歇腳亭 (船澳街) (已結業)

飲開ShareTea冇10年都有7年多！今次去黃埔食飯路過買咗一杯！呢杯嘢飲竟然39蚊！唔但冇飛仲冇貼紙！飲咗一啖發現d珍珠竟然係硬架！咬都咬唔到！請問你哋煮好嘅珍珠自己都唔使試下味架咩！！？打電話返去個店員仲話“係咪你自己牙有問題呀”我即刻？？？？？？？？？？？？？？？？？？？？？？？？？？？？？？第一次食評貢獻俾呢間鋪！！！

買過好多次，但計埋今次已經有兩次係：嗌半糖都係比多糖。叫左果兩杯都係糖漿溝水咁，而加疫情都係買完返屋企先開黎飲，幾十蚊都費事特登行返去換。第一次可以叫做新手唔小心，但今次已經係第二次，係d人有心定management出問題？咁basic都出錯，到底係咪冇心做？定係想偷工減料...連埋上次果兩杯，total都洗左100蚊買個不幸...係其他茶飲店冇經歷過同樣情況，仲要兩次....好失望，唔會再幫襯。

今天約了好姊妹，到黃埔逛街。在路途上，我們經過紅磡船澳街的歇腳亭，本人十分口渴，二話不說，點了一杯凍烏龍珍珠仙草奶茶。本人十分喜歡吃仙草 ，所以也額外加了仙草。烏龍茶膽十分濃郁，奶茶很滑口，珍珠口感煙煙韌韌，甜度適中。 仙草也很清涼，滑嘟嘟的， 很好味。讚！

今日經過紅磡，忽然想飲珍珠奶茶，見歇腳亭有杯飲品個名幾得意叫Double全家珍珠奶茶，就叫一杯試下，發現原來杯飲品幾有驚喜。飲品內原來混有 好多材料，包括涼粉，珍珠，布丁，椰果等等，混埋一齊味道唔會亂之餘仲配合得很好，好快就飲完一杯啦，好值得下次再叫!!

世紀伏飲！🤬.《#芝士莓莓 M $26》喜茶出現嘅關係，周圍都推岀水果茶～Sharetea 都唔例外，除咗岀髒髒杯之外，仲岀咗芝士奶蓋tim~ menu張相影得真係好靚好吸引㗎！(￣^￣)ゞ但嚟到手真係差好遠呀，個奶蓋好求其咁放咗上面😅同莓莓mix埋好醜怪(￣^￣)，再講味道，同喜茶真係強差人意🙁，一飲又甜又假... 係藥水味好難飲呀，$26唔係話好貴..但呢杯真係好垃圾呀😉💓.肥妹仔比分: -1/10

和老公去紅磡食午餐，之後老公竟提議去買杯芝士奶蓋，當然好啦！可惜新開的幾間飲品店都沒有奶蓋，看見歇腳亭和附近另一間飲品店，這間比較多人，似乎好像有點保證，所以便去買了一杯推介中的芝芝莓莓。星期日的下午，店舖位置其實又曬又熱，而且有很多人（有在等飲品的、也有是旁邊店舖的姐姐），我們竟等了超過二十分鐘，有些在等的人也忍不住跟職員吵起來了。明白好像剛有些大單，但一杯飲品等這麼久也實在有點過分。職員也不算沒有禮貌，但似乎可以再做多一點，因向顧客解釋也不清楚、飲品也沒有跟單叫號，只叫了是甚麼飲品，十分混亂；未飲也要讓人想要black list了。終於，等了二十分鐘的芝芝莓莓，一看到便非常失望。芝士奶蓋只有頂部的丁點兒，飲品杯蓋也只有給人插上飲管的那種，不像其他飲品店讓人可先嚐奶蓋的那種設計。幾經辛苦喝到的奶蓋，口感也不像其他的軟綿細滑，味道也談不上喝得出濃郁的芝士味了。這杯飲品，老公形容只是一杯貴價的思樂冰。沒有喝過歇腳亭的其他飲品，可能只是個別事件，但既然要勉強hea做奶蓋系列，倒不如專心只做自己擅長的事。

咁一開始去到share tea既時候,咁都唔會抱住太大期望架啦,因為我覺得間間野飲舖都差唔多,冇話咩太大分別。咁我同女朋友就叫左個黑糖珍珠鲜奶飲,因為呢排個個都飲呀嘛咁我第一啖飲既時候,「嗯 呢個就係我想要既味道」依家有好多賣黑糖珍珠鲜奶既舖一係奶味唔夠重,一係淨係得奶味。完全唔太吸引,但係share tea比到我未嘗試過既感覺。佢可以做到奶味同黑糖味都做到啱啱好,而且粒珍珠都幾有口感,數量都唔少。所以大家想試下既話都可以嚟試下

I’m an Asian-American living in HK. I understand Cantonese but am unable to read Chinese. I went to the Sharetea in Hung Hom today and there were two staff working there, one girl at the cashier and one guy who makes the drinks. The cashier changes sometimes but I always see the same guy at the back. I couldn’t read what I wanted to the girl so I said “I want (Cantonese) milk tea with red beans (English) and the girl told me the price in English. I gave her 100 and unfortunately, their cash regi

今日夜晚9點左右收工去左買杯芋香奶茶加大珍珠味道唔錯，比起其他sharetea！珍珠有咬口，服務態度好，仲會主動問是否少甜少冰需唔需要膠袋！品質好服務態度好左，比起之前果間！

今日落去黃埔行街，去咗這間鋪買咗杯珍珠奶茶，之前都曾經幫襯過，好似換咗人，態度味道速度都正咗好多，門口收銀不停都有笑容。同類型店鋪我都有幫襯開感覺呢個品牌最好味，

首先買杯野飲唔打招呼，唔問洗唔洗少糖少冰甘都唔重要.落完單十秒內我先醒起自己想少甜就問：「唔好意思，可唔可以改少甜」之後佢話下次早d講，做左唔換得⋯⋯甘我都覺得自己理虧，就無再講d乜。但真心覺得呢啲態度唔得囉。杯野飲係我飲過世界上最難飲既野只有糖水味，乜味都無。 甜到我真係以為飲緊糖水⋯⋯

去到點餐檯前，落單的店員先向我翻左一個白眼先，冇打招呼，都冇所謂！明明叫珍珠奶茶中杯去冰，結果落單變成朱古力奶，因為唔想飲朱奶，同佢講番矯正，又翻我一個白眼先再改單，而且呢個女店員晨早流流一副未瞓醒嘅樣呢！再講，哪怕我表達不清，令你落錯單，都唔應該翻人白眼，都唔知咩服務態度，以前晚餐前去買個陣時，落單嘅女店員服務又好，對人講話又清楚大聲，都唔知去左邊度，希望以後老闆請人，擦亮雙眼！真係呀！飲著最愛的珍珠奶茶都唔開心了！

本人位於紅磡店sharetea，在2月9日晚上9點41分於貴店購買熱蜂蜜綠茶，落單時說明清晰，但落單既戴眼鏡黑髮年約20歲既伙記落錯單，當我發現單上係凍既蜂蜜綠茶後，望到店內黃外套短褲女店員跟戴眼鏡金髮瘦男店員在嬉戲，並未沖調好飲品，於是要求轉翻熱飲但被拒絕，話沖左唔要得，態度非常差我碰巧月事黎根本唔飲得凍野，重要該日天氣得12度！之後被迫要杯野，我唯有丟棄。本次購買體驗非常差！希望貴公司能改善店員服務質素和態度

行到熱辣辣， 揾杯野飲下叫左個鳳梨綠茶要少冰少甜一啖飲落去透心涼 唔會太甜 裏面有鳳梨味的啫喱 我再加左蘆薈粒粒蘆薈都好爽口好有口感雖然叫左小冰係都好夠凍 天氣熱辣辣飲左一杯，真係夠曬解渴消暑

行到熱辣辣，一向不愛飮凍飲嘅我忽然停下腳步，試一試朋友介紹的台式凍飲!原来有那麼多的選擇，我揀左寒天冬瓜茶!原来還可以揀少甜和少冰，加珍珠或加寒天等等。。。。冬瓜茶入口清甜，好解渴寒天原来是一粒一粒既爽口又煙韌的好有口感呢原来凍飮有咁多選擇和好味呢