影片
完全比个炭炉呃左!平时行过, 见咁多人食, 食物又香, 寻日晚饭时间行过, 又唔洗等位, 就坐低食~一睇餐牌原来没什么小菜食, 串烧多数都系$8, 以为好平, 猪牛羊鸡鱼豆瓜各2串!食物来到已经唔对路, 有冇咁细串~ 个炉烧极都唔起, 已经有点唔耐烦!点知小菜又迟迟都唔到, 见厨房有野出, 伙计就对住碟𩠌问每台有冇叫呢个𩠌, 完全冇系统!一行四人叫左4个𩠌, 10-12件串烧:猪牛羊鸡串烧 - 烧完如豆豉般细粒, 落左D辣粉, 只食到辣味完全食唔出边串系猪牛羊鸡!!秋刀鱼烧 - 最抵 $10, 入得口矮瓜烧 - NO COMMENT四季豆烧 - 赚死佢, $8 一串, 一条原长既四季豆都长过佢!!黄金豆腐 - 还可以炒规 - 味OK, 冇肉回锅肉 - 得辣味茶叶鸡 - 冻, 苦, 黑色大家一路食一路忍! D串烧烧完出来都唔见肉, 细粒到有如豆豉!望下张单, 只系串烧都已消费$116啦!最后果碟茶叶鸡烧到黑色又冻又苦, 一人食左一旧忍唔住叫伙计自己埋来食!结果果碟野冇收我地钱! 埋买TOTAL $361! 贵到冇人有, 一人90蚊, 根本冇食过咩落肚!都系果句, 假期系元朗食野, 如果唔洗等位, 千万唔好去食!! 原来真系有原因!!!本人平时好少写食评, 真系忍冇可忍, 不得不分享!!
继续阅读
没有睇过介绍, 只系泊完车咁0岩经过见到呢间野由于间野0系门口摆左几张台, 0的人坐晒出门口烧炉, 行过0个阵见到有自助炭炉烧, 阵阵香味.再睇下个价钱牌, 大部份肉类都只系 8 蚊串, 睇落唔贵, 于是就决定坐低试试间野除左有炭烧炉之外, 亦有有潮洲打冷, 我们 (2 人) 就叫左 12 串野 (猪牛羊鸡样样有0的咁啦, 仲有一条秋刀鱼).再加一碟菜. 炉是免费提供的, 不另收费. 见到实物, 有少少失望, 因为 SIZE 实在太细, 比平时放题0个0的仲细串, 并非我想像中 "扫街" 那种 SIZE. 如此计算, HK$8 并非一个便宜的价钱, 最抵反而系条秋刀鱼 -- $10 only.0的串烧冇乜点腌, 较淡口. 虽然个炉真系用炭烧, 但烧出黎冇乜炭味, 唔知点解, 同沙田0个间广东人小厨有点距离 . 反而碟通菜就炒得几 OK , 两个人埋单 $140 (无叫野饮), 如果系谂住食好野, 呢间会有点失望, 但若果系谂住揾地方坐下消磨下时间倾下偈, 还可以的.
继续阅读
一家四口来到呢间新开的小菜馆。人不多，店面干净，摆设简单，好有住家饭的感觉。其实都唔知呢间野系食o羊架。打开MENU， 好SURPRISE， 因为，大江南北的菜式多有，但系就以上海菜，四川菜为主， 有D菜名听都未听过， 几有私房菜的感觉。为食的我 MENU 上的每道菜我都想食。哈哈！ 价钱好抵－－花旗参鸡汤都只系28蚊，牛尾锅 70 蚊有找。我地最后就决定先试一D 比较 考工夫的菜。一共点了五道菜－－1。巧手蒜泥黄瓜－－ 一上枱就看得出师傅的刀工。平时d 拍黄瓜都系一大旧一大旧上枱ga ma。 但系呢度D 黄瓜就切成螺旋型－－ 咬下去口感特别好。 黄瓜新鲜清脆，调味调得刚刚好，既唔会盖左瓜的鲜味，又唔会淡贸贸。LIKE！2。古法牛尾锅－－ 好大碟！无想到＄68 会咁大锅。 不过，唔好食的话，大锅都无用啦。但系呢，呢个牛尾锅系超好味罗！我平时好怕食牛尾都忍唔住食完又食啊。个汁真系好特别－－系我未食过的味，送饭一流！3。至尊龙皇金沙－－听个名真系估唔到系o羊来的。但店员大力推荐，又话唔系度度有得食，就决定试一试。原来，龙皇就系九肚鱼， 金沙就是我最爱的咸蛋黄。呢个𩠌好惹味， 但一定要即刻食， 如果唔系，冻左就食唔到哥种外脆内软的口感，咸蛋黄亦会流失。咸蛋黄虾 （黄金虾） 我就食过啦，今次呢个配搭就真系无试过o勒。 4。香酥黑醋排骨－－ 好CRAZY ！ 58蚊， 但系我地每人都分到最少两旧来食。我男朋友唔多钟意食酸野架，但系今次都无投诉－－ 酸，甜度都适中。我好唔钟意炸排骨D 肉成日都好 “鞋”－－ 今次呢个就唔会有哥D食紧纸的感觉。 正！5。尖椒皮蛋豆腐－－ 有无食过全只透明的皮蛋？ 我无！ 我从来无谂过皮蛋同豆腐个味可以咁夹架。 真系好惊喜，好得意。必试！食到肚都爆，埋单啦。。＄300 多D 搞掂。 天啊，咁的QUALITY, 咁的 价钱－－ 我好痛恨自己住得远啊。。。可唔可以来港岛开分店啊？走哥阵，我阿哥讲左句： “希望下次来唔驶等位啦。” 。。。。我直觉话我知， 下次再来，呢间小厨会好多人，变成另一间长期要排队的私房菜。建议有兴趣试呢间野的， 快D去试啦。唔系第日唔知要等几耐先有位啊。HAPPY DINNER！！！！！ HIGHLY RECOMMENDED!!!!!!!!!!!!!!!!!!!
继续阅读