歡喜

营业中

休息中

地點好方便既然一間西日餐廳，距離地鐵站3分鐘路程就到。企嚮對面街望過去鋪面好大，霓虹燈招牌好醒目。店內裝修比較西化，有酒櫃、bar檯位同唔少梳化位，但又有一面畫上北角邨既壁畫，增加老香港嘅特色。 Lunch Set價格都幾相宜，60幾蚊起包埋飲品，所以午市都幾受歡迎😋。 ❤澳洲肉眼扒配意粉（蒜蓉汁）$89牛扒叫左五成熟，兩面煎得幾香，而且夠厚，入面保留唔少肉汁，口感好冧而且非常之juicy。意粉係比較爽口彈牙嘅，份量都唔少。 ❤高興全日早餐 $85見到個名咁開心，又有我最鐘意嘅parma ham，就揀左呢個試試😝。材料好足，基本配置好似腸仔、炒蛋、包、茄汁豆、沙律菜同蘑菇都有齊。炒蛋又厚又滑，仲有一層層嘅豐富口感。而牛角包雖然細細個，但都好酥脆香口👍。 ❤Latte, Dirty （跟餐半價）Latte拉花好靚，係一個小驚喜🤩。Dirty就送到黎嘅時候，熱啡同凍奶已經大致融合左，但味道係唔錯的。

Menu 都有10款選擇，原本想食佢地最好既，但係都未坐定就已經吹問食什物，我叫佢轉頭，佢個頭真係轉得好快。（你地睇好食咩未）嘩，這是什麼態度我來兩次服務都沒改善。

話說呢排疫情嚴重都好小放假岀街食飯，但係咁岩今日去買完家具用品後就係北角附近食野，大概中午時間見到呢間歡喜都好多人食，所以就同朋友入去😁入到去店鋪有種cafe既感覺，店舖裝飾都好特別，而且地方都好大，好岩同朋友食完野靜靜地傾計😆我地當日係坐近窗邊位，坐得好舒服👏而野食方面，我地都叫左幾樣野😆全部都好滿意📍黑淑汁牛扒意粉($89) 配抹茶拿鐵 ($17) 呢個黑淑牛扒意粉幾好味，牛扒都好大塊，又唔會太熟，份量都足夠一個人食👍🏻另外，抺茶拿鐵影相好靚👏打卡一流，飲落都唔會太甜📍韓式泡菜雞肉湯烏冬熱鍋($63) 配青檸青瓜梳打($17)呢個熱鍋真係要大讚，好足料，而且好入味，份量好多，二個女仔食都好飽肚😆雞肉甜甜地，真係下次都會再點呢個炮菜鍋，另外，食到岀哂汗好岩飲杯凍野，真係好fresh好解渴👏🌿🌿🌿🌿🌿🌿🌿🌿🌿🌿🌿🌿🌿🌿🌿🌿地址: 歡喜 (北角)北角琴行街21-23號港濤軒地下1-2號舖🌿🌿🌿🌿🌿🌿🌿🌿🌿🌿🌿🌿🌿🌿🌿

一行三人，我地點左一個二人餐同埋一個一人餐🍴點套餐就最好啦，咩都有，唔洗諗咁多野一開波係三碗麵豉湯先🥣呢樣係少少odd既，呢度唔係食西餐既咩？餐湯竟然係麵豉湯🤔二人餐既沙律🥗有胡麻醬通常都好味架啦😋豆腐夠凍，啲沙律菜食落都好乾淨清新二人餐既澳洲肉眼扒（10oz）🥩肉質嫩，有牛味，帶油香質素唔錯，technically可以媲美outback水準但呢度價錢平好多！！二人餐既鹹蛋黃卡邦尼煙肉意大利粉🍝好味～雖然係有少少鹹，但夠曬creamy同埋份量好大！套餐包飲品，我地其中兩杯加錢叫左日本生啤🍺一人餐既煙肉蘑菇薄餅🍕餐飲又係加錢，要左杯士多啤梨🍓奶昔除左套餐之外，我地仲額外叫左個意式番茄醬肉丸🍅同埋雞翼配牛油果醬忌廉🥑其實叫多左既，就咁食個餐都夠飽架啦大家可以自己斟酌😂結尾仲有個紐約芝士蛋糕真係食到捧住個肚走！

行過北角匯，發現到新既餐廳，名叫歡喜，係一間性價比高嘅cafe，係北角區算少有。內裡環境唔錯，餐廳裝飾都ok, lunch 時間唔使排隊，仲安排咗坐卡位，坐得舒服😌lunch set 有 10款選擇，我揀咗all day breakfast, 士多啤梨冰茶，同埋朱古力軟心蛋糕🍰all day breakfast 都多料，有腸仔，巴拿馬火腿，蕃茄，奄列，沙律菜，牛角包🥐，磨菇，茄汁豆，先講沙律新鮮，腸仔內有芝士，巴拿馬火腿少少鹹，肉質嫩，味道唔錯，蕃茄磨菇都好好味😋，食唔停口🤤🤤以咁既價錢，覺得抵食！士多啤梨冰茶，味道剛剛好，唔係死甜嘅士多啤梨茶味，係清甜嘅味道，好fresh😋😋最後係朱古力軟心蛋糕，蛋糕擺盤精緻，蛋糕既質地鬆軟，外層朱古力濃味，內裡仲有少少朱古力醬😋😋😋，啱晒鍾意朱古力嘅朋友。

疫情之下冇咗晚市🙃呢日一早去到港島郊遊，下午早啲行完山順便喺港島醫埋肚😋喺北角慢慢行咗一個圈，喺琴行街近海邊位置發現呢間外觀新穎、內裡裝修富懷舊風嘅fusion餐廳，引起咗我哋嘅興趣，睇下啱唔啱食先😎墨西哥脆片配牛油果醬 (跟餐+$35)呢個小食係啤酒加錢跟餐嘅，每次飲啤酒都好鍾意食呢款墨西哥脆片，貪佢好味得嚟又送到酒😆配埋清新健康嘅牛油果醬，可以輕微減少罪惡感😀鹹蛋黃卡邦尼煙肉意大利粉 ($96)卡邦尼意粉就食得多，但係將佢fusion成為鹹蛋黃卡邦尼就真係未食過🤔未食之前真係好好奇，究竟會係咩體驗呢? 成碟意粉質感做得好Creamy，鍾意食鹹蛋黃嘅朋友有福了，佢絕對會開正你嗰瓣，每條意粉都沾上濃濃嘅鹹蛋黃醬，配上卡邦尼必備好拍檔煙肉，成碟意粉食得相當滿足😄👍青醬雞肉Pizza ($87)難得咁好心情可以飲返兩杯，當然唔少得另一樣送酒嘢Pizza啦。青醬雞肉Pizza，簡單而直接，面頭有少少火箭菜，呢份Pizza份量都唔細，絕對係對得住呢個價錢😃呢個鐘數有Happy Hour優惠！女朋友叫咗杯Riondo Prosecco，我就飲咗杯Suntory生啤！出街食飯嚟講，呢個價錢相當抵飲

大胃王朋友今晚約左我去佢屋企附近既餐廳食飯，哩間餐廳位處北角匯附近，餐廳外表中式帶有份懷舊的味道，入到去睇下Meau,食物款式以意大利菜為主，大胃王朋友話叫個二人套餐，我就想食意大利菜中出名既雲吞，朋友話哩度既pizza都唔錯，叫我叫埋。兩人套餐包左餐湯、沙律、主食(意粉/意大利飯)、甜品及兩杯飲品，我地就叫左一款特飲及一款花茶品嚐 。特飲：草莓＆蕃石榴乳酸梳打用Rocks杯裝住，望落充滿夏日氣息，將底部既果汁攪伴一下就變成淺橙色，飲落有士多啤梨和乳酸既味道，更增進食慾感。 洛神花玫瑰茶用全透明壺及杯上，睇落高貴雅緻，壺內除左見到一朵朵玫瑰花仲有茉莉花，店員加左蜂蜜調和酸味，飲落更甜蜜。蔬菜湯哩個湯獨特之處係當中有好多唔同種類既蔬菜混合煮成，令到個湯更有不同層次，湯底係羅宋湯既味道，保持返傳統西湯特色。日式芝麻汁豆腐沙律好大碟，4片厚身豆腐放係沙律菜面淋埋胡麻醬汁，蔬菜新鮮兼食到唔同既口感味道。 主菜1：海鮮意大利飯海鮮全放於飯面，飯係混合左白汁加上芝士磨片，芝士味濃郁。主菜2：厚切豬扒配蘋果醬塊扒真的好厚身，保留原汁原味，配搭烘烤過既蒜頭和蘋果醬食，簡單滋味。芝士煙肉辣肉腸薄餅piz

而家冇晚市可以食飯，所以連happy hour都要提早，今日4:30就去咗喺北角一間價錢相宜，好多唔同種類嘢食又有洒飲嘅叫 <歡喜> 嘅餐廳HH。餐廳面積都幾大，有好多張向街嘅梳比卡位，最啱就係喺度下午茶傾吓偈，仲有食物價錢真係超級抵，兩個人食咗好多嘢都係$300左右，而且質素非常唔錯，性價比超高。🍾🥂是日HH二人前🍾▪️有汽洒（Riondo Mosca ) $44帶微甜嘅有汽甜洒，幾好飲🥂▪️白洒 Luen Blanche $ 46Dry 嘅白酒，味道都幾易入口，呢個價錢真係好抵飲🫖▪️碟豆花茉莉鐵觀音 $ 28飲飲下酒又想飲啖茶☕️☕️茶味清香好順喉，食蛋糕配茶就係最好嘅飲品🍟▪️粗薯條配黒松露醬 $ 35即炸薯條冇得輸，仲要係我最愛嘅粗薯條，加埋黑松露醬，送洒一流🥙▪️墨西哥脆片配牛油果醬 $35呢度啲墨西哥脆片好特別加咗啲孜然粉，焗到脆脆最配就係牛油果醬🍕▪️辣肉腸煙肉pizza $ 91超級好味嘅Pizza，薄批焗得香脆，餡料嘅辣肉腸同埋煙肉嘅味道鹹鹹香香，拉絲芝士加埋薄薄嘅茄膏，好好食🍰▪️伯爵茶慕絲蛋糕 $35蛋糕帶伯爵茶嘅清香不太甜蛋糕夾住伯爵茶朱古力嘅Mousse ，

自從omicron 喺香港爆咗之後，好少出去食，而且街上面都變得人煙稀疏咗。好憎多人嘅我，竟然好掛住以前人來人往嘅餐廳，夜晚熙來攘往嘅酒吧，同朋友唔使隔住格層板傾偈嘅日子。🥺希望個情況快啲好，可以快啲回復晚市。今日嚟到北角嘅歡喜，我哋一到就滿座要排隊入去。餐廳地方好闊落，我哋坐咗喺靠窗邊嘅位置。有陽光食嘢食乜都特別好食，同埋令人心情特別好。⭐️高興全日早餐（$81）⭐️其實我好鍾意食全日早餐，因為可以每樣食物都食少少，感覺好似好豐富，而且賣相都色彩繽紛。我食全日早餐多過食米🤣，覺得呢度嘅全日早餐麻麻哋。首先佢同傳統嘅全日早餐有啲唔同，用咗風乾火腿，同沙律。牛角包竟然係呢度最好食，有配果醬，但係好搞笑一樣野，個果醬匿埋咗係個蛋後面，我食完牛角包先發現有果醬。同埋嗰蛋煮得太熟，味道太咸。 ⭐️百香果益力多梳打（套餐飲品半價）⭐️百香果味同埋益力多味平衡，酸酸地，幾開胃。而且賣相都唔錯。⭐️抹茶拿鐵⭐️濃濃嘅抹茶拿鐵，幾好飲。⭐️伯爵茶蛋糕⭐️呢個Cake真係好難食，千萬唔好叫。首先完全冇伯爵茶味，我以為尼錯咗。個蛋糕質感唔夠鬆軟，只有甜味，我都唔知自己食緊咩。⭐️紐約芝士蛋糕⭐️佢比起我平時食嘅芝士蛋糕硬身得

今晚同同事係北角收工，咁岩就到晚飯時間，於是就約埋佢去醫下肚啦～黎到琴行街俾我地搵到一間幾有懷舊味道既餐廳，入面既裝修都好似以前既香港添😍首先叫左一碟雞中翼配牛油果醬及酸忌廉($49)，雞翼炸得好香脆，沾上牛油果醬雞肉味仲更加突出添！😋😋我地叫左二人分享餐($308)，前菜就包括是日餐湯同日式芝麻汁豆腐沙律。餐湯係日式麵豉湯，飲落非常清甜而且唔會太鹹！另外豆腐沙律份量都幾多，豆腐食落好香滑👍🏼沙律菜都好新鮮添👍🏼👍🏼至於主食方面我地就揀左澳洲牛肉眼扒(10oz)，牛扒肉身超厚，脂肪都分佈得好均勻，肉質咬落去十分嫰滑，肉汁仲鎖住係入面零舍惹味啊🤤🤤另外叫左蕃茄菠菜芝士雲吞，蕃茄味非常濃郁，而且酸酸甜甜好開胃，菠菜都好青嫰😍😍雲吞都幾有咬口，水準真係唔錯喎！甜品揀左芝士蛋糕，芝士味夠哂香滑，食落去仲唔會覺得好漏👍🏼👍🏼仲叫左一杯白酒同一杯啤酒（金+黑）啤酒配呢個西餐，傾傾下計，時間過得好快，呢間餐廳環境又闊落，好正！

前身叫高興頂左手叫歡喜換哂的後生侍應做啲auntie服務態度完全係amateur 出哂事：1.牛扒叫五成，黎到係幾乎3成粉紅色，同個待應auntie 講 唔好意思唔該幫我煮多兩下，食唔到咁生auntie 轉頭拎份牛扒出黎，話： 廚房叫你食唔到咁生就唔好叫五成2.坐低左叫完餐，見到有個好啲嘅位置就同另一位侍應我想轉位。過左無耐個位auntie拎住杯飲品過黎，「哎呀你做咩自己轉位呀搞到我拎住杯野搵左你幾耐呀！」3. 點餐：「唔該要雞扒出前一丁，面要淋啲」auntie 寫單沉吟: 「ok雞扒要煮淋啲」4. 餐廳播歌，播播下插播m巾廣告....********搞唔掂

限集令之前，同媽媽嚟到北角呢間好有特色嘅餐廳食飯，鋪名叫做歡喜，雖然俾人嘅感覺好似是茶餐廳，但入到去餐廳個環境裝修好現代化，好有特色，好靚，食物質素都好好，絕對唔係茶餐廳可以比。我哋叫咗二人餐，餐湯係羅宋湯，羅宋湯好鮮香美味。我哋嗌咗墨西哥香脆片，配牛油果醬，兩個好夾口感一流。仲有哈密瓜風乾火腿，非常之好食，火腿非常之靚同高質素。熱情果碟豆花茶，兩隻味好夾。士多啤梨益力多梳打，味道都好好味，好配搭。胡麻將豆腐沙律，好有田園嘅感覺，好新鮮美味。鹹蛋黃卡邦尼意粉，好香嘅鹹蛋黃香味，再加上好美味嘅煙肉，成個口感好配合，好值得推介。雞翼都好值得推介，辣得來好有墨西哥風味，外脆內軟。佢嘅西冷扒都非常之高質素，七成熟，牛扒入口即溶，亦都係高質素嘅食材。甜品係芝士蛋糕，好香濃嘅芝士味，配搭藍妹，好新鮮。朱古力心太軟蛋糕，都係好高質素嘅甜品，朱古力流心，再加佢嘅雪糕冰火交融，非常之正！

今晚來到北角這間名叫<歡喜>的西餐廳食飯，就是被這個叫<歡喜>的名字所吸引，同時亦是被這間餐廳的價錢所吸引而走進來的。最吸引的，就是$308二人分享晚餐，而且仲要免收加一，當然要試下。除此之外，餐牌仲有好多100蚊左右嘅一人晚餐，已經包主菜、餐湯同飲品，絶對抵食。餐湯是雜菜湯，用料非常足，入面有好多雜菜，而且仲加咗芝士，味道非常濃郁好飲。二人套餐飲品可選特飲，不用加錢，係必飲之選!!～<草莓乳酪沙冰>草莓味道清新，酸酸甜甜，充滿果香。<士多啤梨益力多奶昔>同樣帶有乳酸果香味道，而且奶昔相當幼滑，非常開胃好味。<前菜：日式芝麻汁豆腐沙律>餐廳毫不吝嗇，用上嘅豆腐同沙律菜份量都非常之多，而且用料仲相當新鮮，豆腐亦非常細滑。餐廳嘅小食一啲都唔貴，都係幾十蚊一款，所以我哋都order了少許來試下。<炸魚薯條 $55>炸魚好大塊，而且仲炸得非常香脆。薯條用上粗身薯條，而且份量非常之多，炸得香脆美味。值得一讚嘅係，佢哋用咗一些香料作為調味，所以入口更加惹味。<洋蔥煙肉流心蛋焗啡菇 $43>

收工去左北角買嘢，順便喺附近搵個地方食埋飯先返屋企。記得之前路經琴行街，見到港濤軒地下新開左間叫「歡喜」嘅多國菜西餐廳，今晚就一於試下。餐廳地方頗大，一室落地大玻璃，採光充沛，加上特高樓底，空間感十足，環境開揚舒服。店内注入了不少懷舊元素，例如花階磚、舊式收音機、電影院燈箱等，裝潢別具格調。餐牌選擇包羅萬有，有齊沙律、小食、薄餅、主菜、飯類、意粉及甜品等。我哋點左個二人餐，另外再加左兩款小食。先試下呢款以煎鍋盛上嘅洋蔥煙肉流心蛋焗啡菇 ($43)，賣相很精緻，用刀輕輕一切，蛋汁便即時流出，橙黃色的蛋黃好吸引，蛋香菇香同樣濃郁，跟煙肉同吃，鹹香惹味又 Juicy。另外呢款經典炸魚薯條 ($55) 味道亦唔錯，魚柳炸至金黃色，咬下外脆內嫩，口感豐厚。薯條香脆而且耐放，就算攤凍左先食都唔會軟腍腍。至於個二人餐就包是日餐湯、日式芝麻汁豆腐沙律、主食、意大利粉或意大利飯、甜品及飲品。是日餐湯為牛肉蔬菜湯，湯身熱辣辣，用料十足，內有薯仔、洋蔥、紅蘿蔔、蘑菇和牛肉粒，湯頭味道適中，不會過鹹，入口帶蔬菜的鮮甜。沙律亦係水準之作，豆腐嘅豆味好香濃，且質感滑溜，味道非常清新，加上墊底嘅沙律菜同甜美多汁嘅車

近聖誕節，今日去咗北角同事屋企幫手佈置，準備開個小型party,攪掂咗一齊去食晚餐，佢話樓下有間懷舊feel嘅歡喜餐廳，主打港式西餐。食物質素唔錯，不防試吓！主食加$12有餐湯，今日係味噌湯，味道濃郁。美國厚切有骨豬扒，豬扒夠大塊又夠厚，但唔會鞋口，中間程粉紅色，肉質細嫩柔軟有肉香味，配以蘋果蓉為主的醬汁，味道帶香甜！加$28 有Suntory生啤，入口有多重香氣。傳統檸檬燒法國黃皮春雞，外層香脆，肉質軟嫩而肉汁豐盛，帶有清香的檸檬味。配少許蔬菜和菇類，吸收咗雞的精華，爽口鮮甜。巧克力Oreo沙冰，賣相唔錯，朱古力味香濃，甜度適中。香辣雞肉欖油意大利粉，雞肉嫩滑，意粉硬度適中，醬汁味道有少少辣，惹味！