歡喜

营业中

休息中

喺附近返工，放lunch去咗呢間食。我叫咗韓式泡菜雞肉烏冬鍋（跟餐飲），上菜時熱辣辣，但調味有啲單調，剩係得泡菜汁嘅酸辣味，雞肉切絲但肉質比較鞋🥲，有少少冰鮮味。烏冬好明顯食得出唔係冷藏嘅稻庭烏冬而係室溫包裝嗰隻，冇嗰種條條分明嘅感覺，比較黏口🤨。個湯底越食越辣，最後食到出晒汗😹。配菜方面都比較單調，有少少雜菌同埋西生菜。環境唔錯☺️👍🏻，裝修幾港式懷舊，播嘅歌係廣東歌，好有feel🤣。

早幾天帶小孩子係北角食下午茶，入到餐廳職員見我有小朋友，所以也安排較寬闊的位置給我♥️，食飯時職員見我小朋友食到成面都是食物也主動拎多點的紙巾給我🫶🏻加上食物質素也很好，我點了白汁雞皇飯和牛油果多士在其他地方比較少，有牛油果多士味道也很好，價錢也合理實惠👍🏻不過雞皇飯食飯有點太乾🫡但還算可以最後小朋友走了出去附近職員打招呼結帳時職員也態度很好🥰餐廳的環境也很特別，是一些電影海報♥️環境也十分舒服😌

舊時未改名前叫高興，當時整體質素較好，之後轉左名做歡喜，內裏裝修、人手等各樣嘢都冇變，唯獨嘢食味道每況愈下。餐廳環境舒適，不但面積大樓底高，仲有梳化凳、高枱等選擇。加上有落地玻璃透自然光，十分營造到悠閑cafe感覺。因坐落舒服又唔貴，所以都食過唔少次。特別係佢嘅早餐，擺盤靚，仲可以free配飲即磨咖啡👍🏻吉列魚柳早餐 配凍咖啡 $42魚柳比以前細塊咗，而且外皮炸得較燶，變得冇咁好食。早餐另配有茄汁豆、半份厚多士同蛋，味道亦較早時失色。

相信喺觀塘/北角返工嘅朋友都會聽過「觀喜」呢間餐廳，因為佢性價比幾高，餐廳亦坐得舒服，係食lunch好地方。蒜香磨菇雞肉意粉$62雞扒煎得幾香亦夠嫩滑，意粉質感夠al dente唔會好冧，成個蒜香汁醬有啲creamy口感，份量亦幾多。性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️建議：lunch去都幾多選擇😀

其實食過一兩次都發覺食物嘅質素係好一般嘅茶餐廳，唔係因為今早落雨、貪方便先至走入嚟食個早餐。11:30am 係早餐last order , 11:55 am 已經走埋嚟幾次想收我枱上面嘅嘢，最後仲直接走埋嚟叫我埋單唔好阻住佢做下午飯生意，其實我杯奶茶都未飲完，枱上面仲有食物添，最搞笑嘅就係其實餐廳只係坐左三份一人都冇，更加冇人排隊等位或者想搭枱，唔知點解覺得我阻住呢，其實咁樣嘅服務態度真係令人好冇癮，幾就腳都好、食物又麻麻，真係唔想再來。

兩年前聖誕買過佢個套餐外賣，印象中係幾好食，之後就冇再幫襯過。今晚經過北角見openrice有二人餐8折就入左去食。餐廳客人唔多，接待態度好nice，俾左窗口位我地坐。我覺得個二人餐8折係好抵，有兩個餐湯，一個沙律，一個扒，一個意粉，兩份甜品，兩杯野飲。而且每樣份量都唔少。整體坐得舒服，食得開心。

早前去影公仔,影完公仔路過北角琴行街見到有一間餐廳掛住很特別的餐牌，寫住Wellcome See u soon ，好像以前舊戲院懷舊風格，很特別！餐廳樓底很高，落地玻璃，有一盞好靚嘅吊燈，入去裏面原來有兩個風格，一邊有酒吧枱，另一邊很港式茶餐廳！當日我一見到「高興全日早餐」即刻叫嚟食，個All day breakfast,有腸仔、火腿、茄汁豆、沙律菜、蕃茄雜菌、薯片奄列同埋果醬牛角包🥐包一杯飲品，不加一 個牛角包都唔似牛角嘅🤣，不過幾脆，炒蛋比較乾身，巴拿馬火腿都幾多份量，沙律菜多汁，蕃茄新鮮，雜菌份量多，腸仔脆口！午餐好多選擇，下次可以試吓其他，例如韓式泡菜雞肉烏冬鍋，同埋華都夫椰絲蝴蝶蝦沙律，我都想試！

以前叫高興happiness而家叫歡喜朝早經過想食份滿足早餐但又唔想去連鎖快餐店覺得呢間有落地玻璃的餐廳樓底好高坐得好舒服早餐選擇好多有麵有扒有包叫左份豬扒餐烤多士+茄汁焗豆+炒蛋+2大塊豬扒只係$4x算係好抵食啦如果以餐廳環境加食物質素黎講價錢親民係北角區一個好選擇！豬扒有2塊 爭啲食唔晒唔會太乾但又唔肥炒蛋好嫩滑最喜歡有焗豆好似食緊all day breakfast一樣配埋杯即磨齋啡呢個早餐真係超滿足呢！

普通茶餐廳一間，服務態度好差。朝早8:10到咗，等緊朋友嚟。8:20有個阿姐走埋嚟，話你仲唔落單會阻住佢，佢話出邊有人排緊隊。我眼望仲有吉枱，而且間餐廳坐唔滿，又冇人排隊，感覺喺度趕客。同埋我冇抗拒其他人嚟搭枱，的確當時有人搭枱，唔明點解要針對我。所以無奈地都落咗單先。最後我份早餐8:35先到，我朋友都係8:35到，完全唔明點解要趕住人落單。今時今日咁嘅服務態度，實在唔想再幫襯。如果唔係因為附近冇乜餐廳咁早開，我真係唔會揀你囉，冇下次。

今日去左北角嘅歡喜，性價比好高，食物份量多同埋免加一。重點係服務態度都好好，你地都可以去試下．---------------------↘炸魚薯條 $55兩樣都係新鮮炸起。炸野只要夠熱即炸都唔會差，呢個都係好好食。↘set dinner $328有湯、沙律、牛扒、Carbonara、甜品(蛋糕)同兩杯飲品沙律係好大好大盤，靜係沙律入面啲雞肉已經夠飽。牛扒有成10oz！出面呢個價錢我諗多數得8oz，呢度所有食物份量都好足！咸蛋黃Carbonara，配搭幾特別。

一早入去北角處理一些事情，見未食早餐餓餓地就順路入去食過早餐。價錢同其他餐廳都差不多，點了雞扒早餐，有厚多士，炒蛋，茄汁豆，當然有雞扒啦，半塊。炒蛋很差，似蛋皮多啲，雞扒很神奇，看外表好像好脆，燒得有點似燒乳豬皮的效果，但食落又腍腍的，仲有些炭燒味，好奇特的雞扒。這間餐廳打卡幾好的，有格調，木枱，精緻餐具...以前觀塘有間叫餐廳高興，裝修同食物都好相似。走的時候見到收銀處旁有個凍飲雪櫃，櫃身有貼上高興二字，不知兩間舖是否真的有關？

當日，因為有OpenRice訂枱優惠所以嘗試套餐dinner set前菜方面：白汁湯 同埋雞肉凱撒沙律白汁湯方面，味道比較清淡，材料都足，適合本人口味沙律方面，雞肉量多，配搭沙律菜以及醬汁作為開胃菜一流主菜方面：肉眼扒，煙三文魚pizza，同埋鹹蛋黃醬意大利粉肉眼扒方面：肉眼扒本身肉質有少少位煙靭，但整體來講肉味都幾充足，但最驚奇嘅地方係佢配偶燒過嘅大蒜同埋蕃茄仲有薯角十分之好煙三文魚pizza方面：係薄批，餅底香脆，同樣香料同埋煙三文魚都好充足鹹蛋黃醬意大利粉方面：好足嘅鹹蛋黃味，同埋配料很多，但醬汁比較結實，唔係比較稀嗰種，味道都幾好最後飲品方面，送兩杯奶茶咖啡之類但最緊要來講價錢真係非常平，喺北角呢個地段，大推夜晚晚餐，同埋最緊要食飯有歌曲點唱環節餐廳內有主場歌手，十分之有趣嘅體驗

位置就腳易搵，係北角匯斜對面就係，有超大落地玻璃，內裡裝修懷舊，有往日舊戲院嘅上影牌等等，另一邊風格就有少少唔同，變返比較前衛去到已經 7 點鐘，盡快趕上尾班車叫Happy Hour 酒同小食，$170一枝意大利Prosecco，加配小食只需$ 35一款，真係好抵，其中我地叫左薯條配黑松露蛋黃醬同埋墨西哥粟米片用OpenRice 訂位用埋優惠，二人晚餐$286，有沙律、湯、意粉、肉食、甜品同咖啡茶，全包冇加一，真係超值餐湯：羅宋湯味道濃郁，酸甜平衡雞肉凱撒沙律沙律菜用上唔同種類嘅沙律菜，健康平衡。雞肉就可能遜色啲，一條條雞絲唔太好睇，不過沙律醬味道搭救蕃茄肉醬肉丸闊條麵份量十足，肉醬同肉丸都唔少，味道唔錯，不過偏乾身，闊條麵又過熟過淋澳洲肉眼牛扒厚身大件，7成熟都算做到肉眼本身都有少少筋，但整體肉質好軟嫩，唯調味欠缺，比返啲鹽會更好甜品係蛋糕仔一件，有朱古力同芝士兩款，質素中上，兩款都軟滑，甜度適中香港要揾免加一嘅餐廳真係好少，而且二人西餐300蚊有找真係超值，頭湯大甜Full Set抵食，只係上菜速度太快，我地食得好趕😅另要讚侍應服務速度、態度都非常好，當日我地打爛酒杯好快處理

我和男友昨晚在「歡喜」這家餐廳過了一個超開心的晚上！我們點了二人分享套餐，分別有是日餐湯、凯撒雞肉沙律、脆香煎魧魚柳和鹹蛋黄卡邦尼煙肉意大利粉，還有兩份是日甜品和茶或咖啡。整個套餐超豐盛，而且味道都好正啊！是日餐湯是白汁蘑菇粟米湯。這道湯的質地非常滑嫩，湯裡有豐富的蘑菇和粟米，味道非常濃郁。湯的口感非常順口，喝起來讓人感覺很舒服和滿足。如果你喜歡蘑菇和粟米，這道湯絕對是一個不可錯過的佳餚！凯撒雞肉沙律的配料很豐富，有生菜、雞肉、蕃茄和麵包丁，沙拉醬汁也很搭配，不會太甜或太鹹。主菜裡面的脆香煎魧魚柳真的是我的菜！魚煎得超香脆，質地也很嫩，搭配的醬汁也剛好不會太油膩或太鹹。那個鹹蛋黄卡邦尼煙肉意大利粉的味道也很濃郁，但不會太膩口，配料也很豐富，有煙肉和蘑菇，真的很值得一試。甜品是一份朱古力蛋糕，看起來就讓我口水直流，入口後更是一試成主顧！蛋糕非常濕潤，口感非常綿密，而且朱古力的味道超濃郁，但不會太甜膩，真的是超美味的甜點。整個套餐價格也很划算，因為我們透過OpenRice訂座，享有了八折優惠價。整個體驗真的超推薦，如果你想和男女朋友來一場浪漫又美味的晚餐，「歡喜」這家餐廳一定要來試試看！我

餐廳樓底夠高空間感很大午餐menu 多款選擇價錢也非常親民點了雞扒腸仔意粉,嘩!!! 雞扒大到有點過份呢雞扒多汁, 煎得很香脆, 只係食雞扒都已經食到好飽如果有得配薯條就完美