歡喜燒 (已結業)

聽朋友講而家好流行自己識轉既串燒，地獄廚神都可以變美女廚神~外場有好多已經串好既食物，有肉類、菇類同蔬菜類，當中不少特別款式，例如台灣腸、牛舌......前菜、飲品同甜品都有好多選擇~另外，熟食同湯品都有準備~而且味道都不俗喔！一入座已經會自動奉上蒜茸燒茄子，燒到口感淋淋的茄子帶有濃濃蒜茸香，好味道~拎咗主角串燒入嚟，店員就好好咁幫我地開爐並解釋一下點操作，原來都好簡單，重點係個齒輪要放得啱~佢就識自己轉架喇~好好玩喎~啲肉類醃得好夠味，而且每款都保持到「一口」既SIZE，好方便~另外，仲有D紙仔可以剔熟食/甜品，真係想食咩都有，又多選擇，食極都唔悶呀!

睇到網上介紹，我又好想食串燒，所以到來一試。交通便利，港鐵站行幾分鐘就到。環境闊落，二人坐4人卡位，非常舒服，可惜3號枱吾夠冷氣、食到出晒汗。哥哥、姐姐招呼好，又溫柔，收碟快。爐火好猛，燒肉類都好快有得食，牛柳夠霖，燒菠蘿🍍香甜，牛舌有咬口，漢堡包🍔仔可愛，榴連炸物、炸蠔、炸蝦香口😘😘 😘台式甜品👍🏽👍🏽👍🏽，可惜搵唔到麻辣雪糕，海鹽一樣好味😋，食吾夠個半鐘已飽到食唔落，下次要約多幾個好友一齊來食

呢日係紅日放假唔洗返工，所以陪展企人行下街~行到咁上下，我地就係附近睇下有咩食😁😁最後決定上黎食自轉無火無煙既串燒放題🤗🤗紅日假期既成人收費係每位HKd$238加一，可以任飲任食任燒120分鐘😆😆仲會每檯送一份激大既蒜蓉燒茄子除左串燒之外，店內仲有自助熟食區同冷盤甜品等等，全部以自取形式供給食客～亦有即制既炸物小食，同樣可以任食架！！！食物平均質素都唔差，款式選擇都唔算少添~而呢度既肉醬意粉真係好有驚喜，當初都係諗住點一份一齊share，點知原有咁有水準，最後我仲encore左一份獨食xppp食完咸食，甜食既種類亦不少！！有齊生果甜品杯、雪糕雪條之外，仲有台式甜品~仙草同芋泥沙冰都好足料，又唔會過甜，一份細細碗，唔怕食到太飽濟加上店員好友善，值得一試呢：）

夏天黎到想bbq但又唔想熱，自轉bbq的確係個唔錯既選擇！！呢晚同朋友黎左觀塘食無火自轉bbq放題人均大概200蚊就嘆住冷氣可以任飲任食兩個鐘xppp串燒早已由店員串好，我地只需要拎我地想食既串燒返回座位放上自轉爐上，等食XD串燒既款式都唔少，整體味道都ok仲有唔同既醬汁可取，總有一款岩口味！！除左串燒，場內亦有主食熟食、熱湯、冷盤同甜品既自助區添～檯面上既食物紙亦有熟食同炸物可剔取全部都即點即炸/焗，質素都唔差呢個芝士焗金菇好正，我地encore左兩三round！！！除左生果雪糕，亦有甜品區係自助區仲有台式圓芋仙草同燒棉花糖做甜品超滿足

任食燒烤黎講算幾多野食除左肉類、燒賣丸類、棉花糖、另外有菜、炸物、各樣小食、湯、飯、意粉、生果、台式甜品、雪糕等等，野飲種類都幾多環境和工具都乾淨有足夠冷氣🙃部機自己幫我哋轉動食物😂係爽既😎一坐低就送一客燒茄子🍆大部分肉類都冇醃*可以自己一邊燒一邊調味調味料大約有：蜜糖燒汁、花生醬、泰式雞汁、孜然粉另外可以問佢拎：鹽/胡椒/純蜜糖等等燒野食我會揀純蜜糖、鹽、胡椒、孜然粉就很好了口味可按自己需要調配 這方便我覺得不錯 👍🏻肉類方面推薦：牛舌，五花腩，雞翼，雞軟骨服務幾好 唯寫紙仔入果啲野食 好耐先出😅二百令蚊 / 位👍🏻整體不錯

官塘出名多嘢食，成日去官塘都未食厭，今日就同朋友去左呢間任食串燒店，串燒店好似已經週街都有，但呢間嘅賣點係個爐! 佢地每枱都有一個會自己轉嘅串燒爐，佢地每串串燒都用特制嘅串串起，串上面有個齒輪，只要放上爐嘅運轉帶上就會自己轉，完全唔使擔心燒到一邊爐晒都唔知! 令到食物360度受熱均勻，燒肉類嘅時候就最有用la，唔會容易燒到乾爭爭~~食物方面，基本上肉類同蔬菜類都好多選擇，係海鮮類比較欠缺，不過佢地另外有即叫即整嘅食物，同樣出式，我推介一口芝士同軟殼蟹漢堡，叫左幾round都仲想食😂飲品甜品當然都係大量供應，我攞左玄米味雪糕，好清新!

見好耐冇去過觀塘行街，今日專登出嚟諗住去工業大廈行吓開倉。由朝行到晚，攰攰地就隨便在工業大廈找到一間燒肉店。他不是日式燒肉不是韓式的那種，他類似是重慶燒的一串串來燒的，肉類方面自助形式，亦有一些前菜，飲品及甜品亦都有很多款。這種燒肉嘅方法太方便了，因為你只要把肉串放上爐便會自然轉動，繼續聊天，直到看到肉有七，八成熟後再加調味料，就是調味料已經有六七種，那就可以避免餐廳把肉醃得太重味又或者無味嘅情況出現，全部掌握在自己手。那天還送一個大的燒茄子，而且甜品方面即叫即整的都有幾個選擇，還有其他炸物即叫即整。由於工廠大廈位置好寬闊，坐得又舒服，又可以慢慢聊天，又不用自己動手燒,但又可以享受到個過程。

之前都有食過呢啲類似嘅串燒放題！嘆住冷氣可以燒烤❤️但呢一間歡喜燒就第一次食！餐廳坐落於喺工廠大廈位置所以環境都好大🤙🏻而且侍應非常之有禮貌😆坦白講‘歡迎光臨’呢四個字雖然好普通，你覺得係老馮🙈但係我確實好耐冇聽過😭所以特別有親切😁一坐低侍應問我哋有冇食過，已經介紹我哋點燒，點order,有咩可以拎。而且好快就會上咗隻燒茄子😄除咗order野你可以任order之外，你仲可以出去攞你想攞嘅！有肉類，蔬菜類，菠蘿，日本涼盤小食，甜品，雪糕等等有驚喜的，因為其他串燒係無咁多選擇

放工同朋友去食 串燒放題, 歡喜燒係樓上舖地方幾大, 坐得寬敞舒服, 我鍾意佢無煙無火室內燒烤, 乾淨衛生。串燒自助區款式好多, 豬牛雞肉類、丸類、蔬菜, 任攞任食自己燒, 放上電燒烤爐, 自動旋轉火力均勻, 估唔到又燒得幾快, 一陣陣焦香撲鼻, 令人垂涎欲滴！除咗串燒仲有自助熟食區, 咖哩魚蛋、炸雞翼、炒蜆、蒜蓉西蘭花。仲可以點白芍菜心、燒茄子、漢堡包仔等, 啱曬我啲咁心急嘅人！放題任飲是常識, 呢度有三個大雪櫃款式幾多。甜品除咗有雪糕、奶凍, 最特別係有芋圓涼粉, 煙煙靭靭, 冰涼解暑！今餐真係飽肚又滿足！

週五晚上觀塘區工廠區人來人往 ， 很多樓上食肆 ，今天來幫襯歡喜燒 ，疫情關係，朋友相隔年半才一起聚會， 我們一行十人， 給了我們一間vip房， 分了三張枱自成一角， 燒肉款式很多調味適中， 燒肉放上爐就會自動轉不用動手， 只需一路聊天一路等著吃就可， 每枱贈送蒜蓉燒茄子一碟， 詢問店員可否再來一客， 他們也很有禮貌地說今天是週五比較爆場 ，先問問廚房有沒有足夠存貨 ，幸好最終也送多我們每檯一碟👍 另外有一些寫紙仔的和 熱葷的食物算中規中矩， 反而台式甜品不太甜很好吃😋， 還有香港品牌海鹽雪糕 一定要試一試， 由於限聚令十點鐘關門大約九點半左右便會通知last call同埋單， 記得生日出示身份證有九折啊

觀塘駱駝漆大廈嘅串燒放題歡喜燒有驚喜喎 😍串燒款款都幾好食，食物選擇豐富，服務好， 環境企理，高出我本身嘅預期。呢間好耐之前都聽過，今晚終於約咗朋友嚟食。放題2小時閒日仲會加送一小時，時間充裕。串燒爐夠猛火，識得自轉，好快就燒熟。期間又可以拎下前菜，好似泰式鳳爪，泰式炒蜆。串燒多款，我最鍾意雞腎，雞軟骨，台灣腸 ，濟州牛肉串，叉燒好有驚喜，好容易就燒到燶邊肥叉嘅味道。除咗任拎嘅食物，仲可以畫紙仔叫小食，仲要有好多蔬菜選擇，夠曬均衡飲食。甜品有雪糕雪條，我試咗麻辣雪糕，味道好得意，辣辣地😂值得一提係有台式甜品，我叫了芋圓芋泥，美味清涼。

平時去餐廳食串燒，起碼都要十幾蚊串，所以都唔敢叫得多，今次俾我發現左呢間嘢就正啦！係任食串燒呀！仲係有埋個爐俾你即燒即食！呢度有成十幾款串燒任取，全部串好哂相當方便！豬牛雞羊樣樣齊，仲有多款蔬菜類、丸、腸等任揀，質素黎講都算唔錯！串燒唔係用竹籤，而係用金屬枝串起，可以循環再用，唔怕唔環保。而且自助形式，食幾多拎幾多，唔貪心嘅話就唔會造成浪費啦！另外餐廳仲有前菜、小食、炸物、甜品、飯面和飲品都係無限任叫任取，所以一定要捧住個肚走人。我自己就最鍾意雞翼串、台灣腸、泰式雞、澳洲牛，仲有估佢唔到既棉花糖！不過要小心睇住唔好燒過龍，我哋第一串棉花糖就係掛住食忘記咗佢，結果燒融左跌咗落去😆😆提議燒棉花糖時就較細個爐去40就可以！另外剔紙仔裡面既蝦春卷同迷你軟殼蟹漢堡都係唔錯嘅選擇！女人又愛又恨嘅甜品方面，凍櫃內大約都係小蛋糕和慕絲幾款選擇另外可以揀台式刨冰，有牛奶、芋泥、仙草底再加配料，今日就試左牛奶底加蘆薈肉、優格魔豆、水晶愛玉凍和芋頭圓，我幾鍾意優格魔豆同埋水晶愛玉，牛奶底嘅味道都唔錯，好彩佢細細碗，少食多滋味，不過最後我都係飽到雪糕都食唔落，太可惜啦！

懶人串燒真係好啱我🤪呢間串燒店任食任飲，最得意嘅係呢度嘅串燒喺出邊拎好之後，就可以返埋位放入機器入邊，佢會自動幫你燒。每次都可以燒成10串以上，得意又方便。任食質素算唔錯，好多嘢食！串燒有唔同嘅調味，有自家製香辣粉、原味孜然粉及辣味孜然粉。我哋都拎咗好多款午餐肉、萵筍、雞軟骨、鴨胸、三色椒、牛肉串、雞肉串等等。另外燒茄子都好大條都幾好食😋出邊除咗串燒之外，仲有已經煮好嘅熟食及前菜。前菜我哋拎咗中華沙律、螺肉、八爪魚🐙、帶子裙邊等等。食完之後出邊仲有甜品及雪糕任食！抵！

呢度嘅串燒係任食，喺出邊自助區有多款不同嘅串燒。除咗串燒之外亦都有唔同嘅小食可以寫紙叫、仲有唔同嘅甜品等等。食物相當豐富。呢度最特別嘅係啲串燒可以放上個串燒架上邊，佢會自己轉，然後啲串燒就會慢慢熟，非常方便！一次過仲可以燒好多串。喺串燒燒緊嘅時候可以喺出邊熟食區度攞啲熟食，有炒蜆、蔬菜🥬、魚蛋等等唔同嘅小食，而且仲有唔同嘅飲品任飲。叫咗炸天婦羅、炸蝦🍤、炸忌廉薯餅、迷你漢堡包🍔、粟米🌽。食物質素都算唔錯、串燒肉類、蔬菜類等等都幾好，最開心係有燒棉花糖。基本上都幾抵食！

上星期朋友黎食過話好食，所以今日book 左位，首先位置闊落，四人座位可以座得好疏同埋係係一張長形sofa，幾好坐一黎到時店員用左一分鐘講解下邊到有得拎野食同點用個爐。枱面上已經有辣味孜然粉、普通孜然粉、自家製香辣粉。野食種類都算多，而且大路野都齊，雞羊牛豬、雞腎、雞軟骨、菠蘿、脆肉瓜、丸、腸等等都有。除左串燒外，佢本身都準備左d熟食可以自己拎。汽水飲品同甜品都係自己任拎既。拎左第一轉野食之後店員就幫我地開爐，另外遞上左3款醬比我地。分別係蜜糖醬，沙嗲醬同泰式辣醬。之後仲送左一碟茄子比我地，切好晒有埋蒜蓉，整得幾好唔錯！整體黎講野食都唔錯，特別推介厚切牛舌！最特別既係，佢個爐同串燒既串串係有凹凸，爐邊有鐵鍊圍住轉，只要放左上去佢就會自己轉，所以超級方便，唔駛自己轉黎轉去，放上去等佢熟就得，唔會燒到好攰，好方便！而且仲有個menu可以叫小食 叫左幾款試下 依個mini版軟殼蟹burger 最正！通風做得幾好，食完都出到去都唔覺件衫話會好大陣味。最值得一讚係店員（可能係老闆😂）都好nice 服務態度超出我預期～遲d會再黎食多次！