. But it wasn't good. We ordered lamb chops, murgh jalfrezi, daal and a garlic and fruit naan. First came the lamb chops. They clearly weren't lamb chops as per the diagram but instead lamb steak. The meat was of a worryingly low quality. Next came the naan and they were a bit better although t

自從宋皇臺站開咗後, 去九龍城揾食方便咗好多, 今天是去吃辣, 但不是出名的泰國菜, 而係印度咖哩. Curry King 在九龍城巳開咗好耐, 它正不正宗? 唔識評, 但侍應全是南亞人士, 同佢地講英文同廣東話都得. 店舖都算大, 啲枱唔太迫, 就算中午去吃午市套餐, 都會舖白枱布, 好Grand! 店舖外牆油咗紫色, 跟其他舖頭有點與眾不同, 舖頭有個假窗, 由餐廳裡面望出行人路, 好有Feel. 叫咗Chicken masala 同 Butter Chicken。小食，Samosa, 加錢叫埋個印度香料熱奶茶, 雞肉嫩滑, 個奶茶份量十分, 仲成壺上, 茴香跟奶茶十分配, 完成一個 CP值高的午餐. 心滿~意足~, 完美~~~~

尋找味蕾上的刺激，今次找來異國風情的❤️❤️印度菜。個素菜咖喱角夠鬆脆，裡面的薯茸及青豆好夾，真的想再吃多一個。今日叫了不同香料及辣度的🐮，🐔及🐑、烤芝士、炸🧅。仲有個烤餅吃極不嫌，尤其是沾著巴辣汁🍽️，刺激到上天🌼板。總結：每款都好好味，而我比較❤️吃🐑🐑，下次叫埋🐟🐠先。

一間位於九龍城的一間印度餐廳，空間闊落環境不俗，食物選擇多，單單咖喱就有不同選擇，更有不同薄餅選擇。味道正宗，跟朋友一同估盲盒叫咖喱，一邊傾計是不錯選擇。___Gosht Vindaloo + Roti canai（巴辣羊＋烤麥餅）HKD 120＋30味道真的是很好吃！真的很開心！羊肉份量比我想像的要多，羊肉質地淋身，羊肉味重而不蘇，欣賞！咖喱的顏色說明了辣度，辣度吃得過癮，喜歡吃辣的人一定喜歡挑戰，咖喱味香而帶有羊肉肉汁，香而不膩，是邪惡嘅代表！烤麥餅沾上咖喱汁真的是一流，而麥餅最簡單選擇有 Naan和Roti。兩者主要分別，Naan是發酵過的，比較蓬鬆柔軟；Roti是沒發酵的，口感較為紮實。一開始可以先試plain，之後再試加入口味的Naan和Roti也可。特色胡椒脆餅 HKD 14脆餅口感當然是脆脆的，而脆餅會配上綠色薄荷醬，甜甜酸酸味道一流，作為開胃菜是一流，多多我也吃得到。而特色胡椒脆餅即是加上鮮蕃茄及洋蔥，多一個新鮮的感覺。___評價：🖼️ 環境舒服🍜 食物選擇多☕ 正宗印度菜❤️ CP值高推介指數：❤️❤️❤️❤️（五個心心為滿分）

午餐去試，從lunch set menu入面繼續點Chicken masala 同 Butter Chicken。小食，Samosa令人驚喜，又平又好食。醬都很不錯，可以理解食材有冰鮮味的問題，但雞肉滑嫩。醬是餐廳中偏辣，鹹的，可能是想蓋過雞肉的冰鮮味？來得太遲沒naan比較傷心。Masala chaa是一款印度香料熱奶茶，唔甜可以自行落糖，非常「提神醒腦」，八角茴香等味道充盈整個呼吸道，考驗個人口味的一款飲料，慎重考慮。一開頭飲，覺得奇怪，但越飲越上癮的感覺。家庭氛圍濃厚，小朋友返學係度做功課，食物不過不失，但是價錢係一眾餐廳中算平價。適合budget不多，但又想過下癮的朋友來試。

以前覺得食印度菜好多時都要去返尖沙咀先有，但朋友介紹之下認識咗呢間喺九龍城最少有30年嘅正宗印度菜館，覺得好驚喜又抵食，店鋪員工又熱情好客，笑容十足，令人覺得relax。鋪頭唔算好大，Tiffany Blue嘅牆身配埋木色嘅傢私，有啲懷舊嘅味道但係四圍都好乾淨，加上燈光較暗，坐得幾舒服。餐牌上面亦有好多選擇，絕對會花多眼亂，而且全部都好吸引🤤！點完餐佢亦會有啲胡椒烤薄脆俾客人等候期間食，相當貼心。🔹𝐓𝐚𝐧𝐝𝐨𝐨𝐫𝐢 𝐌𝐮𝐫𝐠𝐡 香燒春雞($𝟏𝟎𝟖)：未食前隔離枱食緊嘅香味都已經傳到過嚟，一上枱已經好香，相當吸引。好多地方食嘅燒春雞都係偏嚡口，但呢度嘅雞肉係好嫩滑又啖啖肉，而且肉味夠哂濃郁。🔹𝐏𝐚𝐥𝐚𝐤 𝐏𝐚𝐧𝐞𝐞𝐫印式芝士菠菜 ($𝟖𝟖)：唔好睇個樣好似唔係太討好，其實相當可口㗎。將菠菜打成蓉，香濃有綿滑口感，質感會有啲似咖哩或醬咁，味道清淡但連埋裡面啲芝士就啱啱好。🔹𝐌𝐮𝐫𝐠𝐡 𝐌𝐚𝐤𝐡𝐧𝐢 特式香料雞($𝟗𝟒)：之前同朋友嚟都叫過佢好幾款咖哩，其實都係好惹味，但個人最喜歡嘅都係Butter Chicken。香濃之餘又唔會覺得好肥膩，雞件用小小炭火燒過，所以有啲炭烤味，加埋有少少微辣

九龍城哩間印度咖喱王係我最中意食嘅印度菜之一，皆因佢個set lunch真系抵食到人神共憤，50蚊左右就可以解決三道菜午餐: 前菜、正餐同飲品，內容認真非常豐富。首先個samosa真系好好味道，個皮好酥脆，雖然哩餐嘅碳水化合物已經超標N倍我都KO咗佢。主菜有分量充足嘅咖喱，再配薄餅或者印度飯。飲品唔洗問絕對系要飲masala tea，雖然香料味稍淡，但聊當回味下N年前去新德里出差時嘅風味。最後，餐具上臺時係熱暖咗，裝masala tea個鐵壺保溫功能極佳，臨走都仲係熱到我拎唔起，真系好神奇🧐！

Indian Curry King is my go to whenever I crave Indian cuisines🥰 Its decor is simplistic and modern yet somewhat exotic. Definitely a plus at a time when we can’t travel😂Starting at just $49 (!!), lunch sets include an appetiser, curry, rice or naan and a drink. For appetiser, my all time fav is vegetable spring rolls😋 This time I got curry with lamb ($58) and my friend got chicken ($49). Mine is the reddish one below. The curry is flavourful but not that spicy - very hongkonger friendly haha! An

今次再食九龍城老字號既印度菜，一開始提供一小兜薄脆，沾粉綠色既印度醬汁，酸酸地，好似酸奶感覺。咖哩角內既薯蓉濕度適中，軟棉棉，餅皮略厚，對細食既女仕們，可能食完一隻都飽飽地。呢個芝士大力菜（菠菜），係我必叫既餸，聽個名好邪悪，但食落去唔係好濟，個人認為咖哩角比佢更頂胃，同埋呢款大力菜蓉入口感覺同味道比咖哩清淡D。雜菜（左）、羊肉（中）、雞肉咖哩（右）講真，薄餅普通，唔放得耐，什至覺得似叫貨。而三種咖哩都好味，各具特色，份糧亦足夠。

My friend had been telling me about this Indian restaurant since he knew how much I liked Indian food. Very lucky that we went early, around 18:00hrs for dinner, so we didn't need to wait at all. The overall experience was good. However, I was not quite happy with the seating arrangements. When we went in, there were just one or two tables at the far end of the restaurant. The door area was empty. We wanted to sit by the window, and the waiter rejected, as it was a table for four (two tables for