正和轩同仁四季，布置特色优雅，带给客人舒适的感觉，是与朋友聚餐的好地方。冰镇南非鲜鲍鱼配凯撒杂菜沙律冰镇鲍鱼弹牙鲜甜，带淡淡的迷人酒香，跟配爽甜的凯撒沙律菜，伴随酸甜的酱汁，口感好清新，让人食欲大增。原盅花胶海螺头炖鸡矜贵的花胶，和海螺头的鲜味，完全融入鸡汤之中。汤头浓郁醇厚，海螺头弹牙，鸡肉鲜嫩，花胶Q弹软糯，满满的骨胶原，既滋补又养颜，是女士至爱。上汤开边澳洲龙虾配香草稻延鸟冬半只肥美开边龙虾，令人垂涎，肉质弹牙鲜甜。上汤带出龙虾的鲜味，稻庭乌冬顺滑 Q弹，每条乌冬挂上香草汁，增添清新的香气。乳酪卷配百花蟹钳 乳酪卷炸到香脆可口，满满的奶香。炸到金黄的蟹钳 ，外层脆脆卜卜 ，内里鲜味弹牙，口感一流。野菌鲜斑球泡菜苗滑溜的野菌，充满独特香气，油泡后的斑球，更加鲜嫩滑溜，相得益彰。菜苗翠绿爽甜，简单美味。椰皇鲜奶炖雪胶椰皇炖鲜奶香气十足，奶味香浓，带有淡淡的椰子甜香，甜度适中。透明的雪胶十分滑嫩 ，既清新又不腻口 ，滋润养颜的甜品，让人喜欢。…查看更多
已经帮衬过呢间餐厅好多次，但未试过体验咁差嘅服务！1. 请你食石仔鲜竹卷
今日打风同屋企人饮早茶，叫左个几个点心，其中一个系鲜竹卷，食到最后一条发现里面有一粒石仔，我地叫侍应过来处理，对方竟然质疑我地点解食到最后先同佢讲有石头，好唔情愿咁免单，期间收走左我地mark左嘅点心纸，除左白眼我地冇收到任何歉意！2. 大模厮样唔落单，早市价钱变午市
由于侍应收左我地张点心纸，我地以为佢已经落左单，等左半个钟后追单时发现冇落到单，而佢哋解决方法就系要我地用午市价钱重新落过⋯⋯好彩我地有影低交左嘅点心纸，同对方理论后亦有比返早市点心纸我地。3. 搞事？埋单比说话你听！
由于本人有揸车想享用商场泊车优惠，加点心前去柜台询问总共几钱，柜台婶婶答我$171，我亦因此追加上述漏单嘅点心（马拉糕$28、桂花糕$21）食到一肚气后终于埋单，呢个时候价钱竟然变左$294！！！！我满头问号❓❓柜台婶婶嘅回应系：「你话我地啲点心冇来加左两个点心啊嘛，啱啱问你几多人又答我三个人！」（对方认为我讲大话想呃茶钱，我亦即场反驳，表示我系明确答佢三个人）我拎张单计返价钱，发现第一次出去问价钱时已经过$200，请问$171呢个价钱从何而来？你地咁大间酒楼，鲜竹卷里面有石仔系理所当然？从头到尾，冇一句「唔好意思」，频频出错我地亦冇投诉，最后埋单竟然仲要比说话客人听？呢几年多次帮衬呢间餐厅，觉得食物质素唔错👍🏼，亦有介绍亲朋戚友去食，但经过今次之后真系唔会再去！步出正和轩嘅我喺到谂：「香港餐厅频频执笠确系抵死！」脑内亦不住浮现若上述事件发生系深圳餐厅，对方会如何处理？白眼？质疑？抱怨？相信大家心内都已经有答案⋯⋯香港餐厅，自求多福啦～～
