影片
见门口好大个易拉架宣传有台湾烧仙草卖，写住烧仙草嘅配料有芋圆、蕃薯粒、大小珍珠、红豆。我问店员可唔可以走珍珠，佢望咗好耐，好似唔知有呢样产品咁，佢跟住去同另一店员讲，最后确认系可以唔要珍珠。外卖等得唔耐，仲好重手，点知一食先发现唔止走珍珠，系得返烧仙草、红豆同白色嘅丸子（我唔知系咩，都系烟韧口感）。碗嘢成$36，一粒芋圆都冇，劲揾笨。*我提交嘅相片系我自己加咗奶捞埋嚟食，佢本身系冇奶。睇返2019年有个食评赞烧仙草配料好丰富，我就冇咁好彩喇，如果一早知道冇芋圆，我根本唔会帮衬，未食过一碗烧仙草系得红豆同丸子，啲白色丸子仲要痴埋一大嚿咁，煮得劲差，好冇心机，倒自己米咁。呢个价钱好唔值，宁愿买花斑茶社嘅芋圆仙草好过，人哋咁多分店都做到出品水准一致，足料又好食。我今次只系贪就脚先帮衬，点知就中伏。想食芋圆嘅朋友要小心。
继续阅读
唔好帮衬间中伏店！工人姐姐帮我落去买杯热既香芋鲜奶即餐牌上既手感芋头鲜奶，亦系唯一一款既芋头鲜奶，点知返到屋企工人姐姐比我果杯完全唔知咩垃圾黎，当时正值就嚟收铺时间，怀疑员工唔知系咪赶收工求其整杯有芋头既水 就交货，同我之前买既味道所有野都唔同，之前买既有粒粒芋头系入面，呢杯系直头第二款第二杯野黎！离晒大谱！我叫工人姐姐落去换，同佢讲比错，但我工人姐姐系同佢讲taro milk 同埋佢餐牌只有一只款芋头鲜奶，其实都无理由可以错！个职员录音我听话唔换得！仲要补钱都唔得！要重新买！差都无人有呢间铺！不知所谓！千祈咪帮衬叫野饮都可以中伏！
继续阅读
我本身电话外卖咗三杯嘢饮，预备10分钟后领取， 但我去到时候系虽然已经15分钟，但佢一杯都仲未整🤔仲整紧其他客人刚下单嘅嘢饮，当我询问领取饮品时，店员才开始整我三杯嘢饮，令到我需要使用30分钟才可以领取饮品🤦🏻♀️但问题系我系第一位落单，而后面那两位是之后才来下单，令到我赶唔切系预定时间内搭车😵而且店员还把我的饮品弄错，系我嘅询问下佢才肯去重新用新的食材重新制作，电话落单嘅意义完全没有🥲
继续阅读
大路预制饮品，普通，价钱稍贵分别买佐桂圆红枣茶及姜母奶茶。预制产品加糖浆/热水，同三合一咖啡咁。品质普通，价钱稍贵环境算干净企理。职员服务普通，标准。不过，门口写住买二减一，但职员忘记减俾我
继续阅读
有天在附近工程，因此很久没有过海的历史终于过去，于是查找看看北角有什么好吃。吃完青藏牛肉面都不算十级饱，而且现在的夏天日日30几度，我也难免觉得比较炎热，于是就看看有什么好喝，不过咖啡店生怕等得久，二来又要喝热咖啡的话会更加热，于是就随便点了杯咖啡冻奶茶。咖啡冻奶茶，奶茶的味道起初也不错，不过当冰粒溶化了，去到半杯以下的都已经比较淡，比较可惜，不过咖啡冻奶茶的长处就是咖啡冻够多，而且不会像珍珠一般，浸得耐会软林了。
继续阅读