歇腳亭 (已結業)

剛剛從呢間Sharetea買咗杯布丁奶茶，喺落單時已講明要半糖，落單期間間舖頭三女一男員工掛住傾偈講笑，個收銀員冇聽清楚我哋嘅order。到沖咗出嚟杯布丁奶茶，我哋發現係全糖，同佢講番時，個收銀員仲態度極之惡劣咁話「乜你自己無睇單呀？咁你自己要睇單囉！唔會換番㗎喇，你自己要睇單㗎！」請問如果當時唔係你掛住玩，點解會落錯單？！只係識將自己犯錯嘅責任推卸落客人身上，老闆請著啲咁嘅員工真係非常趕客，唔會有人想再幫襯囉！

本身買一杯全家doubleQQ奶茶 ，她話沒珍珠。我就話剛就用其他材料補番位，女店員話唔可以，無珍珠唔可以用其他材料補。我之前係其他分店都可以，而且其他分店將飲品的部分材料走會再補番位。之後我就嗌兩杯布丁朱古力鮮奶。拎嘢飲時候，我要另一男店員分開打包，他態度極度惡劣話：唔可以。一句解釋都無，話只可以擺一起or放一杯。好唔明白他們為什麼可以態度惡劣如此。加盟店就是很難控制每一家分店的質量。強烈建議該店的店員要再培訓，不過我也不會再這一家店購買飲品了。我都發現，不是只有我一位顧客有這樣的遭遇。有很多顧客都「享受」過他們的「好」服務。

15/6/2019 @ 銅鑼灣 sharetea行完time Square 熱辣辣想買杯嘢飲飲茶， 附近就得這間歇腳亭…因為男朋友唔飲得奶，所以奶茶類嘅飲品全部都唔飲得， 最後我哋就揀咗益力多… 呢杯樂活綠茶益力多大杯裝$26， 冰唔算好多 一飲咯好多粒黑色大大粒嘅核…… 唔知係咩核…… 但係又咬唔爛吞唔， 好麻煩而且飲落有水果茶嘅味道， 飲得出有橙百香果芒果等等……但係就冇乜益力多嘅味道……有啲失望…… 感覺除咗頭一兩啖有益力多味之外…之後成杯都變咗水果茶

首先我覺得味道和速度唔錯但係服務態度超級差本身已經同店員講咗用奶粉沖 佢又再問我 我又大聲咁講多次用奶粉沖 之後佢就好不滿咁同我講"使唔使咁講嘢呀"然後一直啤住我 到我攞嘢飲嗰陣 佢同我講"其實你唔滿意就唔好買啦"佢對待其他客人都好唔耐煩我實在係忍唔住先要講出嚟我唔明白點解喺咁多旅遊客嘅地方會有服務態度咁差嘅店員佢根本就喺度趕客我唔希望再喺呢間分店見到呢位店員👎👎👎👎👎👎👎👎👎👎👎👎👎👎

叫咗 芋香混珠奶茶 (原價22蚊)，話無細珠，甘無所謂大珠都一樣。點知話24蚊，我就問吾係22蚊咩，佢就話芋香奶茶($20) + 珍珠($4)。 之後我話 我叫既係 芋香混珠奶茶，無細珠甘咪大珠囉。跟住之後黑面佢同入面講，芋香混珠奶茶大珍珠減一半珍珠。邊到會有減一半珍珠，平時係其他分店買無甘既情況囉。由其飲第一啖甜到呢識飛，一d都吾好飲。一d都吾好飲。一d都吾好飲。一d都吾好飲。一d都吾好飲。一d都吾好飲。

因為要工作，天氣又比較冷，所以就買了一杯熱呼的香芋珍珠奶茶，一邊喝，一邊工作。拿到手時，看到新杯子的設計還是挺美的。香芋珍珠奶茶（$22）這杯已經點了三分糖，但還是超級甜！喝起來像是全糖的！奶茶比較稠，熱飲插吸管的地方比較窄，吸珍珠時常常會堵住吸不起來。香芋味有，但也是有人人工的味道，茶的味道基本就完全喝不出來了。珍珠是混珠的，有大有小，煙韌度還不錯。小的珍珠即使冷了還是不錯，大的珍珠冷了以後中間會硬。

琴晚係time square 等人，見口渴想搵間7仔買野飲，但咁貴租既地段搵間7仔真係好難，見到有間歇腳亭，掛住個大既易拉架sell黑糖珍奶，一隻有奶蓋，一隻無咁就買杯有奶蓋試下，其實之前試過幾間黑糖珍奶，大部份味道都差唔多，但呢次飲有奶蓋，可能個奶蓋咸咸地令味道加分，暫時係覺得較為特別既一杯

係CWB行街行到有D口渴咁岩經過SHARETEA平時都只係飲佢普通既珍珠奶茶發現佢都跟風出左黑糖珍珠鮮奶仲要寫住數量限定好似好吸引咁就決定同朋友試試佢!一拎到上手我已經有啲呆左我冇刻意叫少冰但我都估唔到佢可以有咁多冰:'(啲冰塊係好大粒 同其他奶茶鋪唔同!呢杯"冰"飲承惠$30大元!完全啲冰係多到過埋飲品既水平面..珍珠係正常既有黑糖味同軟軟地咁不過唔係特別出色奶都係比較偏甜但冰粒真係將成杯飲品扣晒分因為實在太多冰 溶冰後飲品既味就好快淡左同埋份量好少 好快就飲晒!!!

聽朋友講Sharetea個黑糖奶幾出色 又見佢實物好似幾正於是一試 但失望到頂點無論佢既包裝 相 定實物個樣都唔覺得佢有咁差 叫左杯厚奶黑糖珍珠 含乳霜 $30自問對野飲要求唔高 而且平時飲佢既珍珠奶茶都覺得幾好 但呢杯野 無奶味無黑糖味啲珍珠完全唔覺得有黑糖包住 啲奶完全無奶味 得甜味 好似飲左一杯好多冰既甜奶粉水 無論第一啖飲定最後一啖同樣難飲上面既cream唔好期望太多 係超市都買到既普通cream 總括咁既價錢仲要咁既size 我一定唔會再飲!!

經過銅鑼灣，突然間好想飲珍珠奶茶，就喺歇腳亭隨便買了一杯，厚黑糖珍珠鮮奶，就嘗試下新出的這個厚黑糖，味道很好很清淡，而且不甜，本人都很喜歡。d 珍珠好彈牙好好味。

放假日節目豐富，同好友食晚飯之後，肥髀指明要飲珍珠奶茶，在晚餐餐廳最近有呢間奶茶店，去到門面細細，黑紅色顏色光鮮，店內無座位，只做外賣，都有一個人買，落單男店員有禮，落單問得仔細，攞票等一陣，可以睇到店員沖飲品成個過程珍珠奶茶加仙草凍（$32）少甜，加錢（$12）用鮮奶，封口仔細，我放入手袋搭車都無問題，回家冰係溶咗，份量幾大杯，飲落奶味幾滑，半糖仲飲到茶味，珍珠軟身煙韌，加上滑溜仙草凍，獨特涼粉味道，整體好味！店員有禮斯文，落單問得仔細，男店員又主動問我使唔使轉鮮奶！台灣飲料款式多，實揀得啱！

晚飯後行銅鑼灣，少少口渴，咁啱經過遇到佢，就一於嘆番杯先~🤤呢間服務態度真係麻麻… 店員一邊落單一邊掛住同後面吹水，結果我足足重覆左3次order先成功落到單😥… 條街都幾窄，加上好多人，等嘅過程比人撞到無數次😑。中途店員重行左出黎攞佢放喺街上嘅膠杯，衛生程度有目共睹🤢。珍珠奶茶少甜🥤：牛奶🍼非常香濃，反而毫無茶味🍵可言，不過珍珠好煙韌。總結：對於一向行到邊食到邊嘅我黎講，掃街真係慣哂。但係對於亂將膠杯放喺街度、態度又咁惡劣嘅店員，試問又點叫人返黎再幫襯你啫… 😥

芝士奶蓋最近係臺式飲品店掀起一陣風潮，差不多各大型連鎖臺式飲品鋪都會買到，今日行經銅鑼灣時代廣場對面的<歇腳亭>。天氣再凍都要飲！店鋪位於時代廣場大鐘對面，小食檔和藥房隔籬，其實嗰條路有幾逼有幾狹窄大家都好清楚，再加上鋪頭自己伸咗一個工作臺出來令條路窄上加窄，喺度等真係逼到隨時唔俾人撞死都會俾拉喼碌到腳趾講返個芝士奶蓋系列，有鐵觀音，綠茶和紅茶三種茶類，全部定價$30，定價合乎市價。喺條咁逼咁窄嘅路等十分鐘真係好難捱，終於都捱到杯嘢到手。雖然到而家我都唔明一樣嘢，奶蓋應該係一早整好，茶飲落應該係冇糖嘅，我都唔明點解我順口講話小糖佢又真係照打單然後少到俾我。最唔明嘅係，點解咁簡單嘅嘢連同另外一杯正常嘅珍珠奶茶要等成十分鐘咁耐。講返杯茶先，其實個芝士奶蓋係好味嘅，分量亦都合理，但係就久唔久會飲到一粒粒未完全攪勻嘅奶蓋粒，公平地說唔係粉粒，所以我估佢應該係由好杰好杰嘅奶蓋濃漿再加水開成。下層的茶亦夠濃味夠甘香。其實收銀嘅服務態度同埋要等咁耐真係令到服務分好低，幸好飲品質素挽回不少分數，屬ok水平，會有下次幫襯。

今天約3:30分在該店購買飲品該女店員不但沒穿著制服在店面且態度惡劣竟然要客人重覆3次而自己想點既野飲不但沒有道歉 仲答我：係咩 我聽唔到喎！以後都唔會再幫襯呢間分店！

五點幾想飲小小野。見到歇腳亭就試下。因為平時都係飲其他連鎖店既。本來想叫仙草凍奶茶（$19 大）但當店員問完我朋友要鮮奶定其他，而我朋友話鮮奶之後，就變左$27，單上面寫既就變左「紅茶拿鐵加仙草」我無再專登問點解。朋友就覺得應該係轉左鮮奶既關係。朋友叫左double 全家QQ 奶。結果原來就係有珍珠、寒天、椰果.... 乜都有咁樣。講真，唔知係心理作用定係乜野。轉左鮮奶後硬係覺得好甜咁樣！仙草唔算多！所以應該會試第二次囉。